^^^ تجربتي بعد تغيير وقود الجمس من 95 إلى 91 ... والتغيرات اللي حصلت ^^^

[الصقر الحربي]

بسم الله الرحمن الرحيم

السلام عليكم ورحمة الله وبركاته

كنت متردد قبل التغيير لأن كل ما سألت واحد قاال لا تغير وعزمت أني أغير البنزن و هذه تجربتي بعد ما غيرت بنزين السيارة من 95 إلى 91 ..

نبدأ بالتفصيل :

السيارة جمس إنفوي 2005 __ 6 سلندر .

المشاكل اللي كنت أعاني منها قبل التغيير :

1- ضعف بعزم السيارة بشكل غير طبيعي : يعني بوقت السفر إذا أرتفع الخط سرعة السيارة تصل إلى مية وأقل .

2- السيارة تطفي كل فترة .. أحطها بالD وتطفي .. والفترة الأخيرة صارت متكرره ..

3- رجه قويه والسيارة على D وماسك فرمله .

4- لمبة المكينة كانت والعة على طول .

5- الصرفية الزائدة والتكلفة ..الفل بين 50 إلى 60 ريال

_ الفروق بعد التغيير إلى 91 :

1- عزم السيارة تغير 180 درجة إلى الأفضل .

2- السيارة ما عمرها طفت بعد ماغيرت البنزين لها الآن تقريبا 4 شهور .

3- الرجه خفت بشكل ملحوظ .

4- لمبة المكينة طفت وبعض الأحيان تشتغل بس الأغلب إنها طافية .

5- قلت صرفية البنزين والتكلفة وصرت بدال ما أفلل السيارة ب60 ريال صرت أفللها من 35 إلى 40 ..

هذه التجربة اللي حبيت أفيدكم
وأعذرونا إن كان من قصور بالشرح

تقبلوا تحياتي أخوكم : ماهر الحربي

والسلام عليكم ورحمة الله وبركاته

[ابونبيل]

مشكور يالذيب على الأفاده

[mekshaat]

الصراحه غريبه اللي اخبره ان ال95 هوالافضل عن تجربه وهواللي ينصحون فيه عموما مشكور على تجربتك

.

[كم كيلو باقي]

اذا فللت كم كيلو تمشيك

الشغلة الثانية يمكن الهواء عندك يدخل ضعيف للمكينة .. فلما يكون البنزين اكثر واقوى من الهواء داخل المكينة مايحترق البنزين كامل مما يسبب لك تقطيع واشياء زي كذا

[ابوالفهد]

الله يجزاك خير ريحتني انا اعبي 91 قد عبيت 95 ولا شفت فرق

[التمسساح]

5- الصرفية الزائدة والتكلفة ..الفل بين 50 إلى 60 ريال5- قلت صرفية البنزين والتكلفة وصرت بدال ما أفلل السيارة ب60 ريال صرت أفللها من 35 إلى 40
وانت الصادق هذي ام التغيرات عندك مو عند السياره
والكلام الي قلته كله تبرير للنتيجه الي وصلت لها

[أبوغيث 2003]

3- رجه قويه والسيارة على D وماسك فرمله .



_ الفروق بعد التغيير إلى 91 :


3- الرجه خفت بشكل ملحوظ .



وعليكم السلام ورحمة الله وبركاتهـ

بالنسبه للملاحظة رقم 3 عجزت الصراحة ألقى لها مسوغ :)

الرجة تصير من عامود كردان او عامود دبل او جنوط او كفرات او هوبات او جلد ربّاطات او او او

لكن رجة من نوع البنزين والله أول مره اسمع بالشي هذا

لكن عموما يوم حوّلت نوعية البنزين لـ 91 وطلعت النتيجة ايجابية فهذا شي جيد :good:

موفق أخوي

[vxr 1998]

فيه سيارات ماتقبل الا 91 واذ غيرته الا 95 تتئثر السياره وفيه سيارات ماتقبل الا 95 واذا غيرته الا 91 برضه تتئثر وفيه سيارات تقبل كل النوعين وانت والي تفضله وبعدين الملاحض هذه الايام كثرة المواضيع بخصوص البنزيم 91 و 95 فنرجو انه احدالاعضا او المشرفين الي لديهم خبره وعلم في هالمجال انهم ينزلون موضوع كامل يكون فيه الفرق بين النوعين وانواع السيارات الي تستخدم النوعين او نوع معين وتوضيح المشاكل الي ممكن تتعرضله السياره اذا عبيت نوع غير النوع الي كنت استخدم لانه موكل المحطات تحصل عندهم 95 وتضطر انك تعبي 91 ويكون الموضوع مرجع ليستفاد منه ودمتم واسف علا الاطاله

[سامي 1]

مشكووووور على التجربة الناجحة ولكن نحتاج أكثر من تجربة
نرجو كتابة تجربة كل شخص لتعم الفائدة مع ملاحظة نوع وموديل السيارة

