وش الحل الحراره ذبحتنا تكفوون فزعتكم

[GMC 111]

السلام عليكم ورحمة الله وبركاته


مساكم/صبحكم الله بالخير


يالربع انا معي سييرا 2500 موديل 2004

اعاني هذي الايام من ارتفاع حرارة السياره في حالة الوقف عند الاشاره او في الزحمه

يعني الحراره تتعدى النص واذا تدعسة او تمشي السياره عليه الاحض انا الحراره ترجع لوضعها الطبيعي:eek:

يعني الموتر اذا وقف اكثر من دقيقه على طول ترتفع فوق النص وتزود شوي

وفي حال المشي اسمع صوت حنه قوي مدري هل السبب الحراره:eek:

زبدة الموضوع نبي حل فتاك:D

سمعت واحد من الربع يقول ركب مراوح وبلف مرسدس بس مدري وش يقصد :p

المهم يالربع نبي حل والله ذبحتنا الحراره

ومالكم الى الدعاء في الليل والنهار اذا زان الموتر:D

الي يخبر ورشه عليها الكلام في الرياض يعطيني الرقم ولا الوصف

الله لايهينكم ويعينكم على :s:p

[HCW]

فية حل تركب مروحة خارجيه خلف الشبك بس مو اي مروحه راح تحل المشكله لازم مروحة دفعها قوي و اذا تبي عطني خبر اشحنها لك من امريكا بس لازم اعرف اذا فيه مجال خلف الشبك و كم المساحه عشان حجم المروحه لان فيه مقاسات تبداء من 16 انش و 14 انش و 12 و فيه صغار بس ماراح يسوون شي نصيحتي ركب على الاقل 12 انش و راح تدعيلي.

[رفيع المقآم]

بعد قلبي

نصيحة لوجه الله

ركب مراوح كهرب حقت جمس موديل 2006

من 2000 الى 2005 مراوح سير

م 2006 كهرب صحيح غالية تقريبا 1400

لكن مكيف ثلاج

حرارة تمام

شغل وكاله وتضمنها بعد الله

ولو توقف ثلاث ساعات بعز القيض ماترتفع شرطة

اذا رديترك نظيف والماء كويس يعني اجزاء التبريد تمام

والله يوفقك

[المميـز]

:

ينقل للخيمة المناسبة

:

[ابا الصلابيخ]

كان عندي يوكن 99 وجابلي الصمرقع با الحرارة وبا الذات وقت الوقوف تاصل الى النصف وتزود

ولقيت الحل ابشرك امشي بعز القوايل واقف لوبغيت ساعات والحرارة على الربع

لو كنت انت با الشرقية عطيتك الوصف رجال سعودي يشتغل بيدة ومعه عمال هنود شغله مضبوط وينصح بشغله

[Ra3e]

بما انك 2500 فالمروحه على الدعسه كل مادعست زادت سرعتها

وبما انك واقف بالزحمه واشارات وكذا بالمروحه تكون على اقل سرعه ولمشيت المروحه تزود سرعتها و ترجع الحراره لوضعها الطبيعي

والحل انك تغير المروحه بمروحه كهرب منها تقل صرفيه بنزين والعزم يفرق وتروح حنه المروحه

[You Like Me]

غير تماتيك المروحه

[Magellan]

كلتش المروحة خربان
غيره ويضبط
ومع دربك اغسل دورة التبريد وحط ماء مرسيدس جالون والباقي ماء مقطر

[اوف لاين]

سيخ الراديتر وعط مويه اصليه
افحص غطاء الراديتر وتاكد انه ما يهرب او يبخر
وتاكد من تماتيك المروحه لانه احتمال يكون عطلاان
الصوت اللي تتكلم عنه(الحنه) منه
وباذن الله يضبط موترك
بالنسبة للورش
الصناعيه القديمه مليانه حقين راديترات
(الشغله بسيطه ما يبيلها معلم)
اهم شي الموية اصليه

[مركز حراره]

بدل التماتيك ولافضل بتغير المراوح لكهرب

[فتى مكشات]

انا معي يوكون ونفس المشكلة رحت للتشليح وركبت مروحة على راديتر المكيف والحمد لله ولا تتحرك الحرارة من مكانها والسيارة واقفه محلها .
فنصيحة الاخوان انك تركب مروحة هو الحل الافضل والصحيح والله اعلم .

