موضوع للنقاش

[اقدم صقار]

السلام عليكم ورحمة الله وبركاته
مساكم / صبحكم الله بالخير يا الربع
اليوم حبيت اسألكم جميع عن موضوع في الطير ويعتبر صفه مهمه او مطلب عند اغلب الصقاقير في الطير
اذا عرض عليك طير للبيع وانت ما شفته وقال الطير صافي
السؤال هنا ما معنى كلمة صافي
هل هو صفاء الوجه او صفاء الضهر او صفاء الذنيباء (مطلق عمد)
ارجو من الجميع المشاركه لتعم الفائده
انا من ناحيتي اقول الصافي هو اللي ضهره صافي من الدقوق او الرقاط
نبي ارائكم لاهنتوا
واتمنى من المشرفين عدم نقل الموضوع لخيمة اللاستفسارات
اخوكم ابو منصور

[جلاد الحباري]

الصافي مقصود به الظهر يكون خالي من الدقوق اما الوجه يقاله خالي من الدعوج والله يعطيك العافيه

[بدوي نمبر ون]

الصافي صافي ثلاث
غيره مهو صافي هذا اللي نعرفه
صافي وجه وصافي ظهر وصافي عمد
وهالحين تشوفه ادعوجه شاقتن وجهه ويقولون صافي وفيه بعض المواكر لياقفيتها صفيتها ولياكشفت برقعه نكرته
وهذا والله اعلم

[ربع خالي]

وعليك السلام ورحمة الله وبركاته

بحيل الله نشارك ولكن
اذا تفضلت ياخوي
وشـ المعنى بالسطر الاحمر في نهاية موضوعك
تقبل مروري

[صقار محترف]

اكيد صافي الظهر من الدقوق

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخيرياخوي / اقدم صقار
.
الصافي المعروف عندنا ولايعم الاوطان الاخرى
الضهر
يقال صـــافي .. او فيه الهوادي .. او غير صافي اللي ضهره كله مرشوش
الوجه
يقال سالم الدعوج او خفيفه
الذنيبا
يقال ذنيباه ثريا.. او ممسوح العمد ..او مودعه
.
وهناك مناطق لهم تسميات تختلف
.
اضافه وجواب على سؤال اخوي صقار قديم
اقصد الذيبا مايقال لها صافيه يقال
يقال ذنيباه ثريا...او مودعه..او ممسوح العمد
واللي تجي ذيباه ثريا مايقال له صافي يقال له اشعل .. اشقر .. ابيض
مجرد انه يحصل على هالالوان تميز عن الصافي
واللي تجي ذيباه مودعه وهو فرخ حمر لاقرنس يصير مرشوش
واللي تجي ذيباه مودعه وهو فرخ خضر لاقرنس يصيرصافي
والقاعده لها شواذ
*
والسلام
AL Khapt Brother of Naif
الحجاز
26-6-1433هـ

[اقدم صقار]

وعليك السلام ورحمة الله وبركاته



بحيل الله نشارك ولكن
اذا تفضلت ياخوي
وشـ المعنى بالسطر الاحمر في نهاية موضوعك
تقبل مروري




هلا بك يا ابو سيف
المعنى اوضح من عين الشمس وما يبي اي شرح
بيكون الموضوع هنا للفائده ويمكن تقولون يا المشرفين هذا نقاش ولازم ينقل لموضوع النقاشات والاستفسارات
ومشاركتك انت وجميع الاعضاء مهمه تعم الفائده

[اقدم صقار]

لاهنتوا جميع على الرد والايضاح
اخوي الفيتو هل الذنيبا تدخل تحت مسمى الطير صافي ؟
انت قلت الذنيبا ثريا وممسوح عمد او ودع طيب لو كان ثريا ينقال له صافي ؟
او لو كان في اسفل ضهره رش بسيط ينفال له ارقط او يعتبر من الصافيه ؟
اتمنى من الجميع ان يبدي رائيه وبكل اريحيه
وننتظر جميع الردود

[ربع خالي]

يابو منصور اليا طلعت الرجال من مجالسها والنفوس صافيه ! ماعاد عودت على باب قد سكّر
والمعاني اللي تحت الاسطر ترا ما أرضاها لا لاخواني الاعضاء ولا لإخواني المشرفين
ويشهد علي الله بان النفوس صافيه للصغير قبل الكبير
لك صادق ودي واحترامي
تحياتي

[طارح الحبارى]

الصافي ان يكون الطيرظهرة صافي مابة دق تماما

[ســـبــار ربــعـــه]

كلمة صافي يعني صافي الظهر والعمد لا فيه لا حزوز ولادقوق ولا ودع.وليس لكلمة صافي علاقه بكشوف الرأس وخلوه من المدامع والفحوح.
ملاحظه * هذا من ماتعلمته وعرفته وسمعته وهي وجهة نظري وانا لا امثل الا نفسي. وجميع الأخوان اعلم واخبر مني ومنكم نستفيد ولا هنت يا ابومنصور على طرح الموضوع وانا اعتبرك من اساتذتي.

