ياليل الليل رجعت الحرارة من جديد ،، لكن ماضاقت الا فرجت

[sgl2002]

يافرحة ماتمت

بعد مافرحت ان مشكلة الحرارة انتهت وان السبب تماتيك المروحة اتفاجأة برجوعها

بغيت اصيح مافيه فايدة،، اروح اتوطا نيسان والحمراني ،، وش الفايدة

قلت ياولد كل شي غيرناه ماعاد غير الرديتر

رحت لاكثر من محل رديتر كلهم يقولون لاتفك وتسييخ

قلت فك وعلى مسؤوليتي

فك الرديتر 

تدرون وش الطامة الكبرى


الرديتر مخرب نفسه بنفسه ،،

تخيلو الربل اللي داخله متقطع ومسدد الفتحات

يالله ماني بمصدق

ياليتني سمعت كلام كنق التعديل وعاشق شعبيات

والحمد لله انتهى المشوار الطويل


والخساير اللي خسرتها لو اني شاري بها رديتر وكالة كان افضل

اتمنى يضيفون موضوعي هذا ضمن الموضوع السابق حتى اصير عبرة للي مايسمع كلام اهل الخبرة هنا

وخصوصا كنق وعاشق

[بشير حسن]

الراديتر بجد شئ اساسي ويجب المحافظه عليه وصيانته أول باول لأنه له سبب في دوام وعيش المحرك لفتره طويله

[سراي-01]

الحمد لله انها فرجت .... قبل يخرب شي ... هذا وموترك ماشاء الله جديد .. هذا انذار لاهل النياسين ... على العموم استفدنا من تجربتك .. الله يعطيك العافيه على النشر .. ولا يهونون الاساتذه اهل الآراء السديده في مثل هذي الحالات .... تحياتي للجميع

[(((.ابوتميم .))))]

وش جاب الربل داخل الرديتر الحين البلاستيك يالله يصبر على حرارة الماء اجل شلون الربل

[sgl2002]

فيه ربل اذا فتحت الطبه العلوية تحصلة على الاطراف

هذا حصلناه متقطع وداخل في الفتحات

[محطم عنيد]

إخوي بيض الله وجهك على هالمعلومة

لكن كان إخوي ممكن تلاحظ الشيء ذا على الماء

إذا مليت الماء وبسرعة إمتلئ الإديتر يدل على وجود عوائق فيه

غالبا مشاكل الحرارة من الاديتر


عافاك الله

[عاشق الشعبيات]

ألف ألف مبرووووووووك
والله انك افرحتني

ياخي اذا حليت المشكلة بعد عناء وتعب وخساير خصوصاً إذا صارت غير معروفه تحس أنك مكتشف قانون نيوتن.

[مركز حراره]

الحمد لله رب العالمين

[محطم عنيد]

ألف ألف مبرووووووووك
والله انك افرحتني

ياخي اذا حليت المشكلة بعد عناء وتعب وخساير خصوصاً إذا صارت غير معروفه تحس أنك مكتشف قانون نيوتن.

ههههههههههههههههه اي والله انك صادق

[sgl2002]

ياشباب

ومازال المسلسل مستمر

حسيت ان موتري ٨٢ وماشي مليون

تخيلوا خرب التماتيك مره ثانية اللي مالي اسبوع من تركيبه

المشكلة اني الان بالشرقية

دلوني على هندي كان يشتغل بنيسان

قال روح جيب كلتش ياباني ب١٨٠

قلت لا مايصلح لازم اجيب وكالة

قال وكالة كذاب كله تجاري وغالي

جيب نوع اسمه سونيكس وهذا انا عنده قاعد يركب

والله يابهذلني ذالموتر لكن ابشوف وش نهايته لو ان شاء الله توصل لتغيير المكينة

[عاشق الشعبيات]

لا حول ولا قوة إلا بالله

الله يكون بعونك

والله قهر إذا كان التوماتيك تجاري لاني توني شاريه ومركبه بــ 570 ريال

[aBu_aBdAlSlaM]

وش اللي خرب التماتيك وانت توك مغيرة ؟

[خالد الزومان]

الحمد لله انها فرجت .

