استفسار ياهل الشوازن

[المصدوع]

السلام عليكم ورحمت الله وبركاته

اخواني حبيت استفسر عن افضل

فشق شوزن للارنب علمن ان الشوزن

((ام بطه التركيه)) والفشق الي لونه احمر

وعليه صورت غزال باقي موجود ولا انقطع

واذا هو موجود بيضر الشوزن ولا لا

[بحر الاحلآم]

يفيدونك الشباب

[الهيض]

والله يالغالي انا عندي ام بطه حفر وعندي فشق ابو غزال الاحمر لكن مدري هو تقليد ولا اصلي
لكن على ام بطه مايصلح للبيعد يعني انا جربته على القمري البعيد لاصارن ثنتين يرمي وحده والثانيه تروح سلم ولا شفت انه ضر البندق بشيء ولله الحمد والشكر بس اني لاحظت عليها من ثاني طلق في ابو غزال تحمى لكن انا اشوف انها عاديه
لكن باقي الفشق تطربك طرب خصوصا ارسي الاصفر والجاكور والارسي الازرق والفوشي الاحمر وفيه نوع اخضر مدري وش اسمه
لكن ماعمري جربت شيء على الارنب ولا عمري قنصتها
لكن انا من وجهة نظري انصحك في الفوشي ممتاز جدًا والجاكور
ان شاء الله اني افدتك

[ابوعاشة]

فشق ار سي الاسود قوي بالحيل لاتجنب عنه

[قناص خلاوي]

افضل فشق للأرنب اذا صر اذانه رقم 1/32 و 1/36
وابو غزال صار اسمه فام ويجي منه بولندي
تعرفه من لون الفشقة ( أحمر) والقزازة صافية بدون خرابيش او دوواير
اما البرتقال وابو قزازة مموجه فتركه عنك
موفق خير

[المصدوع]

الله لا يهينكم ويطول ةعمارك وننتظر

باقي الاخوه وش بيقولون

[ابوعاشة]

فشق كاكا الي لونة بني ضغط 38 طيب بالحيل وقوي للارانب

[مجنـ قطا ــون]

افادوك الاخوان ماقصروا

[هاوي ونس]

سبحان الله وبحمده