افزعوا يالربع بالعلوم اللي تسر

[ابوعلي العجمي]

السلام عليكم ورحمة الله وبركاته
عندي فتك ماشي عليه 190000 ولا غيرت زيت القير حقه ابد يعني من وكالته
وشيكت عليه ما نقص هل هناك مشكله ترا خرشني واحد توا ولا نستغني عن علمكم

[راعي طويلات]

وعليكم السلام ورحمة الله وبركاته
تطمن يابو علي مدامه مانقص أموره زينه بس تأكد من لزوجته إذا هي تعبانه غيره أفضل لأن الزيت الي يجي بالموتر من المصنع عمره أطول من الي نغيره عندنا وأكثر مايعدم الزيت الجور الزايد والسرعة وكثر تحويله بالنمر الاختيارية تسبب احتراقه ونقصه إذا سلم منها بيعيش مدة طويلة

[رجم العنا 111]

نادر ماينقص زيت القير .. النصيحة لك غيره كل 60 الف كيلو والافضل تغيره عند ورشة ابو صالح التركي (باترول ) الوكالة ينزلون الزيت القديم ويعبونه زيت جديد ويشفطون الي بجيبك ومع السلامة لايغسلون الفلتر ولا شي

[ms662]

اخي الكريم انا مغير زيت القير بورشة الشنيفي 400 ريال اذا ماكنت غلطان
والرجال يقول لاتغيره الا بعد 200 الف كيلو اذا ماكان ينقص
والراي لك

[sgl2002]

التماتيك لابد من تغييره كل ١٠٠ على الاكثر

وغيره عند ابو صالح التركي لكن تاكد انه مايحصل اضرار

[سبع الخلا 911]

تطمن لاتغيرة الى بعد 200 الف مادامة ماينقص

[رجم العنا 111]

ترا زيت القير اذا مانقص تخف اللزوجة حقته وهذا شي يضر التروس