معقولة حرارة الباترول طبيعية كذا ( يوجد صورة )

[sgl2002]

http://www.mekshat.com/pix/upload05/images248/mk166247_dsfs.jpg


مساكم الله بالخير


ياشباب انا عندي باترول ربع 2009 الموجود بتوقيعي 4500 بخاخ


الموتر جديد بمعنى الكلمة وكل شي فيه جديد


المهم لي فترة وانا اشك بحرارته مع الجور والمشي اما مع الوقوف والسرعه البسيطة ممتاز جدا



المهم رحت اليوم قلت بختبر الحرارة هل في الموتر مشكلة او لا


يوم جاء العصر وشفت ان الجو حار رحت للنفود وشغلت المكيف والكفرات مليانه هواء وقمت اجور عليه بالاول ماعشقت ابد على السيوف


المهم خمس دقايق الا والحرارة تبدا تطلع الين ماوصلت على هذا الحد كما في الصورة


وقفت وعلى طول اقل من دقيقة رجعت للوضع الطبيعي


وجلدت الموتر مره ثانية بدون مكيف ونفس الطريقة ارتفعت ووقفت ورجعت الحرارة ممتازه


فهل هو طبيعي مع انه كان معي 99 نفس الموتر وكنت ادخل به والحرارة 45 وبالمكيف وبدون تنسيم ولا ترتفع


الموتر حقي كل شي فيه جديد على حطة الوكالة مع العلم اني غيرت له موية رديتر اصلية + بلف جديد


ملاحظة : المروحة عندي لما اهزها يمين ويسار احس بفضاوة فيها بس تماتيك المروحة شغال وحنة الموتر وقوة الهواء ممتازه

[abo_Majed]

لا ماهي طبيعية شيك عليه

[التعـ King ـديل]

الحراره الطبيعيه اقبل من الربع بشرطه او على الربع

موترك يبيله تغير بلف الحراره وتسييخ رديتر وتشيك على المراوح وتماتيك المرواح

وغطاء الراديتر وامورك ان شاء الله طيبه

[sgl2002]

الموتر مغير بلف الحرارة قبل شهر هو و الماء

والرديتر نظيف جدا جدا ولا فيه صدا ولا اي شي ولا ذرة وصخ

تماتيك المروحة اسمعه يشتغل يفجر الراس من قوة الحنه والهواء

[قناص خلاوي]

وش الماء اللي حطيته بالاديتر.؟؟؟
اذا الماء اصلي وحطيت جركلين مازدته ماء عادي تراه يسبب حرارة
حط جركل واحد والباقي ماء بطاريات وتضبط الحرارة معك
وشيك على البلف لا يكون ماهوب اصلي او يفتح على حرارة مرتفعة
موفق خير

[sgl2002]

الموية حطيت به جالون موية ميتسوبيشي الخضراء والباقي موية مقطرة

البلف ماخذه من الوكالة


ونسيت أقول : إني فتحت الكبوت وضغطت الليات حصلتها لينة وممتازه مافيها ضغط هواء والقربة الموية فيها معتدلة ما طفرت

[التعـ King ـديل]

ماشاء الله تبارك الله


حراره الفتك قبل اول ماتشغل المكيف

http://www.mekshat.com/pix/upload01/prof021/mk61060_vtc-1.jpg


بعد تشغيل المكيف واعتدال السياره للمشي


http://www.mekshat.com/pix/upload01/prof021/mk61060_vtc-2.jpg

شغلت موتري علشان خاطرك وطقيت فره على البيت علشان تضبط الحراره الطبيعيه :good2:

[sgl2002]

انا معك ياكنق بس الفتك ترا بعد الوقوف في الشموس والزحمات توصل ورا الشرطه بشعره

[التعـ King ـديل]