[sgl2002]

مدري وش خربه

دخلت النفود وطلعت ووقف

[الوسم]

ياشباب

ومازال المسلسل مستمر

حسيت ان موتري ٨٢ وماشي مليون

تخيلوا خرب التماتيك مره ثانية اللي مالي اسبوع من تركيبه

المشكلة اني الان بالشرقية

دلوني على هندي كان يشتغل بنيسان

قال روح جيب كلتش ياباني ب١٨٠

قلت لا مايصلح لازم اجيب وكالة

قال وكالة كذاب كله تجاري وغالي

جيب نوع اسمه سونيكس وهذا انا عنده قاعد يركب

والله يابهذلني ذالموتر لكن ابشوف وش نهايته لو ان شاء الله توصل لتغيير المكينة


هاااااااااهه ؟؟
بشرنا ؟؟ وش صار معك ؟؟ هل زالت الحراره غير الطبيعية ام لا ؟؟
وبعدين وش صارت المشكله ؟ تماتيك المروحة ولا الأديتر ؟؟ ولا كلهن ؟؟

[patrol-fa]

فيه كلتش رياضي سمعت عنه ماهوب مزعج ونفس الأداء ..

الله يكون بعونك ..

>> لا عاد تدخل البر ههههه

[محمدالعريني]

هالتماتيك القاه في الرياض
تصدق ودي انفض نظام التبريد كامل
خرطوشين وتصييخ وغطا اديتر ويمكن تماتيك

[sgl2002]

خلاص انتهت المعاناة والحمد لله

اليوم رجعت الرديتر القديم وفكيت الصيني

لان الرديتر القديم بعد التسييخ ضبط ١٠٠٪

وركبنا التماتيك اللي ماكان علئ البال انه يخرب في غضون اسبوع

والحمد لله جلدته اليوم جلد الويل ولا ارتفعت الحرارة

والتماتيك اللي ركبته ممتاز بس قوي شوي

يعني اذا شبك الله يعين اللي واقف جنبك على الازعاج

بس اذا مسكت الخط واسرعت يهدا كثير


------ نهاية الفلم -----

الفائدة :

*لايغرك الموتر جديد
هذا انا فكيت الرديتر وحصلته متسدد ومخرب نفسه

* قطع الوكالة الظاهر انها مضروبة او ان حظي اقشر

* لاتستعجل وابدا بالاسهل


يعني لو اني اول ما احتر الموتر بديت بالتسييخ كان انتهينا

* لاتشري رديتر صيني ابد ابد ، يخدمك في الظروف الطبيعية اما وقت الشدة فيصبح بلا اهمية لانه مايبرد الماء صح وتحس ان موترك مابه رديتر

* تنسيم الكفرات بالنفود يريح الموتر جدا جدا ، وهذا اول يوم كان الرديتر متسدد وانسم الكفرات وماترتفع الحرارة ، لكن لو خليتها بدون تنسيم يحتر مع الجلد المتواصل



تماتيك المروحة اللي ركبته اسمه سونيكس كرتونه احمر ب١٨٠ ريال

ومشكلته ان دفع المروحة يصبح قوي اذا شبك

[عاشق الشعبيات]

الله يعوضنا وإياك
الظاهر إني اكلتها خابور إذا كان كرتون التوماتيك حقك نفس هذا

ياليت تتأكد هل هذا الكرتون نفس اللي شريته الأصلي!!

http://i.imgur.com/qxb1t.jpg

http://i.imgur.com/6rje6.jpg

[التعـ King ـديل]

الحمد لله انها فرجت .... قبل يخرب شي ... هذا وموترك ماشاء الله جديد .. هذا انذار لاهل النياسين ... على العموم استفدنا من تجربتك .. الله يعطيك العافيه على النشر .. ولا يهونون الاساتذه اهل الآراء السديده في مثل هذي الحالات .... تحياتي للجميع

اهل النياسين مالهم علاقه والنيسان موتر طيب .. ولكن خوينا لو قريت موضوعه الاول عرفت العله وين .. الرجال يجلد الموتر جلد ومايبيه يخرب :good2:

[التعـ King ـديل]

يالغالي فيه كلمه دايم ارددها

حافظ على موترك يحافظ على جيبك واجلده يجلد جيبك

ارفق على الموتر واذا رحت البر بالهون مب لازم جلد وجلعده استمتع بالبر ولاحق على كل شي

والحمدلله على كل شي والله يعوضك خير

[عاشق الشعبيات]

بس ياكنق الرجال موتره جديد وجلده له طبيعي اذا صار شاد بالنمره ومعشق الدبل وترتفع الحراره وموديله جديد هل هذا جلد !!
اولاً موتر الرجال فيه عله وحب يستشيرنا في إيجاد حل له وليس في الإنتقاد عليه والرد الغير لائق بسبب الدفاع عن النيسان وتلميع صورته قدام أهل التويوتا.

