تكفون يا اخوان مشكله باليوكون GT الاخ اصيل لا تبخل علينا

[BoOnD]

السلام عليكم ورحمه الله

اخواني عندي مشكله باليوكون GT موديل 94

ظهرت المشاكل التاليه مع بعض بوقت واحد

اولا الجمس تحسه بيطفي ويرتفع الريت مره واذا عشقت D ينقز من الريت المرتفع:eek:

ثانيا اذا مشيت عليه ما يعشق الثاني الين يوصل الريت اكثر شئ وتسمع حنه المكينه

والثالث يطول وتسمع حنه المكينه الين ارفع رجلي من الابنص يعشق الثالث وارجع اكمل

اذا وصل الرابع ودعستي ثابته يرجع يعشق ثالث ويرجع رابع وع هالحااال:mad:

المهم شيكت عليه كمبيوتر وطلع مافيه شئ

وشيكت ع الحساس الي هو TPS وسليم

اكتشفوا المشكله من الكمبيوتر وغيرت واحد من التشاليح وسلك زي الحلاوه:D


واسبوع بالضبط وانا واقف الا والجمس رجع يبي يطفي قلت قبل لا امشي والله انه رجع خرب

وامشي والا صدق رجع خرب نفس اول



تكفى يا اخواااان ما ادري اغير كمبيوتر ثاني

ولا في شئ بالسياره يخرب الكمبيوتر اذا ركبته


لا تبخلووون علينا لا هنتوواااااا

[BoOnD]

اهل الجمووس واهل الخبره


اتحفوني وشرفوني بالردود


والله انه مشغلني وابي له حل

واخاف اغير كمبيوتر ثاني ويسلك ويرجع يخرب

وش في شغلات ممكن تخرب الكمبيوتر

ولا الكمبيوتر الي شريته مستهلك وخرب

بس اسبوع واحد ورجع خرب احس في شئ يخرب الكمبيوتر ولا ادري وش هو

ننتظر ردودكم يا اخوان

[BoOnD]

وينكم يالمكاشيت


مابه احد يفيدنا


ننتظر الردود وموفقين خير

[ملك الفكتوريا]

الحساس السؤول عن التعشيق مع الريس تقول سليم


وحسب فهمي القير يحن بالنمر ولا يعشق الا اذا رفعت رجلك


يالغالي فيه مجموعه حساسات داخل القير عند المخ

فك المخ ونظفه وغير حساس التعشيق اللي داخل وسلك الظفيره وان شاء الله امورك بالسليم



ويمكن الكمبيوتر مابه شئ بس احد الحساسات


على العموم شيك عليها فحص كمبيوتر واذا ما طلع شئ نظف المخ وشف احد يقولك الحساس الفلاني السبب ويغيره على ضمانته


واحب اطمنك الكلتشات سليمه

[أصيل حجآ زي]

http://im.gulfup.com/2011-02-10/12973306271.jpg

أخينا الكريم :
أنا أحس أن عندك عدة مشــآكل مع بعض .
الأولى :
نظف نظآم الوقود { البنزين } بأستخدآم قوآرير { قنينة } تنظيف الوقود من شركة متسوبيتشي Mitsubishi .


قوآرير متسوبيشي Mitsubishi لتنظيف نظآم الوقود كأنها قوآرير { قنينة } عطر مثل هذي تحت بالضبط
أشتر حبتين قيمتها حوآلي 37 ريآل القآرورة وأضفها للخزآن وبه أكثر من النصف :


http://www.zerotohundred.com/newforums/attachment.php?attachmentid=351310&stc=1






http://www.dealershipaccessories.com/stores/images/items/item_50467.gif





القوآرير مثل هذي تحت تنفع بشرط أن لا تشتريها من الشيش { محطآت المحروقآت }
لأن البنقلة { على بآبا } يعبوها بنزين بعد ما يبيعها على مآت الأشخآص ويبيعها مغشوشة
أشترها من محلات قطع غيآر السيآرآت وتأكد أنها مختومة زين :
http://www.mycarforum.com/ppclass/watermark.php?filepath=10/STP_complete_Fuel_system_cleaner1.jpg&file=27257&size=1



