سالفة المغلوث والنبهاني

[النبهاني]

بسم الله الرحمن الرحيم
اخواني واخواتي المكشاتيه
السلام عليكم ورحمة الله وبركاته
والله يسعد اوقاتكم بالمسرات
عام 1418 عام محفور بالذاكره يعني ما ينّسي وذلك من الخيرات التي انعم الله بها علينا هكالسنه من امطار وسيول وفقع (زبيدي حبيب القلب ) ويا عساه يعوووووووود
الديره فيه ضلع لعله لسيل والضلع هذ ا في عام 1418 مدهال لاهل الزبيدي وغزير الانتاج ولا يطلع فيه الا الزبيدي اما الجبا والخلاس فهذولن نلقاهن بالسهل
المهم اخذنا حوالي ثلاثة اشهر وحنا كل يوم نعدي الضلع من طلعت الشمس الا غيبته وكلن وقدرته اللي يجيب 4 كيلو واللي يجيب 5 او 6 كيلو وبعض الشباب النشيط والموفق يجيب الى 10 كيلو
بيوم من الايام معدي الضلع يوم جت تبي تغيب الشمس وانا اجي نازل يوم قربت للارض حسيت ان فيه شي يمشي وراي 00 التفت والا وش اشوف هكالحصني اللي ماغير جلد وعظم ما عليه ما ينقد الطير
صراحه خفت 00 وانا ما وقفت ولا اسرعت وهالماخوذ نفس الشي 00 ويابعدتس يالارض
قام البال يدهر ويقول ياويلك يالنبهاني هالحين يعضك هالمغلوث وتقعد تقعّط والا تنبح طول الليل همن ابوك يربطك عند الغنم بالمزرعه
طبعا ما معي هكاليوم ولا عصا لكن وانا نازل فكرت ليا طبيت الارض اركب السياره وادعسه
لكن اللي حصل يوم طبيت الارض هالماخوذ وقف على حد الضلع من الارض
رحت للسياره غدين اصدمه اذا نزل
واقعد بالسياره ابيه ينزل واحتري واحتري لين اظلم الليل وبغت تفوتن صلاة المغرب وهالمغلوث ما نزل
مشيت وانا الى الان عجزت افهم اللي حصل
انتهت السالفه واتمنى ان تحوز على اليسير من رضاكم
محبكم
النبهاني

[راعي العجراء]

الله يعطيك العافيه يالنبهاني
لو عضك يابو سالم المغلوث وين نلقى هالسالفه
اجل الحصني هليم بالحيل هذا دليل انه مستغلث
سبحان الله يضعف جسمه بالحيل حتى يصير عظم وتلبيسه
اشكرك يااخي ابو سالم والله يحفظك
دمت بخير

[النبهاني]

الله يعطيك العافيه يالنبهاني

لو عضك يابو سالم المغلوث وين نلقى هالسالفه
اجل الحصني هليم بالحيل هذا دليل انه مستغلث
سبحان الله يضعف جسمه بالحيل حتى يصير عظم وتلبيسه
اشكرك يااخي ابو سالم والله يحفظك

دمت بخير




ياهلا ويامرحبا ببو جلمبو
اجل ابي اروح ادوره على شان يعضن مدام السالفه وصلك
فعلا ياخوي كانه ميت له شهر ويمشي سبحان الله
لكن يقولون اللي يعضه المغلوث يصير مثله الله يستر
اشكرك اخوي على حضورك الرائع

[سبع الخلا 911]

هههههههههه

بغى يروحبك اجل
الله يحمانا بس لونك قطيتلة زبيدية عسى ولعل
يقف عنك..
ولا بمروة رصة مع الخناع

تقبل مروري...
اخوك سبع الخلا 911

[المعي]

ماشاء الله عليك
وبعد تنتظره قلبك قوي ياخوك لو محللك كان الهزيمه الهزيمه
وبالمناسبه ايش معنى مغلوث لان لها معنى عندنا مدري هو نفسه
ودمت بخير

[محمد الظاهري]