إذا تحب النيسان فأنا أعشقه من نعومة أضافرنا لكن الحق حق النيسان أبو الورش وماربح أهل الصناعيات ألا من النياسين ومن كثرة الخرابات اللي تواجهني صارت عندي خبرة في معرفة الأعطال من دون مايحتاج للورش في اغلب الأحيان.

والفضل يعود من بعد الله للنيسان

[sgl2002]

عاشق

لا الكرتون اللي شريته انا يجي رصاصي كامل

بعدين ياعاشق النيسان صدقني مايعرف الخراب

انا كم مره استخدمت باترول ولا اشتكيت منه وكارفه اكثر من هذا

لكن الدنيا حظوظ

ومشكلتي انا لو اني مسيخ الرديتر كان انحلت ولا تبهذلت

والعله الربل اللي في الرديتر يعني اي موتر ممكن يحصل فيه نفس الشي

وحتى لو كان جديد تراه معرض لاي خراب غير متوقع

والا ماكان شفت الناس ياخذون مواتر ابو جميل عشان الضمان

وبالنسبة لتجربتي مع الباترول

هذا رابع واحد استخدمه والجايات اكثر
ولو هو خراباته واجد كان مابتلت اشتريه

والتايوتا استخدمتها والله مافيه فرق لكن التويوتا لها خرابات والنيسان له خرابات

وكلها متكافاة

وصدق كنق

اجلد موترك يجلد جيبك

يعني هي على الاستخدام

[وليد46]

انا اتوقع ان البلا من الصوره الي بتوقيعك

[وليد46]

طيب الحين انت التماتيك اصلي وعاشق شاري اصلي

والكراتين يختلفن يعني وشلووون ؟! فيه واحد تجاري ؟! ����

[عاشق الشعبيات]

بالنسبة للتوماتيك اللي معي ماشيه اموره شكل اللي انت شاريه تجاري

[sgl2002]

اي والله

شكلهم نصبوا علي

انا ما اخذته من الوكالة

اخذته من محل قطع اصلية في الصناعية

يالله ،، نعيش بس ما ناكل غيرها

والله كل ما اتذكر البهذلة اللي تبهذلتها وكلها عشان تسييخ

بس مع ذلك لبا قلب الباترول حتى وهو مريض يقاوم

[هواوي الشمال]

الحمدالله
اخوي تاكد لا يكون عندك التماس يخرب عليك الاتوماتيك حق المروحه..صارت معي ضبطت الاتوماتيك وعقبها بفتره فصلت المروحه وسخن والسبب التماس مادري منين ! شبكتها دايركت وريحت راسي

[صباح القايله]

كل دقه بتعليمه
والحمد لله انه ظبط

[You Like Me]

اهم شي ضبط والحمد لله على كل حال
الله يبارك لك

[sgl2002]

طيب هل حجم الكفرات له تاثير بالحرارة ماودنا نرجع لسالفة الحرارة

لان الكفرات اللي مركبها كبار وارفع من مقاس الوكالة

والموتر قومته وتسارعه بطيء شوي بفعل الكفرات

[رااعي الفزعات]

ماأتوقع لهن دور
الله يكون بعونك .. لاتنسىًً تطمنا عن موترك
تقبل مروري ..

[sgl2002]

^^^

الى الان وهو تمام

وهو مشكلته من اول فقط اني اذا دخلت النفود الظهر بدون مانسم وشديت عليه ترتفع

غيره ماترتفع ابد

[فهد2012]

انا اتوقع ان البلا من الصوره الي بتوقيعك

هههههههههههههههههههههه

والله ممكن يكون جايه صاروخ ...

غير الصوره باي شئ اخر ترى موترك ووقفته تعجب الكثير


الحمدالله
اخوي تاكد لا يكون عندك التماس يخرب عليك الاتوماتيك حق المروحه..صارت معي ضبطت الاتوماتيك وعقبها بفتره فصلت المروحه وسخن والسبب التماس مادري منين ! شبكتها دايركت وريحت راسي

قد صارت لاخوي بس في سياره عاديه ... وراح بعدها وغير الاسلاك فقط بدون ما يخليها دايركت



والحمد لله على السلامه ... ياليت والله لو تركب اديتر اكبر ...