[اقدم صقار]

يابو منصور اليا طلعت الرجال من مجالسها والنفوس صافيه ! ماعاد عودت على باب قد سكّر






والمعاني اللي تحت الاسطر ترا ما أرضاها لا لاخواني الاعضاء ولا لإخواني المشرفين




ويشهد علي الله بان النفوس صافيه للصغير قبل الكبير




لك صادق ودي واحترامي






تحياتي






ابو سيف الاموراللي صارت كلها ما تستاهل وعلى قول المثل سيلٍ يقطعه البهم
ويعلم الله يا ابو سيف انك غالي ويشهد علي الله في ما قلت ومن ناحية الباب اللي مسكر لك بخصوصه رساله على الخاص
وصدقني من باب الحرص يا ابو سيف حطيته بالاحمر لتعم الفائده لان اكثر الزوار يرتاد هذه الصفحه عن غيرها والله ثم والله وما حديتني على الحلف ان الضماير صافيه (حصنٍ تصاقل والضماير نضيفه ) وانت واللي مثلك قدوه يا ابو سيف ويعلم الله اني اود لك انت وكل اللي بالمنتدى كل ود واحترام سواء المشرفين او الاعضاء كلكم اخواني ويحسب لكم كم حساب وقدركم على العين والراس
لك كل الود والاحترام
اخوك ابو منصور

[أبو أمين]

لجل تقريب وجهات النظر تضرب الامثله

لنقل ان الصافي احد موديلات وكاله الحرار ههههه

فيه عده مزايا ( اوبشن ) كلن على قده وكلن يمدح سوقه

الصافي في اكس ار (فل كامل) : وجهه خالي من الدعوج وظهره والعمد خاليه حتى من النمش فما بالك بالدقوق.

الصافي جي اكس ار: به دعوج وصافي الظهر والعمد .

الصافي جي اكس : به دعوج والعمد به دق وصافي الظهر .

الصافي جي : به دعوج والظهر به نمش بسيط جدا لا يذكر وكذللك العمد تلقا بها ٤ او خمس دقوق خفيفه.

ولا احد يقد ينكر انها لاندكروزر ههههه قصدي صافيه ولكن درجات .

شكرا

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخيرياخوي / ابو امين
.
((الصافي في اكس ار (فل كامل) : وجهه خالي من الدعوج وظهره والعمد خاليه حتى من النمش فما بالك بالدقوق))
انا معك والظاهر هو الصافي الاكيد
وهو اللي يقصده اخوي اقدم صقار
*
والسلام
AL Khapt Brother of Naif
الحجاز
26-6-1433هـ

[حامد الحنيني]

السلام عليكم ورحمة الله وبركاته

مساء الخير

مرحبا اخوي / اقدم صقر

انا اتفق مع اخوي ابو امين الله يبيض وجهه

اختصر علي الطريق الله يجزاه خير

تحياتي ك.

[اقدم صقار]

لاهنتوا جميع على المشاركات
انا اشوف ناس تسمي طيور صافي ويوم اشوفه بعد الشرق عن الغرب من الصافي
اما من ناحية الظهر او من الوجه او ذنيباء الطير
تلقى طير مافيه شي صافي لا ضهر ولا ذنيباء ولا وجه ويقول طيري صافي ؟
لكل زمان مسميات ولكل بلد مسميات ومصطلحات ولاكن تبقى الصقاره والعرف هي الاساس والخلاف لا يفسد للود قضيه وهذي اوجه خلاف بسيط بين المسميات وحبيت اننا نتناقش فيها ومنكم نستفيد ونفيد

[(هزاع)]

موضوع شيق ومفيد وممتع
نعم لازم نختلف في وجهات النضر نحن بشر
لازم تفصل وصفك للطير او انك تعم الطير بالصفاه
ان عميت الوصف دخلو عليك بالوجه ودعوجه وذنيبه وش بها الا ان الطير صافي او انك تقول صافي ضهر
اما انك تقول صافي لاكن به شي بسيط تدخل بفسك بالخطى
اما الفرخ لوبه شي بسيط لاقرنس بتغير وصفك له