الي جاك ماهو خوف من الحصني الا كله علشان حبيب القلب
الزبيدي
كل شي يهون الا الزبيدي
هههههههههههههه
ذكرتني في سالفه حلوه
كان فيه واحدمن الربع كانو في اخيام وكان عنده اختبار
وكان يذاكر وهو منسدح على بطنه ويلعب برجله
ومطلع رجله مع باب الخيمه ويذاكر
والا هاك الحصيني الصغير يجي عند رجله ويعضه
هههههههههههههه
الرجال اخذ 40ليله وهو مسوس خااايف من الموت
اشكرك يا غالي
دوماً تبدع وتمتع
تحياتي وودي

[ابو الشبرميات]

الله يجيب الخير ويرحم المسلمين
فعلاً عام 1418 كان مميز جداً
الله يعيده على المسلمين كل عام

الحمد لله على سلامتك يالنبهاني
ومن عادة الحيوانات المغلوثة
الاقتراب من الناس كثيراً
والهجوم عليهم بغية الافتراس
وعدم الخوف من الموت
,,,

[قوافي ( أم نهار )]

حياك الله اخوي
الله يعطيك العافيه والحمد لله على السلامه
لو تسمع امي الله يحفظها عن السالفه كان ما عاد ذكرت دجيجاتها اللي أكلهم الحصني.. الدجاج ولا أبن آدم..
اللي حصل إن شاء الله انها دعوة رضا لرب العالمين من والديك ورب العباد هو الحامي والمستجيب للدعاء..
الزبيدي عزيز ولا كان صبخته بوحده والباقي تلا بس خساره روحتهن على حصني يابس والحمد لله اللي فكك ..
مشكور على السالفه
تحياتي وتقديري واحترامي لشخصك الكريم
اختك
..قوافي..

[Al3rands]

هج يا ولد حصني ومغلوث اقول فكك الله

[عاصفة عروى]

ههههههههههههه
اجل بغيت تروح فيها
الحمد لله على السلامة
ولا عاد تنتضر المغلوث أنصحك بزبنا

[خوي مخباته]

اهلاَ وســــــــــهلاَ بـــ محبنا " النبــــــــهاني " ونحن بدورنا نشهد الله اننا نحبك في الله " يااباســـــــــــــــالم "
ولاكن السؤال يبقى ليه جلست بسيارة تنتظرة ينزلك انت خابرن الحصيني ونحاسته مهوب نازل 0 الواجب انك خذت الكهربان { البجلى } وعصى العفريته؟ ورقيت يموه والله اني خابرك ، يــــــــابوسالم لو كان اســـــد ومن غابه !!!! مايهمك ..... ولا يهز شعره من راســــــــــــك جعلك تسلم ورحم الله والديك ســـــــــــــــالفه من احلى الســــــــوالف : مشكوووووووووووووووورر على طرحها .......... وبارك الله فيك ... تحياتي لك ...........

[عابر سبيل 1]

وعليكم السلام ...
حياك مولاك أخوي والحمد لله أنه فك من الحصني ...
أنا مره دخل علينا حصني مغلوث بالمزرعه الظهر وفكنا الله منه وذبحناه ...
تحياتي ...

[ذراع الذيب]

السلام عليكم ورحمة الله وبركاته,,
مسيت بالخير يالنبهاني..

ياولد هالحصني منجد مخربها وتحصله يقول انا ميت ميت هههههههه,,
منجد وعلى كلام قوافي لوصبخته لو بوحده هههه..
لاهنت وعيشتنا احلى ذكريات عمرك,,
تحياتي لك,,

[النبهاني]

http://www.apollovigor.com/sitebuildercontent/sitebuilderpictures/husband-wife.gif



يا راعي العجراء داخلن على الله ثم عليك انك تعلمن
كان هذي نهايه الحياه الزوجيه خلن اتماكن عمري
ترا الراس من صكات بقعا ما عاد يتحمل هالكمخ

[النبهاني]

هههههههههه



بغى يروحبك اجل
الله يحمانا بس لونك قطيتلة زبيدية عسى ولعل
يقف عنك..
ولا بمروة رصة مع الخناع


تقبل مروري...