[sgl2002]

وعادت الحرارة

واكلناها خساير

ولم استفد شيء

تماتيك مروحه
رديتر
غطاء
موية
فحص الراس
الخراطيش تمام
الطرمبة
وش باقي اسوي
حتى الدبات فحصتها وقالوا مافيها سدد والموتر عزمه ممتاز

  



باقي الان الديلكو

هل هو يسبب الحرارة

بس ليش ماتجيه الحرارة الا بالنفود

بالخط وبالوقوف ماتجيه ولا تعرفها

واذا وقفت وقعدت ادعس له يبرد على طول

امس رحت فحصت كمبيوتر

المكينة ممتازه جدا

البواجي قوتها بعضها ١٠٠ وبعضها ٩٥ الا واحد رقم ٤ طلع ٨٨

هل معناه ان فيه خلل في الديلكو

للمعلومية الموتر اذا عطيتها دعسه ثم كبست له فجأة يقطع

واذا احتر يقوم يطلع دخنه سوداء مع شوي قرقره


انا ما ادري متى بتنفرج الله المستعان خسرت لين ما طفح بي الكيل

[عاشق الشعبيات]

مالك إلا حل واحد

إنك تشوف لك نفس موترك وتطلعون للنفود وتسوقه وتشوف هو ترتفع حرارته ولا لا

وإذا ماترتفع حرارته بدل التوماتيك بين الموترين حط التوماتيك حقك في موتره والعكس صحيح وجرب وشف النتايج

لأني ما أرتحت للتوماتيك اللي شريته أبو 180

وشيك على الخراطيش العلوي والسفلي التابع للراديتر . . شف لك واحد يدعس بقووووه وانت شف الخراطيش هل هي تتسفط ولا لا


ما شاء الله تبارك الله على موترك

[sgl2002]

والله ياعاشق اني انفرم مخي من االتفكير

وانا كان معي قبله اخوه بالضبط ونفس المديل

وماكان ترتفع حرارته
وقبله ٩٨ وبعد ماكان ترتفع حرارته


الحين المشكلة ان الحرارة تجي اذا اجهدت المحرك وكرفته شوي

يعني على الخط ما ترتفع ، في الوقوف ماترتفع ابد

المشكلة لا مني دخلت النفود بدون ما انسم

وعطيته الدبل وجيت بمنطقه تغاريز شينه يبدا يرتفع

اوقف وادعس له بنزين تنزل بسرعه الحرارة

يعني الحرارة لا صرت بتغاريز شينة والا اشد عليه

بعدين فكرة ان الديلكو ماهو موزون مادخلت مزاجي ابد ابد
مع ان فحص الكمبيوتر طلع لي البواجي قوتها مختلفه

ماعدا البوجي الرابع طلع ضعيف بس وش يضعفه

[راعي طويلات]

ياخوي قلناها ونعيدها الوضع طبيعي ويصير بكل السيارات وهالحالة قد صارت معي بفتك قير عادي طحت لك برباض والموتر ب 1 وثقيل ودفلوك ويالله يقص لان الأرض شينة بالحيل وصلت عندي الحرارة تحت النصف الين طلعته من تغريزه وبعدها رجعت على طبيعتها على الربع ولافيه خلاف أي موتر يجيه جور وجهد بالنمر بتزيد حرارته بوقتها وبعدها بيرجع مثل ماكان وإذا استمر ارتفاع الحرارة معناها فيه مشكلة ابحث عنها وحلها
أنت موترك مافيه الإ العافية بس فتحت على نفسك باب خساير ولاسمعت الشور ولاخذت به ذا الحين ماقدامك الإ أنك تبيع الموتر وإلإ تداوم بالصناعيات وتخلي كل من هب ودب يتعبط فيه وإلا أنك تتوكل على الله وتتسخدم ولاتحرص ولاتعطيه وجه بزيادة لأنه مافي مشكلة من الأساس ماشاء الله عليه

[sgl2002]

رحت لاكثر من ميكانيكي وكلهم يقولون مايحتاج وزن

والله ياراعي الطويلات الظاهر اني عطيته وجه وخسرت على الفاضي

اللي حصلته خربان صدق الرديتر مسدود بعض الشي
والتماتيك خربان وغيرناه

وماله الا اني اسفهه

[عاشق الشعبيات]

