الذيب (مكرم الضيف)

[مكرم الضيف]

الذيب مايغدر ومن طبعه الطيب*** حر(ن) يدور بالفيافي طعامه
لو كان يغدر كان ماسمي الذيب***خوي الرجال اهل الكرم والشهامه
رجليه من رمي البنادق مخاضيب***يمشي يجرجرهن ضعيفه عظامه
ان بك شجاعه قابله بالمراقيب***عاري يدين وجاهز(ن ) للخصامه
ان كان ماوراك عظم العراقيب*** ولا طرحته واكتسبت السلامه
اما الذي يرمون فيه العذاريب***بهتان تلحقهم عليه الندامه
اول يشاركهم طعام ومشاريب***مايعتدي على الرجل اوغلامه
يشيل من بعض الحلال المكاسيب***يغزي كما تغزون ياهل الفهامه
الجوع في وسط الليال اللواهيب***خلاه يعوي ماتحمل صيامه
سرحان ظني فيك لليوم مايخيب***سبع(ن) فرض للكل جل احترامه

[قوافي ( أم نهار )]

حياك ربي اخوي مكرم الضيف
صح لسانك قصيده جزله وابيات جميله ..
تسلم اخوي
تحياتي.اختك
..قوافي..

[نديم المجره]

احترامي لك شخصيا قبل الذيب
عزالله انك وفيت مع رفيقك
ودافعت عنه دفاع الرفيق الوفي عن رفيقه
(لا وبعد تقول مشغول)
اشغلتني بغزارة انتاجك الله لايشغلنا الا بطاعته
بصراحه صابتني الغيره منك
ثف ثف ثف ماشاء الله تبارك الله عليك ثف ثف ثف
الله يسعدك
تحياتي

[محمد الظاهري]

ماشالله عليك تبدع بالابيات كما تريد
صح لسانك اخي الغالي
وننتظر القادم
تحياتي وودي

[بر الوالدين]

صح لسانك يا ذيبان أبدعت و أصبت


تقول

يشيل من بعض الحلال المكاسيبhttp://mekshat.com/vb/clear.gifhttp://mekshat.com/vb/clear.gif *** يغزي كما تغزون ياهل الفهامه

مدحت و أسهبت بالمديح ، و نزهته من غزو الحلال

و الذيب من حلله ينهش بحلال القوم و ياكل منه بـليل

وراء ما يجي بوضح النهار ؟؟؟

[يوسف الخليفة1]

حياك الله أخي العزيز مكرم الضيف

[منظر]

ما شاء الله عليك
صح لسانك
ابيات جزله من شاعر جزل
والبيت الاول 100%
يعطيك العافيه

[مكرم الضيف]

حياك ربي اخوي مكرم الضيف

صح لسانك قصيده جزله وابيات جميله ..
تسلم اخوي
تحياتي.اختك

..قوافي..


صح كلك اخت قوافي وتقبلي تحيتي

[مكرم الضيف]

احترامي لك شخصيا قبل الذيب

عزالله انك وفيت مع رفيقك
ودافعت عنه دفاع الرفيق الوفي عن رفيقه
(لا وبعد تقول مشغول)
اشغلتني بغزارة انتاجك الله لايشغلنا الا بطاعته
بصراحه صابتني الغيره منك
ثف ثف ثف ماشاء الله تبارك الله عليك ثف ثف ثف
الله يسعدك

تحياتي



صح كلك وياهلا بالاخو الغالي واسعد الله ايامك

تقبل تحيتي

[اوكلاهوما]

ماشالله

صح لسانك

مبدع وشاعر

عز الله ماقصرت مع الذيب ويستاهل المدح

واكرمتنا بالخيمه بهالقصيدة الجزله

بالتوفيق يامكرم الضيف

[سبع الخلا 911]

صح لسانك..
قصيدة جزلة..