المساعد الشخصي الرقمي

مشاهدة النسخة كاملة : ورشة أعطال القير وصيانته بالرياض


فتى الوادي
16/05/2012, 10:12 PM
السلام عليكم
من واقع تجربة وخبرة :
ماهي افضل ورشة لإصلاح القير توظيب او صيانة او حل لمشاكله .
سيارتي جي اكس آر موديل 2000 قير عادي واحس ان صوت القير فيه (شخوطة) يعني ما هو صافي ... وادور على ورشة متخصصة في صيانة القير ..
غفر الله لي ولكم ولوالدينا لا تبخلو علينا بخبراتكم وتجاربكم .
وااضح
16/05/2012, 10:26 PM
اذا كان الصوت زززززززززز
امسك العصا شف يتغير او يخف اذا كان كذا تراه من عصى القير
ابو فهد...
16/05/2012, 11:47 PM
عندك العتيبي
فتى الوادي
17/05/2012, 12:25 AM
الأخ ( وااضح ) الصوت من داخل الغمارة مو صافي .. فيه شخوطة ..
الأخ ( ابو فهد ) وين ورشة العتيبي ! موقعها او إحداثياتها لا هنت ..

المسألة هي : وش معني التوظيب ؟؟؟ هل يعني اني أغير كل قطع القير ؟
او التوظيب بمعني اعمل له تنظيف وصيانة ؟

يعني ممكن الصوت يكون من الزيت او من أي قطعة .. مين الفاهم من الورش اللي قد يعرف ويضمن قبل يفك القير !.؟
أو لا بد من فك القير ومعرفة المشكلة ؟
sgl2002
17/05/2012, 02:18 PM
لاتفكه ولا تسوي شي

هذا مع الوالد جس هدد 93 والصوت اللي تقول فيه من 15 سنة ولا ضره

القير العايدي اذا انفك ترى مايرجع نفس أول

والقير العايدي ماينفك الا اذا سمعت صوت طقطه قوية جدا جدا يسمعها اللي باخر الشارع او القير جاوب مره ذيك الساعه تفكه
التعـ King ـديل
17/05/2012, 07:51 PM
موترك مافيه الا العافيه .. زود زيت القير وشيك على الكلتش
قناص خلاوي
17/05/2012, 08:09 PM
اذا تبي ورشة متخصصة تويوتا عليك بورشة الضحيان اللي جنب السالم للقزاز
بالصناعة القديمة ، متخصصين تويوتا وعندهم قطع غيار اصلي وشغل ذمة
معاملهم من سنين طويلة ولا شفت منهم الا الخير والعلم الطيب
لو تمر عليهم يشيكون على الموتر ويعلمونك يبي تصليح او لا
موفق خير
رفيع المقام
18/05/2012, 12:30 AM
شيك على زيت القير ..
لا يكون ناقص ..
ونصيحه لاتستعجل ..
بالتوفيق .
فتى الوادي
22/05/2012, 11:20 PM
الحمد لله ... تم اصلاح المشكلة ..
صار السبب والصوت من الدبل ليس من القير ..
والسبب في صوت الشخوطة هو تهريب وتندية من الدبل ... فكينا الدبل ولقينا فيه عمود يحتاج لخرط ...
خرطناه وغيرنا الصوف والجلب الداخلية والخارجية ,,, وانتهى الصوت .. كما أختفت ريحة الزيت التي كنت اشمهاا داخل الغمارة ...
الشغل في ورشة الضحيان بالصناعية القديمة بالرياض .. خلف محلات الضحيان لقطع غيار تويوتا .. بالقرب من السالم للزجاج .. والحقيقة شغلهم تمام ...
التكلفة : شغل اليد 660 ريال مع خرط الصوفة .

وهذه بعض صور لفك الدبل ...


http://www.mekshat.com/pix/upload05/images244/mk213_img_1332.jpg


http://www.mekshat.com/pix/upload05/images244/mk213_img_1331.jpg


http://www.mekshat.com/pix/upload05/images244/mk213_img_1335.jpg


http://www.mekshat.com/pix/upload05/images244/mk213_img_1333.jpg


http://www.mekshat.com/pix/upload05/images244/mk213_img_1334.jpg


http://www.mekshat.com/pix/upload05/images244/mk213_img_1336.jpg
أصيل حجآ زي
23/05/2012, 01:46 AM
بـــآرك الله فيك لأيرآد التفآصيل ومــُشــآركتنا النتآئج ليستفيد الجميع .
وهذا هو تبآدُل الخبرآت والتجآرب التي ننشـــُدها للفآئدة .
صاروخ الغطغط
23/05/2012, 03:05 PM
الحمد لله انك لقيت المشكله لاتفك القير ثم تنحاس الدعوه اضافة معلومه القير لاخرب مايصلح التوضيب والترهيم خذلك واحد من سياره مصدومه شد بلده احسن مع ضمان شهر