سؤال للنقاش بخصوص المزاد

[فارس 74]

السلام عليكم
يا أهل مكشات الغالين مبطين عنكم ومشتاقين واسال الله ان الجميع يكون بخير

دار اليوم في المجلس سؤال واختلفنا عليه وقلت اعرضه عليكم ياأهل مكشات
نبي نشغلكم شوي بالصيف ونحاول نجد عندكم الجواب الصحيح واذا احد مر عليه مثل هالامر يمكن يفيدنا وخصوصا ربعنا اهل الحجاز لان عندهم مزاد يومي في الموسم واكيد مر عليهم مثل هالامور

ماني مطولها عليكم:

لو قدر الله وطرحت لك طير وقبل توديه للمزاد كلمك صديقا لك غالي وقال يافلان
انا والله وي اشتري طيرك بس اخاف اظلمه بالقيمه
نزله بالمزاد ولا وقف علي سعر رد لي الخبر اما قلت لك شريت ولا قلت لك بيع ؟؟؟

في مثل هالحاله لو وقف الطير علي سعر هل يحق لي اني اخرج بالطير من المزاد وانا مبيت النيه ابيعه لرفيقي بفرق بسيط

واقول لهل المزاد ماني بايع بالقيمه هذي وانا صادق ابي ابيع بزياده لرفيقي؟
مع العلم ان اهل المزاد بعضهم يزاود علي الطير وجاي من بعيد ولو يدري بالقيمه اللي سام فيها رفيقي يمكن يزيد عليه ؟


بعضنا قال مالك حق تطلع بالطير من المزاد وتبيعه بقيمه انت مبيتها بخاطرك لرفيقك
غشيتهم وخليتهم يزيدون وانت متفق مع رفيقك تبيعه ان جاز له السعر بدون لا ترجع للناس اللي يزيدون ؟


وبعضنا قال مافيها شي اهل المزاد وقفوا علي سعر ورفيقي زاد عليه برا وانا سافط له
وابي ابيعه بفرق بسيط بدون لا رد لهم خبر وطلعت الطير من المزاد ناويه لرفيقي؟



انتم وش رايكم؟:D

[الغرشوب]

حياك الله .. والله انت قلت صديق غالي .. والله انت حيرتنا :D دامه صديق غالي .. ان كنت بـحاجه ابي ابيعه له بالي يسد حاجتي او بدون حاجه ابي ابيعه بيعه سمحه ولا هدو :D

[فارس 74]

والله بكتب الموضوع بخيمه الصقور وحطيته بخيمة البيع ويمكنها خيره

[فارس 74]

حياك الله .. والله انت قلت صديق غالي .. والله انت حيرتنا :D دامه صديق غالي .. ان كنت بـحاجه ابي ابيعه له بالي يسد حاجتي او بدون حاجه ابي ابيعه بيعه سمحه ولا هدو :D


هلا وغلا يالغرشوب


فيه راي يقول دامه غالي وتحبه بعه الطير بالقيمه اللي تخارج برا المزاد
اما لا دخلت الطير للمزاد من حق اللي واقف عليه السوم تعلمه كان احد زاد
حتى من برا المزاد اما قنع ولا زاد عليه ؟

[سلطان 1]

ارحب يابو فايز
يالله حيه حي الله رااااعي مخيفه.
اما بالنسبه لنقاااشكم
انا اشوف والله اعلم
انك الياااا نزلت طيرك الحرااااج ووقف علي قيمه
وقمت انت في حزتهاااا وكلمت رفيقيك وعلمته وانت في الحرااااج بسوم الطير
ان زااااد وفرق السوم وقلت للي كانو يزاااودون بالطير ان فيه واحد فرق السوم علي التلفون كأنهم بيفرقون مرحباااا وكأنهم قالو يستأهل فأعتقد والله اعلم ان مافيهاااا شي.
اما اني اخلي الرياااجيل يتساااااومون ويتزاااودون في الطير وانا مبيت النيه اني مانيب بايعه لهم واببيعه لخويي فأعتقد والله اعلم ان فيهاااا شكه.
لكن المفرووووض انكم تسألون شيخ يفتي لكم في هالسالفه.
وسلااااامتك.

[ذراع الذيب]

السلام عليكم ورحمة الله وبركاته..
صبحت بالخير يافارس..

