اعطوني الحل vxr 2011 دواسة البنزين تعلق

[totte]

السلام عليكم ورحمة الله وبركاته
انا عندي vxr 2011 5.7 وكنت ماشي في امان الله ودست فجائي يعني دست البنزين على الاخير وشلت رجلي لكن المفاجئة دواست البنزين علقت على الاخير لمدة حوالي 5 ثواني ولولى رحمت رب العالمين كان رحت فيها وفكت الدواسة بعد ما دست عليها مرات متكررة هذه صارت معي والله شهيد على ما اقول .
اعطوني الحل هذه مشكلة مميته واكبر عيب في السيارة .
ملاحظة : اللي علق دواسة البنزين وليس مثبت السرعة يعني ما استخدمت مثبت السرعة نهائياً .

[ابوهزاع2012]

اخوي انا كان معي ربع 2010 دعسته كهرب حوالي 4 مرات علقت علي وهو جديد احد المرات علقت نص دقيقه يمكن يعني عادي التايوتا خاس ال جي اكس ار خاس بعد2007 والربع خاس وانتهى بعد2009 بختصار خذ حذرك من التايوتا الجديد

[hdm]

تقنيات جديدة صارت شر علينا يازين القديم

[كاشت وحداني]

طيب سؤال
هل غيرت البطاريه
وفي حالة انك غيرتها
هل الموتر كان شغال او طافي



Sent from my iPhone using Tapatalk

[شمساوي]

اخوي افصل البطاريه لمدة نص ساعه او اذا جية تنام افصل الاصبع وان شاء الله يتبرمج من جديد وان شاء الله اكون افدتك

[al-jree7]

شف وطاية الارجل لا تكون لازقه بالدواسه

وتاكد انك مركب كلبسات الوطاية عندك

[0راعي الجبيل0]

حمد لله على السلامة ..

ياخوي الدواسة الكترونية واذا جاها اي اوساخ او اتربة ممكن تعلق ..

والوكالة يركبون لها قطعة حديدة من داخل علشان يزيد قوة الدفع للسبرنق الداخلي وبعدها ان شاء الله ماتعلق وتلاحظ في الدواسة بعد الاضافة انها تصير اثقل من اول (بالاصح تحتاج ضغط اقوى علشان تتحرك للداخل)...

ودواسة البنزين للاند 5.7 نفسها حقت السكويا ونفس الرقم في قطع الغيار ..والسكويا عملوا لها استدعاء عند عبداللطيف جميل وركبنا القطعة عندهم مع انها ماعلقت علي ولكن احتياطا والشيء الثاني بما اني استخدم السيارة للصحراء كثير ..فكيت الدواسة وركبت عليها بلاستك وشديت عليها بالمطاط مثل مابعض الشباب يركبون لفرار الانوار وفرار المساحات اللي بالمقود ..علشان اضمن مايجيها اي شيء يعلق فيها ..
وهنا رد تويوتا على طريقة الاضافة والهدف منها :

Toyota’s engineers have developed and rigorously tested a solution that is both effective and simple. A precision-cut steel reinforcement bar will be installed into the accelerator pedal assembly, thereby eliminating the excess friction that has caused pedals to stick in rare instances.

وهنا فيديو يبين لك طريقة التركيب وللمعلومية كل سيارات تويوتا الدواسات متشابهة حتى برقم القطعة على حسب نوع المحرك :

http://www.youtube.com/watch?v=dAtTqbYtX9s

بالتوفيق ومايجيك شر ان شاء الله ..

تحياتي
ابو حمدان

[عام1433]

راجع الوكالة و اطلب تغيير دواسة البنزين

[تميم2222]

الله يستر عليك .. والله مصيبه كذا

[أطلال نجد]

وعليكم السلام ورحمة الله وبركاته
أخوي راجع الوكيل في أقرب وقت، ونصيحتي لك لا تعبي بنزين أكثر من 10 ريال حتى تنتهي هذه المشكلة.

[قلايد الخيل]

اخووي اذا تبي حل للمشكله اعطيك المموتر الي عندي 2008 دبل مايعلق
وتعطيني الي عندك انا ادور واحد زيه يعلق:D

[خيال الغلبا]

تبي العلم ركب فاصل للكهرب من البطاريه

[abohmad]

والله ما وقفة عند بيتى عقب كلام الاخوان عنة

[ابونبيل]

عدد المشاركات (10)
والثاني عدد مشاركاته (1)

الله يستر عليك وفرصه تنزل مقطع فديو..

