الفزعه يالنشامى

[حمود الصعيبي]

السلام عليكم يا رواد هاذا المنتدى الشامخ أنا مجرد معلن عن ظياع طير صديق غالي علي طلب مني وضع الخبر في المنتدى أن له طير حر حمر ضاع قبل تقريبا 4 أشهور ونشد ودور وهو في رجاه مكان ظياع الطير جنوووب مدعى الفاضلي من عنده خبر أو علم بالطير لايقصر فينا الناس لناس والكل بالله والعلم الطيب يزود راعيه رقم صاحب الطير0567944825ورقم الجوال اللي بالحجل0500777658

[ابوماجد6641]

الله يعقله ان شاء الله ونا بعد ونا اخوك ضاع لي حر مثلوث في نفس التوقيت ولا له خبر لين الحين والله العالم ونا اخوك ان الطيور مقضوبه لنها طولت لكن عسى الله يعقل لي ولكم

[الغرشوب]

الله يعقل طيوركم .ويرد لكل مسلم ضايعته ..

[(هزاع)]

الناس لناس والكل بالله
والله ياللي يلقى الضايعه ويخفيها ولايعلن انها عنده ولايتحرى عن راعيها
انه أثم مذنب وبيلقى عقوبتها
فما بالك بالطير اللي به حجل او شريحه وحجل
مكتوب به فلان بن فلان ورقم الجوال كذا كذا
والرجال اللي يشري من السوق ولا من يد المحرج لايفرح برخص الطير قل للبايع عطني بطاقتك اباخذ اسمك وخل يسمع البيع رجال معروف ون رفض اعلنها بالسوق ولاعليك منه

[راعي شلهوب]

الله يعقل عليكم وعلى جميع المسلمين

[عواد الشمري2]

الله يعقله عليك