وش رايكم اركب مراوح سوبارو علي بترول 91

[فلقه]

السلام عليكم
اخواني الحراره عندي ماترتفع
بس قال لي واحد احسن لك تركب مراوح سوبار
مع العلم ان الحراره ماترتفع
وش رايكم اركب ولااجلس علي مروحه الموتر الوكاله
وذا ركبت مراوح وين اركب وكم تكلف اهم شي هل لها زر من داخل لي يداوي او لا
لني سمعت انهم مايحطونن لك زر لا سمح الله خربت المراوح تضغط الرز وتشتغل
كم تكلف

[يزيد 999]

والله ياأخوي دامك ماتعاني من حرارة فوشوله تلعب بالموتر وتركب عليه أشياء ماله داعي والاهم خسارة فلوس!!
واذكر اني قريت موضوع مشابه لنفس حالتك يقول مافيه حرارة بس انا ودي اركب سوبارو وراح لم كهربائي سعودي وقاله يمكن اذا ركبت المراوح ترتفع الحرارة شوي!

[sgl2002]

المراوح بتخفف عليك الموتر اذا احتر

لانه اذا احتر يضيع العزم بسبب المروحه الميكانيكية

بس انا اللي اعرفه انها تخرب الدينمو وممكن المراوح باي لحظة تقطع وترتفع الحرارة فجاة وانت عارف الباترول مايداني الحرارة ولو جاته كسرت الراس

فالافضل خلها على ماهي عليه

[ابو فهد...]

والله انا مركب مراوح من ٨سنين حلوه بس ركب مروحتين كبار او ثلاث صغار وكل وحده لها فيوز خاص
فايدتها تروح حنة المكينة تزيد عزم بشي بسيط وتخفف الصرفية بشكل بسيط والمكيف يبرد احسن ميزتها بعد اذاجك مطب قوي ما تشق الديتر مثل المكانيكيه هي ينكس الجرم حقها وتمشيك وقت

[ابو فهد...]

شف هذا ركب مراوح مرسيدس وقاعده خشب انا اقولك ركب قاعده حديد مع سوبارو وانس شي اسمه حراره
http://www.mekshat.com/vb/showthread.php?t=440334

[abo naser 1]

السلام عليكم

انصحك فيها جربتها بكل سيارتي من سنين 3 باترولات وهايلوكسات وشروكي مغير انقلها من موتر لموتر حتى رهمت باترول ونقلتها عليه ما عنيت منها ابد وما يحتاج زر داخلي واذا كانك خايف تخرب خل مروحة البلد بالشنطة لو لا سمح الله تعطلت كلها اربع مسامير وتركبها بكل سهولة

وبا النسبة للباترول البلد بتفرق معك في العزم وازعاج المروحة ترتاح منه خصوصاً بالحر مع المكيف وبالنفود بيفرق معك الموتر بشي واضح

أفضل 2 بالرياض الدغيري بمخرج 16 و سليمان الخطيب بصناعية الدائري

[مركز حراره]

بدأت السيارات الموديلات الجديدة بالمراوح الكهربائية
لو فيها فرق او ضعف ما نهجت الشركات هذا النهج
انا اضمن لك ايها بتلاحظ فرق كبير
اذا حبيت تركب ارسل على الخاص بسعر خاص

[ابو فهد...]

السلام عليكم

انصحك فيها جربتها بكل سيارتي من سنين 3 باترولات وهايلوكسات وشروكي مغير انقلها من موتر لموتر حتى رهمت باترول ونقلتها عليه ما عنيت منها ابد وما يحتاج زر داخلي واذا كانك خايف تخرب خل مروحة البلد بالشنطة لو لا سمح الله تعطلت كلها اربع مسامير وتركبها بكل سهولة

وبا النسبة للباترول البلد بتفرق معك في العزم وازعاج المروحة ترتاح منه خصوصاً بالحر مع المكيف وبالنفود بيفرق معك الموتر بشي واضح

أفضل 2 بالرياض الدغيري بمخرج 16 و سليمان الخطيب بصناعية الدائري
صحيح كلامه هم من افضل من يركبون المراوح

[بشير حسن]

السلام عليكم
اخواني الحراره عندي ماترتفع
بس قال لي واحد احسن لك تركب مراوح سوبار
مع العلم ان الحراره ماترتفع
وش رايكم اركب ولااجلس علي مروحه الموتر الوكاله
وذا ركبت مراوح وين اركب وكم تكلف اهم شي هل لها زر من داخل لي يداوي او لا
لني سمعت انهم مايحطونن لك زر لا سمح الله خربت المراوح تضغط الرز وتشتغل
كم تكلف

أخوي تبي النصيحة وعن تجربة اذا سيارتك ماترتفع حرارتها والمكيف يبرد عند الوقوف فاأكيد ماتحتاج انك تركب مراوح كهرباء لا خارجيه ولا مراوح كهربائيه بحيث تلغي المروحة الميكانيكية , بس اذا سيارتك ماترتفع حرارتها أبدا والمكيف هو اللي مايبرد عند الوقوف فانصحك تركب مروحة خارجية مع فاصل أو تشتغل وقت ماتشغل المكيف (وقت تشغيل الكمبريسر) أكرر كلامي اخوي مادام موترك ماترتفع حرارته ومكيف السيارة بارد حتى في الوقوف فلا تركب شئ أبدا