اذا عداد RBM والسياره واقفه متعدي ال 1 يبيلك تسييخ رديتر

اذا تماتيك المروحه تسمع له حنه يبيله تغير لانه مايؤدي عمله صح

لابد تغير المويه تويوتا الحمراء او ميتسوبيشي جالون واحد وتحط الباقي مويه مقطر

واذا غيرت البلف بدون ماتشيك على المويه او التماتيك مااستفدت شي ترجع وتغيره من جديد

[التعـ King ـديل]

انا معك ياكنق بس الفتك ترا بعد الوقوف في الشموس والزحمات توصل ورا الشرطه بشعره

الفتك النظيف مويه اوكي بلف اوكي تماتيك اوكي غطاء رديتر اوكي توصل للربع فقط :good2:

مجرد ارتفاعها عن الربع معناته بدايه مشكله

[التعـ King ـديل]

واختم كلامي لك انتبه يوصل للنص ولا تطفي السياره لان ممكن ينشعر الراس عندك

[sgl2002]

طيب لو تماتيك المروحة خربان كان بترتفع الحرارة مع الوقوف

عندي ماترتفع الا مع الجور الزايد بالنفود واول ما اوقف ترجع

معليش تحملني ياكنق بس ودي استفيد

[ابو فهد...]

لان المروحه مالتحق لو تركب مراوح سوبارو احسن

[عاشق الشعبيات]

حرارتك هذي مرتفعه جداً وأنتبه ترا بينشعر عليك الراس أو يقوس وتخبط المكينة لا قدر الله
http://www.mekshat.com/pix/upload05/images248/mk166247_dsfs.jpg


طيب أنت ترتفع عليك الحرارة إذا مسكت خط ولا إذا وقفت وطولت وأنت مشغل المكيف ؟!!

لأن الحرارة اللي كانت عندي وأنا واقف ومشغل المكيفين ترتفع لحد الثلث

قمت وغيرت توماتيك المروحه وغيرت بلف الحرارة وصيخت الأديتر والحرارة الآن تمام ولله الحمد :good2:

وهذي صورة الحرارة قبل التصييخ
http://im13.gulfup.com/2012-05-17/1337277508421.jpg



والآن ما شاء الله الحرارة

http://im13.gulfup.com/2012-05-17/1337277508552.jpg

[sgl2002]

لا

انا ترتفع علي كذا اذا جلست فاجر الموتر بالاول وبدون مانسم والحرارة الخارجية للجو 40 وترتفع بعد خمس دقايق من الدعس المتواصل بالنمرة الأولى

واول ماشيل رجلي من البنزين او اوقف او امشي بشوي شوي تبدا بالانخفاض وبسرعه في اقل من دقيقة

[ابو شريفة]

بصراحة دايم اشوف ردودك هنا واحس لنك فاهم مو جاهل ؟ الحين تلعن الموتر بواحد مسايف والمكيف شغال؟؟ وﻷ كفراتك تقول مليانة؟ وتبي حرارته تكون اقل من الربع صادق انت؟؟ دام الموتر يكشت بك وعلئ قولتهم يقطع بك الخرمة وشوله هالسوايا مرتين ثﻷث مثل طلعتك ذي اما ينشعر راس المكينة واﻷ بيخلط زيته مع الماء؟ اي موتر تعطية اكبر من طاقته تبي ترتفع حرارته طبيعي جربت ثﻷث مواتر قبل الربع الي معي طبعا باترول لما تجور عليه بنفس طريقتك ترتفع حرارته الحين انت لو تركض بحارتكم شبيت ودخنت طباقة راسك، انا اقول هالهرج نصيحة لك موترك طبيعي ومن حقه ترتفع حرارته لكن حافظ عليه دامه شايلك عن اﻷرض ومنت خلق الله
دمت سالم

[عاشق الشعبيات]

لا

انا ترتفع علي كذا اذا جلست فاجر الموتر بالاول وبدون مانسم والحرارة الخارجية للجو 40 وترتفع بعد خمس دقايق من الدعس المتواصل بالنمرة الأولى

