مشكله حراره الباترول ترفع الضغط

[شاد الرحال]

السلآم عليكم

علومكم يا الربع ؟

الموضوع وما فيه عندي باترول موديل 99 سوبر سفاري
مركب عليه مكينه باترول موديل 2009
الموتر يوم ركبت له المكينه الحمدلله ما يشكي من الحراره
لاني ما كنت اشغل المكيف
الى يوم صلحت المكيف وغيرت رديتر المكيف
بعدها الحراره ما تفارق الموتر اذا وقفت تتعدى النص
اذا مشيت ترجع طبيعي و يكون فيه حنه بالموتر

نبي الحل مع هالعله الله لا يهينكم

واحد قالي ركب مروحه وبلف وانا ابي مشورتكم يا الربع

سؤال اخر :
الموتر يشفط بنزين بشكل مهوب طبيعي للدرجه
ان ريحه البنزين تدخل داخل في السياره
شيكت على الديلكو وطلع مضبوط

ما استغني عن مشورتكم
في امان الله

[ابو خالد 1992]

يوم غيرت المكينة غير الرديتر معها او لا لأن رديتر الموديلات الجديد يمكن يكون اكبر وشيك على الرديتر هل هو ينقص اولاء عشان التنسيم و شيك على المروحة تشتغل اولا وهل تشتغل مضبوط او عكس الاضافية طبعا و شيك على كلتش المروحة و الخراطيش و البلف يمكن يكون قافل وشيك على غطاء الرديتر
الحرارة اسبابها واجد

[مركز حراره]

المكينه الي انت مركب فتك ؟
ركب مراوح كهرب 100%وارتاح من الازعاج الصرفيه العزم يزيد
لطلب ارسل بلخاص

[عاشق الشعبيات]

أخوي شاد الرحال مشكلتك نفس المشكلة اللي عندي

وأكتشفت إن السبب مراوح الكهرب اللي بين الشبك والرديتر وحده منها فيها ضعف ويبيلها تغيير

أنت شيك على مراوحك الكهرب وافحصها هل هي تسحب بقوة ولا لا

[sgl2002]

يا اخي مركز حرارة

مرواح الكهرب قد تخفي المشكلة لكن لا تحلها



الافضل حل المشكلة بعدين ركب مراوح

ومشكلتك والله واعلم انها من المراوح حقت المكيف

[abo_Majed]

قبل لا تركب او تغير شي رح افتح كبوت السيارة وشف الغطى اللي راكب على الرديتر مابين المكينه والرديتر اللي هو مهمته حجر هوى مروحة المكينه لتبريد الرديتر .. ركز معي هنا شف اطراف الغطى من يمين ويسار فيه فراغ بحيث يطلع الهوى حق المروحة منه او لا لانه بهالحاله يكون التبريد على الرديتر ضعيف الموتر يجي من الوكاله فيه قطعتين سفنج يحدن من خروج الهوى ومع الوقت يتلف الاسفنج وتظهر مشكلة الحرارة بس اذا مشيت ترجع طبيعة على طول وتاكد من الموية بعد هذي وخلنا نبدأ باقل الخساير

[عاشق الشعبيات]

شاد الرحال
بشر وش صار معك؟!!

[عواد الشمري2]

نفس العله صايره معي بجيوب اثنين واحد 99 والثاني 98 كلهن نفس اعله

[عاشق الشعبيات]

نفس العله صايره معي بجيوب اثنين واحد 99 والثاني 98 كلهن نفس اعله

هل المشكلة ما زالت قائمة معك للآن ولا تم حلها !!

[أبوأثير1]

نفس المشكلة يا جماعة موتري ربع ٢٠٠٧

[طيار ارضي]

مشاكل الحراره
1_ رديتر
2_غطاء الرديتر
3_المروحه وتماتيك المروحه
4_طرمبة المويه
5_مراوح الكهرب الخارجيه
6_بلف الحراره
7_ليات المويه يجب ان تكون اصليه
شيك على الي عطيتك كلهم صيخ الرديتر والسلندر وحط مويه اصليه وشوف غطاء الرديتر حتى لو كان اصلي شوف المويه تنقص ولا لا وعندك تماتيك المروحه وتاكد من المراوح الخارجيه انها ماتفصل وشغاله تمام وشوف بلف الحراره والليات وشوف الرديتر حق المكيف لايكون مكتوم او عالق فيه شي يحبس الهواء على رديتر المكينه وشوف الشكمان اذا كان كاتم ترا يسوي حراره ....هذا الي اعرف وان شاء الله تنحل مشكلة الحراره

[ابو الجادل]

السلام عليكم

اخوي العبادي لك كل التحية
فعلا اعطيت الرجل الحلول باختصار


بالنسبه للحراره فحلولها معروفه

*تغيير غطاء الرديتر، وتأكد ان الغطاء هو نفسه الخاص بالرديتر
*تغيير كوع الحراره (بلف الحراره)
*تنظيف الرديتر.(التسييخ)
*التشييك على مراوح التبيريد.
*التشييك على رديتر المكيف.
* واخيراً طرمبة الماء وهذي قد تكون مكلفه.


ولكن تأكد ان ماقاله اخونا ابوخالد صحيح 100%
فأنت غيرت المكينه فلابد من تركيب رديتر مناسب للمكينه


تحياتي لك

[العطاوي a511]

روح مركز حراره يشيكلك على الموتر افضل ويعلمك وش بموترك قبل تخسر