تصدقون يا أخوان وبالأخص أخوي sgl 2002 إن واحد من الشباب قبل شوي أتصل علي يقول إني رايح للصناعية بشتري توماتيك مروحه أصلي من أحد الموزعين وحصل نفس الكرتون هذا
http://i.imgur.com/6rje6.jpg

يوم طلع التوماتيك من الكرتون أكتشف إنه تجاري عشانه مكتوب على التوماتيك صنع في اليابان والأصلي لا يكتب ذلك أبداً والمشكلة إنه نفس سعر الأصلي وأزود بشوي وحاطين نفس الإستكر ونفس الأرقام.

حسبي الله ونعم الوكيل

فأنتبهوا من غش أهل قطع الغيار

[sgl2002]

ياعاشق توني ابي اعلمك

اليوم كنت عند الوكالة

قال تماتيك المروحة ب٧٧٠ ريال

قلت ياولد اللي برا يبيعونه اصلي ب٦٠٠ ريال

قال اتحداك لو هو اصلي وكالة زي اللي عندنا

عشان كذا اقول ليش خرب علي على طول

وانا طلبت واحد من عندهم

[abo_Majed]

يا اخي اذا الموتر هالحين ماترتفع حرارته بالوقوف الطويل ولا بالخطوط والا بالديرة يعني ان الموتر مافيه بلا ابد ابد انا استخدمت الباترول موديل ٩٩ و ٢٠٠٢ سيارتين و ٢٠٠٥ سيارتين وكلهن باستخدام الدبل اثناء التغريز بالحر ترتفع الحرارة الى النصف واول ما اوقف ترجع الى الطبيعي ،،
ارفق على الموتر وحط ببطنك بطيخ صيفي

تقبل تحيتي

[sgl2002]

تحياتي لك يابو ماجد

وعز الله اني خلاص ما اعودها

ولاني بداخل ورش ومتى ما خرب صلحته

[محمدالعريني]

اليوم انا رحت وشريت خرطوشين وتماتيك مروحه وصيخت الاديتر ولقيته نظيف الحمدلله والبلف سليم وغيرت غطا القربه اللي عند المكينه احتياطا وعبيته موية متسوبيشي وزدتها مقطر
وكلف الشغل كامل شامل القطع والمويه 1005 ريال وريحت راسي (ملاحظه انا اللي بغيت انغش اليوم بالتماتيك اللي ذكره لكم اخوي عاشق)

بس الحمدلله الهمني الله وشيكت عليه قبل يركبه العامل واكتشفت انه تجاري مكتوب بقلب التماتيك japan

للمعلوميه الموتر كان سليم لكن التماتيك ضاعف بنسبه كبيره وتتعدا الربع بشخطتين بعض الاحيان خاصه في الزحمه والخراطيش حقت وكالته الموتر 2005 والاديتر فكيته من باب الاحتياط لايصير فيه سدد وانا ماسك خط ماتسوا علي

السالفه كلها
(الوقايه خير من العلاج )

واسئل الله ان يفرج همك اخوي sgl2002 وجميع المسملين

[تميم2222]

الحمد الله ...اهم شي .. خلصت من هل المشكله ..^_^

[وليد46]

اهم شي اخوي اذا ركبت التماتيك الي تقول طلبته ب ٧٧٠ علمنا وش يصير معك يالغالي وسال الله العلي العظيم

لك التوفيق وان شاءالله تنحل مشكلة الحرارة بتركيب تماتيك اصلي

[sgl2002]

التماتيك ركبته اليوم

والحرارة منتازه كالعادة في الوقوف وفي المشي

لكن مابعد جربته بالنفود

واللي حيرني اني يوم اجرب التماتيك وادعس بنزين يقولي السوداني عندك الخرطوش اللي تحت مع الدعس ينسفط ووراني اياه

وقال يمشيك بس ممكن بعض الاحيان يضيق مجرى الماء

عاد قلت كل شي غيرنا ماعاد الا الخراطيش

واروح ادور خرطوش اسفل ماحصلت حتى في الوكالة


والله اني اسب الحمراني الله لايربحه ويبلاه بالفقر مثل ماذلنا ومرمطنا



فاللي يخبر لي خرطوش اسفل لباترول سلقه من ٢٠٠٥ فوق يدلني على المحل

الله لايهينكم

لان كل اللي حصلته للفتك او المديلات القديمة

وانا حظي اقشر لامني شريت باترول تبهذلت بالقطع لنفس موديلي دايم ما احصل الا غير اللي معي

