مشكله في مكينه اليوكن 2008

[فهودي707]

مرحبا

انا عندي يوكن 2008
دبل
طلع عندي صوت بالمكينه
وديته الفحص قال يبي لك توظيب نص مكينه
وسويت توضيب لنص المكينه

سمعت من ناس تقول لي انه مع حراره المكينه ترجع المكينه تخرب كلها

هل الكلام صحيح ولا لا

تكفون ساعدوني

[baaasss]

ياليت تشرح اكثر
ورح عدة ورش وتأكد

[فهودي707]

مرحبا يالغالي

انا طلع عندي صوت في المكينه طق طق طق يجي ويروح
ودينها ورشه قال هذي طرباه الماء قالت اكيد قال اي قالت اوكي
جبت له طرباه وقال تعال بكره قالت اوكي
كلمني العصر قال سيارتك هذي مش طرباه هذي المكينه كلها يبي لها توضيب قالت له متاكد قال لي اي
ودينها افضل ورشه قالت لها سوي فحص كامل للسياره
قال عندك البلوف وراس المكينه ويبي لك تصفيه مكينه وتعير بواجي
طلع لها لي على الجهاز
قال جيب لي قطع غير وانا بشتغل عليها
عطيته السياره وجبت له قطع غيار وضبط السياره

بس سمعت من ناس تقول اذا وضبت نص المكينه ترجع لك مره ثانيه مع حراره المكينه
مدري الكلام جد ولا لا
ياليت ستاعدوني وانا كل امل فيكم ان شاء الله

[baaasss]

يعني الان انت قاعد تصلحها؟؟

[ابو فهد...]

لا لا مايرجع

[slolo]

الله يعوضك هذولا نصابين
ونفس مشكلتك كانت عندي في طرمبة الزيت وللتاكد لاحظ عيار الزيت اذا الى الربع او تحت شوي والسيارة وافقة مع صوت طقطة تجي وتروح
طرمبة الزيت لها عمر افتراضي وتغييرها يكلفك حوالي ١٦٠٠ للدبل واقل للي بدون مابين شغل يد وقطع
ويفكون وجه المكينة الامامي والراس اذا مانسيت
في اقدم واحسن ورشة للامريكي في صناعية الرياض فلبينيين ممتازيين ينجزوها لك بأقل من يوم ونص
سيارتي يوكون ٢٠٠٧ ماشي فوق الميتين غيرت الطرنبة قبل سنة

[You Like Me]

والله يالغالي اخوي معاه تاهو 2008
وحصل معه نفس الشي عندك راح الجميح قالوا توضيب كامل بـ 22,000
راح العيسى قالوا نفس الكلام ويكلفك 18,000
ودله واحد من اخوياه على باكستاني كان شغال في الجميح عنده ورشه حول الجميح في خريص
قاله هذا عيب في الـ gmc والجميح والعيسى كذابين ومايعرفون شي
انا والله ماتذكر وش سوا بالضبط لكن السيارة جلست عنده يومين غير طرمبه الزيت
وعدل العيب التصنيعي اللي فيها وغير حاجات ثانيه ما تذكر والله وش هي بالضبط
وضمان سنه على الشغل واخذ منه 4000 ريال

[فهودي707]

اناطلعت السياره من الورشه
الحمدالله كل شي سليم

بس قال لي صديق لي له خبره في المكانكيه
يقول دامك موضب نص توضيبه بترجع عليك بعدين كامل المكينه

وانا خايف منها والله

قطع غيار تكسر الظهر والله

[ملك الفكتوريا]

الطقطقه غالبا من البلوف عند التشغيل


واذا هي مستمره ترى الجنزير له دور

[ركان]

كذبو عليك اللي عندك طرمبة زيت وزي ماقالك الأخ slolo وانا نفس الشي تجي في المكينة طقطقه خاصة اذا شديت على السيارة وتختفي اذا هدت المكينة بفرة بس نصيحة لجميع الأخوان اللي عندهم يوكن 2007 وما فوق لا يغيرون الا زيت 35-5 على شان ما تتأثر المكينة يعني لاتحطون سوبر شل وغيره\\

[baaasss]

