المساعد الشخصي الرقمي

مشاهدة النسخة كاملة : جمس 2006 مشكلة بالقير


BLoTo
15/05/2012, 09:29 PM
السلام عليكم ورحمة الله وبركاته

كيف حالكم شباب

معي جمس سوبربان 2006 خلال 7 سنوات غيرت القير 5-4 مرات طفرني هالموتر

وكثير ناس انصحوني بمبرد قير علشان يعيش معي للعلم انا اسبوعياً اقطع 600-900 كيلو << أدرس برا الرياض المهم وبعض الأحيان تصير رجلي حارة :D وما أدري وش أسوي ودي أركب مبرد قير لاكن ما أدري وش الزين ووين اركبة للمعلومية انا بالرياض.
+ ياليت لو تدلوني على محل يضبط الكهرب للجمس أدق اشارة يمين يكبس :D.
أرجو الإفادة:good2:
Lover gmc
15/05/2012, 09:58 PM
ياساتر وش تسوي فيه انت تغير القير 4 مرات

اكيد فيه بلا ,, او انك تشري مستعمل مو نظيف ( قير )

عموما مر تريستار عندهم مبرد قير مع ضمان
BLoTo
15/05/2012, 10:19 PM
ياساتر وش تسوي فيه انت تغير القير 4 مرات

اكيد فيه بلا ,, او انك تشري مستعمل مو نظيف ( قير )

عموما مر تريستار عندهم مبرد قير مع ضمان
هههههههههههه
يارجال انا اهون من غيري واحد من الشباب مغير 5 مرات وطفش منه وباعه

وينة فيه تريستار ؟
Lover gmc
15/05/2012, 11:26 PM
غريبه

اعرف ناس رجلهم حاره ولا اشتكو من القير

اكيد فيه بلا

ترايستار معروف حق صيانه قيور

موجود بالرياض والقصيم

الوصف اعرف اللي بالقصيم فقط
ابو فهد...
15/05/2012, 11:55 PM
ترايستار فيه واحد بخريص وفيه واحد بالصناعيه القديمه الي بالصناعيه وصفه وانت جاي من مخرج ١٦ رايح ل ١٧ رح يمين يصير وجهك غرب تجيك ٣اشارت ثمن نفق ادخل معه ثمن تجيك الاشارة الرابعه ديور اول شارع سيدين يجيك على اليمين ادخل معه يجيك على اليمين
والي بخريص ما ادله زين بس وانت جاي من مخرج ١٤ رايح لخريص رح معه يمين يصير وجهك شرق امش الين معه كنك رايح للنظيم يجيك على اليمين
يزيد 999
16/05/2012, 12:15 AM
والله ياأخوي الموتر مابه شي البلا من راعيه (المستخدم) ومعروف انه اكثر موديل يتحمل وزين وخالي من المشاكل والعيوب المصنعية هو 2005و2006

قبل ماتسوي اي شي عدل سواقتك ولاتشد عليه وسوي تشييكاته اول باول وبيخدم معك
Magellan
16/05/2012, 02:06 AM
اذا انت ما انت محافظ فانا انصحك انك تركب التالي:
1-كلتشات قير رياضية
2-ترانزقو
3-مبرد قير بمروحة خارجية
هالخلطة تخلي القير يعيش لحقين المقاومات واكثر ناس ممكن تستشيرهم منتدى ss ومنتدى عشاق الجمس هم اللي يفيدونك
BLoTo
16/05/2012, 12:09 PM
جزاكم الله خير

انا رجلي حرة بالخط بس مو كل الوقت بالمدينة رايق لاكن خط 160-150.

+دعاء صادق من قلبي لكم.
ابو حمد 2010
16/05/2012, 05:10 PM
الله ييسر امورك ويبارك في مالك وولدك...
THE KILLER
16/05/2012, 10:36 PM
والله اهو انا عندي سوبربان 1990 فيه مبرد زيت المكينة ومافيه مبرد زيت القير
وعلما بان المكينة 350 والقير 400 حق مكينة 454 موديل 84 يعني رغم كبر القيررر والحرارة وماشي تمام زي العسسل بدون مبرد لكن الي اعرفه انك لا شدييت علييييه ترتفع حرارة القير واذا ارتفعت يفصل القير مايمشي وغير كذا فلتر الجير مع الزيت لازم تغيرهم كل 40 الف كيلو او 6 شهور عشان مايضرب عليك حساسات القير والله يعييينك
وركب مبرد قير كبير احسن لك ولا شوف التشليح دور على جموس 2006 حجم 2500 اتش دي تلقا فيه مبرد زيت القير وكالة وخذ كل القطع وركبها عندك وان شاء الله قد اكون افدتك ولو شوي ^^
والقير حقك خررب من ناحية وش يعني ؟؟
هل انه مايعشق ولا بطيييييء بالقووومة ؟؟ ولا تسمع صووت طقطقة من تحت ؟؟ او يتاخر بالتعشيقة او من ناحية وش بالظبط