http://img.auctiva.com/imgdata/0/6/2/0/4/6/webimg/457936869_tp.jpg




الثآنية :
نظآم الأشعآل به تقطيع { أما من الملفآت / كويل Coil } أو البوآجي .
يعني أذا سيآرتك من النوع الحديث { بخآخآت + ملفآت } .
فقــــُم بالأتي :
أفصل الكهرب عن البخآخآت أو الملفآت أو البوآجي كـــُلا على حدة .
يعني والمُحرّك شغآل أفصل فيش كهرب أيآ من البخآخآت وشـــُف هل يرتعش المُحرّك أو يرتفع وينزل سـُرعة المُحرّك
{ د ف د RPM / الأبنص }
أذا حصل ذلك أرتعآش / أهتزآز / نفضة في المُحرّك أو أرتفآع ونزول في ســُرعة المُحرك بالطبلون .
{ د ف د RPM / الأبنص }
فأن ذلك دليل على أن ذلك البخآخ المفصول أو الملف أو البوجي سليم .


وأن لم يرتعش / ينتفض / يهتز المُحرّك ولم يرتفع ولا ينزل ســُرعة المُحرّك .
{ د ف د RPM / الأبنص }
فأن ذلك دليل قوي على أن ذلك البخآخ أو ذلك الملف أو البوجي بأسفل الملف غير فعآل .


وينطبق الأختبآر والنتيجة على جميع البخآخآت والملفآت والبوآجي .
بـعـض حـلـول تـفــتـفــة مـُحـرك سـيـآ رتك / فحص الشآحن وتغيير البوآجي بأصلي. !!! (http://www.mekshat.com/vb/showthread.php?t=227152)



ســُرعـة ا لـخـمـول ا لـعـآ لـيـة و ا لـو آ طية (حـقـآئق مُهمة) Fast & Low Idle Speed (http://www.mekshat.com/vb/showthread.php?t=225235)



كـيـف نــُعـدل ســُـرعة الخمول في مـحـركآت البخآخـآتInjector Idle Adjustment ؟؟؟؟؟؟؟ (http://www.mekshat.com/vb/showthread.php?t=388275)



تـعـلـم كـيـف تـوزن توقيت الشرآرة بمُحركك (وزن موزع الأشـعـل/الديلكو) Adjust Ignition (http://www.mekshat.com/vb/showthread.php?t=225333) http://www.the-transmission-center.com/look.gif (http://www.transmissioncenter.net/highperflist.htm)





نـظـآ م الأشـتـعـآ ل لـمُحركآت الأشتعآ ل ا لدآخليIngnition System (http://www.mekshat.com/vb/showthread.php?t=216629)




كيف تصيد الخلل وكيف تصون وكيف توزن نظآم الأشعآل ؟؟؟ بالصور وأهم شيء الأشرطة للجميع . (http://www.mekshat.com/vb/showthread.php?t=405266)




كــيـف تـغـيـر الــبـوآجـي وكـيـف تـقـراء مـؤ أشــرآتـهـا { دلالات} الخرآب من لونه (http://www.mekshat.com/vb/showthread.php?t=254734)







د رس في / لــو نــط { خـرج } بـوجـي أشــعــآل مـن مـُحـرك سـيـآ رتـك ؟؟؟ ما الحل ؟ (http://www.mekshat.com/vb/showthread.php?t=237847)