واول ماشيل رجلي من البنزين او اوقف او امشي بشوي شوي تبدا بالانخفاض وبسرعه في اقل من دقيقة

شف يالغالي شغل سيارتك وخل واحد معك يشوف توماتيك المروحه وطف السيارة وإذا طفت المروحه بعد مرور وقت من تطفية المحرك معناته التوماتيك خربان وأما إذا وقف توماتيك المروحه على طول معناته إن التوماتيك سليم

فالتوقعات:
1. إما توماتيك المروحه خربان
2. أو إن توماتيك المروحه موب أصلي
3. بلف الحرارة ما يفتح صح

على العموم اي جيب إذا فيه توماتيك مروحه ما ترتفع حرارته بهالطريقه مهما سويت له الكفرات مليانه ولا ناقصه

لو كان مراوح كهرب قلت يمكن من المراوح الكهرب لأنها ما تلحق مثل التوماتيك

[ابوعلي العجمي]

السلام عليكم ورحمة الله وبركاته
عاشق الشعبيات الصورة الاولى قبل التسييخ
الحين نفس حرارة الموتر وتزود شوي مع المكيف
ويشبك تماتيك المروحه ويبطي
والكمبرسر ما يفصل الظغط تحت 1 بشرطتين اذا مشيت يبرد

[عاشق الشعبيات]

السلام عليكم ورحمة الله وبركاته
عاشق الشعبيات الصورة الاولى قبل التسييخ
الحين نفس حرارة الموتر وتزود شوي مع المكيف
ويشبك تماتيك المروحه ويبطي
والكمبرسر ما يفصل الظغط تحت 1 بشرطتين اذا مشيت يبرد


وعليكم السلام ورحمة الله وبركاته

اي نعم هالصورة قبل التصييخ
http://im13.gulfup.com/2012-05-17/1337277508421.jpg

وكانت ترتفع أكثر من كذا وتوصل إلى الثلث وأنا واقف وأكتشفت إن السبب الرئيسي لها توماتيك المروحة تعبان والحين تمام ولله الحمد

أما بالنسبة لك إذا حرارتك ثابته ما تتعدى فما عليك أما إذا كانت تزود تدريجياً فلا تهملها

[sgl2002]

بصراحة دايم اشوف ردودك هنا واحس لنك فاهم مو جاهل ؟ الحين تلعن الموتر بواحد مسايف والمكيف شغال؟؟ وﻷ كفراتك تقول مليانة؟ وتبي حرارته تكون اقل من الربع صادق انت؟؟ دام الموتر يكشت بك وعلئ قولتهم يقطع بك الخرمة وشوله هالسوايا مرتين ثﻷث مثل طلعتك ذي اما ينشعر راس المكينة واﻷ بيخلط زيته مع الماء؟ اي موتر تعطية اكبر من طاقته تبي ترتفع حرارته طبيعي جربت ثﻷث مواتر قبل الربع الي معي طبعا باترول لما تجور عليه بنفس طريقتك ترتفع حرارته الحين انت لو تركض بحارتكم شبيت ودخنت طباقة راسك، انا اقول هالهرج نصيحة لك موترك طبيعي ومن حقه ترتفع حرارته لكن حافظ عليه دامه شايلك عن اﻷرض ومنت خلق الله
دمت سالم


انا معك ياخوي ان اللي سويته غلط

لكن انا كنت ابي اختبر الحرارة فقط


بالنسبة لتماتيك المروحه مضبوط واختبرته باكثر من طريقة وممتاز

لكن الرديتر هل ممكن انه يبيله تسييخ مع انه الما نظيف جدا والموتر جديد ما امداه حتى الما انا غيرته مع ان موية وكالته كانت فيه ونظيفه

[sgl2002]

ملاحظة : المروحة اذا هزيتها يطلع فيها فضاوة

هل ممكن ان تماتيك المروحة مع السرعات العالية يفصل ويرجع يشبك اذا هدا الموتر

[مركز حراره]