[GMC79]

ياخي لا تركب مراوح كهرب ولا بلف مرسدس هذي مش حلول هذي تعامي عن المشكلة

اغلب الظن عندك مشكلة في كلتش المروحه

طريقة فحص كلتش المروحة كالتالي

تجي للموتر وهو بارد واقف من الليل مثلا وتفتح الكبوت وتحرك المروحه وبس وتصك الكبوت

ثم شغل ورح مشوارك واذا حمي الموتر وقف وطف وافتح الكبوت وحرك المروحه اذااثقلت عليك بشكل واضح فالكلتش تمام واذا ما اختلف ثقلها او اختلاف بسيط فهو دمار

وبعد كذا مبرد القير ضروري تركبه

[العمده 0ون0]

وعليكم السلام ورحمة الله وبركاته
يا الغالي ان شاء الله الامور سهالات بس اصبر لاتسعجل احيان تكون الشغلة بسيطة
نصيحة لوجه الله لاتتعبث بالموتر اذا كان مواصفاته شد بلد ابحث اولاً :000عن سبب وحل للمشكلة لاتضيف ولا تنقصٌ اي شي وتفتح لنفسك ابواب وانت في غنى عنها ويصعب عليك اغلاقها الا اذا فيه اختلاف في مقاييس ومواصفات السيارة0
انا واعوذ بالله من كلمة انا000عندي مبدأ اوقاعدة اتتبعها من يوم وعيت وعرفت السيارات حتى تعلمت بعض الاشياء باعتمادي على الله اولاً ثم بعد على نفسي في حدود امكانياتي وهي :
ابدأ دائماً بالاحتمال الاسهل والابسط ولارخص0
عن تجربة:
تأكد من هذه الاشياء:
1- سير المكينة احتمال يكون مرتخي بحكم انه قديم يعني(ممغوط متوسع)مايقوم بدوره ( دوران المروحة)بالشكل الكامل والمطلوب عكس اذا كان السير مشدود يسحب الهواء للمكينة هذا سهل تغييره مايكلفك شي0
2- بلف الحرارة احتمال احيانا يعًلق0
3-كلتش المروحة(التماتيك)0
هذا والله اعلم0

[يزيد 999]

لاتركب مراوح ولاتعبث بالكهرب<<<<مامثل شد البلد;)

تاكد من تماتيك المروحة هو السبب لانك وانت ماشي يدخل الهواء من الشبك ويبرد على المكينه لاكن وانت واقف التماتيك يصير خربان فالمروحه يصير دفعة ضعيف ولاتسحب هواء عشان كذا يحتر

[GM_400]

اذا كان الموتر استخدام يومي أنصحك ركب مراوح مرسدس واختصر السالفه كلها لأن مراوح الكرنك متعبه ومزعجه

والحل المؤقت مروحه خارجيه بين الشبك والرديتر

[ابوحمد766]

بعد ما تركب المراوح أو تغير تماتيك المروحه ,,
غير ماء الأديتر ركب ماء تايوتا الأصلي العلبه قيمتها 45 ريال ,,
تتسائل ليش هذا غالي والي عند قطع الغيار نفس اللون ورخيص بـ 5 ريال ,,
بقولكـ .. لأن الي عند الوكاله فيه مادة مثل الزيت تحفظ درجة حرارة الماء داخل المحرك
إذا أرتفعت درجة حرارة المحرك يبردة الماء والعكس
ضروري تغير الماء مره وحده ركب الماء الاديتر الأصلي وأرتاح مدى الحياة
أرجوا بأن أفدتك أخوي

[عبسي4800]