هلا والله وغلا وينك مبطي عن المنتدى؟؟ مرحبابك مليون..
لاوالله مالك حق ابد تظهر الطير من المزاد ومادام لي خوي عزيز وغالي رغب الطير احده عليه بالقيمه اللي ترضيه وترضيني..
وخويك يبي يعرف قيمت الطير بالسوق ولو اني مكانه بأعطي الطير حقه وان كانه خوي ماعليه خوف مابيبخس قيمته(والصديق المخسر عدوً مبين),,
ولاهنت على هالموضوع وتحياتي لك,,

[(هزاع)]

اسمع كلامي يالنشمي
ياقف بالسوق بالمثل على يد المحرج ويتساوموه المسلمين وياقف السوم (7000)ريال على فلان
تقول اصبرو ابرد شور تكلم خويك تقول السوم (7000)ريال يقول بالمثل علي (8000) تقول يامحرج على عبدالله بالجوال (8000) احد له زود قالو( لا )
بالحاله هذي تقول لعبدالله بالجوال نصيبك وتراي ابعطي المحرج(400) يصبح عليك ياعبدالله الطير(8400)
ماتضلم المزاوده بالسوق ولاتضلم عبدالله وتعطي للمحرج عرقته
والله اعلم مني ثم كثير من المسلمين

[أبو أمين]

هلا ابو فايز

السفطان والمزاد ما يجتمعان اما الاوله ولا الثانيه وانت سيد العارفين

حد الطير بقيمته اللي يستاهلها واخصم السفطان وبيعه لرفيقك .

ولا ان دخل المزاد انا ارى انها ماهي زينه في حق اللي يزاودون ولا راح تسفط لخويك

لعلمك بالمجاكره فالسوم فلا كسبت هذي ولا ذي .

تحياتي لك وسلم على الربع كلهم .×

[GHAAM]

كلام أخوي أبو مشعل 10على10

[انور العنزي]

هلا ومرحبا انا من وجهت نظري ان صديقك يوكل واحد مو انت راعي الطير يوقف على الطير بالحراج ويزاود مثله مثل غيره رجال غايب ينوب عنه احد بالحراج ويتفق معاه بالتلفون ويسوم بلي يخارجه اما انك انت ياصاحب الطير تقول الطير انسام بهالقيمه بالتلفون تزعل الموجودين طيب هم حاظرين المزاد وين الرجال غايب. اما اذا بتسفط لرفيقك هذا شئ ثاني بينك وبينه قبل الحراج اما اذا دخل الحراج

[ابوعزوز3]

انا اقول والله اعلم ان الصواب مثل ماقال اخوي سلطان واخوي هزاع يعطيكم العافيه

[@السيف@]

هلا ومرحبا انا من وجهت نظري ان صديقك يوكل واحد مو انت راعي الطير يوقف على الطير بالحراج ويزاود مثله مثل غيره رجال غايب ينوب عنه احد بالحراج ويتفق معاه بالتلفون ويسوم بلي يخارجه اما انك انت ياصاحب الطير تقول الطير انسام بهالقيمه بالتلفون تزعل الموجودين طيب هم حاظرين المزاد وين الرجال غايب. اما اذا بتسفط لرفيقك هذا شئ ثاني بينك وبينه قبل الحراج اما اذا دخل الحراج

بيض الله وجهك اتفق معك
لانه صاحب الموضوع تكلم من صفا نيه لكن هل كل الناس مثله افضل ان السوم من غير صاحب الطير حتي لا تدخل في انفس الناس الشك والريبه

[شداد الرحال]

انا اقول والله اعلم ان المكان المتواجد به الطيروصارعلى الطيرحراج فيه ومزايده ووقف الزود البيع .البيع يكون من نصيب اللي وقف عليه الطير. هذا اذا راع الطير أعجبته القيمه . اما تبيت النيه اشوف انه حرام . واسألو المشايخ والله اعلم .

[أبو فيصل]

ما شاء الله ردود رجال عارفين و متمكنين من السلوم و الدين

أنا عندي طبع ما يعجب بعض الناس وهو لبغيت الطير وهو يسام برخص أحوّل عليه من فوق يعني بالقيمه اللي في بالي (حتى لو أفرق بــ 5000) ... أن باعني الله يطرح البركه للجميع وأن ما باعني بصره يدخله الحراج ولا يبيعه بأردى الأثمان أنا سمحت من الطير في الحال ... والبيع و المشترى له حزات أن ما تغانمتها راحت ولعاد تحصل لك مره ثانيه.

أذكر مره يسام طير في المنتدى فوق العشره و أفرق السوم بــــ 22000 ولا باعني ويوم أتصلت وألاّ الطير مهوب للبيع أصلآ !! وأنا داري أن سوم المنتدى ظالمه لكن سومتي معاد أحد فرق عليها و أنتهى الموضوع.