الله يهديك يا فهودي تشاورنا وانت حاط السيارة في الورشة تصلحها

[فهودي707]

لاني والله انا من الناس من المحفضين على السياره
مااحب اخلي صوت او اي شي بالسياره لازم اصلحه بسرعه
يوم وديتها قالت لكم المشكله

[رحال7]

الله يهديك يا فهودي تشاورنا وانت حاط السيارة في الورشة تصلحها

ما ينلام..مشاكل هذه السيارات قلق

[أبوفيصل 2007]

والله يالغالي اخوي معاه تاهو 2008

وحصل معه نفس الشي عندك راح الجميح قالوا توضيب كامل بـ 22,000
راح العيسى قالوا نفس الكلام ويكلفك 18,000
ودله واحد من اخوياه على باكستاني كان شغال في الجميح عنده ورشه حول الجميح في خريص
قاله هذا عيب في الـ gmc والجميح والعيسى كذابين ومايعرفون شي
انا والله ماتذكر وش سوا بالضبط لكن السيارة جلست عنده يومين غير طرمبه الزيت
وعدل العيب التصنيعي اللي فيها وغير حاجات ثانيه ما تذكر والله وش هي بالضبط
وضمان سنه على الشغل واخذ منه 4000 ريال


فعلاً اخوي كلامك العامل المقصود اسمه منير وهو بيعمل لدى عبدالرحمن الجميع وموقع الورشة الخاصة به خلف الافضلية للاستبدال بالنسيم حوش لون باب اسود هههههههههه
والرجال خبرة ماشاء الله تبارك الله يعمل في الورشة الرئيسة خلال الفترة الصباحية ومن بعد العصر إلى آذان العشاء العمل في الورشة
الرجل امين سبق بأن حصل لي معه تعامل مع سيارتي اليوكن
للتوضيح

[aziz bamaas]

ما ينلام..مشاكل هذه السيارات قلق

انا اسف لاكن العيب فينا اول وثانيا العيب بنعدام الضمير في ورشنا
الورش واضح لاكن الي فينا ان ماعندنا خلفية على السيارت والمحركات

[قمة افرست]

كذبو عليك اللي عندك طرمبة زيت وزي ماقالك الأخ slolo وانا نفس الشي تجي في المكينة طقطقه خاصة اذا شديت على السيارة وتختفي اذا هدت المكينة بفرة بس نصيحة لجميع الأخوان اللي عندهم يوكن 2007 وما فوق لا يغيرون الا زيت 35-5 على شان ما تتأثر المكينة يعني لاتحطون سوبر شل وغيره\\



تقريبا زي ماتفضل الاخ راكان المشكلة بطرمبة الزيت ضعيفه
واذا ماتم الاصلاح يرجع مره ثانية الصوت بعد فتره وهو صوت التكايات
والورشه الي فحص سيارتك مايعرف شي وغشيم جدا
اما مايخص خراب المكينة تخبيط او قفل بستم
لوفرضا غيرت طقم الراس كامل تكياتات وبلوف اوصنفره صديقك كلامه سليم بيكون ضغط الراس (البلوف )اقوى من
البستم وهذا ممكن يتلف المكينة
فاانت عشان تتجنب هذه المشكلة حاول انك ماتجور على السيارة بقوة خل مشيك عادي
في ال10الف كيلو الجايه تصرف احترازي فقط
ولاراح يصير شي ان شاء الله مع وجود حساس الكامات والكرنك
اما اذا بتشد الموتر بقوة فااعتقد ممكن تتعرض لمشكلة بقفل بستم وهذا الشي يحدده حالة البساتم ممتازة ماتتاثر ضعيفه احتمال تعرضها لتلف
المكاين القديمه 90 بالمية تتعطل اما الحديثه مثل سيارتك المداره من الكمبيوتر تاثر المكينة يكون قليل ونادر بعد تغيير كامل طقم راس المكينه
ولاكن مايمنع اخذ الحيطه


والخراب ماله علاقه بحرارة المكينة

بعد ماطلع سيارتك من الورشه ان شاء الله
صور عداد ضغط الزيت بعد ماتسخن السيارة اوبعد مشوار 10 دقايق
وقولي اش نوع الزيت الي تستتخدم ولزوجته