اخبار حائل عن الصقور تسر الصديق

[ولد حايل]

بسم الله الرحمن لرحيم

اخواني اعضاء منتديات مكشات وفقهم الله

السلام عليكم ورحمة الله وبركاته

يسرني ان ازيدكم خيرا عن اخبار منطقة حائل عن الصقور


1- تفريخ طير حر - في الاسر - عند الصقار - العرادي

وقد فرخ منه ثلاث فروخ - وهي الآن بصحة جيدة ولله الحمد
وهذه المرة الرابعة التي يتم تفريخ صقور بحائل عند الصقار العرادي


2- علاج طير مكسور الجناح مفقود الامل منه

عرض على مستشفى الرياض وقرر انه كسير بكسور ثلاثة مضاعفة

واعتذر المستشفى عن علاجه

وتم اعادته الى حائل

وتم جبره وعمل كورس له شديد الملاحظة لدى الصقار ابو عبدالرحمن

وتشافا تماما وهو الآن بصحة جيدة ولله الحمد


3- علاج طير ميؤس منه مصاب بــ (سدة)

وتم علاجه لدى لصقار ابو عبدالرحمن

وتشافا تماما وهو الآن بصحة جيدة ولله الحمد

صورة الطير
http://www.d0000.com/vb/attachment.php?attachmentid=745&stc=1&d=1148503834


4- علاج طير فيه قلاع متأخر

واعتذر المستشفى عن تكملة علاجه وقرر ان حالته ميؤس منها لان صاحبه احضره للمستشفى بالرياض متأخر

وتم علاجه في حائل وعمل له عملية جراحية على يد صقارين في استراحة العريفي

ونجحة العملية وتشافا تماما وهو الآن بصحة جيدة ولله الحمد


وفقنا الله واياكم
وتقبلوا تحيات اخوكم
ولد حائل

[نايف الخالدي]

يعطيك العافيهاخوي ولد حايل
واخبار تسر الصقاقير
وهذا شي معروف عن صقاقير الشمال
اخوك/نايف الخــــالـــــدي

[ولد حايل]

هلااااا وغلااااا اخوي نايف الخــــالـــــدي

حياك الله



لاهنت ياراس الرجاجيل لاهنت



مشكووور على كلمات العطرة



ومرورك الكريم



وتقبل تحيات اخوك

ولد حائل

[طيرحوران]

الف شكر على المعلومات
والمستشفى المشكله كم مره يحكم على الطير انه موات أو ميئوس منه وفي النهايه يكون سليم أو تتم معالجته من قبل صقارين
لكن مانقول إلى الحمدلله على كل شيء
بالفلوس خذ رجاجيل ياخذون الطاق طاقين
الف شكر

[مسافر1]

الله يمتعكم بها الصقور ..
حقيقة الصيد بالصقر ما يعرفه غير أهله ..

[فرخ الشياهين]

يعطيك العافيهاخوي ولد حايل
واخبار تسر الصقاقير
وهذا شي معروف عن صقاقير الشمال

[ولد حايل]

هلااااا وغلااااا اخوي طير حوران
حياك الله
ومشكووور على المرور والتعليق
والله صدقت المفروض يكون عندهم اطباء دقيقين يراعون سمعة الوطن
وتقبل تحيات اخوك
ولد حائل

[ولد حايل]

هلااااا وغلااااا اخوي مسافر 1
حياك الله
مشكوووور اخوي لاعدمناك
ومن قال ربي يهنيه بكل خير
صدقت اخوي متعه ولاصار معك خويا مثلك وشرواك يزود المتعة
وتقبل تحيات اخوك
ولد حائل

[ولد حايل]

هلااااا وغلااااا اخوي فرخ الشياهين

حياك الله

ومن قال ربي يعافيه ويكثر خيره

والله يفرحك بما يسرك

وتقبل تحيات اخوك

ولد حائل

[دندشه]

السلام عليكم ورحمة الله وبركاته
ولد حايل الفزعه
عندي طير مكسور والان في القرنسه ومكسور مع الجناح الايمن وابي جوال الصقار ابو عبدالرحمن
ارجو الرد على الايميل at2003888@hotmail.com ولك جزيل الشكر ( ابو عبدالعزيز )

[الفيتو]

بسم الله الرحمن الرحيم
السلام عليكم ورحمة الله وبركاته

مساء الخير /اخوي ولد حايل
زانت علومك ..كل خبر في مستوى اللي قبله بيض الله وجهك
تفريخ ..جبر جناح ..علاج سده ..علاج قلاع
باقي النهته ليا لقيتوا لها علاج .يبقى قرنسة البحريات
والظاهر بتفاجئنا بها . عشت ودمت
والسلام
الفيتو
الحجاز
16/5/1427هـ

[ولد حايل]