الشيء الثآلث والأخير :
أشك أن زيت القير نآقص كثير أو مهتري .
قس مستوى زيت القير بالطريقة الصحيحة وهي :
تشغل السيآرة وتروح مشوآر أو مشيوير أو أنك جآي من مشوآر
وقبل الوقوف النهآئي :
تمرّر التعشيق على جميع النمر وأنت بسُرعة بطيئة جدآ .
ثــــُم تتوقف ولا تطفىء المُحرّك .
أفتح غطىء المـُحرّك { الكبوت } بس قبل ذلك أرم عـــُمآمتك { غترتك } بالمقعد الخلفي .
تحفش { شمر عن ســآعديك } وأحذر تنشب ملابسك أو خآتمك بأي شيء مــُتحرك مثل المروحة والسيور .
ولا يـــُلامس جسدك أو ملابسك شيء حآر مثل طوآيا الكندآسة { العآدم / الشكمآن } .
أسحب عصى قيآس زيت القير التمآتك وضروري يكون مستوى الزيت بين الشخآبيط XXXXXXX
أو بين حآر وبآرد
أو بين عآلي ووآطي .
أو بين الخروم أو النقآط .
كـيـف تـفـحـص قـيـرك و ز يـتــُه / حــتـى لا تــُـفــاجـئ بـخـرآب قـيـر سـيـآرتك (http://www.mekshat.com/vb/showthread.php?t=222916)



كـيـفـيـة تـغــيـر زيـت قـيرك الـتـمآتك والعـآدي مـُـرفق بأشـرطة للتوضيح ؟؟؟ (http://www.mekshat.com/vb/showthread.php?t=285489)



ردي لمن سأل عن أهم أسبآب تأخير تعشيق نمر القير التمآتك خلل نظآم التحكـُم {المُنظم}؟ (http://www.mekshat.com/vb/showthread.php?t=327539)



بالأشـرطة / كـيـف تـغـيـر زيـت مـُحـرك سـيـآرتك وقيرها ووقودها والصـفـآيـآت { فلتر} ؟؟ (http://www.mekshat.com/vb/showthread.php?t=254862)



مــا هـي الــزيــوت ا لـصـحـيـحـة لــســيــآرتـك ‘ لـلـمـُـحرك القير القابض . (http://www.mekshat.com/vb/showthread.php?t=231157)

[BoOnD]

يعطيكم العافيه يا اخوااان

واخ اصيل انا معك بالي قلته بس ما سويت ولا نضفت شئ من الي قلته وكان بحالته يقطع ويتاخر بالتعشيق ورحت التشليح وطفيته وانا بنفسي فكيت الكمبيوتر القديم وركبت واحد جديد واشتغل زي الحلاوه وراحت المشاكل الي فيه ورجع الريت مثل ما كان وصار يعشق ويغير مضبوووط بدون اي مشكله طبعا بعد ما غيرت الكمبيوتر


المشكله وهي بعد اسبوعين من تغيير الكمبيوتر والسياره تمام بعد ما غيرته رجعت خربت السياره

المشكله هي من الكمبيوتر بس وش الي خرب الكمبيوتر وانا مغيره ممكن يكون في اسلاك ضاربه تخرب الكمبيووتر...؟؟؟؟؟

[العمده 0ون0]

وعليكم السلام ورحمة الله وبركاته
الله يكون في عونك اخويBoOnD
ترى غالبا الاعطال اللي تظهر (فجاةً) من غير مقدمات وفي نفس الوقت مع بعض تكون الكهرباء سبب فيها من اثر مطب على السيارة0
والله اعلم0
شييك على الاسلاك والفيوزات خاصة( فيوز المكينة الرئسي) و(فيوز طرمبة البنزين) (وقاعدة الفيوزات) داخل عند المكينة اللي جانب الكمبيوتر وافحص على جميع الكتاوت واسحبهم( واحد واحد) وشوف اذا كان في اي اثر (للحماوة -احتراق) عليهم او فضاوة في الافياش لايكون في شئ منها مرتخي او متوسع ومع المطبات يتحرك ويسبب التماس احتمال كبير0
وكذلك لاتنسى تفحص على (الظفيرة) والفيوزات يمكن تحتاج تنظيف من الكربون و الاوساخ اوملعوب في الكهرب من قبل نظفها ببخاخ الالكترونيات وان شاء الله تزين امورك
ولاتنسى ترد و تعلمنا وش صار معك بارك الله فيك حتى يستفيد الجميع0:s
هذا والله اعلم0

