كفرات إرتفاعها مثل إرتفاع البالون

[Saudi ARB]

سلام عليكم ورحمة الله وبركاته ..

إخواني اعضاء المتدى الكرام

أريد كفرات ممتازه تكون إرتفاعها مثل إرتفاع كفرات البالون // غير كفرات الشاهين

وتكون قويه وتتحمل فتره أطول بـ الديره وبـ البر .. اللي جرب كفرات وينصح فيها يقولنا


والله يجزاكم خير

[صياد الجبل]

وش موترك يالغالي وكم مقاس الجنط

[Saudi ARB]

هلا يالغالي .. الموتر باترول 97 ومقاس الجنط 16

[صياد الجبل]

طيب ياخوي ليه مارتكب البالون وترتاح

ترا ممتازه بالبر

[Saudi ARB]

البالون يالغالي راكب على الموتر .. بس صراحه احس يهرقل الموتر يعني كل شهر أربط فيه
وبالديره والله ماينفع البالون ابد خاصة بالطريق ..

[صياد الجبل]

اخوي شف مثلا عند الدانلوب

خذ كفر مقاس 16 مقاس مثلا 280 او 275

[راعي الشلفاء]

السلام عليكم

تبي نصيحه ركب كفرات اسمهن سول اندونسيه مثل البالون كلهن نايلون نفس الخامه
الفرق في النقشه يسمونهن ابو حبل 750_16

ملااحضه
كل ماسخف الكفر صار اقل مطب واقل بنشره

[aBu_aBdAlSlaM]

السلام عليكم

تبي نصيحه ركب كفرات اسمهن سول اندونسيه مثل البالون كلهن نايلون نفس الخامه
الفرق في النقشه يسمونهن ابو حبل 750_16

ملااحضه
كل ماسخف الكفر صار اقل مطب واقل بنشره

بعد اذن صاحب الموضوع .. وين الكفرات ذي وبكم سعرها ووش مقاسها

[ع. بن عمار]

سلام عليكم ورحمة الله وبركاته ..






إخواني اعضاء المتدى الكرام


أريد كفرات ممتازه تكون إرتفاعها مثل إرتفاع كفرات البالون // غير كفرات الشاهين


وتكون قويه وتتحمل فتره أطول بـ الديره وبـ البر .. اللي جرب كفرات وينصح فيها يقولنا



والله يجزاكم خير



و عليكم السلام و رحمة الله و بركاته

حياك الله يا ابوى

عندك اهل قطر و الإمارات يستعملون كفرات ممتازه مثل نقشة البالون اسمها سيام تاير

سؤال: شلون استعمالك للكفرات ؟
يعنى كل وقتك فى البر او طلعاتك قليله

اذا كان طلعاتك كثيرة توكل على الله وركبها و إذا طلعتك قليله ركب النقشه العادية مثل الدنلوب احسن لك
وهذى نصيحتى لك

دمت بحفظ الله

[GMC79]

فيه كفرات ماكسس عند وكيل ما كسس مقاسها 750 رفع البالون او ارفع بعد نقشتها مثل الكفرات اللي تجي على الدينات روح شوفها

[Saudi ARB]

الله يجزاكم خير الجميع ..
والله الدنلوب العريض ماينفع الصراحه وبنشره واجد ..
وانا ابي لي كفر على قولتهم جلد وبلد .. وفكرت بـ اليوكوهاما حق الربع وكاله الجديد
مدري اذا احد جربه يفيدنا ... والله يوفقكم الجميع

[Saudi ARB]

أخوي GMC79 الكفرات اللي تقول وش صناعتها فيتنامي زي الماكسس البالون ؟
وكم سعرها تقريبا ؟ هل تنفع في الديره والبر ؟

وجزاك الله خير

[التعـ King ـديل]

الماكسس والسيام تاير كلها كفرات بالون مقاسها 900 ونايلون

اذا انت تبي كفر رفيع ونحيف ركب هنكوك 235/85/16 رفيع ونحيف قريب من البالون

البالون ارتفاعه 90 والهنكوك 85 يعني مافي فرق كبير ولكن البالون اعرض

واذا انت تشتكي من البالون انه يهرقل الموتر .. شوف اسباب الهرقله وش هل الكفرات ترج وانت تمشي ولا سويت لها ترصيص لان الرجه على اي كفر تعدم الموتر

واي خدمه راسلني انا من عشاق البالون وهو كفري المفضل

[ذيب اليماني1]