هلااااا وغلااااا اخوي دندشــ ابو عبدالعزيز ـــــه
حياك الله
دق على جوال وابشر بسعدك
مع تجهيز معلومات كاملة
1- عمر الطير
2- كم له من يوم ينكسر
3- هل تم علاجه - وما هي انواع العلاج - طبيعي - ولا كيميائي
4- هل تم جبر (عمل جبيرة له)
5- هل تم عرضه على طبيب متخصص - منهو- وما تشخيصه
6- الطير راكد ولا كفاخ
7- حدد بالضبط موقع الكسر
8- كسر مفرد ولا مضاعف
9- الطير عند العلف يحرب (يكوش )
10- الطير قرنس - حدد كم بقي به .
وتقبل تحيات اخوك
ولد حائل

[أبو رداد]

عز الله انها علوم تسر
مشكور ياولد حايل
وجعلكم دوم متميزين

[ولد حايل]

عليكم السلام والرحمة
هلااااا وغلااااا اخوي الفيتو
حياك الله
وهلابك لاعدمناك
ويا مساء النور والسرور
بخصوص النهيته - علاجها - اطلاق الطير في المربط ويكون بعيد عن اي غبار
- مع تكييف فريون - مع بخاخ ربو مع العلف - واذا امكن ماء حار

اما بخصوص - قرنست البحريات
فالغدد هي اسلم وانجح طريقه -
مع ان هناك خلطه طبيعية ناجحة

وتقبل تحيات اخوك
ولد حائل

[ولد حايل]

هلااااا وغلااااا اخوي ابو رداد
حياك الله
والله يفرحك بما يسرك
ياهلاااا ياعمدة
ومشكووور والتميز ردك وحضورك الكريم
وتقبل تحيات اخوك
ولد حائل

[حر العراق]

حيا الله ولد حايل وجميع صقارين حايل ومدينة حايل مدينة اجدادي الله يرحمهم ويرحم موتي المسلمين

[ولد حايل]

ياهلااااا والف هلااااا بـ حر العراق



ياهلاااا ومسهلاااا بحر العراق واهل العراق



ياهلاااا بابن العم حياك الله



والله والف نعم بك وباجدادك وبالحاضرين



رحم الله اجدادك اجدادنا وجميع موتى المسلمين



ماض عريق وحاضر زاهر ومستقبل واعد بحول الله





وتقبل تحيات اخوك

ولد حائل

[دفشه_وايد]

تسلم على هالموضوع والمعلووووووووووووومات

[ولد حايل]

ياهلااااا ومسهلااااا بـ دفشه وايد
تسلم على مرورك وتعليقك الكريم

وحياك الله
وتقبل تحيات اخوك
ولد حائل

[راعي دهام]

.


بسم الله الرحمن الرحيم
السلام عليكم ورحمة الله وبركاته

علوم تسر اهل الولع بالطير يا ولد حايل
غانم وعلم غانم ..



اما بخصوص - قرنست البحريات
فالغدد هي اسلم وانجح طريقه -
مع ان هناك خلطه طبيعية ناجحة



وش تقصد بالغدد يا ولد حايل
و وش هي الخلطه الطبيعيه اذا ما فيه احراج لأن عندي شاهين ما احذفت
والحبوب مخلصه من السوق ..


الله يعطيك العافيه و ما قصرت على اسعادنا بهالاخبار الطيبه ..


و تقبل تحيتي ..





.

[ولد حايل]

هلااااا ومسهلااااا براعي دهام



حياك الله



اشكرك على كرمك وكرم حروفك وكلماتك



بخصوص قرنست البحريات

الله يسلمك ياخوي هي غدد تباع عند القصاب

وهي تكون برأس الذبيحة وهي ما كان اسفل الحنك منها

وباذن الله تساعد على ذب الريش



اما الخلطة في خلطة معده خصيصا ويمكن اللاتصال لتحصل عليها



اما بخصوص الحبوب الكيميائية - فلها آثار سلبية على الطير

نعم تجعل الطير يذب - ولكن تأثيرها يكون لاحقا على الطير ولو بعد مدة طويلة .



وفقكم الله وسدد خطاكم

اخوك

ولد حائل

[راعي دهام]

.




الله يعطيك العافيه يا ولد حايل

بالنسبه للغدد , هل اعلف الطير منها فقط ؟ ولمدة كم يوم ؟

شاكر لك تجاوبك وسعة صدرك ..




اطيب الاماني لك .





.

[ولد حايل]

هلااااا وغلااااا براعي دهام
حياك الله
نعم اخوي تعلف الطير منها لمدة اسبوع ويكون على وجبتين
الصبح والمساء - وتكون قطع صغيرة لانها قوية ومتينة
وبحول الله تذب
اما اذا كانت من الطيور التي سبق انها اعطيت حبوب كيميائية للحذف
فيجب ان تكون في مكان حار حتى تعرق
مع التأكد خلوها من الامراض
وليكن قبلها عمل كورس وفحص شامل للطير
مثل اعطاء الطير كورس مضادات وتنظيف
لتجهيزه لما هو قادم حتي يكون قوي ومستعد
للحذف بحول الله وقوته
وفقكم الله وسدد خطاكم
اخوك
ولد حائل