[0راعي الجبيل0]

استغرب من الاشخاص ..اللي ينزل موضوع عن تعليق المثبت عنده ...ويصيح ويقول الفزعة ..

وبالاخير ولا رد هل حصل حل او لا ..

ولو تلاحظهم تحصل له مشاركة واحدة او موضوع واحد عن المشكلة هذه ..وبعدها فص ملح وذاب ...

غيابه عن الرد يثبت شيء واحد فقط ..وهو انه ليس لديه اي مشكلة في تعليق المثبت ...

وياما في منتديات كثيرة تنزل مثل هذه المواضيع وتطلع غير صحيحة ..

الله يهديه بس ..

واتمنى من المشرفين حذف الموضوع من اساسه ..لان صاحب الاستفسار ..لم يثبت او ينفي حل المشكلة ..ولم يرد على اي رد للاخوان هنا ..

[رحال الجنوب 7]

طيب الرجال صاحب المشكله انحاش خلونا نستفيد لو اي واحد صارت معه يركب فاصل كهرب مثل ما قال اخونا خيال الغلبا احتياطا والله يستر

[مظلووم]

اذا علقت الدعسه علق على زر التشغيل راح يطفى الموتر والطريقه مجربه

[تميم2222]

الله يستر عليك

[معي باث]

يارجال التعليق من الفرشه اللي تحت ولا يهمك اي كلام

[الحيسوني-]

من فرشة الرجلين( تكرمون) صارت علي بسيارة اخوي تندرا دعستله بقوه ورفعة رجلي ( تكرمون) الا الدعسه ما رتفعة بغيت ابكي بس على طول دخلت يدي ورفعت الدعسة
وصارت ناشبة بـ فرشة الرجلين ( تكرمون)

[باوزير]

يا اخوان اعذروا الرجال ممكن انتقل الى رحمة الله

[باوزير]

غريب امر بعض الناس اذا الشركة اعترفت بالمشكلة اتدافعون عنها ليش

[أب رحي]

وعليكم السلام ورحمة الله وبركاته


مرحبابك اخوي ومربحابكم أخواني...
خذو الكلام اللي على محمل الشارب...
دعست البازنين تعلق اذا دعستها على الاخير...
شفت الفرشه اللي في السياره اللي تحت الأرجل وانتو بكرامه هذي اللي تمسك الدسه إذا دعست
الدعسه على الأخير...
يوم تركب موترك وتقعد على الكرسي نزل يدك تحت واسحبها على ورى شويه...
وتأكد قبل لاتدعس انها راجع على ورى بعيده عن الدعسه...

تقبلو مروري.

[كومبو]

حمد لله على السلامة ..

ياخوي الدواسة الكترونية واذا جاها اي اوساخ او اتربة ممكن تعلق ..

والوكالة يركبون لها قطعة حديدة من داخل علشان يزيد قوة الدفع للسبرنق الداخلي وبعدها ان شاء الله ماتعلق وتلاحظ في الدواسة بعد الاضافة انها تصير اثقل من اول (بالاصح تحتاج ضغط اقوى علشان تتحرك للداخل)...

ودواسة البنزين للاند 5.7 نفسها حقت السكويا ونفس الرقم في قطع الغيار ..والسكويا عملوا لها استدعاء عند عبداللطيف جميل وركبنا القطعة عندهم مع انها ماعلقت علي ولكن احتياطا والشيء الثاني بما اني استخدم السيارة للصحراء كثير ..فكيت الدواسة وركبت عليها بلاستك وشديت عليها بالمطاط مثل مابعض الشباب يركبون لفرار الانوار وفرار المساحات اللي بالمقود ..علشان اضمن مايجيها اي شيء يعلق فيها ..
وهنا رد تويوتا على طريقة الاضافة والهدف منها :


وهنا فيديو يبين لك طريقة التركيب وللمعلومية كل سيارات تويوتا الدواسات متشابهة حتى برقم القطعة على حسب نوع المحرك :

http://www.youtube.com/watch?v=dAtTqbYtX9s

بالتوفيق ومايجيك شر ان شاء الله ..

تحياتي
ابو حمدان

++++++++++++++++1

[ابونبيل]

يا اخوان اعذروا الرجال ممكن انتقل الى رحمة الله

ههههههههههههه استغفر الله العظيم

[صياد الجبل]

عليك مراجعة الوكاله واخبرهم عن المشكله واترك الباقي لهم

شرط يطلع المهندس معك بعد مايضبطونه لك

وتروح انت وياه وتجربونه على خط ويكون المهندس هو الي يسوق الموتر