السلام عليكم

تبي نصيحه ركب كفرات اسمهن سول اندونسيه مثل البالون كلهن نايلون نفس الخامه
الفرق في النقشه يسمونهن ابو حبل 750_16

ملااحضه
كل ماسخف الكفر صار اقل مطب واقل بنشره
الكفرات ممتازه وسعرها مناسب بس خل البنشر يزينها مع الحواف لاتبنشر

[GMC79]

سعرها 500 ريال ولا ادري وش صناعتها بصراحه لكني ناويها باذن الله

[وجعين]

ابو جمل ماكسس مركبه لي سنه عاى الباترول بلبر مستحيل يتعلق مايرده شي كذالك بنفود جيد سافرت لمكه ولحايل يلعب شوي لاصار الخط تعبان . ولا راح اركب غيره

[نبيل المقاصد]

الماكسس والسيام تاير كلها كفرات بالون مقاسها 900 ونايلون

اذا انت تبي كفر رفيع ونحيف ركب هنكوك 235/85/16 رفيع ونحيف قريب من البالون

البالون ارتفاعه 90 والهنكوك 85 يعني مافي فرق كبير ولكن البالون اعرض

واذا انت تشتكي من البالون انه يهرقل الموتر .. شوف اسباب الهرقله وش هل الكفرات ترج وانت تمشي ولا سويت لها ترصيص لان الرجه على اي كفر تعدم الموتر

واي خدمه راسلني انا من عشاق البالون وهو كفري المفضل

بعد اذن صاحب الموضوع
هل يجي من هالكفرات مقاس18
معي بطل الدروب وودي ارفعه شوي

[مافيه]

عندك كفرات الشاص دنلوب نقشة شاهين

وعندك الكفرات الجرية وتجي على الربع وكاله دنلوب مقاس 750

هاذي افضل خيارات قدامك من ناحية الارتفاع و الشكل

وفيه غيره كثير لاكن الشكل ...!! اتوقع تشوه الموتر وماتنفع

[قناص 28 عفيف]

كفرات مشلان للجلد والكرف

[التعـ King ـديل]

بعد اذن صاحب الموضوع
هل يجي من هالكفرات مقاس18
معي بطل الدروب وودي ارفعه شوي

لا مايجي 18

ولكن بطل الدروب يركبون له جنوط 17 على بالون 17 :good2:

[أبلج]

انا جربت ميشلان مقاس 245/75/R16 عشرة كاندس (غاط) ثلاث سنوات من الاستعمال ما اشتكيت منهم ولله الحمد وركبت بعدهم طقم نفسهم حتى بعت السيارة وهم عليها
وهناك مثلهم ولكن مقاسهم اسخف اشوي على ما أظن 235/85/R16 تجي على اللاند روفر الدفندر تكون أرفع تعطي الموتر ارتفاع أكثر
والله أعلم

[سليمان 10]

انا عندي افضل كفرات دنلوب ياباني اصلي مكتوب عليه 8 غاط مقاس 290 /225 لكن يبي جنط 6 او 7 انش او جنط هلل 0والكفرات هذه حقت الشاص وللاسف مايركب على موتري لانه 8 انش وماودي اغيرجنوطي علما بأني ركبتهن على موتري ورحت لمكه وماصدقت ارجع لانهن يراوغن بالسياره من نحفهن فعلى من جنوطه هلل ويبي ارتفاع ومتانه وعضاله واصاله فعليه بهذه الكفرات والله يكتب الي فيه خير وصالح000

[سعد القاسم]

ماستر كرفت بدون نقاش مايحتاج 10 غاط ومريح جدا
265 75 16عزالله انه دوا

واسمه ماستر كرفت ال ترين ام زائد اس كروزر 2 mastercraft A/T courser 265/75/16
مقاسه
285 70 17

صورته

http://www.wheelcomponents.com/images_temp/300300000Mastercraft-Courser-AT.jpg

ان بغيته في شعيب وان بغيته في رمل وان بغيته في الخطوط يسري مايقول لا


على فكره قبل لا اركب الكفرات تقريبا قبل 8 شهور قريت عنه بالمواقع الاجنبيه لقيته اخذ تقييم ممتاز من ناحية الراحه وطلع افضل من البف قدرتش في الراحه بواقع 3 درجات فرق

والمقاس الي انا مركبه اكبر شوي الي هو 285 على 70 على 17 وموتري تاهو


والكفرات لها وكيل بالغرابي الجمحان وقيمتها ممتازه مره اعتقد المقاس الي انت تدوره بحدود 550 اظاهر
وفقنا الله واياك دعواتك

[مجالس الرجال]