موترك مافيه شي
تبي تركب مراوح كهرب اريح من صوت الجه واخف للموتر وابرد لكن موترك مافيه شي الله يوفك

[ابودوس]

الرديتر يبيله تسييخ
قبل كل شي انا جربت
2005ماشي 50 الف وعقدني بالحراره الياسرعت يطلع فوق النص واذا هديت رجع والرديتر نضيف ولاكن مقفل من الوقوف والسلام

[ابوعلي العجمي]

هي تثبت على نفس اللي بالصورة او تزيد شعرة زيادة القربه غيرتها
وكاله حقت الاديتر
القديمة كانت صفرا من الداخل كن عليها غبار والغطا اشوف عليه كانه صدى
عبيت الاديتر ما اصلي الاحمر جالون وما مقطر والا الحين كذا

[شاص2007]

اذا حركت المروحه فوق وتحت وحسيت انه فيها فضاوه فالمشكله من طرمبة الماء100%

بس انا اقصد فوق وتحت يعني كأنك تشيلها وتنزلها ماهو يمين ويسار

[ابوعلي العجمي]

طيب وش رايكم بمراوح الكهرب زينات والا شد البلد زين

[فهد2012]

فيه شئ ما ينتبهون له الناس وهو الليات تكون تعبانه ... يعني جدارها الداخلي يكون مهتري مما يؤدي زي ما نقول بلهجتنا تنعفط او تلتوي مما يؤدي الى ضعف جريان المويه ....

والشغله الثانيه هي طرمبة المويه تكون مراوحها متكسره او ما تدور بشكل جيد .....

وبلف الحراره ركب بلفه الاصلي وليس توليف

وغطاء الرديتر شيك عليه ... فيمكن هالمشكله كلها منه

وامورك طيبه باذن الله .........

[sgl2002]

فيه شئ ما ينتبهون له الناس وهو الليات تكون تعبانه ... يعني جدارها الداخلي يكون مهتري مما يؤدي زي ما نقول بلهجتنا تنعفط او تلتوي مما يؤدي الى ضعف جريان المويه ....

والشغله الثانيه هي طرمبة المويه تكون مراوحها متكسره او ما تدور بشكل جيد .....

وبلف الحراره ركب بلفه الاصلي وليس توليف

وغطاء الرديتر شيك عليه ... فيمكن هالمشكله كلها منه

وامورك طيبه باذن الله .........


الخراطيش جديدة ومع ذلك بفحصها
طرمبة الموية شغالة 100%
غطا الرديتر جديد وغيرته ونفس الشي
البلف مغيره مع الموية

وهذي صور للموتر اخذتها امس الليل بالزحمات واليوم الظهر وقفته ساعه وهو شغال

http://www.mekshat.com/pix/upload05/images248/mk166247_img_0767.jpg

http://www.mekshat.com/pix/upload05/images248/mk166247_img_0770.jpg
طبعا هذا اخر حد توصل له الحرارة ولا يتعداه الموتر لو يقعد واقف ساعات ولو امشي 200 ماتتعداها

مامشكلتي الا اذا مررشته بالنفود

[الوافي512]

طبيعي جداً لاتفك شي ولا تغير شي

اي موتر توجر عليه وتفقعه طبيعي بيحتمي

نصيحه لاتلمسه جديد الموتر

[(((.ابوتميم .))))]

موترك طبيعي اصلا مع الدبل والجور اي موتر بترتفع حرارته طبيعي
درجه الحراره 45 ودبل ومانسمت ولاغيرت من الاول وش تبي يصير يعني !!!!!
انت خل سواقتك طبيعيه بعدين شف الموتر طبيعي وحرارته زينه ولالا
جرب مواتر اخوياك مهوب شر باترول اي موتر ثاني علشان ترتاح

[المهاجر انا]

تاكد يمكن امبير الحرارة عطلان وهذا حصل لوحد في كرسيدا او الكنداسه مسدوده مايخرج الهواء صح واللي المشكله في المكينة دور لك مكانيكي صح

[فهد2012]

كثر عليك الكلام

ما بقى الا الدبات ..... شيك عليها يمكن تكون دبات الرصاص او ماتسمى بدبات البيئه هي السبب تكون متسدده ... لان غاز الشكمان اذا ما طلع بشكل جيد يولد الحراره .....

