طلعة لفاح منسيه

[مخلد المحنا]

السلام عليكم ورحمة الله وبركاته

هذي الطلعة كانت قبل شهر تقريبا مع بو عبدالله على طراده المرتب تبارك الرحمن

طبعا انا سميتها منسيه لان الصور عندي في الجوال وكنت احسب اني نزلت موضوع بس توني اكتشف اني ما نزلت عنها شي

واليكم التفاصيل

الرحلة كانت من المزروعيه - الدمام والوجهه كانت للرق اللي عند الطبعانه صوفيا او ما يسمى بالنيوه

الصيد كله كان بطريقة اللفاح: رمي الطعم الصناعي من موقع ثبات وسحبه بالمكينه على سرعات واعماق مختلفه

اخليكم مع الصور بدون ما اوجع راسكم


وهذي بنت النوخذه استفتاحيه على مجرور Koppers Live Target Craw

http://i1092.photobucket.com/albums/i402/Mukled/d6896869.jpg


طبعا هذا الغثيث وراي وراي كل ما لفحت يلحق المجرور وينحش عنه السمك.. طلعت له مجرور نوع بوبر Popper وسحبته من عتراه

http://i1092.photobucket.com/albums/i402/Mukled/64c2d91b.jpg

وبما ان افتكينا من الملقوف قلنا عاد نرجع المجرور السابق ويخمطها العسكري!!

http://i1092.photobucket.com/albums/i402/Mukled/6b8bb4b5.jpg


وقتها صارت مجزره.. حمام يطلع ياكل في المنجوس والعوم والسردين بطريقه شرسه!!

قلت انزل البوبر Popper مره ثانيه وحاولت وحاولت وطلعت حمامه وحده ومع كثر المحاولات صار شي عجيب غريب واول مره تحصل معاي.. فجأه حسيت بضربه قويه عالبوبر Popper واعافر معاه ولما قربته ورفعته ولا شعري!!!!
http://i1092.photobucket.com/albums/i402/Mukled/45564fea.jpg

انا قلت يمكن شعري مضيع.. كان الثاني ينام فيها!! والثالث!!

http://i1092.photobucket.com/albums/i402/Mukled/fec97748.jpg

طبعا هالطلعه تعتبر انجح طلعه الى الان في بحر الدمام على مستوى الصيد ولكن هذي اكثر طلعه خسرت فيها مجارير!!! انقص معاي اربع مجارير على سمك كان يجر بطريقه عنيفه!! بس الحمدلله توفقت بصيد طيب وان شاء لي عوده انتقاميه لشرف المجارير الفقيده!!!

وهذا مجموع الصيد ولله الحمد

http://i1092.photobucket.com/albums/i402/Mukled/12f008b2.jpg

http://i1092.photobucket.com/albums/i402/Mukled/6d831e94.jpg


تقبلوا تحياتي

والسلام عليكم ورحمة الله وبركاته


اخوكم
مخلد المطيري

[حجر بحري]

الله يوفقك ويرزقك بطراد مثل طراد ابو عبدالله
الصيد ممتاز

[محب الخبر]

ماشاء الله صيد طيب وعليكم بالعافية
طلب منك احد الاخوان في موضوع سابق تنزل موضوع عن اللفاحات المستخدمة في صيدكم
وبعدين ايش موضوع علبة التونة قودي ! ؟

[بحري نجد]

القص من وين بالضبط، لابد تعرف نقطة الضعف في خيطك وين، أربع لفاحات مرة وحدة خسااارة،

إذا الخيط بكبره ينقص، لابد تستخدم خيط أقوى وأنصحك ب Power pro مقاس ٥٠ باوند عالأقل طبعا حرير ، وتطريفة فلوروكاربون من Seugar مقاس ٦٠ باوند عالأقل ،

وإذا القطع يكون من ربطة اللفاحة معناته يبغالك تعقدها بشكل أتقن وأقوى

وإذا المشكلة من المدور أو الكليب "المعدني" ينكسر، استخدم ماركات أصلية وقوة تحمل عالية

وموفق يالغالي ، دايما تسعدنا بتقاريرك الجميلة

[النامون]