ماستر كرفت جربتهم ياحسافة اريال دفعته بهالكفر
النقشة خشنه ازعاج بالخط
طلعت عليهن للبر والارض مهب اكالعسرة بالحيل وانفرم جزء من النقشة مع الحصى

[سعد القاسم]

اخوي مجالس الرجال

تعرف اسم النوعيه الي انت ركبتها بالظبط وشي ؟ ومقاسه بالظبط الله لا يهينك

[hamad4499]

السلام عليكم ورحمه الله وبركاته بنسبه لخوي سعودي الي يسال عن الكفر البالون هل فيه بديل لا تعب نفسك مره مالك الا شاهين ولا هنكوك زي الشاهين هي البديل للبالون ولهي زي البالون انا قد فريت الدور وفر على نفسك التعب يا بالون يرفع الموتر ويرحك بالبر وهو يجيب المرض لك يالسواق والا الشاهين والله يعينك على البناشر بس للباترول ماينفع غير الشاهين لان البترول يفككه البالون وبنسبه للي يقول سيام تير ولا هيرو كلهن بوالين وليا بلا الله الماكسس ابو جمل يبيعهن ويشريه للي يركبهن يبي مقناص الا اذا كان الاستخدام بس زفلت سيام تير زينه

[وجعين]

السلام عليكم ورحمه الله وبركاته بنسبه لخوي سعودي الي يسال عن الكفر البالون هل فيه بديل لا تعب نفسك مره مالك الا شاهين ولا هنكوك زي الشاهين هي البديل للبالون ولهي زي البالون انا قد فريت الدور وفر على نفسك التعب يا بالون يرفع الموتر ويرحك بالبر وهو يجيب المرض لك يالسواق والا الشاهين والله يعينك على البناشر بس للباترول ماينفع غير الشاهين لان البترول يفككه البالون وبنسبه للي يقول سيام تير ولا هيرو كلهن بوالين وليا بلا الله الماكسس ابو جمل يبيعهن ويشريه للي يركبهن يبي مقناص الا اذا كان الاستخدام بس زفلت سيام تير زينه
خذ كلام ها الرجال لاني اعتبره افضل تعليق والرجال شكله مجرب كل الانواع وكل كفر وله ضريبه الي ينفع للبر ماينفع لسفر والي مريح ولين عمره قصير والي قاسي ومطبه يكسر الظهر عمره طويل (والحلو ما يكمل )ونت حدد تبيه للبر ولا لديره ولا للخطوط ,صدقت بهاذي( يا بالون يرفع الموتر ويرحك بالبر وهو يجيب المرض لك يالسواق)

[شيحاوي]

الله يذكر يوكوهاما واوتشو 825-16 بالخير لامطب ولابنشر ويرفعن الموتر الاوتشو انقطع ماعاد يجيبه الوكيل واليوكوهاما تعدى 1000ريال وكلهن 8غاط

[ابوسند9]

اخوي صاحب الموضوع
انت تقول ان البالون يهرقل بالسياره !! كلامك غريبه شكلك من اللي يحطون الهواء بالبر 30 او 35
احب اقولك ان البالون يحافظ على عمر السياره ومن الهربده وقصوص البدي بالبر خلى الهواء بين 15 الى 18
وداخل البلد خليه 20 وبالسفر 35 وتوكل على الله
اما بخصوص الاخ اللي يسئل عن الباترول الجديد جنط 18 هل يوجد له كفر بالون ؟نعم يوجد كفر بالون واسمهاacme وسعره تقريبا بين 750 الى 800 ريال لكن للاسف ليس بذاك الجوده

[ابوسند9]

واحب اضيف واعلق على كلام اخونا كنج التعديل بخصوص البالون على الباترول 2010 بطل الدروب
وانا اعرف انه يقصد الجنوط مقاس 17 نفس شكل جنوط الباترول ال 400 حصان
نعم هي جنوط جميله لكن المشلكه ان الكفرات بارزه بزيده مع الجنب وطالع شكل الجيب قبيح
لكن انا شفت باترول 2010 في قطر مركب جنوط ارمادا مقاس 17 مكحله وعليها اعتقد بالون ماكسس ونا ماني متاكد لكن طالع شكل الجيب روعه كانه بالون ع فتك وغير بارزه مع الجنب
هذا ما حبيت اظيفه للفائده واسف ع الاطاله

[راع الحيزى]

السلام عليكم
انا جربت الدنلوب مقاس 245\85\16 .... موتري باترول 2000
ممتازة ماشاء الله تبارك الله و مرتاح من استخدامها.