الزيت ينقص عندك ؟ يعني المكينه نظيفه ولا لا ؟

[turkiq]

اخوي انت تقول الليات لينة ... وهذا يدل على ضعفها .. المفترض تكون قاسية يوم تضغطها بيدك
لا يغرك شكلها ولا حتى عمرها .. انا اشوف ان هذا ابسط شي ممكن تسويه .. الشي الثاني تأكد ان الطرمبة شغالة صح عند فني فاهم والامر الثالث البلف اللي ركبته هل هو راكب صح؟ ترى تحصل ان الفني يقلبه.. اخيرا تأكد من الهواية هل هي سليمة .. ؟

[sgl2002]

رحت اليوم الصناعية واسمع انواع الجهل

يعني اللي على نياته بيضحكون عليه سلام سلام

الأول قال تسييخ رديتر : قلت طيب الرديتر مافيه ذرة وسخ والحرارة مع الوقوف ماترتفع مهما كانت مدة الوقفه ودرجة الحرارة
الثاني قال طرمبة الماء : وقلت طيب امسك الخرطوش واضغطه شوي وادعس بنزين وينقبض على خفيف يعني ان الطرمبة شغالة
الثالث قال بلف : قلت توني مغيره ووشفته يوم ركبه


المهم ما احد عطاني علم وكاد ، وبغيت اشتري رديتر صيني واركبه واجرب لاني مابغاهم يفكون حق الوكالة ويخربونه وشاورت قلت خلني اروح اجرب من جديد بالنفود
واللي باقي اشك فيه على خفيف اللي هو طرمبة الماء ، هل ممكن كثر المطانيج والمطبات بالنفود تخربها والا لا؟


المهم طلعت النفود ونسمت الكفرات وخذلك جور والكلام هذا بالعصر والحمد لله ما ارتفعت ولا تعدت مثل اخر صورة

،لكن لاحظت شي بالموتر اللي هو ان رديتر الموتر صغير ماهو مثل ال98 اللي كان معي كان رديتره كبير

http://www.mekshat.com/pix/upload05/images248/mk166247_img_0624.gif
انا بشيك على الطرمبة بس انتظر الموتر يبرد ، والخراطيش مااعتقد انه منها لانها ماتسبب الحرارة هذي كلها وبسرعه وبمجرد ما افك رجلي ترجع طبيعية

وراح اوافيكم بآخر المستجدات

[sgl2002]

اخوي انت تقول الليات لينة ... وهذا يدل على ضعفها .. المفترض تكون قاسية يوم تضغطها بيدك
لا يغرك شكلها ولا حتى عمرها .. انا اشوف ان هذا ابسط شي ممكن تسويه .. الشي الثاني تأكد ان الطرمبة شغالة صح عند فني فاهم والامر الثالث البلف اللي ركبته هل هو راكب صح؟ ترى تحصل ان الفني يقلبه.. اخيرا تأكد من الهواية هل هي سليمة .. ؟


أخوي لو سمحت وش تقصد بالهواية

[5200]

ياخوي سيخ الريديترانا نفس سالفتك ترتفع الحراره للنص وتنزل غيرت بلف ولا نفع سيخت الرديتر وطلع متسدد وشلون ما ادري مع ان السياره وكاله صني ٢٠٠٨ وماء الوكاله وشلون ما ادري بس هذا الحاصل.

[sgl2002]

ياخوي سيخ الريديترانا نفس سالفتك ترتفع الحراره للنص وتنزل غيرت بلف ولا نفع سيخت الرديتر وطلع متسدد وشلون ما ادري مع ان السياره وكاله صني 2008 وماء الوكاله وشلون ما ادري بس هذا الحاصل.