ياناس الي انا اعرفه اذا تماتيك المروحه علق اوخرب يزيد تبريد المروحه للموتر لانه تبتل معلقه في الوقفه او الممشى وعلى كلام الرجال انه يسمع صوت حنه اذا مشى يعني المروحه او الكلتش ماهو منه حراره الموتر الحراره ماهي من التماتيك

الى في حاله وحده اذا التماتيك يدور بوش يعني تشغل الموتر والمروحه ماتدور او تدور بشكل خفيف هنا ابصملك بالعشره انه من المروحه ويمكنك التجربه وانت تشغل السياره حط لك عصى على المروحه وشغل الموتر نقرات بسيطه وشف المروحه تدور او لا

واذا تبي شوري مراوح سوبارو كهرب اشبكها على الحساس ووحده مع المكيف وبتدعيلي بس اهم شي الدينمو عندك يتحمل

وانشالله اني افدتك

[GMC 111]

HCW (http://www.mekshat.com/vb/member.php?u=192960)

رفيع المقآم

المميـز

ابا الصلابيخ

Ra3e

You Like Me

Magellan


اوف لاين

مركز حراره

فتى مكشات

GMC79

العمده 0ون0

يزيد 999



GM_400

ابوحمد766

عبسي4800



الله يعطيكم الف الف عاااافيه جميعآ على ردودكم ومقاصرتو

بس تبون الصدق حيرتوني ناس يقولون ركب مراوح وناس يقولون لاتركب

وناس يقولون بدل التماتيك وناس لا

الي وصلت له من رادودكم اني ابي ورشه عليها الكلام في الرياض له خبره في ارتفاع الحراره

عمومآ ماقصرتو واحد واحد وبيض الله وجيهكم على فزعتكم :good2:

[HIZOOM]

تماتيك المروحة لابد إذا وقفت يرتفع صوت المروحة تسمع الحنه تشتغل المروحة
إذا ما فيه الصوت معناها التوماتيك خربان غيره

[GMC 111]

تماتيك المروحة لابد إذا وقفت يرتفع صوت المروحة تسمع الحنه تشتغل المروحة
إذا ما فيه الصوت معناها التوماتيك خربان غيره


الله يعطيك العافيه على ردك بس الحنه ماتجي وانا واقف

تجي اول ما امشي صوت حنه قوي تحس السياره مافيها حيل تمشي الين اوصل 60 بعدين يروح الصوت

[HCW]

حسب وصفك معناه ان كلتش المروحه سليم و مافيه اي مشكله
صيخ الراديتر و غير الماء بواحد اصلي مخلوط و جاهز لان اغلب اللي بالسوق الحين الاصلي يجي مخلوط بماي و جاهز و سعره غالي من 30 ريال و طالع. و يفضل انك تغير غطاء الراديتر بواحد اصلي وكاله
كذا راح تثبت الحراره على المعدل الطبيعي ولاكن المكيف اذا وقفت بالظهر راح يحتر شوي و حل المشكله هذي هي اضافة مروحه خارجيه بين الشبك و الراديتر و نصيحه مو اي مروحه راح تحل المشكله لازم مروحه دفعها قوووووي جدا اقوى من حقات السوبارو.

[Magellan]

شوف كلتش المروحة بعض الاحيان غدار
اغلب خرابه ان الحرارة ترتفع فوق الطبيعي اللي هو النص بشخطه او ثنتين ولايزيد عليها ابدا
واذا دعست له نزل ،،
طبعا لايغرك انقباضه وصوته انه شغال
كثير من الاحيان يكون شغال لكن فيه ضعف والضعف قليل من يدركه ويفحصه بالفحص التقليدي اللي هو يلف المروحة اذا لفّت ببطء قال تمام واذا صارت لفاتها بسرعه قال خربان،،،
ومسببات الحرارة كثيرة منها طرمبة الموية ، غطا الرديتر، السير مرتخي
شوف عندك تحت طريقة الكشف على الحرارة
http://www.youtube.com/watch?v=evpaTW2WJ5Y
وانا انصحك تشوف كلتش مروحة من التشليح عليه ضمان استرداد مالي لمدة يومين او اكثر ، جرّبه ان صلح فبها او ترجعه وتاخذ فلوسك او حتى ترجعه وتشتري جديد اذا عرفت ان الخلل منه

