حذفه بالموتر

[ابوعلي العجمي]

السلام عليكم ورحمة الله وبركاته
عندي مشكلة بفتك 2004
وزنت اذرعة عند الكمبيوتر
وعند العادي
ولا فيه فايده يحذف الموتر
اثبت الدركسون ويحذف يسار افك الدركسون يحذف يمين
الميزان الاكتروني بالرس والعادي بعنيزة
وهم علئ كلام الناس ازين شي
وش الحل يالربع
واخر شي قالي بدل كفر مكان كفر وفريتهن كلهن ما بقى
شي 7 تغييرات

[رااعي الفزعات]

السلام عليكم ورحمة الله وبركاته
مر ورشة علي السيف بالشارع التجاري وخله يركب لك دبل مساعد دركسون ..
اتوقع المشكله منه ..
تقبل مروري ..

[ابوعلي العجمي]

بيض الله وجهك ياذيبان لكن اللي وزنت عنده كمبيوتر يقول الدفرنس فيه انحراف بسيط
ما يأثر
والسوري اللي بعنيزه يقول رح للصمعاني ببريده يناظرة
كانه مايل يكبسه