لاهل الجيوب والبر لاند كروزر موديل 97 مخزن وكالة

[شكسبيرالعرب]

اخواني المكشاتيه
السلام عليكم ورحمة الله وبركاته
يااخوان العين حق اذكروا الله وقولوا ماشاءالله
بعرض سيارتي من نوع تويوتا جيب لاندكروزر موديل 97 vxr ليمتد سعودي فل كامل مقاعد جلد وفتحة سقف القير عايدي من الخلف ابواب ماهو شنطة استبنة واحدة وثلاجة ومكيفين اللون ذهبي فاتح وبالاستمارة بيج السيارة مخزنة بحالة الوكالة اكياس المقاعد والابواب كماهي عداد 56 الف فقط السيارة مخزنة في بايكة لم تتعرض للشمس نهائيا البدي بحالة الوكالة ولله الحمد المكيف ماشاءالله ثلج بفريون الوكالة وعلى الزجاج الامامي استكر الوكالة صنع في اليابان. السيارة مفحوصة بتاريخ 1433/6/28 واعذروني لعدم تنزيل الصور
السوم على العام والخاص او الايميل muhajjir_006@hotmail.comوصاحب اعلى سومه ارسله الصور على ايميله وراح يتأكد من السيارة ومواصفاتها وشكراً للجميع.

[برق الدماس]

الصور لا هنت . وين موقعك وهل هو وكالة على يدك أنت .وهل هو ونش ودفلك .

[..سوبر سفاري.]

كم المطلوب من الاخر وانا اخوك

[شكسبيرالعرب]

السيارة وكالة باسم الوالد بدون ونش والدفلك ما اعرفه واخر سومة للسيارة ١١٠ الاف ريال من شريطي شافها وانا مانزلتها لامعارض ولاغيره اول مرة اعرضها في النت الموقع المدينة والزبون الصامل يشوف السيارة على الطبيعة او ارسل له صورها واذا ناسبته يجي يشوفها

[HAS5SAN]

ماشاء الله تبارك الله
السومه طيبه وانت حر
ولو منزل صور لكان الموضوع أوثق
الله يرزقك

[ابوعبدالله 33]

ماشا الله تبارك الله

اذا مانيب واهم نفس الموتر اعلن عنه العام الماضي ولم تنزل له صور ،يعني الموتر هذا يذكر ولايشاف !
اتمنى ان الموتر هذا موجود او انه واقعي على الاقل نتاكد نشوف له صورة لو من بعيد×

[ابو شدون]

الله يرزقك

[شكسبيرالعرب]

الموتر موجود وواقعي وبإذن الله راح انزل صور من الداخل والخارج عشان تقتنع ياابوعبدالله وبقية الاعضاء

[ابوراكان تبوك]

ننتظر الصور يا شكسبير والله يجيب اللي فيه الخير

[بى ام 2012]

السلام عليكم ورحمة الله وبركاته
اخوى انا عندك بالمدينه والرغب اشوف الجيب الله يعافيك
ياليت يكون فيه وسيلة اتصال او تكلمنى
على 0555005182

[ابوعبدالله 33]

الموتر موجود وواقعي وبإذن الله راح انزل صور من الداخل والخارج عشان تقتنع ياابوعبدالله وبقية الاعضاء

جزاك الله خير

لكن الموتر ماسبق ان أُعلن عنه العام الماضي ؟
ونفس المواصفات وذُكر انه في المدينة المنورة

تحياتي لك

[شكسبيرالعرب]

كيف طريقة تنزيل الصور

[الفرسان2000]

الصور لاهنت من اجل ان يكون اللي يسوم على بينه

[راعي الهاوي]

الله يرزقك

[ابوراكان تبوك]

ارسلها بالواتس اب ع جوالي وانا انزلها راسلني ع الخاص

[شكسبيرالعرب]

احد الاخوان في المنتدى مواعدني يوم السبت يبغى يشتري السيارة وطلب مني ما انزل الصور الا اذا ماحصل بيع راح انزل الصور

[راعي الصنف]

مدام فيها مواعيد .....
يعني حنا على الفرغه ...
الله يعين ..

[راعي الصنف]

على فكرة ياراعي الموضوع انا مالي نهائيا في السيارة ...
لكن رفعت ضغطي كلمة ان الرجال طالب منك ما تنزل صور ...
ليش الباقين مالهم رب والا الدعوى حسد والا شلون ...
والا ما يقدرون على القيمة ...
على العموم الله يرزقك وييسر امرك اذا ما رغب الرجال في السيارة .

[شكسبيرالعرب]

لا والله ياراعي الصنف بسلامة الجميع ماهو نقص فيهم وعلى راسي جميع اعضاء المنتدى كلهم اخواني وحبايبي لكن الرجال سايمه ب١٢٥ الف وطلبني ما انزل صور وعطيته ونازل من الرياض للمدينة لوكنت مكاني وطلبك الرجال ويش بتسوي ؟

[شكسبيرالعرب]

يااخوان حاولت انزل الصور وماعرفت لها لكن جوالي 0595959890 يكلمني وارسلها له على الواتس

[راعي الصنف]

بيض الله وجهك وما قصرت ...
لكن لوني مكانك قلت للرجال انا عارضة للجميع في المنتدى وكذا عضوا طلب مني الصورة ولا استثني احد عن الثاني ...
الا اذا عطاك عربون هاذا كلام ثاني ....
اما سوم فقط بالكلام ما يصلح يفرض عليك شي ...