تسلم علي التقرير الجميل والتصوير الاجمل تابعت موضوعك السابق والآن جميله وجمالها حسن اختيار الطعوم الصناعيا وخبرتك في استخداماتها وللعلم لكل معركة خساير فالله يعوض عليك يالغالي .
خدمه يالغالي ولا عليك امر متشوق لو تطرح الطعوم الصناعيه اللي تستخدمه مع التعليق لاهنت يالغالي وهل تستخدملها اثقال او بدون
لاني وبصراحه عندي واجد ولا اعرف استخدمها وكل ما جربت اخسرها طبعاً تصخير في الشعب
موب بصيده والله ياليت كان حسيت ان طريقتي على الاقل صحيحه

[accentkool]

ماشاء الله تبااارك الله
تقرير بداعي ياخوي مخلد
استمتعت وياك بالتصوير والصيد الحلو
وماشاء الله عليك من عشاق صيد اللفاح وتعجبني
وعليك بالف عافية مجموع ماصدت ياغالي

[مخلد المحنا]

الله يوفقك ويرزقك بطراد مثل طراد ابو عبدالله
الصيد ممتاز

اللهم امين!! شاكر لك مرورك اخوي




ماشاء الله صيد طيب وعليكم بالعافية
طلب منك احد الاخوان في موضوع سابق تنزل موضوع عن اللفاحات المستخدمة في صيدكم
وبعدين ايش موضوع علبة التونة قودي ! ؟

الموضوع قيد الاعداد وحصريا لشباب وشياب مكشات!

التونه هذي سر عسكري! هههههههه

مشكور على مرورك



القص من وين بالضبط، لابد تعرف نقطة الضعف في خيطك وين، أربع لفاحات مرة وحدة خسااارة،

إذا الخيط بكبره ينقص، لابد تستخدم خيط أقوى وأنصحك ب Power pro مقاس 50 باوند عالأقل طبعا حرير ، وتطريفة فلوروكاربون من Seugar مقاس 60 باوند عالأقل ،

وإذا القطع يكون من ربطة اللفاحة معناته يبغالك تعقدها بشكل أتقن وأقوى

وإذا المشكلة من المدور أو الكليب "المعدني" ينكسر، استخدم ماركات أصلية وقوة تحمل عالية

وموفق يالغالي ، دايما تسعدنا بتقاريرك الجميلة

والله ياخوي اول مره قص كان من الوصله بين الحرير والتطريفه مع اني مستخدم Surgoen's Knot والباقي اكثره "لحف" اي ان السمكه تلف حول المرجان اللي مثل الامواس. الخيط اللي عندي PowerPro Slick8 عشرين باوند والتطرفه Seaguar برضو عشرين باوند. انا عارف ان الخيط يعتبر ضعيف بمقاييسنا. ولكن صدقني اداء المجارير راح يفرق من ناحية طريقة السباحه والعمق وحتى مسافة الحذف.

امتعتني بالنقاش المثري وجزاك الله خير.




تسلم علي التقرير الجميل والتصوير الاجمل تابعت موضوعك السابق والآن جميله وجمالها حسن اختيار الطعوم الصناعيا وخبرتك في استخداماتها وللعلم لكل معركة خساير فالله يعوض عليك يالغالي .
خدمه يالغالي ولا عليك امر متشوق لو تطرح الطعوم الصناعيه اللي تستخدمه مع التعليق لاهنت يالغالي وهل تستخدملها اثقال او بدون
لاني وبصراحه عندي واجد ولا اعرف استخدمها وكل ما جربت اخسرها طبعاً تصخير في الشعب
موب بصيده والله ياليت كان حسيت ان طريقتي على الاقل صحيحه


الخساره في الدين وناخوك! خسرنا المعركة ولم نخسر الحرب!!!! :good2:

والموضوع كما ذكرت قيد الاعداد وراح احاول اغطي جميع جوانب هالطريقه في الصيد.