طيب الرديتر اللي عندي وش بيخليه ينسد

انا ودي اعرف سبب غير الطين والملح عشان اخليهم يسيخونه

[صلهامه]

ما شاءالله على سيارتك
يا خوي لا تحوس فيها
تدرى كم درجة الحرارة من فوق الشرطة الثانية الى النصف تراها ما تتعدى تقريبا 15 درجة ..
شف السيارات كم من الحد الطبيعى لين الأحمر بالأمريكي تراها شوية ماهي ذاك الكثر ...
كم درجة حرارة البلف اللى انت مركب !!!! وما شفت واحد ذكر هالشيء بالردود !
يمكن انك حاط بلف درجة حرارته عاليه
ترى البلوف تختلف توصل من حول التسعين درجة الى خمس وستين ....

[turkiq]

الهواية طال عمرك هي الاطار البلاستيك اللي يكون داير مادار حول الرديتر ووظيفته يوجه الهواء ويركزه على المكينة تأكد انه سليم .... وانا اخوي لا زلت اشك في امرين تحديدا بسبب طريقة ارتفاع الحرارة عندك .. طالما ترتفع مع الدعس وبسرعة فهذا يدل على ان في شي يعطل حركة الموية مع الدعس .. وهذي اما تكون من من الليات يعني مع الدعس تنسفط وتعطل حركة الماء او بسبب ضعف في طرمبة الموية وهذا يشوفها ميكانيكي شاطر ويعطيك العلم



واخيرا اذا كنت شاك رديتره اصغر من حق بلده فهو احتمال وارد .. يعني يمكن مالك السيارة السابق غيره برديتر اصغر ومشي معه ... هذا طبعاً ان كانت السيارة ماهي على يدك من الوكالة.
لكن طبعاً ابدأ في الاسهل والارخص ..

[abo_Majed]

الموتر مغير بلف الحرارة قبل شهر هو و الماء

والرديتر نظيف جدا جدا ولا فيه صدا ولا اي شي ولا ذرة وصخ

تماتيك المروحة اسمعه يشتغل يفجر الراس من قوة الحنه والهواء

حنة المروحة اذا دايم تسمعها خاصه لا طفيت السياره ورجعت لها بعد ساعه او اكثر وشغلت ومشيت تسمع الحنه يدل على عدم انتظام تماتيك المروحة هذي وحده

الثانية شغل السيارة وافتح الكبوت ووقف جنبها من عند الرفرف شف هوى المروحة اذا هو قوي مره وتحس انك ماتقدر تتحمله ايضا هذي دليل على عدم انتظام تماتيك المروحة وهو يعطي اكثر من اللازم عشان كذا السيارة لو وقفتها سنه والمكيف يشتغل ماترتفع الحراره لاكن اذا مشيت وشديت على الموتر كثير يضعف التماتيك وما يعطي القوة المطلوبه على طول بترتفع معك الحرارة

على فكره ترى الدبل مع الجور على الموتر بالحر تاصل الحرارة الى النص وهذا مر علي بجميع موديلات الباترول

ارجوا اني افدتك

[انا العيساوي]

نصيحه ياخوي صيخ الاديتر حتى لو الماء نضيف

وحتى لوانه انضف من النظافه

لأنها صارت معي والدليل إرتفاع الحراره مع السرعه وإذا خففت السرعه ترجع طبيعي

إلا إذا الراس مشعور ترتفع الحراره مع السرعه والجور

الخلاصه ترتفع الحراره مع الجور+السرعه في الحالات التاليه:
1تنسيم بالراس 2لاديتر يحتاج الى تسييخ اوتغيير

وسلامتك يابعدي

[You Like Me]