[الصقر الحربي]

5- الصرفية الزائدة والتكلفة ..الفل بين 50 إلى 60 ريال5- قلت صرفية البنزين والتكلفة وصرت بدال ما أفلل السيارة ب60 ريال صرت أفللها من 35 إلى 40
وانت الصادق هذي ام التغيرات عندك مو عند السياره
والكلام الي قلته كله تبرير للنتيجه الي وصلت لها


الله يهدينا وإياك بس

يعني أنت كنسلت كل شي إلا ذي ... وتراها سيارتي وتحت يدي واعرف كل ما يجيها

[الصقر الحربي]

فيه سيارات ماتقبل الا 91 واذ غيرته الا 95 تتئثر السياره وفيه سيارات ماتقبل الا 95 واذا غيرته الا 91 برضه تتئثر وفيه سيارات تقبل كل النوعين وانت والي تفضله وبعدين الملاحض هذه الايام كثرة المواضيع بخصوص البنزيم 91 و 95 فنرجو انه احدالاعضا او المشرفين الي لديهم خبره وعلم في هالمجال انهم ينزلون موضوع كامل يكون فيه الفرق بين النوعين وانواع السيارات الي تستخدم النوعين او نوع معين وتوضيح المشاكل الي ممكن تتعرضله السياره اذا عبيت نوع غير النوع الي كنت استخدم لانه موكل المحطات تحصل عندهم 95 وتضطر انك تعبي 91 ويكون الموضوع مرجع ليستفاد منه ودمتم واسف علا الاطاله

شاكر لك ولإضافتك

[الصقر الحربي]

وعليكم السلام ورحمة الله وبركاتهـ

بالنسبه للملاحظة رقم 3 عجزت الصراحة ألقى لها مسوغ :)

الرجة تصير من عامود كردان او عامود دبل او جنوط او كفرات او هوبات او جلد ربّاطات او او او

لكن رجة من نوع البنزين والله أول مره اسمع بالشي هذا

لكن عموما يوم حوّلت نوعية البنزين لـ 91 وطلعت النتيجة ايجابية فهذا شي جيد :good:

موفق أخوي

[/CENTER]


من الممكن وكلامك فيه وجه من الصحة

[الخلاوي 15]

انا مجرب 91 و95 على هايلوكس وباترول ولاند كروزر

الأفضليه لل 95

يعطيك العافيه

[شداد الرحال]

انا عندي بي ام دبليو موديله 2000م واذا عبيته 95 صار ثقيل عزمه بس الموتر تحس انه راكد وتكانه واذا مسك الخط راح ومافيه مشكله ... واذا عبيته 91 انهبل وصار مخروش من لمسة بنص واحد تلقاه فاز فزه قويه تختلف عن فزته ب 95 وماشي واستخدم 91 والوضع ماشي وطبيعي .

[abadi1]

سيارتي تستخدم بنزين 91

بس أعبيها 95 لاني ملاحظ فرق العزم والخفه وصوت المكينة يكون هادئ

[HIZOOM]

بسم الله الرحمن الرحيم

السلام عليكم ورحمة الله وبركاته

كنت متردد قبل التغيير لأن كل ما سألت واحد قاال لا تغير وعزمت أني أغير البنزن و هذه تجربتي بعد ما غيرت بنزين السيارة من 95 إلى 91 ..

نبدأ بالتفصيل :

السيارة جمس إنفوي 2005 __ 6 سلندر .

المشاكل اللي كنت أعاني منها قبل التغيير :

1- ضعف بعزم السيارة بشكل غير طبيعي : يعني بوقت السفر إذا أرتفع الخط سرعة السيارة تصل إلى مية وأقل .

2- السيارة تطفي كل فترة .. أحطها بالD وتطفي .. والفترة الأخيرة صارت متكرره ..

3- رجه قويه والسيارة على D وماسك فرمله .

4- لمبة المكينة كانت والعة على طول .

5- الصرفية الزائدة والتكلفة ..الفل بين 50 إلى 60 ريال

_ الفروق بعد التغيير إلى 91 :

1- عزم السيارة تغير 180 درجة إلى الأفضل .

2- السيارة ما عمرها طفت بعد ماغيرت البنزين لها الآن تقريبا 4 شهور .

3- الرجه خفت بشكل ملحوظ .

4- لمبة المكينة طفت وبعض الأحيان تشتغل بس الأغلب إنها طافية .

5- قلت صرفية البنزين والتكلفة وصرت بدال ما أفلل السيارة ب60 ريال صرت أفللها من 35 إلى 40 ..

