يا شين تكفى لا لقت قلب قاسي

[راع الزلفي]

يا شين تكفى لا لقت قلب قاسي
ويا حلوها لا من لفت قلب حساس

يحس فيك وتنتخيه الحواسي
ويقول لك لا باس لا باس لا باس

هذاك هو عزي وهو تاج راسي
واغليه والا العفن لعل يحتاس

يقوله اللي قلبته المآسي
بين القلوب وشافها اشكال واجناس

ناسن على عيني وناس بمداسي
ادوسها لو لبسها خز والماس

اللبس وافي والفعايل طفاسي
والقلب قلب اللي علابيه يباس

كم قلت تكفى يا بعد كل ناسي
لقومن عفون اخلاق وقلوبها اخساس

ما قلتها الا يوم بين افلاسي
وشفت البلا والهام وقع به الفاس

ولو انثنى حيلي وضيعت باسي
ما اقول تكفى لو افلس من الناس

تكفى تبي قلبن بليا كراسي
لا قلت تكفى جاك واخماسه اسداس
كلمات/ محمد العثمان السكران

[نديم المجره]

حياك الله
سؤ استخدام تكفى ضيع قيمتها
فيجب ان تعرف:
1-متى تقول تكفى
2-ولأي شيء تقول تكفى
3-ولمن تقول تكفى
وانا اقول لمن قال تكفى:


ياقايـلٍ تكفـى ... بتكفـى شقينــــــا = ياما لجل تكفـى لقينـا المـضـــــرات
ياما لجـل تكفـى نزلنـا ورقينــــــا = وياما تجشمنا الدروب العســيـرات
تكفى تـرى تكفـى دمـارٍ علينـــــــا = تكفى دمار اهل الكـرم والمـــروات
باسبابهـا صرنـا لهـم كافليـنـــــــــا = ولاجنينـا الا الزعـل والغـرامـــــات
وكـم ليلـةٍ لعيـون تكفـى سرينـــــــا = نسري لاجل تكفى على غير مشهات
وياما حملنـا ارواحنـا في يدينــــــا = والعمـر ماياقـاه كثـر المــــــــدارات
وكم غاليٍ لعيون تكفـى عطينـــــا = نعطي ولانحسب حساب الخسارات
وان قلت تكفى قلت ابشـر وجينـــا = نجيك لو دونـك بحـورٍ غزيــــــرات
نسـوق لاجلـك كـل شـيٍ ثمـيـنــــــا = نجيبهـا بالمـال والا الوجاهـــــــات
على البلا نصبر إلـى مـن بلـيـنــــا=نصبر على شيل الحمول الثقيــــلات
لاتستغـل الحلـم والطيـب فـينـــــــا=الحلم له حـزه وللطـيـب حـــــــزات
كم جاهـلٍ لعيـون تكـفـى نصينــــــا=وكبرت بعين الجاهليـن التفاهــــــات
الجهـل أعيَـى كـل طـبٍ مكـيـنـــــــا=من عصرادم لين عـصر الحضارات
اخشـى عليكـم ساعـةٍ تعترينـــــــا=نسرج بها خيل الجهـل للجهــــــالات
دام الدواء جهـلٍ علـى الجاهلينـــــا=نجهل جهل اعوام في ظرف ساعـات
نجـهـل وحنا للجهل كـارهـيـنــــــــا=مضـطر والمضـطر يرقى الصعـيبات
ياللي تقول الحـزن خيـم عــلـيـنــا=الحزن بعض احيان للنفس مـلـهــات
احمد بن عبدالرحمن العريفي
(نديم المجره)

[راع الزلفي]

تكفى تبي رجلن حكيم ورزينا
واللي ماهو كفون لها يرضع الشاة
المرجلة تولد مع الغانمينا
واللي يتصنعها يعزي سلامات

[الحايلي12]

صح لسانك ياراع الزلفي
وعز الله انك كفيت ووفيت .. وفعلا فيه ناس ما هي كفو لقولة تكفى!
وبالنسبة لاخوي الشاعر نديم المجرة.. أقول صح لسانك ملايين يالغالي
ولكن ليتك افردت قصيدتك بموضوع مستقل..
لانها قصيدة ما هي ابيات!! ولا هي رد!! ولا اشوف لها علاقة بموضوع الشاعر السكران!!
وقولة تكفى ما هي مذلة والا شحاذة!! قولة تكفى مجرد محفّز للشخص اللي راح يقوم
بخدمتك عشان يشيش راسه ويدعس ههههههههه

وانا اقول تكفى يالسكران لا تحرمنا جديدك

[أحمد السكران]

راع الزلفي
شاعر كبير واستاذ متمكن من ادواتك الشعريه تكتب بجزاله واحترافيه
بصراحه سمعت تكفى بهالقصيده ولكن سمعتها هالمره وكأنها تحكي معاناتي انا والكثير
ف والله انك صادق بعض المرات نقول تكفى لشخص ماهوب كفو ونتحسف اننا قلناها وبعض المرات بقولة تكفى يبرد كبدك اللي تقولها لها وانت هنا جبت الشخصيتين بمهارة الشاعر الكبير والاستاذ المحترف
صح لسانك الى يوم الدين يا استاذي وبنتظار جديدك