يا اخوان بارك الله فيكم
لا تحوسون الرجال
انت موترك مافيه شي ما شاء الله
والدليل كلامك لما نسمت وبدون مكيف ما ارتفعت معك
وطبيعي يخوي موتر تفجرة بالدبل بدون تنسيم ومكيف ما تبي حرارته ترتفع ؟
حتى لو نسمت وبدون مكيف وتمغله بالاول ماتريحه ترتفع طبيعي فمبالك بدون تنسيم ومكيف
والمفروض وانا اخوك موضوع زي هذا ما يجهلك

[ح ح و 693]

يارجال لا توسوس

موترك مافيه بلاء ، لكن وان كان ولا بد صيخ الرديتر بس

عندي باث لا شديت عليه في الطعوس بدون تنسيم على طول ترتفع الحرارة للنص واذا نسمت نزلت للربع

وولاتنسى موترك جديد وتكثر روحات للصناعية

[sgl2002]

اشكر مروركم ياخوان

بالنسبة لراس المكينة ما اتوقع لانها يوم ارتفعت الحرارة وقفت وفتحت غطا المكينة ومافيه اثر ماء
والزيت اغيره بعد٥٠٠٠ وكانه جديد

بالنسبة لكلام اخوي عن تماتيك المروحة كانه جاب حاجات حاصلة عندي

لما افتح الكبوت وادعس بنزين ماعاد اقدر اجلس عنده من قوة الهواء

ولامني دعست له اول مايتعدى الضغط رقم٤ احس انه يخف

لامني دخلت نفود وطلعت تماتيك المروحه ياخذ ٣ الى ٤ ايام وهو باقي معلق ويحن مايفصل ثم يرجع على اوضاعه الطبيعية بعد فترة وهو انه يفصل مع البرودة ويشبك مع الحرارة

وسبق انه ماعاد شبك قبل فترة وقمت ونفتحه من الغبار والتراب ورجع بعدها تمام ، وعلى فكرة ترى الهواية تمام

بالنسبة للي يقول عايدي وهذا انا بديت احس انه الكلام هذا هو الصحيح لاني يموم اجور عليه كان الحرارة عالية وبدون مانسم وحاشره بالاول ويتفتف لاني معطيه اخر دعسه عشان.مايبرد بالهيار ولا ارتفعت على طول يعني ياخذ فتره وهو متحمل ثم يرتفع واول ما اعطيه ٢ ترجع الحرارة تمام×

وبالنسبة للاخوان اللي يقولون الرديتر انا اعرف وهذا شي معروف ان الرديتر حتى مع الوقوف الطويل ترتفع الحرارة

وانا وقفت ساعه اليوم بعز القايلة وبالمكيف ولا ارتفعت ، وبالنسبة للرديتر هذا حق وكالة يجي صغير ماهو مثل حق القديمات والموتر باسم راعيه وكالة وراعيه ولد عمي واعرفه واعرف الموتر زين زين انه ماغير فيه مسمار واحد

بالنسبة للتسييخ فهو يعدم الرديتر ولا احبه وانا رديتري جديد مابه وصخ ومويته اصلية وبستطاعتك تشوف الرديتر مع الغطا من نظافة الموية


اللي اخذته من ردودكم

اما انه طبيعي مع اللي سويت فيه
او تماتيك المروحه عطلان ومع السرعات العالية يقل ادائة
او الخراطيش تنسفط ، لكن كيف افحصها

[راعي طويلات]

باختصر لك الكلام واثني على كلام بعض الشباب موترك مافيه شيء والحاصل له طبيعي تجور عليه بهالحر ولاحظ أنك بنفود يعني جهد الموتر وممشاه يكون دبل ممشاه وتحمله بالازفلت وأنتم بكرامه ولاحظ أنك مانسمت والرمل بالصيف يسحب السياره ولايساعدها على المشي ونصيحة أخ لاتعرض الموتر لشد وجور وفجر بالنمر وسرعه تراه بتضرك وبتخسرك خساير مادية وبتعدم موترك وبتقصر عمره وأي سيارة مهما كانت يجيها الي جاء سيارتك بطريقة السواقه بتحتر ومشاكل كثيره بتطلع فيها الركادة والسواقه على بصر مع دروب السهالة خص فالبر تريحك وتريح موترك
موفق خير يابعدي

