كلتش الباترول

[bloodomen]

السلام عليكم ورحمة الله وبركاته

قبل يومين طلعنا منطقة غراز وغرزت السيارة باترول ربع 2012
وطلعت من الغراز ولله الحمد لكن شمينا ريحة صحن الكلتش
مازالت الرائحة موجودة للان ولكن اخف من اول

هذا هذا يعني لازم تغيير الكلتش ؟

وكم سعره في الشركة ؟

[راعي البا]

الي اعرفه يا اخوي ما دامت السياره جديده طبيعي تطلع ريحه الكلتش لا تستعجل قد صارت معي لكن على باثفندر والامور طيبه الى الحين ما شاء الله
موفق اخوي واتمنى اني افدتك ولو بالقليل ^_^

[bloodomen]

الي اعرفه يا اخوي ما دامت السياره جديده طبيعي تطلع ريحه الكلتش لا تستعجل قد صارت معي لكن على باثفندر والامور طيبه الى الحين ما شاء الله
موفق اخوي واتمنى اني افدتك ولو بالقليل ^_^


ان شاءالله يكون ما يحتاج تغير
الغريب انه الريحة مازالت مستمرة
شكرا لك وبيض الله وجهك

[ابوفهد331]

اخوي لاتخاف ولاتقلق هاذا بسبب الاستهلاك الجديد
والله يعطيك خيره ويكفيك شره

[bloodomen]

اخوي لاتخاف ولاتقلق هاذا بسبب الاستهلاك الجديد
والله يعطيك خيره ويكفيك شره

جزاك الله خير
والله يوفقكم يااخوان
طمنتوني الحقيقة كنت مهموم السيارة مشيت 2000 كيلو ماشاء الله

[يزيد 999]

اخوي ابسألك سؤال شلون غرزت بهالموتر ؟؟

[bloodomen]

الحقيقة لست انا من غرز لكن خوياي وانا كنت بعيد عن الموتر
واحد فيهم كان بيتعلم على القيادة في الرمال وغرز بالموتر الين الدفرنس
لكن ماشاءالله عليه الوحش خرج لكن بعد تعب وضغط على الماكينة
بس بعدها لاحظت وجود الرائحة والتي ما اختفت للان
لكن ان شاءالله انه مافيه الا العافية

[الوافي0]

باقول لك شيء معناته ان الكلتش صار ضعيف واحتكاكه مع المرايه صار خفيف عشان كذا يستمر يطلع ريحه
فحاول تلحق عليه عشان ما يسبب احتكاك وتىآكل في مراية الصحن وتضطر تغير كلتش كامل غير دسك من بدري التكلفة أقل

[ابو شريفة]

احساسي يقول يوم كنت مغرز معشق الدبل خفيف..؟ وهذا اجد اسباب احتراق الكلتش لانك تحشر الكلتش عشان مايطفي الموتر وكثير ناس تسوي كذا غلط..! اذا وقف الموتر وحنا لو مانشب نشبة كايدة حركة بالثقيل الين يتواسا بعدين رجعه خفيف او عشق الخفيف قبل تدخل النفود وخلك قارصن عليه شوي حفاظاً على كلتش موترك وعشان مايكربن .! بالنسبة للريحة لاتسوي شي ابد موترك جديد دام مافيه اصوات ولكلكة بالتعشيق مابه خلاف ودام دعسة الكلتش طويلة ومابها فضاوه لاتسوي شي الموتر جديد وتحت التمرين وطبيعي مع الوقت يزين مجراه وتختفي الريحة. اهم شي لاتقققققققرب كلتشه ولاتفكة الا باحد الاسباب الي اشرت عليك فيها
دمت سالم ×

[sgl2002]

اول شي من الخطا انك تخلي الدبل الخفيف وقت تطليع الموتر من الغراز لانه يعدم الكلتش

الدبل الخفيف استخدمه بالممشى السريع والارض اللي ماهي هلاش قوي

لكن اذا دقر الموتر عطه الثقيل عشان تريح القير والكلتش


بالنسبة للريحة لاتخااف ابد ابد واسئلني عن البترول حافظه حفظ

ريحة الكلتش عادية جدا وبتستمر معك ترى فترة طويلة شوي ثم يروح ،لاتروح توسوس ولا شي ولاتغير

كلتش الباترول مايحترق ابد ابد مهما سويت بعكس التويوتا على طول


المهم انت خله وريحة الكلتش بتروح مع الوقت وشفها بترجع عليك كل مادخلت نفود والا بطلعه وخصوصا بالدبل الين ماتختفي نهائيا

ونبغا تعلمنا بتجاربك مع الباترول 2012 وشلون مراقاه بالنفود

[bloodomen]

حياكم الله يا اخون
شاكر تفاعلكم واهتمامكم
السيارة بعد ماغرزت ما طلعت الا بالثقيل
لكن كما ذكرت التغريزة كانت شينة والرمل للدفرنس
الان الريحة اخف من اول لكن مازالت موجودة والغيارات والدعسة ماتغير عليها شي ولله الحمد والفضل
بارك الله فيكم

[التعـ King ـديل]

موترك مافيه الا العافيه والريحه شي طبيعي لان الموتر جديد

عطه وقت وبتروح وتطمن دام التعشيقات ماتغيرت ولا فيه صوت ولا قره بالقير امورك طيبه

والريحه مع الوقت زي ماقلت لك بتروح

[bloodomen]

موترك مافيه الا العافيه والريحه شي طبيعي لان الموتر جديد



عطه وقت وبتروح وتطمن دام التعشيقات ماتغيرت ولا فيه صوت ولا قره بالقير امورك طيبه


والريحه مع الوقت زي ماقلت لك بتروح


بارك الله فيك مشرفنا
بشرك الله بالخيرات والمسرات والجميع

[gammash]

تماماً كما ذكر الأخ التعـ King ـديل (http://www.mekshat.com/vb/member.php?u=61060)
ودائما أوصيك بالدبل الثقيل L في الغراز