هذه التجربة اللي حبيت أفيدكم
وأعذرونا إن كان من قصور بالشرح

تقبلوا تحياتي أخوكم : ماهر الحربي

والسلام عليكم ورحمة الله وبركاته
ليش يا أخي السيارة مصنوعة لتستهلك وقود 91 راجع دفتر المالك
أنت الغلطان اللي تعبي 95 الجمس كله 91

[حبـران]

فعلا

لدي تاهو شفر 2001

كنت اعبي 95 وبعد قراءة الكتالوج اللي بدرج السيارة مكتوب 91
عبيته 91 والموتر ماتغير شيء الا ان صوت المكينة اصبح راكد شوي
والتوفير صرت اقطع 600 كيلو على سرعة 140
وداخل البلد يجلس معي 8 او 9 ايام على الدوام والفرفرة
اما وقود 95
500 كيلو بالسفر
داخل البلد يادوب 5 ايام والله
والحمدالله على الوضع ذا لي اكثر من سنه

[الصقر الحربي]

ليش يا أخي السيارة مصنوعة لتستهلك وقود 91 راجع دفتر المالك
أنت الغلطان اللي تعبي 95 الجمس كله 91

والله من الممكن ..

شكل السيارة مصنوعة لل 91 وعشان كذا تغيرت

يعطيك العافية

[الصقر الحربي]

المفروض إن الواحد يشوف كتلوج السيارة ويشوف البنزين الأقرب للسيارة

[فتك 800]

نفسي مع الباترول كنت اعبي 95

وبعد ماغيرت لل91 ماشالله عزم واقل صرفية

موفقين

[منصور الفايز]

يعطيك العافيه ...

يا اخي والله ما فيه امل مقارنتك هذه تدخل العقل !!!

الكاتلوج اذا قالك بنزين 91 يقصد من 91 فما فوق ... مومعقوله لو تعبيه بـ 95 راح يكون فيه مشاكل !! يمكن العكس يكون صحيح ..

وقلت الرجه راحت او خفت !!
لمبة المكينه ... فيها حساسات واجد .. ومب شرط تولع من البزين !!
الصرفيه .. كل التجارب العلميه اثبتت ان الصرفيه بين 91 و95 تقريباً نفس ..الفرق بسيط جداً

وكل شي جائز ...

والله يبارك لك بموترك ويكفيك شره ان شاء الله

[WWS]

من آلطبيعي يتغير معـآك
لآن في آلكتلؤج مؤضح لك آقرب بـآلعلؤ من 87 آؤكتـآن ؤ هؤ 91 آؤكـتـآن
ؤ الله يعطيك خير مؤترك ؤ يكفيك شره

[وجعين]

انت عكست الامور ياخوي ال95 هو اقوى عزم وينضف البخاخات بس انت شف وش غيرت بسياره وتغيرت عليك انت شكلك غيرت بواجي والسياره انضبطت ولا البنزين الخضر معروف انه اقل عزم وكثر صرفيه .هل غيرت بواجي ارجو الرد؟؟؟؟

[مزون المدينه]

يعطيك العافية

[الصقر الحربي]

انت عكست الامور ياخوي ال95 هو اقوى عزم وينضف البخاخات بس انت شف وش غيرت بسياره وتغيرت عليك انت شكلك غيرت بواجي والسياره انضبطت ولا البنزين الخضر معروف انه اقل عزم وكثر صرفيه .هل غيرت بواجي ارجو الرد؟؟؟؟

زي ما قال بعض الأخوان البنزبن الأخضر مو صالح لكل السيارات

سيارتي مايصلح لها ال95 وعشان كذا كانت ضعيفه فالعزم وكانت تطفي لأن البنزين المطلوب اللي يكون أقرب من 87 وهو ال91 __ مو 95

البواجي مغيرها من قبل ما أغير البنزين ولا تغير العزم إلا شي بسيط لا يذكر ولكن التغير الواضح كان بعد تغيير البنزين

شاكرلك مرورك

[turkiq]

تجربة الاخ صاحب الموضوع اعتقد انها تؤكد ان لكل محرك الوقود المناسب من حيث نسبة الاوكتان
وللاسف الفكرة الدارجة عند الجميع ان بنزين 95 (انظف/اقوى/اجود/اقل استهلاك/..... الخ)
وهي امور لا تستند الي حقائق علمية.

يا اخوان في محركات ماينفع معها نسبة الاوكتان المرتفع ... اسأل اللي صنع المحرك لا تسأل فلان وعلان.

[مشاري الجوف]

انا عندي سيارتين كامري 2005 وهايلكس دبل 2007 كلهعن اعبيهن 95 لاحظت فرق بالعزم وصوتهن راكد

[الصقر الحربي]

تجربة الاخ صاحب الموضوع اعتقد انها تؤكد ان لكل محرك الوقود المناسب من حيث نسبة الاوكتان
وللاسف الفكرة الدارجة عند الجميع ان بنزين 95 (انظف/اقوى/اجود/اقل استهلاك/..... الخ)
وهي امور لا تستند الي حقائق علمية.

يا اخوان في محركات ماينفع معها نسبة الاوكتان المرتفع ... اسأل اللي صنع المحرك لا تسأل فلان وعلان.


صدقت أخوي

وشاكرلك مرورك وإضافتك