وتقبل تحياتي وشاكر لك مرورك





ماشاء الله تبااارك الله
تقرير بداعي ياخوي مخلد
استمتعت وياك بالتصوير والصيد الحلو
وماشاء الله عليك من عشاق صيد اللفاح وتعجبني
وعليك بالف عافية مجموع ماصدت ياغالي

الله يجزاك خير على الكلام الطيب وشاكر لك مرورك المميز دائما

تحياتي للجميع

اخوكم
مخلد المطيري

[بحري نجد]

والله ياخوي اول مره قص كان من الوصله بين الحرير والتطريفه مع اني مستخدم Surgoen's Knot والباقي اكثره "لحف" اي ان السمكه تلف حول المرجان اللي مثل الامواس. الخيط اللي عندي PowerPro Slick8 عشرين باوند والتطرفه Seaguar برضو عشرين باوند. انا عارف ان الخيط يعتبر ضعيف بمقاييسنا. ولكن صدقني اداء المجارير راح يفرق من ناحية طريقة السباحه والعمق وحتى مسافة الحذف.

امتعتني بالنقاش المثري وجزاك الله خير


تصدق كنت أتوقعك تلفح بالطريقة المتعارف عليها هنا (لفح طراد) عشان كذا استغربت من استخدامك للخيط الضعيف، أثاريك شغل خواجات رمي وسحب من البوت :D

أنا أستخدم باور برو سوبر سليك مقاس 30 باوند و التطريفة سيوقار 30 باوند،وفعلا السوبر سليك ناعم ويعطي مسافة في الرمي، وأربط الليدر بربطة Double Uni knot صراحة قوية وقد ضرب معي بركودا ثلاث مرات وزي الفل حضرته :good2:

إن تكرر معك القطع مالك إلا تقوي الخيوط شوي، 30 أو 40 باوند من السوبر سليك ماراح يأثر ذاك التأثير على الكاستنق وأداء المجرور، حسافة خسارة المجارير :good:

[معذب الحيتان]

مشاء الله رحله حلوه وصيد طيب

[ماسيوم]

السلام عليكم ورحمه الله..
ماشاالله تبارك الله صيد حلوعليك بالف عافيه وصحه ولاكن لو انك قلبت الصيد جلب كان طلعت اكثر من هذي الكميه بكثير جرب المرات الجايه يمكن تضبط معك بالتوفيق انشا الله تقبل تحياااااااااتي..

[لمح البرق93]

ما شاء الله تبارك الله

[خادم الإسلام]

ماشاء الله تبارك الله صيد طيب من وجه طيب .

[ابو ديالاا]

ماشا الله تبارك الله

[k.fares]

ماشاء الله تبارك الله
الصلاة ع النبي
بالعااافيه

[@السيف@]

بيض الله وجهك
صايد وفايد لا عدمناك
كل يوم اتعلم شي جديد بفضل الله ثم بفضل جهود الاخوان

[وليد الغربة]

ماشاء الله تبارك الله ماقصرت

مشكور على التوثيق

اخوك وليد الغربة

[القناص1398]

ماشاء الله صيد طيب وعليكم بالعافية
والله يبارك فيك

[أبوتركي ومحمد]

ماشاء الله تبارك الله
صايد وفايد إن شاء الله

[متولع بالقنص]

ما شاء الله تبارك الله

يعطيك العافيه ..

[@ بحار مجيرمة @]

ماشاء الله تبارك الله

صيد رائع وجميل

عليك بالعافية

[ولد الشعيبة]

ماشاء الله

سوال واحد بس كم العمق

[قلب_بحار]

ما شالله عليك واحلى شي التسحيب والتنويع في الصيد

[بن عويض]

ماشاءالله تبارك الله

[آحلى جو]

ما شاء الله , الله يعطيك العافيه .

[mohammed sind]

مشاءالله تبارك الله

[أبو سمره]

ما شاء الله تبارك الله صيد موفق وعليك بالعافيه
تحيااااتي

[ابوالفهد]

حظكم يا اهل البحر ضبانكم ماهي ان شاء الله مخله اما ضبانا شبه انقرضت

[الفرضة]

رااااااااااااايق ربي يحفظك

[ولهان البحار]

ماشاءالله تبارك الله

[Seas Diver]

ماشاء الله امتعتنا بتقريرك