المساعد الشخصي الرقمي

مشاهدة النسخة كاملة : حرارة نيسان باثفندر 2003..2005 ارجوا منكم الافادة


أبو سعيدان
21/05/2012, 07:21 AM
السلام عليكم


ياخوان معي باثفندر وماكنت اشتكي منه قبل


بمعنى في الشتاء ماتتعدا الحرارة على الخط الثاني من الC


والان مع اجوائنا الحارة توصل الحرارة اعلى من كذا


على سبيل المثال اذا سرعتي اكثر من 100 بالخامس (قير عادي) ودعست


تزود الحرارة لدرجة توصل الحرارة الا الخط الاول من الH


وشيكت من المراوح كلها شغاله وكذلك ماء الاديتر كامل بدون نقص




فارجو منكم الافادة عافاكم الله


لاني مفكر في التسييخ او تغيير الاديتر قبل لاتعدم على راس المكينة وانا مغيرها قبل فترة
patrol-fa
21/05/2012, 10:23 AM
وعليكم السلام ورحمة الله وبركاته ..

طيب مع الوقفة ما ترتفع ؟ بس مع المشي ؟؟

عندك الإديتر سيخه متسدد وعب مويه مقطرة ..
أبو سعيدان
21/05/2012, 12:07 PM
وعليكم السلام ورحمة الله وبركاته ..

طيب مع الوقفة ما ترتفع ؟ بس مع المشي ؟؟

عندك الإديتر سيخه متسدد وعب مويه مقطرة ..


شكرا ع ردك

طبعا مع الوقفه ماترتفع

اما الممشي تحت سرعة 100 مافيها اي مشكلة بس بعد 100 تبدأ ترتفع على شي بسيط

(مع ضهور صوت غريب من جهة المكينة) في حالة اني دعست كل الدعسه بنمرة الخامسة

وعلاجه المؤقت بعد ماترتفع الحرارة ترديد نمر من الخامس الا الرابع وهكذا وتنزل الحرارة

واثبت على سرعة 100


والمكينة مغيره بالكامل ومامشت الا 20الف كيلو

الله يعين ..
نادرخيارى
21/05/2012, 12:13 PM
اعتقد والله اعلم الرديتر
سيخ الرديتر وعطنا خبر
أبو سعيدان
24/05/2012, 08:39 AM
امس مريت ورشة ابو ثنيان واستفسرت منه

ونصحني بتغيير الاديتر افضل بكثير (السعر مع التركيب عند الثنيان=400)اديتر صيني


لكن عندي استفسار في شخص طرح مشكلتة مع الحرارة وبدل الاديتر باديتر جديد لكن المشكلة صارت غير الاديتر


ارجوا الافادة ممن عانا من نفس المشكلة
حبـران
24/05/2012, 08:43 AM
شوف يالحبيب

كان معي 2005 وترتفع الحرارة الى النص اذا مشيت

وطلع المشكلة بالاديتر وسيخته ولم تنحل المشكلة الا عند تغيير الاديتر

وحسب مافهمنا ان فيه اماكن بالاديتر مايوصلها السيخ لذا واجب تغييره
أبو سعيدان
27/05/2012, 11:10 AM
شكرا على مشاركتك

وكلامك عين الصواب

واستشرت اللي غيرت من عنده المكينة وقالي نفس الكلام

ومن بعدها غيرت الاديتر باديتر صيني

طبعا

سعره =200ريال

التركيب =40ريال

ماء لديتر اصلي مع اربع علب ماء مقطر =45ربال

التكلفه الاجماليه=285ريال

ورجعت الحرارة احسن من اول بكثثير والحمدلله

الحرارة ماتتعدا الخط الاول بشي بسيط



الموضوع للافادة للجميع

وشكرا لمن اهتم,,