[You Like Me]

صوت الحنه وثقل السيارة لي وقفت في زحمه او طولت وانت واقف في هالحر
طبيعي لإن مروحتك ميكانيكية وكل السيارات اللي مراوحها ميكانيكيه كذا
اذا طولت في الزحمه مع المكيف يكون فيه جهد على المروحتين الميكانيكيه والخارجيه
لكن انت واضح مشكلتك في التماتيك مدام فيه ارتفاع للحراره
وقت الوقف واثناء المشي ترجع لمستواها الطبيعي
والحل مثل ما ذكر الاخ ماجلان شوف لك من التشليح عليه ضمان
ان ضبط والا رجعه
والله ييسر امرك

[عبسي4800]

شف يالغالي انا قد صار معي نفس مشكلتك واتوقع كل المواتر الي 2500 نفس المشكله لان مكينه كبيره ولا تغطي مروحته البلد فأشوف افضل حل مراوح كهرب لان المديلات الجديده الحين حولوها كهرب وصارت الحراره ثابته على النص صيف او شتاء تمشي او واقف

[GMC 111]

HCW (http://www.mekshat.com/vb/member.php?u=192960)

Magellan (http://www.mekshat.com/vb/member.php?u=11979)

You Like Me (http://www.mekshat.com/vb/member.php?u=177671)


عبسي4800 (http://www.mekshat.com/vb/member.php?u=9499)


الله يعطيكم الف عااافيه على ردودكم ولاهوب مستغرب منكم الله يجزاكم خير


عمومآ الموتر وديته ورشة الجامعه ويقول يبيله تسييخ وتمتيك مروحه

والله يعين

[عبسي4800]

بشرنا وش يصير معك يالغالي

[تنومه1]

عندي جمس حوض سييرا hd 2500 موديل 99
قبل اسوعين وبدون سابق انذار ارتفعت الحراره وانا امشي الى قرب الخط الاحمر وصلت البيت وشيكت المويه كويسه ما فيها نقص ........ اليوم الثاني نفس الو ضع واستمريت على هالحال تقريباً اربعه او خمسه ايام طبعاً المويه الي داخل الاديتر مويه عاديه ( بزبوز ) وانواع الصدأ والطين ...
فكيت خراطيش الاديتر وطلعت كل المويه الي فيه وغامرت وحطيت موية اسيد مخفف مخصص لازالة اثار الصدأ الجالون بعشره ريال لونه اصفر ومشيت مشوار ابو 50 كلم ومريت ورشه في الصناعيه القديمه وجبت معي مويه اصليه امريكي (DEX-COOL ) وسبع قوارير مويه مقطره وهذي صورة الجالون
www.ca.prestone.com/enca/node/411
وقيمته في الصناعيه القديمه ( 60 - 65 ) ريال وتراك بتلقاه في صناعية العاصمه مخرج 29 ( 40 ) ريال
طلبت من صاحب ورشة غسيل الاديترات غسيل فقط لا غير بحدود ( 40 - 50 ) ريال بدون فك البلف واذا بتفك البلف وهو الافضل عشان كل المويه والبلاوي تطلع بيكلفك ( 60 -70 ) ريال طبعاً البلف عندي مفكوك وفك العامل الخراطيش وشبك مكينتة التنظيف وانواع الصدأ والطين والتراب اعزكم الله وكنت اشم ريحة الاسيد وهو يطلع مع الاوساخ وكرر عملية التنظيف لحد ما اصبح الماء الخارج من المكينه نظيف وصافي وبعدها حط الموية الامريكيه الي جبت له ولله الحمد الحراره حول الربع او تزيد بشي بسيط لكن وضعه مرضي ولا عليه كلام والى الان وكل شي 100% ...... احتمال انه كان عندي سدد في مجاري الاديتر نتيجة الاوساخ. والله اعلم

[fasgh2002]