[فارس 74]

هلا وغلا يابو فيحان

انا بعد اميل لنفس الراي هذا والله واعلم انه الصواب لكن خلنا نشوف راي باقي الاعضاء
يمكن نجد راي ثاني.

[فارس 74]

السلام عليكم ورحمة الله وبركاته..
صبحت بالخير يافارس..

هلا والله وغلا وينك مبطي عن المنتدى؟؟ مرحبابك مليون..
لاوالله مالك حق ابد تظهر الطير من المزاد ومادام لي خوي عزيز وغالي رغب الطير احده عليه بالقيمه اللي ترضيه وترضيني..
وخويك يبي يعرف قيمت الطير بالسوق ولو اني مكانه بأعطي الطير حقه وان كانه خوي ماعليه خوف مابيبخس قيمته(والصديق المخسر عدوً مبين),,
ولاهنت على هالموضوع وتحياتي لك,,

هلا وغلا ياذراع الذيب وسأل الله يوفقك بالوحش انشالله

كلامك صحيح لكن لاصرت دخلت الطير المزاد هل يحق لي احد الطير علي رفيقي بالقيمه اللي ترضيني بدون لا اخبر اهل المزاد والرجل اللي واقف عليه السوم؟

ولا احد الطير علي خويي وعلي اهل المزاد بنفس الوقت ؟

[عواد الشمري2]

هلا ومرحبا انا من وجهت نظري ان صديقك يوكل واحد مو انت راعي الطير يوقف على الطير بالحراج ويزاود مثله مثل غيره رجال غايب ينوب عنه احد بالحراج ويتفق معاه بالتلفون ويسوم بلي يخارجه اما انك انت ياصاحب الطير تقول الطير انسام بهالقيمه بالتلفون تزعل الموجودين طيب هم حاظرين المزاد وين الرجال غايب. اما اذا بتسفط لرفيقك هذا شئ ثاني بينك وبينه قبل الحراج اما اذا دخل الحراج
:good2: كفيت ووفيت

[فارس 74]

اسمع كلامي يالنشمي
ياقف بالسوق بالمثل على يد المحرج ويتساوموه المسلمين وياقف السوم (7000)ريال على فلان
تقول اصبرو ابرد شور تكلم خويك تقول السوم (7000)ريال يقول بالمثل علي (8000) تقول يامحرج على عبدالله بالجوال (8000) احد له زود قالو( لا )
بالحاله هذي تقول لعبدالله بالجوال نصيبك وتراي ابعطي المحرج(400) يصبح عليك ياعبدالله الطير(8400)
ماتضلم المزاوده بالسوق ولاتضلم عبدالله وتعطي للمحرج عرقته
والله اعلم مني ثم كثير من المسلمين



هلا وغلا. اخوي هزاع عزالله كلامك مقنع واتفق معاك ونشوف راي باقي الاعضاء
لاعدمتك.

[ذراع الذيب]

هلا وغلا ياذراع الذيب وسأل الله يوفقك بالوحش انشالله

كلامك صحيح لكن لاصرت دخلت الطير المزاد هل يحق لي احد الطير علي رفيقي بالقيمه اللي ترضيني بدون لا اخبر اهل المزاد والرجل اللي واقف عليه السوم؟

ولا احد الطير علي خويي وعلي اهل المزاد بنفس الوقت ؟
هلابك ابوفايز,,

ومرحبابك يالغالي يالله حيه.... والله يجزاك خير ويوفقنا وياك فيما يحبه الله ويرضاه..
والاخوان ماقصرو واذا جات على المزاد خويك ماله الا يزاود على الطير مثله مثل الرياجيل..
ولابغيت تحده عليه وعلى المزاودين في نفس الوقت هذا شي راجع لك ومافيها شي..

[فارس 74]

هلا ابو فايز

السفطان والمزاد ما يجتمعان اما الاوله ولا الثانيه وانت سيد العارفين

حد الطير بقيمته اللي يستاهلها واخصم السفطان وبيعه لرفيقك .

ولا ان دخل المزاد انا ارى انها ماهي زينه في حق اللي يزاودون ولا راح تسفط لخويك

لعلمك بالمجاكره فالسوم فلا كسبت هذي ولا ذي .

تحياتي لك وسلم على الربع كلهم .×



هلا وغلا يابو امين

صاادق يابو امين بكلامك بس فيه طريقه تسفط لرفيقك بالمزاد بدون لحد ينتقدك
ونبي نشوف باقي الاعضاء.