[BoOnD]

ما قصرتوا يا الشبيبه

انا وديت الكمبيوتر عند واحد بصناعيه الدمام باكستاني اسمه مالك يقولون هو مدير كمبيوترات السيارات<< هههههه

وقالت له الاعراض قال كهرباء مثل كلام العمده ون

وقالي خل الكمبيوتر بشيك عليها واصلح الخراب الي فيه وبعدها تعال نشيك ع السياره من الى وقال لي يبين معي بعد فحص الكمبيوتر اذا الخراب منه ولا من كهرب السياره

انتهى وننتظر الاخ مالك يشيك ع الكمبيوتر ونحل المشكله ونعلمكم بالي صااار

تحيااتي

[بدوي جنوبي]

أعذرني على التأخير أخى أحمد

أحس ان واحد صاقع سيارتك بعين :D

عموما الكهرب ما أفهم فيها كثير خلك مع مالك وننتظر النتيجه

[BoOnD]

الحمد لله

مريت مالك امس واكد لي ان الكمبيوتر خربان وسويت فحص ع الحساسات والسياره سليمه من و الى

بس عطاني معلومه حلوه ان الكمبيوتر ما يخرب من حاله كذا الا بعد امر الله


ونصحني اشيك ع الظفيره قبل اركب كمبيوتر ويرجع يخرب علي

ودلوني الشباب ع واحد اسمه حبيب مدير الكهرباء في السيارات<<هههههههههههه

وقالي اذا السياره فيها مشكله بالكهرب الكمبيوتر اذا ركبته يخرب ع طوووول ما يطول مثل حالتي اسبوعين

بس عن الشك والخساير قلت له شيك عليها من والى وصلحها اذا فيها خراب وبعدها نركب كمبيوتر من التشاليح


انتهى.....

وانتظروا الرد من حبيب بعد ما يخلص تشييك ع الظفيره الخارجيه والي داخل القير

[ابوراكان تبوك]

مشكلتك نفس مشكلة واحد من اخوياي بس سيارته BMW اذا تعدى 180 على طول يجيب سطحه لأن الكمبيوتر يخرب ومشكلته بالظفيرة حسب اجماع الكهربائيين

[BoOnD]

نرجع لمشكلتنا التي عجز الجميع في الصناعيه من حلهااا


صبحكم الله بالخير


طبعا شيكت ع الظفيره كامله عند حبيب وما ادري هو شيك ولا لا لكن لا نظلمه ونقوول شيك


وقالي خلاص غير كمبيوتر

رحت التشاليح وعلى هالمحلات واغير واجرب ونفس المشكله


لاني رايح بالموتر وانا اركبه واشغل وانتظر شوووي ونفس المشكله


ركبت وجربت 10 كمبيوترات ونفس المشكله في التعشيق والموتر يبي يطفي

مو مثل اول مره خرب غيرت الكمبيوتر ورجع حلااااوه


وما قصر واحد شرواى من عندي لقيته بالتشاليح وعنده تشليح الي هو الغامدي


نصحني وقالي مو من الكمبيوتر مشكلتك الان ودلني على واحد يقاله صاابر الكهربائي وكلمه بالجوااال وقاال المشكله سهله ارسله بالموتر يخليه عندي وان شاء الله احلها ولا هي من الكمبيوتر

من كلامه حسيت انه قافط المشكله وعارف حلها

ومن يوم الخميس الموتر واقف عنده وننتظر الحل ونرد عليكم يا اخوااان


وشكر خاااااص لك من شارك بالموووضووع

وخاااااصه اخووووي الجنوووبي

[بدوي جنوبي]

مالك
حبيب
وصابر هههههههههههههه
الله يعلم من التالى :)

[بشير حسن]