اخوي الغالي
جدد موية الرديتر وترى مشكلتك في الكلتش حق المروحه
ولا تركب مروحه كهربائيه ولا شي وصوت الحنه الي تجيك بعد الوقفه
هوه صوت المروحه ويختفي بعد ما تخف الحراره وهذي فائدة الكلتش
يعني احتمال يكون عندك مشكله بسيطه في الكلتش ولا تتعبث بالسياره
واذا حاب تتأكد الغي الكلتش بتثبيت المروحه بدون كلتش حيكون فيه
حنه مو طبيعيه في السياره بس بإذن الله راح تختفي المشكلة والحنه
مو حنة مكينة بل المروحه انا عندي فورد اكسبلورر والكلتش كهربائي
اذا توقفت في الإشارات يرتفع صوت المروحه وبعد المشي قليلا يختفي
الصوت

[GMC 111]

بشرنا وش يصير معك يالغالي


ابشرك سويت تسييخ وغيرنا تمتيك المروحه والكلتش كان فيه خراب

وخليت الموتر شغال اكثر من نص ساعه والحمد لله عوافي

عاد نشوف الاختبار الحقيقي بكره في الزحمه والحر :eek:

والله يعطيك الف عااافيه ياعبسي 4800 ماقصرت وبيض الله وجهك ووجيه الاخوان

[GMC 111]

عندي جمس حوض سييرا hd 2500 موديل 99
قبل اسوعين وبدون سابق انذار ارتفعت الحراره وانا امشي الى قرب الخط الاحمر وصلت البيت وشيكت المويه كويسه ما فيها نقص ........ اليوم الثاني نفس الو ضع واستمريت على هالحال تقريباً اربعه او خمسه ايام طبعاً المويه الي داخل الاديتر مويه عاديه ( بزبوز ) وانواع الصدأ والطين ...
فكيت خراطيش الاديتر وطلعت كل المويه الي فيه وغامرت وحطيت موية اسيد مخفف مخصص لازالة اثار الصدأ الجالون بعشره ريال لونه اصفر ومشيت مشوار ابو 50 كلم ومريت ورشه في الصناعيه القديمه وجبت معي مويه اصليه امريكي (DEX-COOL ) وسبع قوارير مويه مقطره وهذي صورة الجالون
www.ca.prestone.com/enca/node/411 (http://www.ca.prestone.com/enca/node/411)
وقيمته في الصناعيه القديمه ( 60 - 65 ) ريال وتراك بتلقاه في صناعية العاصمه مخرج 29 ( 40 ) ريال
طلبت من صاحب ورشة غسيل الاديترات غسيل فقط لا غير بحدود ( 40 - 50 ) ريال بدون فك البلف واذا بتفك البلف وهو الافضل عشان كل المويه والبلاوي تطلع بيكلفك ( 60 -70 ) ريال طبعاً البلف عندي مفكوك وفك العامل الخراطيش وشبك مكينتة التنظيف وانواع الصدأ والطين والتراب اعزكم الله وكنت اشم ريحة الاسيد وهو يطلع مع الاوساخ وكرر عملية التنظيف لحد ما اصبح الماء الخارج من المكينه نظيف وصافي وبعدها حط الموية الامريكيه الي جبت له ولله الحمد الحراره حول الربع او تزيد بشي بسيط لكن وضعه مرضي ولا عليه كلام والى الان وكل شي 100% ...... احتمال انه كان عندي سدد في مجاري الاديتر نتيجة الاوساخ. والله اعلم


الله يعطيك الف عاافيه يابعدي ماقصرت

[GMC 111]

اخوي الغالي

جدد موية الرديتر وترى مشكلتك في الكلتش حق المروحه
ولا تركب مروحه كهربائيه ولا شي وصوت الحنه الي تجيك بعد الوقفه
هوه صوت المروحه ويختفي بعد ما تخف الحراره وهذي فائدة الكلتش
يعني احتمال يكون عندك مشكله بسيطه في الكلتش ولا تتعبث بالسياره
واذا حاب تتأكد الغي الكلتش بتثبيت المروحه بدون كلتش حيكون فيه
حنه مو طبيعيه في السياره بس بإذن الله راح تختفي المشكلة والحنه
مو حنة مكينة بل المروحه انا عندي فورد اكسبلورر والكلتش كهربائي
اذا توقفت في الإشارات يرتفع صوت المروحه وبعد المشي قليلا يختفي
الصوت



