صوت عند مروحة الفتك

[alrhal]

السلام عليكم

عندي الباترول 2002 ظهر من فترة صوت ولا أدري وشلون أوصفه لكم
لكن نسميه عندنا حنه والصوت هذا عند المروحه

ما أدري هل المشكلة من تماتيك المروحة يطلع هالصوت لان واحد شافه وقال عندك التماتيك ضعيف

وليت الأخوتن من أهل بريدة يدلونن على مهندس متخصص لان عنيزة مافيها ورشة متخصصه

[aBu_aBdAlSlaM]

التماتيك اي احد يغيره وانت واقف

[ابوسند9]

اخوي لا تغير التماتيك اللى انت متاكد ان المشكله منه
وممكن يصير مكرة شداد او دودة الدركسون او الكمبرسر او رمان الدينمو
وتقدر تفك التماتيك وتربط صوميل المكره اللى ركب فيها التماتيك وتجرب تشغل السياره

[alrhal]

مشكورين اخواني
ونمشي بنصيحتكم
بجرب اللي قال أخوي أبو سند

[مركز حراره]

اذا كان موترك قير تماتيك ركب مروحه قراند شيروكي وترتاح من الحنه او بدل التماتيك

[alrhal]

ماقصرت أخوي مركز حراره
سأتواصل معك

[ابوعلي العجمي]

اذا طفيت السيارة حرك المروحه بيدك اذا تدور بسرعه فمعناه التماتيك
واذا احس فيها ثقل ما هو هو