[الستانس]

يارجال موترك مافيه إلا العافيه
طبيعي إذا انت محجر الكفرات وشادر حيل الموتر بالأول وتطعيس ترتفع الحراره
والحراره اللي وصل لها الموتر طبيعيه افتح كتلوج سيارتك وشف بعينك
إذا انت فاضي وتحب الورش شي راجع لك

[turkiq]

بالنسبة للخراطيش
اذا تضغطها بيدك وتشوفها لينة او مع الدعس تشوفها تنسفط حتى ولو شي بسيط فهي منتهية وتحتاج تغيييييييير.
الخرطوش المفروض يكون قاسي .. وان غيرت لا تغير الا اصلي .. غيره ما يطول معك.

[فهد2012]

الخرطوش او اللي الي تحت لان سحب المويه داخل المكينه يجي من خلاله .. اما الي فوق فهو يطلع المويه من المكينه ولا يجي فيه قوة شفط بل العكس قوة دفع ...

الرديتر كم رصه ؟ ... والله يا زين لو تركب له رديتر اكبر اذا كان ممكن ...

[عاشق ام حبه]

موترك مافيه الا العافيه لا توسوس

اي سباره تجور عليها او تفجرها بترتفع حرارتها شي طبيعي

[sgl2002]

الخراطيش ياشباب تمام التمام ولا فيها شي

الشي الشبه اكيد انه الجور الزايد هو اللي سبب المشكلة والطبيعي لاي سيارة×

[خالد الحريص]

السلام عليكم. ورحمة الله وبركاته.

مساء خير


جميعا


اخوي. الموتر. مافيه شي ابد. اي جور. او تطعيس ترتفع الحراراه. وتعود ع مكانه. الاصلي

الموتر. بالخط الحراراه وين. انا اكلم. بالخط الطويل عطني الجواب

اذا. كان. الرأس. شغله. الصباح. بس قبل. افتح. الغطاء. وناظًر. الماء. اذا طلع. مع التشغيل تراء عند الرأس بس متأكد. مافيه شي

فيه حل. ثاني. رح. لأقرب تشليح. وأشتر حساس. لا تشتري جديد. لانه ما ينفع. مؤ اصلي بالعربي

لأني. مركب. حق باترول. والحرارة. فوق. الربع. مع مراوح. الكهرب. والحين مغير. الحساس. ونسيتها

[الدوسري2010]

أنا اقول بهالجو الحراره طبيعيه لا تدخله الورشة ترى الموتر لا قاوع قاوع

[أب رحي]

السلام عليكم ورحمة الله وبركاته


أخي العزيز انا أضن إن الحراره ترتفع من الجور والدعس اللي يجي على الموتر....
خف رجلك شوي على الموتر وشوف هل فيه فرق
إذا فيه فرق تأكد إن سبب الحراره الجور على الموتر وانا اخوك....

تقبل مروري.

[salih100]

يالغالي حرارتك طبيعيه بنسبة 80%

وعندك ياتماتيك مروحه او رديتر وسلامتك

[sgl2002]

الموضوع قديم لكن ابقولكم وش صار معي


الموتر طلع طبيعي ولافيه خلاف

واول مانسمت الكفرات ماشاء ماتت الحرارة ولا ارتفعت ابد

[. ذيب ساحوق]

حلو منك ياصاحب الموضوع كاتبت حل المشكله

لك تحياتي والله لايوريك مكروه ولا جميع المسلمين

[الشرقيه 03]

تاكد من الشكمان كامل يمكن مسدود او الدبه تعبانه

خويي سوا في سيارته كل شي وما نفع
بس غير الشكمان كامل ارجعت الحراره طبيعيه تحت الربع

[اسدهم]

طيب سو وزن بلوف اذاماخاني اتعبير