ومتاكد لو ابيعه واستري غيره قديم بتنقطع القطع وبتجي حقت الجديد

معوكس ذا الحظ

[سراي-01]

سلام ..... ما دامك في الشرقيه شيك على وكالة الجبر يمكن تلقى عندهم اللي ما لقيته في الحمراني .... تحياتي للجميع واتمنى لك التوفيق ............. بالنسبه للأخ .. كنق .. يوم اقول اهل النياسين انا اقصد ملاك النياسين ما قصدت شي ثاني يوم تقول اهل النياسين مالهم دخل ... اصلاً انا واحد من اهل النياسين .. اتمنى ان الفكره وصلت .. عاشق الشعبيات .. بيض الله وجهك .

[عاشق الشعبيات]

الله يسهل امرك اخوي sgl2002

ووجهك ابيض يا سراي

[وجعين]

ياخي موترك مافيه الا العافيه احد يطعس الضهر؟ الحراره توصل 50 درجة اكيد ترتفع الحراره انا دخلت عقب العصر وصلت النصف مع الزر . بعدين الباترول معروف لا زريت عليه بنفود تقوم حرارته موهب مثل جيب التايوتا ثابته

[وجعين]

1-هل ترتفع الحراره مع السرعات العاليه وكم توصل 2-هل ترتفع مع الوقوف الطويل مع المكيف وكم توصل3-هل ترتفع فقط اثناء التطعيس وهذ الي انا اتوقعه اذا كانت مشكلك هي رقم3 فسيارتك طبيعيه خاصه جيب الباترول والباثفندر. فيه ناس رهمو اديتر اكبر ورصات اكثر ونتهت مشكلتهم

[sgl2002]

انا ترتفع بالنفود فقط والظهر اذا الحرارة ٤٠ وماني بمنسم

وغيره لا

بس كان معي ٩٨ قبل ابو رديتر كبير وماكانت ترتفع

انا انتظر الوكالة يجيبون الخرطوش اللي تحت واخلص

[بشير حسن]

ماشاء الله أخوي sgl2002 ياكثر اللي شاهد موضوعك ويش مسوي انت عشان تجذب الاعضاء ههههه

[sgl2002]

ههههههه

يمكن لاني متابع الموضوع واعلمهم بالمستجدات اول باول

[وليد46]

عز الله انك صادق والدليل صرت كل يوم اقول وش يبي يكتب راعي الموضوع بكرا

لكن ماقول الا عسى ربي يوفقك وحل مشكلك ولو اني احس انه ماهب مشكله بس

انت ماسكه معك تطعيس الظهر وهذا من حقك بس ارفق على موترك يالغالي والله حسافه

واتمنى لك كل التوفيق ومتابعين معك للاخر وان بعت موترك نبي نبيع مواترنا كلنا هههههههههههههههههههه

[رااعي الفزعات]

الجو مايساعد على التطعيس بالحر .
واكيد اذا طعست بالظهر ولا انت منسم اكيد بترتفع ..
درجة الحراره يالغالي تاصل الخمسين .. لكن اذا موترك بالديره ماعليه وبالخطوط فارتفاع الحراره بالنفود امره طبيعي ..

[sgl2002]

^^^

هذا اللي اقوله

والدليل اول ما انسم الكفرات تموت الحرارة

[ابو فهد...]

ياخي كم مرة غيرت التماتيك ركب مراوح سوباروا احسلك وبدون صوت واطرب

[sgl2002]

خلاص ياشباب الموتر بعد تماتيك الوكالة ضبط٪١٠٠

وبالعكس الحرارة افضل من اول

والحين امشي وانا مرتاح

وباالنسبة للي يقول احد يدخل النفود االظهر

انا اقول دخولي كان عشان التجربة فقط

والا ماني مهبول اروح افجره بعز الظهر اللي الادمي يموت من شمسها فكيف بالسيارة

[فهد2012]

ما قلت لك اتاكد من الليات ...

يله الحمد لله

[رااعي الفزعات]

الحمد لله ..
والله يجعله اخر المشاكل ...