هذي اخوي المشكلة مقاربة للمشكلة اللي صارت معي في الكابرس 89 بس كانت المشكلة أيام المطر فقط والسيارة متوقفه لفتره أثناء نزول المطر وبعدها اجئ واشغل السيارة تشتغل ويرتفع الريس بعدها بأقل من دقيقة واحده فقط يجلس الريس (عدد دورات المكينة) يرتفع وينزل والقير مايعشق أبدا واذا عشق مايعشق الابالحنة القويه للمكينة كانها راح تنفجر والسيارة تقطع وعزمها طايح ابدا لدرجة وانا ماشي بها في الطريق اشغل لمبات الخطر عشان لا احد يقرب جنبي ويفكرني مو راضي امشي زي مايقولون المرور تعطيل لحركة السير بس اول مره رحت لورشة وقالوا لي يمكن من الطرمبة وشيكنا على ضغطها طلع اوك لنها تعمل نفس الحكاية لكن مو لها الدرجة أبدا وشكينا على جميع الحساسآت ونفس الحكايه المشكلة تروح وتذهب اذا توقف المطر كليا والماء اللي في الشارع يجف المهم قال راعي الورشه يمكن التماس في كمبيوتر السيارة المهم رحت لكهربائي شاطر وشيك على الافياش الخاصه بالكمبيوتر وطلع واصلها ماء من المطر بالاضافه الى الوصخ الموجود بهم الكهربائي نظف الافياش بالمنظف الخاص بالالكترونيات وكذلك نفخها بالهواء لازالة اي عوائق من اوساخ او غبار عالق وبعدها اختفت المشكلة نهائيا أنا اتوقع مشكلتك هو الالتماس الكهربائي وخاصه بالافياش والاسلاك المتصله بالكمبيوتر هذا على حسب كلامك انه بمجرد تغيير الكمبيوتر تختفي المشكله ولكن بعد فتره يتعطل ............ آسف على الاطالة

[BoOnD]

الله يعين يالجنوووبي على من بيكون الجاااي


واخووووي بشير حسن ما قصرت اخوووي والموتر الان عند كهربائي لان كلهم قالوا المشكله بالكهرباء وبيشيك والله ييسر الامووور

[BoOnD]

:eek:تعديل اسم الكهربائي الاخير من صابر الى انور وهو بجوار المنصوور بالخضريه

السلااااام عليكم

مثل ما يقولون بدايه الخير قطره


اشغلني ذا الموتر واقلقني بس ما ضاقت الا فرجها الله


الحمد لله مشكله التاخير بالتعشيقات انحلت وكان السبب ضعف من الكهرباء من علبه الفيوز

وباقي الان مشكله النتعه بالسياره وجاري حالها عند نفس الكهربائي وان شاء الله الموتر اليوم بالمساء يخلص وابلغكم باخر المستجدات

[THE KILLER]

عدااااك العيييييب

[BoOnD]

عدااااك العيييييب



ولا انت اخوووي


شرفني مرورك


وللرفع

[هملول السحاب]

الله يسهل امرك ويقر عينك بموترك وحلالك

[BoOnD]

الله يسهل امرك ويقر عينك بموترك وحلالك




الله يكثر خير ويجزاك خير اخوووي


ويااك اخوووي وشرفني مروووورك

[BoOnD]

السلام عليكم يا اخوااان


ادري اني طولت عليكم وكل يووم غاااثكم بذا الجمس

بس للفائده وابي الموضوع يتقفل ع خير بالحل للفائده للجميع

طلعت امس الجمس من عند الكهربائي ولله الحمد القير ازين من اول بكثير ومثل ما قلت لكم كان السبب ضعف بكهرب علبه الفيوز وبعض الاسلاك الملتمسه

وباقي مشكله الريس المرتفع ويسبب نتعه اذا عشقت ولا يرتفع الريس الا لمن يبي يطفي الجمس


مرينا ع ورشه وصرت خلاص ما تدري من صادق ومن مو صادق

قالي مشكلت الريس والسياره تبي تطفي كالاتي:

