وقتك ولو يصفي تشوبه غثابير

[مكرم الضيف]

تعبت من كثر السفر والمشاوير***وضاقت بي الديره برغم الرحابه
ماهو تعب جسمي ولكن تفاكير***بيني وبين النفس صارت طلابه
هي شايله همي وانا همي الغير***واقسى الزعل لاجاك جنب القرابه
اجلس واهوجس بالخلا اكلم الطير*** والطير بعيونه لمثلي غرابه
واشرب حليب نياق جهم ومغاتير***واشوف ضو البرق فوق السحابه
واشيل رجلي للرجال المناعير***اللي مقابلهم يزيل الكآبه
لو فوق كتفي ثقل ورقان ليطير***وافرح واجر اسامري والربابه
وقتك ولو يصفي تشوبه غثابير***تتعب لو انك ماحسبت الحسابه
وارع القدر صعبن ترده محاذير***والدين هقوات الرجال الذيابه
اعمل وعند الله زين التدابير***ودارن بلا تقوى تراها خرابه
مني لكم خالص محبه وتقدير*** وصلوا على خير البشر والصحابه

[نديم المجره]

اللهم صلي وسلم على محمد وعلى اله وصحبه اجمعين
صح لسانك
ما شاء الله عليك مشغول وتنتج بغزاره
وانا فاضي ماطلع معي ولا بيت
لاتقول اني نظلتك
اقراء فوق كاتب ماشاء الله بخط كبير
لا وبعد نفثت على القصيده
واذا تعطلت القريحه عندك فليس مني
دور على غيري
بصراحه قصيده روعه
الله يسعدك يابونادر
تحياتي

[م.م.مذهب]

صح لسانك على القصيدة يابونادر عزالله كفية ووفيت

[مكرم الضيف]

اللهم صلي وسلم على محمد وعلى اله وصحبه اجمعين

صح لسانك
ما شاء الله عليك مشغول وتنتج بغزاره
وانا فاضي ماطلع معي ولا بيت
لاتقول اني نظلتك
اقراء فوق كاتب ماشاء الله بخط كبير
لا وبعد نفثت على القصيده
واذا تعطلت القريحه عندك فليس مني
دور على غيري
بصراحه قصيده روعه
الله يسعدك يابونادر

تحياتي


حياك الله يالطيب وهذا طال عمرك بعض مما عندكم .أسعدتني بردك العذب .

وتراك مقصر واجد بالقصيد :)نبي الجديد اللي يحرك خيمة القصايد بقوة.

تقبل تحيتي

[عساس الحره]

اعمل وعند الله زين التدابير http://www.mekshat.com/vb/clear.gifhttp://www.mekshat.com/vb/clear.gifودارن بلا تقوى تراها خرابه
صح لسانك

[ذراع الذيب]

السلام عليكم ورحمة الله وبركاته,,
مسيت بالخير يابونادر,,

صح لسانك على هالقصيده العذبه وماشالله تبارك الله شوفني ذكرت الله,,
علشان لايتهمنا بعدين نديم المجره هههه لاهنت وتحياتي لك,,

[منظر]

مكرم الضيف
تحيه طيبه
صح لسانك
ابيات شاعرية فحوة المعني
(جنب القرابة )
(غير الديره بديرة )
تحياتي لك

[مكرم الضيف]

صح لسانك على القصيدة يابونادر عزالله كفية ووفيت

حياك الله اخوي وصح بدنك وجزاك الله خير

تقبل تحيتي

[عابر سبيل 1]

صح لسانك وطاب فالك أخوي مكرم الضيف ...
والله أنك أكرمتنا بهالقصيده الجزلة وهاذي عوايدك ...
أنشاء الله يزول همك ويرتاح بالك أخوي ...
دمت بود ...

[قوافي ( أم نهار )]

حياك ربي اخوي ابو نادر
قصيده جداً قريبه من واقع الحياة وصدقت اخوي
صح لسانك وتسلم يمناك
تحياتي وتقديري واحترامي
اختك
..قوافي..

[س.س.التميمي]

صح لسانك على القصيدة

[بر الوالدين]

واشيل رجلي للرجال المناعير * * * http://mekshat.com/vb/clear.gifhttp://mekshat.com/vb/clear.gifاللي مقابلهم يزيل الكآبه


صح لسانك ، بيت يسوى قصيدهـ ماشاء لله تبارك الله

[س.س.التميمي]

صح السانك يالشاعر

[مكرم الضيف]

صح السانك يالشاعر


صح بدنك اخوي وجميع من ردوا على الموضوع

وان شاء الله سوف اوفي بالردود كلها

وتقبل تحيتي لك وللجميع