رجه في الباترول عند السرعه 110

[أبولمااااار]

السلام عليكم ورحمة الله وبركاته
المشكله واضحه كما بالعنوان
عندي باترول 2007 احيانا اذا مشيت 110 تجيه رجه ماهي طبيعيه ترج السياره كامله وتخليني اوقف أو اهدي حتى سرعة 60 ثم تروح ويسلك الموتر كأن مافيه شي
ارجو من عنده الخبره يفيدني بما عنده
وجزاكم الله خير

[(أبوزيـــــد)]

أخوي ابو لمار.. انا كانت عندي نفس مشكلتك في باترول 2006.. وغيرت جلد المقصات وجلد العمدان اللي قدام وغيرت مساعد الدركسون وهو الاهم لأنه كان منفقع وهو اكثر شي يسبب الرجه.. ومن علاماته انه منفقع .. تلقى زيته صاب ..
وسو للموتر ميزان وترصيص وان شاء الله يظبط.. اتمنى اني اكون افدتك..
تحياتي..

[العتيبي 88]

كفرات وشي اذا بالون تبي تدوووووووووخ والله يعين ،،

اما اذا عريض بسيطه وسهله جلد العمود وشيك على المساعد

[الوديّ]

معي باترول 2008 وفيه رجه وديت الموتر بريدة ورشة الصمعاني في التشاليح وضبطه لي .. الشغلة سهلة
برسلك رقمه على الخاص ..

[أبولمااااار]

الله يعطيكم العافيه
الكفرات ماهي بالون
بشيك على جلد المقصات ومساعد الدركسون

[ابوفهد331]

اهم شي عندك ياخوي مساعد الدركسون هو اللي يسبب الرجه والذراع اللي راكب فيه المساعد اذا كان من زمان عندك الرجه فتلقاه اللحين خرب عليك الذراع الطويل مساعد الدركسون قيمته 270 والذراع الطويل الاصلي بحدود 700

[عاشق الشعبيات]

السبب الرئيسي لرجة الباترول اللي تشتكي منه الناس ولم تجد لها حل هو سبب واحد فقط وهو:

يوجد في أطراف الدفرنس الأمامي خلف الهوب كور كل كورة فيها رمان فوق ورمان تحت يعني عددها أربعة رمانات في الدفرنس الأمامي

هذي الرمانات يكون فيها فضاوة وتكبس في مخرطة وترجع تركبها وتضبط 100 % :good2:

وأفضل واحد يضبطها واللي أكتشفها ويعرف يضبطها في الصناعية القديمة في ميزان البادية أسم المهندس أبو أمجد ومافيه ميزان بهالإسم إلا هو فقط.

وسعره مع المخرطة وشغل يده بحوالي 300 ريال إلى 350 ريال

[sgl2002]

^^^

بس يقولون مع الوقت تبدا تهرب زيت

[عاشق الشعبيات]

كلامي عن تجربة ولله الحمد ما فيه أي تهريب

[الوافي99]

وعليكم السلام ورحمة الله وبركاته

باترول 99 صالون

انا حصلت معي المشكله وتبهذلت بهذله توصل لسرعه 120 140 والرجه معي واحيانا ما اقدر اتعدى 90 من قوة الرجه الجيب كامل من الصدام للصدام فكرت بامساعد وطلع سليم فيه مشكله وعدلته ولاكن الرجه ما زالت.. فيه عامود ماسك بالدفرنس له ربلتين فقط شيكتهن طلعن زوينات نص عمر تبديل كفرات بشكل اكس وترصيص مافي فايده .. العامل بالبدايه قالي الذراع يمين يبي كبس ما اخذت بكلامه لان الرجه قويه نهاية المطاف كبس اذرعه 60 ريال واللحمد لله راحت

[أبولمااااار]

ياشباب شيكت على جلد المقصات
وكذلك مساعد الدركسون عند ميكانيكي
وطلعت كلها سليمه

باقي بشيك على الرمانات وجلدالاذرعه

[abo_Majed]

ياشباب شيكت على جلد المقصات
وكذلك مساعد الدركسون عند ميكانيكي
وطلعت كلها سليمه

باقي بشيك على الرمانات وجلدالاذرعه

لو غيرت مساعد الدركسون يكون افضل من 2007 الى 2012 ماقصر ;) غير وجرب 80٪ مشاكل الرجه في الباترول من هالمساعد

[patrol-fa]

الجلبة حقت الأذرعة >> الجلب الأمامية ..