اخوك سبع الخلا 911




هلا بخوي سبع الخلا
ياعسى الابتسامه على محياك دوم والله يسعدك
آمين الله يحمانا واياك وكل مسلم بس الزبيديه خساره عليه
اما رصعة بمروه فهي ما مثله بس اخاف اخطيه واقعدبه
مرورك عطر يشرح الخاطر واشكرك عليه
دمت بحفظ المولى

[النبهاني]

ماشاء الله عليك

وبعد تنتظره قلبك قوي ياخوك لو محللك كان الهزيمه الهزيمه
وبالمناسبه ايش معنى مغلوث لان لها معنى عندنا مدري هو نفسه

ودمت بخير




هلا وغلا بخوي المعي
ماهي قوة قلب اظنه مات هكالوقت
بس تمنيت اني ذبحته لكن ما أراد الله
الغلث وانا اخوك هو داء الكلب تكرم ومن يقراء
وعلى حسب فهمي هو فيروس يكون في لعاب الكلب ومن في فصيلته
مشكور على حضورك والله يحفظك

[النبهاني]

الي جاك ماهو خوف من الحصني الا كله علشان حبيب القلب

الزبيدي
كل شي يهون الا الزبيدي
هههههههههههههه
ذكرتني في سالفه حلوه
كان فيه واحدمن الربع كانو في اخيام وكان عنده اختبار
وكان يذاكر وهو منسدح على بطنه ويلعب برجله
ومطلع رجله مع باب الخيمه ويذاكر
والا هاك الحصيني الصغير يجي عند رجله ويعضه
هههههههههههههه
الرجال اخذ 40ليله وهو مسوس خااايف من الموت
اشكرك يا غالي
دوماً تبدع وتمتع

تحياتي وودي




هلا ومية مرحبا بمشرفنا العزيز الغالي
والله يابوحميد انا مهووس بجني الزبيدي وادور منابته باللي هوبه
ويمكن مثل ما تفضلت عشقي للزبيدي طغى بالقلب
وهالواحد اللي تقول عليه صراحه ما ينلام انت تعرف الغلث ما هو هوين
الف شكر اخوي على حضورك الرائع والمشجع لي
دمت بحفظ المولى

[النبهاني]

الله يجيب الخير ويرحم المسلمين

فعلاً عام 1418 كان مميز جداً
الله يعيده على المسلمين كل عام


الحمد لله على سلامتك يالنبهاني
ومن عادة الحيوانات المغلوثة
الاقتراب من الناس كثيراً
والهجوم عليهم بغية الافتراس
وعدم الخوف من الموت
,,,




ابو الشبرميات يامية هلا
الحمد لله على السلامه فاقدينك وعسى ماتنفقد من شر
آمين والله يجزاك خير على الدعوه الطيبه
صدقت اخوي والله يالمغلوث ما يهمه شي واردا ما يشوف ابن آدم
اشكرك على حضورك والله يحفظك

[منظر]

اخي النبهاني
تحيه طيبه
يعطيك العافيه
بصراحه انك سلمت من هاالحصيني
فيه شي اخر الحصيني عنك ؛؛؛
بالتوفيق
تحياتي وتقديري لك

[النبهاني]

حياك الله اخوي

الله يعطيك العافيه والحمد لله على السلامه
لو تسمع امي الله يحفظها عن السالفه كان ما عاد ذكرت دجيجاتها اللي أكلهم الحصني.. الدجاج ولا أبن آدم..
اللي حصل إن شاء الله انها دعوة رضا لرب العالمين من والديك ورب العباد هو الحامي والمستجيب للدعاء..
الزبيدي عزيز ولا كان صبخته بوحده والباقي تلا بس خساره روحتهن على حصني يابس والحمد لله اللي فكك ..
مشكور على السالفه
تحياتي وتقديري واحترامي لشخصك الكريم
اختك

..قوافي..