كلام سليم وهذا الي صار

الله يعطيك الف عااافيه على ردك:good2:

[GMC 111]

اشكركم جميعآ على تفاعلكم وفزعتكم لي

بيض الله وجيهكم وجزاكم الله الف خير


بكره عاد بقولكم وش يصير معي وقت الحر والزحمه :)

[GMC79]

الحمد لله على السلامة ونصيحة للجميع اذا كانت الحرارة اثنا الوقوف فقط فالمشكلة 90% من كلتش المروحه واصلاحة سهل وبسيط

ايضا عندي كلمة اخرى للاخوان انا استغرب من الي يقول عند كل مشكله في الحرارة ركب مروحه او غير البلف

الموتر سليم وما فيه الا العافية فجاة صار يحتر هل هو محتاج مروحه اضافية ؟ طيب قبل كان سليم وبدون مروحه

تركيب المراوح الاضافية او تغيير بلف الحرارة لا يكون تصرفا سليما الا اذا كان نظام التبريد سليم 100% ولكنه لا يقوم بالواجب لخلل فني صناعي بحيث لا يتناسب مع الاجواء المسوق فيها مثل المرسيدس القديم او عند تعديل المحرك فيكون نظام التبريد لايلبي احتياج المحرك

اما اذا كانت الحرارة نتاج لخراب معين فتركيب المراوح او تغيير البلف لايحل المشكل بل يؤدي الى تفاقمها لانه عبارة عن دفن للمشكلة وتعامي عنها فقط

[You Like Me]

الحمد لله اللي جت على كذا
وبالتوفيق لك يالغالي

[GMC 111]

الحمد لله على السلامة ونصيحة للجميع اذا كانت الحرارة اثنا الوقوف فقط فالمشكلة 90% من كلتش المروحه واصلاحة سهل وبسيط

ايضا عندي كلمة اخرى للاخوان انا استغرب من الي يقول عند كل مشكله في الحرارة ركب مروحه او غير البلف

الموتر سليم وما فيه الا العافية فجاة صار يحتر هل هو محتاج مروحه اضافية ؟ طيب قبل كان سليم وبدون مروحه

تركيب المراوح الاضافية او تغيير بلف الحرارة لا يكون تصرفا سليما الا اذا كان نظام التبريد سليم 100% ولكنه لا يقوم بالواجب لخلل فني صناعي بحيث لا يتناسب مع الاجواء المسوق فيها مثل المرسيدس القديم او عند تعديل المحرك فيكون نظام التبريد لايلبي احتياج المحرك

اما اذا كانت الحرارة نتاج لخراب معين فتركيب المراوح او تغيير البلف لايحل المشكل بل يؤدي الى تفاقمها لانه عبارة عن دفن للمشكلة وتعامي عنها فقط

بالفعل كلام سليم :good2:

[GMC 111]

الحمد لله اللي جت على كذا

وبالتوفيق لك يالغالي



الحمد لله على كل حال

وابشرك الحين الحراره حول الربع

وهذا كله بعد توفيق الله وفزعت الرجال شرواك :good2:

[عبسي4800]

الله يبشرك بالخير والحمدلله الي لقيت المشكله

[هيصم]

سبحان الله و الحمد لله

[وجعين]

الحل مروحه اضافيه بجنب مروحة المكيف ركب مروحة مرسيدس الصغير وتنتهي مشكلك دفعة قوي جدا بس ترهيمه اصعب من غيره وهذا الي يخلي الناس تتجه لمراوح السوبارووغيره لان ترهيمه بسيط بس تبي نصيحتي لا تركب غيره انا مركبه بنفسي للباترول انس حراره كذالك زميل لي عنده يوكن لا وقف قامت الحراره نصحته بمروحه المرسدس ركبه وستانس يقول تو الموتر يغلى بعيني