[مطر وسم]

صارت معي بجيب باث فندر اخر شي طلع من صليب عمود الدبل صاير فيه فضاوه خرطته بالمخرطه وضبط


تحياتي للجميع

[أبولمااااار]

لو غيرت مساعد الدركسون يكون افضل من 2007 الى 2012 ماقصر ;) غير وجرب 80٪ مشاكل الرجه في الباترول من هالمساعد



ابوماجد
الله يوفقك ويبارك فيك
بس انا مغيره قبل ثلاثه شهور
والمهندس فاحصه اليوم ويقول مضبوط

[شيحاوي]

طع شوري ورح للصمعاني بتشليح بريده نصوح ولا عنده لف ودوران يعلمك المشكله وشي حتى لو ماصلحته عنده

[عاشق الشعبيات]

اخوي رح للميزان اللي قلت لك وهو راح يحل لك المشكلة وقل له اذا ماراحت الرجه برجع فلوسي وبيرد عليك بكل صدر رحب ابشرررر

[أبولمااااار]

السلام عليكم ورحمة الله وبركاته
اولا : اشكر الجميع على تفاعلهم وحبهم الخير للغير
ثانيا : هذا حلا لمشكلتي مع الرجه لكي يستفيد غيري منها
المشكله صارت في جلدة عمود التوازن الامامي اليسرى اللي مربوط فيه مساعد الدركسون
وهذي صوره للجلده
http://im29.gulfup.com/2012-05-24/1337845681541.jpg (http://www.gulfup.com/show/X2bswpdi10p7os)

وهذي بعد الكبس في العمود

http://im29.gulfup.com/2012-05-24/1337845681812.jpg (http://www.gulfup.com/show/X2bswrnqkun0g0)

وهذا موقعها بالسياره

http://im29.gulfup.com/2012-05-24/1337845681573.jpg (http://www.gulfup.com/show/X2bswtan7ntes8)



سعر القطعه 60 ريال من الوكاله
شغل الورشه 50 ريال
الاجمالي 110 ريال

[vtc 2007]

ماقصرت يابو لمار ومنكم نستفيد وبيض الله وجهك على هذا الشرح الوافى و ان شاء الله الشغلة بسيطة
بس بشر وشلون السيارة الحين فية رجة بعد التجربة

[تميم2222]

جزاك الله الف خيررررر

[وعيد]

الله يجزاك خيرا انا معي فتك وبهذلني وخفت ورجعت

[عاشق النفود 111]

ميزان البادية .... يمسح ملي من قاعدة الرمان العلوي الي بالركبه

ويبعد الوردة النحاسية المربعة فقط ...

هذا ليس بحل نهائي ترجع الرجه بعد فتره من الزمن

ويأخذ مبلغ خيالي مقابل الشغله

ويقوم بمسح قاعدة الرمان العلوية فقط فيصبح الضغط عليها اكثر من

السفلية فيتأثر الرمان العلوي بسرعة ..

توضيحي هذا ليس به أي مقصد

ولكن لنعي وننتبه من الاستغلال الحاصل ...!!

[أبولمااااار]

ماقصرت يابو لمار ومنكم نستفيد وبيض الله وجهك على هذا الشرح الوافى و ان شاء الله الشغلة بسيطة
بس بشر وشلون السيارة الحين فية رجة بعد التجربة


هلا ومرحبا بك
جربت السياره اليوم وسافرت عليها وابشرك مضبوطه 100%100

[أبولمااااار]

تميم2222
يعطيك العافيه على المرور الرائع

[أبولمااااار]

الله يجزاك خيرا انا معي فتك وبهذلني وخفت ورجعت

تأكد من الجلد قبل كل شي

[أبولمااااار]

ميزان البادية .... يمسح ملي من قاعدة الرمان العلوي الي بالركبه

ويبعد الوردة النحاسية المربعة فقط ...

هذا ليس بحل نهائي ترجع الرجه بعد فتره من الزمن

ويأخذ مبلغ خيالي مقابل الشغله

ويقوم بمسح قاعدة الرمان العلوية فقط فيصبح الضغط عليها اكثر من

السفلية فيتأثر الرمان العلوي بسرعة ..

توضيحي هذا ليس به أي مقصد

ولكن لنعي وننتبه من الاستغلال الحاصل ...!!

مشكور على مرورك الرائع

[ابومناع]

انا اشهد ميزان الباديه لطخني 500 على شغله نص ساعه ولازالت الرجه مووجودهوكل ماروحله يقولي السوري بتروح انتظرها اسبووع بعد اسبووع لين ماكرهت نفسي

[راعي الفتك06]

انصح ان ترصص ترصيص ارضي عند العضيب او غيره لانه احتمال كبير يكون فيه مشكلة بالجنوط او ان الترصيص طايح من تنسيم الكفرات بالنفود

[abo-lma]

انصح ان ترصص ترصيص ارضي عند العضيب او غيره لانه احتمال كبير يكون فيه مشكلة بالجنوط او ان الترصيص طايح من تنسيم الكفرات بالنفود


الرجال لقي حل المشكلة من الجلد وانت تقول العضيب

ماذبحنا وأكل فلوسنا الا ميزان العضيب

أرجع للردود وشف علشان تستفيد وتفيد


ياراعي الموتر الله يستر عليك

وتسلم خوش معلومه ( علي قولة اخوانا الكوتيين )