المساعد الشخصي الرقمي

مشاهدة النسخة كاملة : ياليت يا شباب من يعرف مواقع حلوه للصيد في العجير ؟


عاشق الموج
12/06/2006, 01:03 AM
السلام عليكم

حياكم الله اخواني

كيف حالكم ان شاءالله تمام


حبيت لو ممكن مواقع حلوه للحداق في العجير

لنه طلع الشيب في راسي هالعجير مافيه غير الرمل والماي وياكثر الحواقيل فيه :D

صرت اشك انه البحر الميت ماهو العجير :p من قل السمك فيه


عاد ياليت من اخواني الي خابرين مناطق معينه في العجير حق صيد لا يبخلون على فيها


ولكم اجمل تقدير
عاشق الموج
12/06/2006, 12:37 PM
شدعوه ولا واحد رد على الموضوع

حتى لو اني طالب سنارة صيد !!!


تكفون يا شباب من عنده مواقع معينه للحداق في العجير لا يبخل علينا فيها


تحياتي
عاشق الموج
14/06/2006, 12:04 PM
الظاهر جميع النواخذه والحداقه في البحر


وعشان كذا ما في احد يرد على
أبو ستري
14/06/2006, 12:25 PM
العجير خلاص راحت فيها ..
مالك الإ تدخل شوي عند الطينة وأم حويض .


جربنا فيها منذ شهر وما شفنا فيه والا حتى نبرة , الجيم يروح ويرجع نفس ما هو .
بسبب الزحمة وناس تدخل إلى نص البحر علشان ترمي سنارة وازعاج العوائل .


اما عن الحواقيل فهذا موسمها .
دفشه_وايد
14/06/2006, 12:33 PM
ما عرف انا
karam122
14/06/2006, 07:36 PM
الحبيب الغالى أنا أعرف ناس تجي من الدمام تصيد بالعقير
الموقع اللى انا مجربة ومضمون خلف السوق القديم بالقرب من سلاح الحدود بس يبيلك طعم سمك صغير ميد (5 سم) وأحسن وقت من الساعة 5 المغرب حتى 8 باليل وجرب وادعيلى يستحسن تستخدم ميدار ثلاثي فرنسي عشان تمسك السمكة 100% لأن السمك كبير 3-4 كيلو
عاشق الموج
16/06/2006, 01:31 AM
شكرا عزيزي أبو ستري على المعلومة وان شاءالله نجرب في الموقع اللي ذكرته

الله يعطيك العافية ما قصرت
عاشق الموج
16/06/2006, 01:35 AM
هلا بيك دفشه وايد

حتى انا ما اعرف مواقع صيد العجير (:

شكرا على مرورك
عاشق الموج
16/06/2006, 01:38 AM
هلا وغلا حبيبي karam122

اشكرك يا غالي على الموقع وان شاءالله نجرب فيه

الله يعطيك الف الف عافية
سواق الجيب
16/06/2006, 09:37 PM
السلام عليكم
اخوي عاشق الموج بعلمك المواقع حسب خبرتي المتواضعه في منطقة العقير .
العقير اتركه مابه شي . اذا وصلت مركز العقير وانت نازل من الاسفلت في الجهه المعاكسه لمركز العقير تمشي سيفي جنب النخيل بمحاذاة السيف متجه الى مركز الزخنونيه في نص الخط بين المركزين العقير والزخنونيه بتلقى قطعة حديد كبيره على السيف نسميها احنا (البيم )تتعداها طال عمرك ب200متر هذا الموقع بأذن الله راح تصيد فيه سبيطي بس يبيله صبر وخصوصا في الليل تقط لك خيوط طياري وتستخدم الميد طعم .
الموقع الثاني عند مركز الزخنونيه بالضبط وانت طالع من بوابة المركز تتقدم 200 متر وتحدق بس على شرط تكون المايه سقي في الموقعين وان كان الموقع الاول افضل .
الموقع الثالث . وانت طالع من مركز الزخنونيه متجه الى الطينه بتشوف على خط الردميه سياره هايلكس قديمه متروكه من زمان اذا وصلت هذي السياره تعداها ب500 او 600 متر وهذا مكان حداق للشعم تنزل في البحر لغاية مايوصل الماء الى نصف الساق وتحدق بخيط وميادير صغار وتستخدم طعم ربيان وبأذن الله بتصيد شعوم .
اسف على الاطاله وارجو اني اكون افدتك

اخوك ابو بدر
عاشق الموج
17/06/2006, 03:39 PM
تسلم بعد قلبي ابوبدر على المواقع الزينه

حقيقي عاجز عن الشكر على وصفك الدقيق


تقديري لشخصك الكريم
سواق الجيب
17/06/2006, 06:18 PM
حاضرين ياعاشق الموج وأي استفسار انا بالخدمه

اخوك ابو بدر