[ذراع الذيب]

السلام عليكم ورحمة الله وبركاته..
صبحت بالخير يابومنصور,,


تسلم على هالموضوع الطيب ومثل هذا الموضوع يترك على القسم العام لأهميته..
والاخوان ماقصرو وكلن ادلى برأيه والصافي في نظري هو طير واحد بس وهو اللي خلا وجه من الدعوج ويكون صافي ظهر وعمد..
وغير ذلك تنذكر مميزاتها فقط ولا يطلق عليها كلمة صافي ولاهنت وتحياتي لك,,

[صقار العنزي]

هي احد الخيارين يا وضعه طبيعي او صافي الريش

[اقدم صقار]

موضوع شيق ومفيد وممتع

نعم لازم نختلف في وجهات النضر نحن بشر
لازم تفصل وصفك للطير او انك تعم الطير بالصفاه
ان عميت الوصف دخلو عليك بالوجه ودعوجه وذنيبه وش بها الا ان الطير صافي او انك تقول صافي ضهر
اما انك تقول صافي لاكن به شي بسيط تدخل بفسك بالخطى

اما الفرخ لوبه شي بسيط لاقرنس بتغير وصفك له




هلا بك يا ابو مشعل وهل في نظرك الصافي هو صافي الضهر ؟
او الصافي صافي الضهر والذنيباء والوجه من الدعوج ؟
اتمنى التوضيح يا ابو مشعل

[اقدم صقار]

السلام عليكم ورحمة الله وبركاته..

صبحت بالخير يابومنصور,,


تسلم على هالموضوع الطيب ومثل هذا الموضوع يترك على القسم العام لأهميته..
والاخوان ماقصرو وكلن ادلى برأيه والصافي في نظري هو طير واحد بس وهو اللي خلا وجه من الدعوج ويكون صافي ظهر وعمد..

وغير ذلك تنذكر مميزاتها فقط ولا يطلق عليها كلمة صافي ولاهنت وتحياتي لك,,



وعليكم السلام ورحمة الله وبركاته
هلا وغلا بخوي ابو ناصر
لاهنت يا ابو ناصر على التوضيح وعسى الله يرحم والديك ومرورك شرف
اخوك ابو منصور

[اقدم صقار]

بصراحه الاولين يقولون الصافي هو صافي الوجه من الدعوج والضهر من الرقاط
اما الذنيباء يقولون ثرياء او ودع وما يعتبر من صفاء الطير وذا كان ذنيباء الطير صافي يقولون مطلق عمد
ابوي عسى الله يطول بعمره كان يطرح الطيور ويقول لي كنا نطرح الطير الابيض اللي كأنه (غرنوق )مثل ما قال وهذا الشي غريب علينا وشبه مستحيل ولاكن كانو في وقت متوفره فيه الطيور والصيد
او الطير الاحمر اللي يرد بشقار اللي راسه مثل الزبيديه اما غيرها من حر او شاهين او وكري يقول نهده ولا نبيه
ويقول ناخذ الوكارى والمثاليث نقل للطيور العاصيه وبعضها يغدي على وجهه وبعضها ينشب في الشجر ويموت عسى الله يتجاوز عنه ويسامحه
كانت السوالف ذي عام 1370 او بعد قبل السبعين قبل حوالي خمسين سنه ويقول صدنا 20 طير تغوى فيها كلها طقتها وحده
ورحت ب10 طيور للمرحوم الامير سلطان بن عبدالعزيز الله يغفر له
وارسل عمي ب10 طيور للمرحوم الملك فهد بن عبدالعزيز الله يغفر له
هذي من بعض القصص ومن شدة الانتقاء في الطيور
ويقول كانت واجد ونتغاوى فيها من كثرها
اليوم سألته وقلت وش الصافي ؟
ضحك وقال متى عرفنى الصافي او المقاسات 17 و16 و20 وكلامكم اللي توكم جايبينه
الطير نضره وجوهر ووسره وقطوع
اسف على الاطاله ولاكن حبيت اوضح لكم ان المصطلحات الداخله علينا غيرت المفاهيم
ولاكن يبقى الطير له قدر ومكانه وكل صقار له نظره تخصه
الله يوفق الجميع لما يحب ويرضى
اخوكم ابو منصور

