الحل مع السلس والميد ؟؟؟؟؟؟

[مزآآجي]

بعد التحيه :


ارجو من الاخوان الافاده بخصوص الطعم

انا طفشت من الميد والسلس على طول تتقطع من اشكها بالسهم :D ( الابره )


الجوافه ما جربته بس يمدحونه في حل ثاني ؟؟

السردين كويس ؟؟؟

[عبودي2002]

لا لا عليك بالميد مجنون لجميع الانواع وفاتن بشكل خرافي للسبيطي

الشكه سهله وانا اخوك من الفم الى الذيل والا من الراس بين العيون الى الذيل

[فواز الحبابي]

عندك العومه ( السردين )
وعندك النغر ( الحبار )
وعندك الروبيان
و فروخ الحبار
وانشاء الله بتستفيد

[مزآآجي]

المشكله يا اخواني انو ما يمسك الطعم في الميدار انا عندي نوعين من الميدار ميدار ثلاثي وميدار الي واحد بس كبير شوي والله ما يمسك معي شي الي يمسك معي كويس الخثاق

[مزآآجي]

وين الاخوان ابي اطلع اصيد اليوم الليله ابي حل ياشباب

[abdulazizhh]

اخوي اذا تبغى السلس و الميد يمسك زين..

اول ما تطلعة من البحر او من السوق (fresh) حط عليه ملح خشن واخلطه كويس و بعدين حطه بالفريزر (بدون ما يكون عليه شي او مضغوط لان اذا كان مضغوط من شي راح تتفقع عيون السمكه وراح تخرب ) و بعدها او بعد شهر او ششهرين وانت ماشي راح تكون تمام تبقى فرش باذن الله

اما على الجواف انا انصحك بشده بالجواف جربه ولا راح تندم باذن الله

اما السردين : تراه اسوأ من السلس و الميد من حيث انه ما يمسك في الميدار لان لحمه لين وسهل القطع حتى بيدك تقطه لكن من حيث انه جذاب فهو مره جذاب


هذا الكلام من واقع تجربتي وما اقول ان كلامي صح لكن اقول لك ان هذا اللي انا اعرفه و اتمنى اكون افدتك

[مزآآجي]

ما قصرت والله يالذيب اليوم شريت كيلو جوافه وكيلو سردين ومن الساعه 11 الليل لما الساعه 6 ما صدت ولا شي :(

[عاشق الوكري]

شوف يابعدي السلس اللي تحدق فيه وش كبره لان شكله من كلامك صغير انه يتقطع لا شكيته بالميبر

انا يابعدي يجن جنوني على السلس واللحين منغبن انه منطقع عن السووق

بس انا انصحك فيه هو والجواف الجواف لاكان كبير شوي اقطعه من النص وشك الجهه اللي فيه الذيل

وادعيلي :)

والسلس اقطع الراس واخفي المجدار شوي ولا مو لازم وطول الرداع او الركه وادددددددعس سم بالله وتوكل واحذف

وترا الطعم على حسب المنطقه انا اشوف في مناطق مايصلح فيها لا جواف ولا سلس

[مجنن بحر]

يالربع وشو الجواف !?!!!??

[taresh]

هذا سمك الجواف يالحبيب

http://www.saudi-fisheries.com/images/fish/gizardshad.gif
الجواف هو سمك صغير لا يتعدى 15 سم عادة لونه أبيض فضي ، يمتاز هذا السمك بكثر الشوك ومن المستحيل أن تأكل 1سم من لحمه بدون أن يكون فيه شوك ( معظم شوكه رقيق كالشعرة) الكثير من الناس أو معظمهم لأيأكلونه ، لكنه يمتاز بطعم جيد جدا خصوصا في موسمه

[HUNTERX]

بسم الله الرحمن الرحيم

هذه هي اليوافه

http://www10.0zz0.com/2012/05/20/09/337205555.jpg (http://www.0zz0.com)
بالنسبه لمشكله السلس وغيرها لفل عليها خيط الخياطه العادي من الراس الى الذيل عشان ما تنفك معاك
انا مجربها مع الروبيان والسردين ( اما الميد والسلس الطازج زيما قال اخوي ما يحتاح شك وارمي على طول وفالك خير )
بالتوفيق

[حداق الخبر]

عزيزي


معليش ممكن تتقبل وجة نظري ؟


تأكد السلس والميد من افضل الطعوم ويمسك على الميدار

وماينسلخ عليك الطعم الا فقط في حاله واحد ان الطعم رايح فيها ومو طازج
( هريان )

في هذي الحاله نصيحتي لا تتعب نفسك وتنتظر حاول تصيد الطعم بنفسك يالغالي

مثلاً السلس موجود في العزيزيه وماجاورها

الميد في كل مكان تصيده بالساليه وصدقني هذي افضل الطعوم يالغالي ونا ما احدق الا بها واذا شفت بالسوق طعم تعبان ما اشتريه // خساره

وبالتوفيق

[accentkool]

دوووووووور الصغير الجديدة اللي جسمها مشدود اترك المثلجة القديمة

[مزآآجي]

يعطيكم العافيه ياشباب انا واللهي مبتدى جداً في الصيد ما اعرف شي وفيه مصطلحات تقولنها ما ادري وشي ^_^ لاكن اتمنى اني اتعرف على واحد من الدمام ونطلع مع بعض اكثر من مره ويعلمني الصيد ع اصوله

[صياد مبتداء]

يا هلا بلمزاجي ..

حبيبي .. علمنا بلمكان الي تحدق فية ( تصيد فيه )

ونعلمك وش الطعم الي ينفع ..

وأذا تبي تقصر السالفة .. شكل الطعوم كلها أقل شي .. ميد الطول 13 سم .. وربيان وخثاق ..

والجواف ينفع .. بس أذا كان الطعم مره منتهي (منهري )

أستخدم شغلة .. تعرف الاليفة تبع الغسيل .. لما تشتري صابون سايل ديتول يجي معه هدية ليفة للتنظيف .

القديمه .. فكها وقصصها بلمقص .. وطلع اللعفة ( الطعم ) وغلفها وتالي خيطها بلخيط .. وبعدين ثلجها ..

ولما بتطلع للبحر .. شكها بلأبره .. وسلامتك يا الغالي ..

تحياتي أخوك : أبو محمد .. هاوي بحر .

[مزآآجي]

يعطيك العافيه ياهوي ما قصرت يالذيب ان شاء الله نجربها

[مزآآجي]

انا ما اعرف غير مكانين مكان بعد مطعم ليالينا
والمينا ع الساعه 4 اروح له لما الساعه 7 واطلع لان حرررررررررررررررر