تنضيف بخاخات وتنضيف الحسااس ووزن ديلكو

والموتر الظهر او العصر باستلمه واتمنى تنحل المشكله ويكون اخر رد عشان اقفل الموضوع بالحل الوافي وعرض معاناتي


تحياتي

[ابوراكان تبوك]

لاوالله يا اخوي محشوووووووووووم وجزاك الله خير على متابعتك للموضوع حتى يستفيد غيرك ولو كل اعضاء مكشات يقفلون الموضوع بحل المشكله كاااااااااااان تلقى المنتدى مرجع للجميع
وبالنسبه للمشكلة اللي انت مريت فيها نفس الشيء لسيارة واحد من اخوياي بس مو مقتنع ان المشكلة من الظفيرة

الله يعطيك العافية ونحن بإنتظارك

[BoOnD]

لاوالله يا اخوي محشوووووووووووم وجزاك الله خير على متابعتك للموضوع حتى يستفيد غيرك ولو كل اعضاء مكشات يقفلون الموضوع بحل المشكله كاااااااااااان تلقى المنتدى مرجع للجميع
وبالنسبه للمشكلة اللي انت مريت فيها نفس الشيء لسيارة واحد من اخوياي بس مو مقتنع ان المشكلة من الظفيرة

الله يعطيك العافية ونحن بإنتظارك




والله اني دخت بس شف خله يمر التشاليح بالموتر ويجرب اكثر من كمبيوتر ع سيارته ويجربها عندهم كحد ادنى 5 كمبيوترات وان ما نفع ونفس المشكله فهي كهربائيه ووجود التماس او شئ طبعا اذا الحساساات سليمه ومافيها شئ

[BoOnD]

ابشروااااا بالخير يا اخوااااااااااااان


جاني اتصاااال قبل شوووي برد خاااطري واثلج صدري


يقووولي خلاص سياره يرجع وكاااله

ما صدقت اقوله شيك شوووف قال خلاااص

طبعا بعلمك وش صلح بس اذا استلمت السياره وكان كلش طيب بارجع ااكد الخبر


طبعا مشكله ارتفاع الريس والسياره تبي تطفي وصلحها وكان السبب من الاتي:

يقووول صلح الحساس حق البنزين كان خرباان ونظف ما صلح معه وغير لي واحد مستعمل وسلك ولله الحمد ووزن الديلكو

وقالي خلاص السياره رجعت وكاااله وما يحتااج تنظيف بخاااخااات



اللهم لك الحمد حمدا كثيرا مباركا فيه

[BoOnD]

اولا بيض الله وجيهكم جميع كل من شارك معي كلن بأسمه

وثانيا ابشركم انحلت مشكله السياره ولله الحمد ورجعت لسابق عهدها بعد توفيق الله

وبعد شهر كامل تقريبا

واكتشف ان مهندسينا الله بالخير ماعندهم سالفه الا من رحم الله وانا ما طحت بالي رحم الله

كلهم ماشين بطريقه مستخدمه عندنا بمجال الهندسه اذا عجزت من شئ وهي التجربه والاختبار

Trails and error
تلخيص لما تم حله;)

مشكله القير والتاخيرات كانت من التمااس بين اسلاك وتم عزلها ولله الحمد

مشكله ارتفاع الريس وتكتيم الجمس كانت من حساس البنزين الي هو

TPS

وسبب بعد مشكله بين التعشيق الثالث والرابع وتم حلهاا


:D:Dشكر خااااااص لكم وبهذا الرد تكوووون انتهت مشكله الجمس




انــــــــــــــــــــــــــــــــــــــــــــــــ ـــــــــــتــــــــــــــــــــــــــــــــــــــ ــــــــــــــــــــهـــــــــــــــــــــــــــــ ــــــى

[mesfr1]

الحمد لله والله يبارك لك في موترك

[BoOnD]

وياك ان شاء الله اخوي مسفر

شاكر مرورك العطر