[(هزاع)]

ضحك وقال متى عرفنى الصافي او المقاسات 17 و16 و20 وكلامكم اللي توكم جايبينه
(الطير نضره وجوهر ووسره وقطوع )
****
كلام العود يدون بالذهب
يالله ان ترزقه الجنه راعي ذالكلام
ماعلمته عن شرط السواديه سلم للحرار
الله المستعان يابومنصور
اما عن الصافي لاتدخل الذنيبه بالموضوع
الصافي لاخلا من الدعوج وصفا ظهره
هلحين كلش صافي وكلش جرودي وجتك التفاريخ وقالو سنجاري كيف تفريخ وسنجاري؟!
الطير اللي مايجي على الشلو لادعيته اطلق اسبوقه
لاقنصت لازم تاخذ شبك حمام للطير لاصار معك حمام وش تقنص له

[الذحاح]

بسم الله الرحمن الرحيم
السلام عليكم ورحمة الله وبركاته
مساء الخيرياخوي / اقدم صقار
.
الصافي المعروف عندنا ولايعم الاوطان الاخرى
الضهر
يقال صـــافي .. او فيه الهوادي .. او غير صافي اللي ضهره كله مرشوش
الوجه
يقال سالم الدعوج او خفيفه
الذنيبا
يقال ذنيباه ثريا.. او ممسوح العمد ..او مودعه
.
وهناك مناطق لهم تسميات تختلف
.
اضافه وجواب على سؤال اخوي صقار قديم
اقصد الذيبا مايقال لها صافيه يقال
يقال ذنيباه ثريا...او مودعه..او ممسوح العمد
واللي تجي ذيباه ثريا مايقال له صافي يقال له اشعل .. اشقر .. ابيض
مجرد انه يحصل على هالالوان تميز عن الصافي
واللي تجي ذيباه مودعه وهو فرخ حمر لاقرنس يصير مرشوش
واللي تجي ذيباه مودعه وهو فرخ خضر لاقرنس يصيرصافي
والقاعده لها شواذ
*
والسلام
AL Khapt Brother of Naif
الحجاز
26-6-1433هـ




عز الله انك صادق يابو صالح 100%

[اقدم صقار]

ضحك وقال متى عرفنى الصافي او المقاسات 17 و16 و20 وكلامكم اللي توكم جايبينه

(الطير نضره وجوهر ووسره وقطوع )
****
كلام العود يدون بالذهب
يالله ان ترزقه الجنه راعي ذالكلام
ماعلمته عن شرط السواديه سلم للحرار
الله المستعان يابومنصور
اما عن الصافي لاتدخل الذنيبه بالموضوع
الصافي لاخلا من الدعوج وصفا ظهره
هلحين كلش صافي وكلش جرودي وجتك التفاريخ وقالو سنجاري كيف تفريخ وسنجاري؟!
الطير اللي مايجي على الشلو لادعيته اطلق اسبوقه

لاقنصت لازم تاخذ شبك حمام للطير لاصار معك حمام وش تقنص له



الله يجزاك خير يا ابو مشعل ويرحم والدينك عن النار ويدخلهم الجنه
اضحتني بكلام اهل السوادي ههههههههه
والله انك صادق يا ابو مشعل لاكن هالوقت وقت سوادي الناس صارت تقنص السوادي
الله المستعان كلش تغير وكلامك صادق الواحد الحين ما يقنص الا معه شبوك حمام والجوز على اربعين يا دافع البلى والشي الثاني التفاريخ والله ينغش فيها كثير من الناس
اخوك ابو منصور

[عواد الشمري2]

هلا والله بابو منصور وموضوعك طيب من شخص اطيب
الله يطول بعمر شايبك ويعطيه الصحه وكلامه سليم ميه بالميه

وبنسبه للصافي صافي ظهر والوجه
ومثل ماقال ابو مشعل الوقت هذا كل الطيور غدت صافيه والتفريخ يقولك سنجاري

[البواردي 777]

رووووووووووووعه الله يعطيك العافيه

[بن قنور]

السلام عليكم ورحمة الله وبركاته
الحر الصافي

اعتقد لابد ان يكون الطير حمر وليس غير ذلك وصافي العمد
وخالي من الدق في الظهر
والراس كاشف وخالي من الواحظ والدعوج
والجناح فيه شد هاذا حد علمي ومعرفتي في ذلك فأن اصبت فمن الله وان اخطئت فمن نفسي والشيطان

باتل بن قنور