استفسار من ملاك الباثفندر الجيل القديم

[العمري1]

السلام عليكم ورحمة الله وبركاته






صبحكم الله بالخير اخواني حاب اخذ منكم استفسار بسيط لاهنتو
نويت اشتري باثفندر من الشكل القديم من 2000 الى 2005 وحاب اعرف منكم بعض النقاط

1..وش تنصحوني اخذ اي موديل من المديلات من2000الى2005 لاني قاري مشاكل واجد في الحراره ومسامير الثلاجه ومن هالكلام ابي المديل الي اقل عيوب وانا في نيتي اخذلي 2002 بس ابي اعرف رايكم

2..وابي اعرف هو راعي ورش وخرابات واجد

3..وابي اعرف لاني جديد على نيسان والباثفندر بالاخص كم اسعارها النضيف لان دراهمي من 25 الا 30 الف وحصلت واجد بالمعارض واسعاره حدود قيمتي بس ادور الشي الزين

4..وبعد وش ازين القير العادي ولا الاتماتيك لاني بستخدم في الجنوب



وانتظر ردودكم لاهنتو ...

[أبو سعيدان]

توقعاتي من موديل 98__2002 فئة مكينتها 3.3 وهي اقل المشاكل

بينما 2003--2005 فئة مكينتها 3.5 وهي اكثر مشاكل وتخبيط


اما للقير فأفضل العادي انسب للمنطقة الجنوبية

[العمري1]

يعطيك العافيه وتسلم على المعلومات يالغالي

وانتضر باقي ردود الاخوان

[مشاري الصخري]

صباح الخيرات
من واقع تجربه
اشتري بس بشرط يكون نظيييبببف
له معي سنتين وشوي ما فيه الا العافيه
مديل ٢٠٠٢
واذا علي القير لا تاخذ الا عادي بسبب طبيعة المنطقه عندك
كل الا حطيته في اشياء استهلاكيه من
مساعدات وفحمات فرامل ونواجي وجلد
اما العزم اقلك وبفخر رجاااااااااال
وبتوفيق

[العمري1]

صباح الخيرات

من واقع تجربه
اشتري بس بشرط يكون نظيييبببف
له معي سنتين وشوي ما فيه الا العافيه
مديل ٢٠٠٢
واذا علي القير لا تاخذ الا عادي بسبب طبيعة المنطقه عندك
كل الا حطيته في اشياء استهلاكيه من
مساعدات وفحمات فرامل ونواجي وجلد
اما العزم اقلك وبفخر رجاااااااااال
وبتوفيق


الله يعطيك العافيه يالغالي يعني ازينها 2002

وحبيت اسال اذا لك خبره بالناتيفا هو ازين ولا الباثفندر لاني حصلت واجد وناس تنصحني فيه اكثر من الباثفندر

[ك ن ق 222]

أخوي 2004 وشل مسامير الثلاجه

[هملول السحاب]

السلام عليكم

اخوي اذا حصلت 2002 نظيف لاتشاور وانحش عن 2003 الى 2005 من واقع تجربة...

[escape_man]

انا اشوف ان موديلات 2003-2005 يمكن تكون اكثر مشاكل لكن مشاكلها من الممكن تلافيها

بينما الموديلات الاقدم والاضعف قوة حصانية الا انها ماتخلو من مشكلة عظيمة وتكلفتها باهضة وتخص

نظام البخاخ واتساخه. هذي تكلفتها بالاربع آلاف ريال.

الموديلات القديمة 185 حصان والجديدة 250 حصان
الموديلات القديمة صوت محركها مرتفع + داخليها كنك راكب ونيت عراوي

اما الجديد فصار قفزة نوعية لا من ناحية القوة ولا من الديكورات

عيوب الجديد وكيف تتلافاها:
1- مسامير اللهات حقت البخاخ / هذي اطرف ورشة تشيلها لك نهائيا (200 ريال)
2- الحرارة بسبب رديتر الوكالة ابو رصة / يغير برديتر اردني او صيني رصتين (370 ريال)
3- تانكي بنزين صغير والمكينة 6 سلندر / تركيب فرارات (520)

1000 ريال عالجت لك جميع مشاكل الباثفايندر 5-2003 وكسبت قوة واناقة

[التميمي12]

اخوي وين حصلت بمعارض النسيم
لني عندي نية اشتري بس مدري اي معارض النسيم ولا الشفاء وين حصلت الجيوب الي تقول عنه