موية الرديتر تنقص ولايوجد تهريب!!

[مطر وربيع]

السلام عليكم
الحرارة عندي ترتفع وافك الرديتر والقاه ناقص !! كل اسبوع او احتى اقل ولا يوجد تهريب ولا
قطرة !!
والغريب ان القربة مليانه موية لكن الرديتر فاضي (غير غطأ الرديتر وغيرت الخرطوش
بواحد اطول داخل القربة ولانفع)
اليوم شفت هواء زي الفقاقيع من الرديتر هل التهريب من وجه راس المكينة مع الحرارة يتبخر ولايبان؟؟
السيارة باترول 92

[ابو شريفة]

غالباً يكون من راس المكينة ولا يبان لكن هل سبق وان احتر الموتر معك حرارة كايدة؟؟
لو ايه احتمال يكون الراس منشعر او متقوس ويهرب الموية
دمت سالم

[مطر وربيع]

غالباً يكون من راس المكينة ولا يبان لكن هل سبق وان احتر الموتر معك حرارة كايدة؟؟
لو ايه احتمال يكون الراس منشعر او متقوس ويهرب الموية
دمت سالم

نعم لكن قبل ذلك كان ينقص بعد !!
تقريبا من يوم شريته وهو ينقص مويه !!
لكن اتوقع لو الراس مشعور كان يهرب زيت معه ويندي زيت ويبان زيت في الراس
ويطلع دخان
ممكن من الطبه او طرمبة الموية او داخل السلندر مصدي !!

[You Like Me]

وعليكم السلام ورحمه الله

انا قبل سنتين تقريباً جنني الباترول نفس مشكلتك تقريباً
ماخليت شي ماغيرته ولا فاد مابقى الا الراديتر والمكينه
كل ما ترتفع الحراره افتح الغطاء مالاقي الماء ولا ادري وين راح وازود شي مو بسيط
ونفس المشكله عندك الراديتر فيه هواء بس وين الماء هنا السؤال ؟
أكتشفت انه يصرف الماء عن طريق القربه ومع الحراره ينشف مكانه ومتى انتبهت له
واللي قالي وضب واللي قالي غير واللي قالي حط
في الاخير وزنت الديلكو والحمد لله ضبط وانتهت المشكله

[hawk2002]

اخوي فيه لي صغير خلف المكينه اذا مشيت خط يهرب واذا انت واقف لا حصلت معي وغيرته بعشرة ريال ودرت اكثر من عشرين ورشه الي يقول الراس والي مايعرف

[رجل المرور]

اذا مافيه تهريب معناته الموتر يفور يابعدي صيخخ الاديتر وشف

[sgl2002]

انا كان يهرب عندي باترول٩٨

وبعدها حصلت لي الحار حق المكيف يندي وينشف مع الحرارة قبل يوصل الارض

اذا كان الماء من القربة ماينقص فهذا طبيعي لان الموتر حار ولا يسحب الماء الا اذا هدا الموتر

[محطم عنيد]

إذا الماء ينقص

ف تركد ماهو من الراس

المشكلة غالبا في الإديتر

شيك على طرمبة الماء لأن أحيانا تمسك الماء

ورد لنا خبر نبي نستفيد لاهنت

[مطر وربيع]

إذا الماء ينقص

ف تركد ماهو من الراس

المشكلة غالبا في الإديتر

شيك على طرمبة الماء لأن أحيانا تمسك الماء

ورد لنا خبر نبي نستفيد لاهنت


رحت الورشة اليوم الراس سليم ولله الحمد واذا كان الراس مشعور يقول امسك الخرطوش (الي)
يكون قاسي فيه ضغط
الطرمبة سليمه يقول لو الطرمبة خربانة كان الحرارة على طول H وفك غطا الرديتر تلقى
الموية ماتصب من الي الصغير الي فوق
طلعت المشكلة من غطا القربة
صورة لقربة
http://liveimages.quicksales.com.au/quicksales/general/classified/gc5517871466620448706.jpg?width=300&height=225&aspect=fitwithin&padcolor=ffffff

غطا القربة له فتحتين فتحه للتبخير وفتحه للرديتر فتحه التبخير كانها مسدودة
قلبها المهندس وركبت خرطوش اكبر داخل القربة ووزن الديلكو لانه عداد الهواء يلعب ونشوف ان شاء الله بعد اسبوع هل راحت المشكلة او لا

عموما المشكلة هذه نفص الرديتر صارت لي في سيارة ثانية
مرة طلع من غطا الرديتر خربان ومرة طلعت الطبة مفقوعه وماتهرب الا اذا جاها موية
مو كل الاحوال تهرب

[فتك 32]

اخوي افتح غطاء المكينه شف إذا لقيت علية بياض هاذا من الراس

[جمس_454_97]

اخوي الغالي مادام فيه فقعات هواء يعني فيه تنسيم
بالظهر هل الشكمان ينزل مويه اذا ايه يعني فيه مشكله اما بوجه الراس او مشكله بالراس مشعور

[شمساوي]

اتوقع راس المكينه في شعر واذا قال لك المكانيكي انه موب من الراس لتصدقه راح لكم ورشه تأكد

[himo1432]

انا عندي نفس المشكله لها شهور
باترول 2002 VTC
ما جت المشكله الا بعد تغيير صدر المكينه كان مثقوب
الحراره لم ترتفع قبل كذا
علما اني مااعبي القربه لأنها متسخه
تقريبا كل ثلاث ايام لتر ماء
ارجو من مرت عليه المشكله يفيدنا

[الحائر111]

سيخ الليديتر وبعدها لو بقيت طبات المكينه

[alotaiby05]

الله يعينك والله مايدوخني في السياره زي الحراره والمشكله لها عده اسباب

[وجعين]

شف ونا خوك تبي ترتاح هو من الراس ولا لا فيه طريقتين 1- افتح غطا المكينه وقلب الغطا شف ان كان فيه زبد مثل زبد البحر فهو من الراس2- افتح غطا الاديتر ودق سلف اذا الماء ارتفع بقوه من الاديتر ترى الراس منشعر. وسلامتك