[ابوراكان تبوك]

احد الاخوان في المنتدى مواعدني يوم السبت يبغى يشتري السيارة وطلب مني ما انزل الصور الا اذا ماحصل بيع راح انزل الصور

ههههههههه الله يهديك يا شكسبير انت مواعدنا قبله أصلا

[ملهاب]

قضية الصور والمواعيد والمقابله انحلت ولا باقي

[الجندليه]

الرجال حاط رقمه كلموه علشان يرسل لكم الصور وتنزلونهن لو أعرف انا كان كلمته

[شكسبيرالعرب]

تم الاعلان عن السيارة في موقع حراج لسهولة تنزيل الصور على الرابط
http://www.haraj.com.sa/111094424/لاهل_الجيوب_والبر_لاند_كروزر_موديل_97_مخزن_وكالة/

[شيخ القبيله .]

صراحه انا شفت الصور في الوقع اللي انت عارض في الجيب للبيع والله يستاهل لو كلامك صحيه الجيب نظيف واذا لك في البدل في اكسبلور 2006 استخدام نظييييييييييييييييييييييييف رد علي وحتى اذا بعته عطنا خبر يا الغالي والله يرزقك البيعه الزينه ويطرح فيها البركه

[sgl2002]

١٢٥ الف 

و ٩٧ 

اجل الوالد معه ٢٠١١ يجيب ٥٠٠ الف

[عاشق المقناص6]

١٢٥ الف 

و ٩٧ 

اجل الوالد معه ٢٠١١ يجيب ٥٠٠ الف


ههههه
انشهد

اقول اشتري VXR 2007 فل كامل ماشي 100 الف ازيلي :D اما لاندكروزر 97 با 125الف هذي قويه

[عبدالله المطيري]

ماشاء الله تبارك الله


اللاندكروزر 97 انا اشهد انهن مواتر من واقع تجربه وله ناس ترغبه ومغنيها الله تدفع لو يبي 150000

الزين غالي والنظيف ياخذ حقه

[خالد العطااوي]

الله يرزقك بالصامل

[moath2700]

انا معي جكس 2008 ونش وارد اليحيى توقعون يجيب الثلاثميه ولا لا ,,,؟؟؟؟؟؟؟؟؟؟؟

[شكسبيرالعرب]

يمكن يجيب الثلاثمية الف ويمكن يقدر الله عليك حادث يادوب تخارج بعمرك وتحمد ربك انه نجاك وتبيعه سكراب بثلاثمية ريال من تريقتك بالناس من جد راحوا الرجال اللي يوزنون كلمتهم قبل ماتطلع ماهو الحين ضاع الحابل بالنابل ضاعت الطاسة بزران تلعب بالكيبورد وتكتب سومات واذا خلص طلب من ابوه ريال يشتري عصير ولا حلاوة مصاص . خافوا ربكم وبطلوا تريقة قال رسول الله صلى الله عليه وسلم ( من كان يؤمن بالله واليوم الاخر فل يقل خيراً او ليصمت)

[عمر الشريف]

يمكن يجيب الثلاثمية الف ويمكن يقدر الله عليك حادث يادوب تخارج بعمرك وتحمد ربك انه نجاك وتبيعه سكراب بثلاثمية ريال من تريقتك بالناس من جد راحوا الرجال اللي يوزنون كلمتهم قبل ماتطلع ماهو الحين ضاع الحابل بالنابل ضاعت الطاسة بزران تلعب بالكيبورد وتكتب سومات واذا خلص طلب من ابوه ريال يشتري عصير ولا حلاوة مصاص . خافوا ربكم وبطلوا تريقة قال رسول الله صلى الله عليه وسلم ( من كان يؤمن بالله واليوم الاخر فل يقل خيراً او ليصمت)

:good2::good2:


صحيح مآ قلت هم سلمك الله مآ يبون خير للنآس حسد بحسد الحلال حلالي جأب 100 ألف جآب 200 ألف فهو لي أن بغيت بعت وإن مآجآز لي البيع فأنأ رأعي البيعه على العموم مآ عليك باللي فآضين همهم تشتيت الشآري ..

أنآ بحثت بموقع حرآج عن المزيون لكن مآ وجدته

[عرين نجد]

110 الاف
اشتري 2007
الله يوفقك البيعة الطيبة

[شكسبيرالعرب]

حذفت الاعلان ورجعته

[moath2700]

جزاك الله خير ...واشوى انك رجعت الاعلان

والله يجعل موترك يجيب لك المئتين الف يبارك لك فيهن ...ولاتسئ الظن الله يحفظك للعيالك ياجدي...

[ابوالفهد]

الموتر جديد ويجيب ان شاء الله ويش همك من الي يتريق الله يصلحهم

[الدبل الثقيل]

الله يرزقك باعلى مماترجوا