هلا بقوافي نبع العطا
الله يعافيك ويسلمك اختي
الله يحفظ اميمك ويخليها لكم سالمه ومتعافيه
دجيجات امك شي اكله الحصني وشي ربطه بعض الناس بصياخ العماره شكله مقرود هالدجاج
عافاك الله على الدعوه الطيبه والظن الحسن وصدقتي يا اخيه ما غير الله احد
انا خفت من المغلوث والا كان بحصاة مع الراس لكن وش يضمن انه ما يعدي علي
انا اللي لك شاكر وممنون على هالحضور العطر والمشجع لتلميذ من تلاميذك
دمتي بحفظ المولى

[النبهاني]

هج يا ولد حصني ومغلوث اقول فكك الله



Al3rands الله يحيك
عز الله اني هجيت وفكن الله منه والحمد لله
المغلوث ما ودك تنطحه الا وانت ضامن ذبحته
شاكر لمرورك الرائع

[النبهاني]

ههههههههههههه

اجل بغيت تروح فيها
الحمد لله على السلامة
ولا عاد تنتضر المغلوث أنصحك بزبنا




هلا وغلا بخوي عاصفة عروى
الله يوسع صدرك بالايمان
الحمد لله ان الله سلمني من هالمغلوث
شاكر وممنون على مرورك الكريم
دمت بحفظ المولى

[النبهاني]

اهلاَ وســــــــــهلاَ بـــ محبنا " النبــــــــهاني " ونحن بدورنا نشهد الله اننا نحبك في الله " يااباســـــــــــــــالم "


ولاكن السؤال يبقى ليه جلست بسيارة تنتظرة ينزلك انت خابرن الحصيني ونحاسته مهوب نازل 0 الواجب انك خذت الكهربان { البجلى } وعصى العفريته؟ ورقيت يموه والله اني خابرك ، يــــــــابوسالم لو كان اســـــد ومن غابه !!!! مايهمك ..... ولا يهز شعره من راســــــــــــك جعلك تسلم ورحم الله والديك ســـــــــــــــالفه من احلى الســــــــوالف : مشكوووووووووووووووورر على طرحها .......... وبارك الله فيك ... تحياتي لك ...........




يا هلا ويامرحبا بالحبيب اللبيب " خوي مخباته "
احبك الله الذي احببتنا فيه ويرضا عليك
ياخوي والله اني استغربت منه لا هو اللي نزل للارض ولا هو اللي رقا فوق
احترت وما لقيت جواب الا يومك
ودي اني عند ظنك لكني اذرق من صواية الليل ما افك عشاي من البس لايهمك
الله يسلمك على هالدعوات الطيبه والنابعه من قلب طيب وراعيه اطيب
بالعكس انا اللي اشكرك على حضورك اللي يسر ويشرح الخاطر من جد ياخوي مخباته
دمت برعاية الله

[النبهاني]

وعليكم السلام ...

حياك مولاك أخوي والحمد لله أنه فك من الحصني ...
أنا مره دخل علينا حصني مغلوث بالمزرعه الظهر وفكنا الله منه وذبحناه ...

تحياتي ...




هلا وغلا بخوي عابر سبيل
الله يحييك ويجزاك الف خير
الحمد لله انكم ذبحتوه وبردتوا كبودكم
لكن انا والله اني انقهرت اللي ما قدرت اذبحه
شكرا اخوي على حضورك الرائع
دمت بحفظ المولى

[النبهاني]

السلام عليكم ورحمة الله وبركاته,,

مسيت بالخير يالنبهاني..


ياولد هالحصني منجد مخربها وتحصله يقول انا ميت ميت هههههههه,,
منجد وعلى كلام قوافي لوصبخته لو بوحده هههه..
لاهنت وعيشتنا احلى ذكريات عمرك,,

تحياتي لك,,




وعليكم السلام ورحمة الله وبركاته
هلا وغلا بمشرفنا العزيز ذراع الذيب
عز الله انك صدقت ياخوي هالمغلوث شايف انه ميت ومخربه على اللي تجي عليه
تبي الجد لو اني متأكد ان الزبيديه تذبحه ما صبخته به لاني اتخاسره عليه
الله لا يهينك واشكرك على حضورك اللي يشجع ويسر الخاطر
دمت بحفظ المولى

[النبهاني]

اخي النبهاني



تحيه طيبه
يعطيك العافيه
بصراحه انك سلمت من هاالحصيني
فيه شي اخر الحصيني عنك ؛؛؛
بالتوفيق


تحياتي وتقديري لك




هلا وغلا بخوي منظر
الله يطيب فالك ويعطيك الف عافيه
فيه شي اخر الحصيني عنك ؛؛؛
هذا اللي محيرني ياخوي
شاكر ومقدر حضورك الرائع
الله يوفقك ويحفظك