الفتك يفصل على كم

[واثق الخطوه-]

السلام عليكم ورحمة الله وبركاته

اعرف اني مخطي بس ابي اعرف كل الفتكات مثلي ولا موتري فيه بلا
الاسبوع الماضي كنت ماسك السريع واشوف هايلكس يقبقب لي قلت خلني احشره صار هو اللي حشرني موتري يقفل على 200 وهو تعداني وموتري تماتيك 2009

[ملك الفكتوريا]

وخله يفصل ترتاح شئ يحدك ما تسرع


وبالنسبة للهايلوكس اللي ينفعها خفة الوزن


ولو الدعوة قوة مكينه ما شفت الدباب يقوم ويسبق الكابريس

ولا كان شفت الاوريون تقدر تمشي مع فكتوريا

[ابوعبدالله46]

اخوي واثق
انا معي فتك 2005 عليه بالون ويالله يجيب 180 ومع البالون يطلع 190 وكل اسبوع اسافر عليه وما اذكر هايلكوس طلعت على طول 6 سنوات ولو تجيب هايلوكاس السعوديه كلها بدري عليها تطلع ع الفتك وخلال خمس دقايق ما تشوفها ولا بدربيل وحتى الربع والا ف جي والشاص
وبالنسبه للي تقول اكيد مركب مكينة اف جي او كابرس

[سطامكو]

الفتك يفصل على 200
والبعض على 195 ومنهن يفصل على 205
بس اكيد الهايلوكس اللي طقطق عليك فاك الفاصل ومعدل عليها
ياحبي للفتك هو وفصلته
ههههههههع

[واثق الخطوه-]

يعطيكم العافيه بس من فكيته اول مره امشي 200 بس تحس انه خفيف يبي يطير هههههههههه بس قهرني هايلكس ويتعداني آه يالفتك ماتوقعتك بس شكله قافله معه من الحر خخخخخخخخخخخخخخخ نجرب في الشتاء يمكن يكون فاكه معه

[رااعي الفزعات]

يفصل عند ٢٠٧ تقريبا واذا كان موترك جديد على الشغله اصبرله شوي لما يتمرن ويزين ان شاء الله

[واثق الخطوه-]

يعني موتري مابعد تدرب على 200 من فكيته ماتعديت 160 بس شفت الهايلكس يقبقب لي قلت ماتروح بس راح .................

[العطاوي a511]

اخوي شكل عندك مشكله ببرمجه القير روح اقرب ورشه عندهم جهاز برمجه قله افحصلي الموتر وبرمجلي القير

وغير فلتر الهواء اذا قديم وزيوته وراح يجيب طبلونه ان شاء الله

لاتنسى زيت المكينه خلك على زيت اللي قوته 0 الى 40 هاذا افضل زيت للفتك ماعاد تسمع صوت المكينه

باذن الله

[ms662]

205 ويفصل
بس لو ضرب كفر

[محامي وراط]

السلام عليكم ورحمة الله وبركاته

اعرف اني مخطي بس ابي اعرف كل الفتكات مثلي ولا موتري فيه بلا
الاسبوع الماضي كنت ماسك السريع واشوف هايلكس يقبقب لي قلت خلني احشره صار هو اللي حشرني موتري يقفل على 200 وهو تعداني وموتري تماتيك 2009



وعليكم السلام ورحمة الله وبركاته ،،

أخوي / واثق الخطوة شف يالغالي

التماتيك يفصل على 205 كم

اما العايدي يفصل على 190 كم

وبالمقابل الهايلكس مايروح على الفتك الا اذا كان فاك الفصله لأنه فالاساس يفصل على 190 ولا تنسى وزن الهايلكس مقابل وزن الفتك فرق كبيييير بالحيل ،،

ايضا لو تبي تمشي الموتر أكثر من ممشى العداد ركب بوالين وبتلاحظ الفرق

العداد مهب ملحق على دوران الكفرات

البوالين سيام تاير جنط 16 تمشي 180 كم

كأنك تمشي 200 واحسبها بسيارة ثانية او بقارمن لأنه دقيق وادق من العداد ،،

اما بالنسبة لموترك مافيه الا العافية لكن يمكن الهواء راده او يمكن اول مرة تجيب طبلونه مامشى لكن لو تكررها بيصير ممرن وجاهز ،،

وفالاخير اقولك ترى السرعة ما فيها خير ولا وراها الى الحوادث والمصايب الله يجيرنا منها ،،

[لاتكب البيالة]

السلام عليكم انا معي 2009 عادي وكد وصلت 200 ما فصل
لكن مشكلة العادي على 140 الضغط مرتفع فما بالك بال200 يمكن المكينة تنط فوق التندة
وانا بعد مثل مانب راعي سرعة لكن مثلك طحت براعي فكتوريا يقبقب او من هالقبيل :D

[واثق الخطوه-]

يعطيكم العافيه
بالنسبه للعطاوي موتري عزمه زين بس يوم وصل 200 فصل القير

[واثق الخطوه-]

اخوي محامي وراط يعطيك العافيه الهوا مارده بس يفصل القير

[واثق الخطوه-]

لاتكب البياله يعطيك العافيه

[وليد 5]

انا معي فتك 2006 يفصل عند 210
حلوه الهايلكس تروح وتخلي الفتك بدري عليها

[مفتون الضبي]

الهايلوكس 100% فاك الفصله

اخوي واثق الخطوه لا ماشفت شي

تعال للقصيم وشف بترجع للرياض معك هايلوكس :D :p

[أصيل حجآ زي]

يعطيكم العافيه بس من فكيته اول مره امشي 200 بس تحس انه خفيف يبي يطير هههههههههه بس قهرني هايلكس ويتعداني آه يالفتك ماتوقعتك بس شكله قافله معه من الحر خخخخخخخخخخخخخخخ نجرب في الشتاء يمكن يكون فاكه معه



نصيحة قبل ما تجــّرب تمُر أحد المُستشفيآت قسم الحوآدث
الله يكفينا وأيآكــــُم الشــّر .

وش اللي يحدّك على الطيرآن { السُرعة } بالأرض .
والله الركآدة أزين شيء بعد فضل الله ومنتهُ .
:good2:

[واثق الخطوه-]

يعطيكم العافيه وشكراً على تفاعلكم والشكر خاص لمشرفنا القدير اصيل حجازي