استفسار من الامارات

[مالك سلمي]

يا اخوان انا عزمت انشاء الله اروح ادور سياره من الامارات وياليت يا اخوان الي عنده نصيحه لايبخل علي لاني اول مرره ابروح لمعارض الامارات واخاف انغش وياليت احد يعلمن اسماء المعارض والله يعافيكم

[عاشق مكشات]

ان بغيت تشتري الا جديد


لانهم الامارتين يكرفون الموتر وهو جديد ويبيعه مايقعد معه الا سنتين وتحصل مشاكل بالدفرنس والقير والمكينة

وفيه موضوع قريته من اسبوع يحذر منهم انهم يلعبون بالعداد ويقولون نظيفه وهي مكروفه

[جيب ربع]

إذا ماعندك خبرة بالسيارات من ناحية السمكرة وخلافه فأنصحك تشتري من هنا
الغش هناك ماتتخيله من الجنسيات العربية...
وعموماً عندك معارض الشارقة وفي دبي عندك العوير معارض منظمة جداً وفيها سيارات بالهبل..

[شمساوي]

تبي نصيحه من اخو الى اخوه

شوف انا ابعتبرك اخوي الصغير ولا فيه واحد في العالم يبي المظره لخوه

لاتشري من الامارات نهائين ولتفكر تروح تشري سياره من هناك

الغش زي السلام عليكم هذا اول شي

ثاني شي السيارات هناك يكرفونهن كرف حتى الكبار هناك يكرفون السياره

3- الرشوش وخاصه التجميلي عادي يرش السياره عشان يغير اللون ولا عشان جايه مخش طويل
4- هناك من الجنسيات العربيه يغشون في البيع والشراء

ونصيحه اشتري من هنا وافحص على كيفك ولا يهمك ان فيه فرق وش فايده بلفرق اذا انت بتخسر نص قيمة السياره او انك تجلس تصلح فيها

[الكاميكاز]

اخوي مالك توكل على الله ورح والله يجعلك تاخذ اللي تبي وموفق خير انشالله
اما الغش اللي يقولون الاخوان فـ عندنا مثل الامارات او اكثر اما السواقه
وتفجير السيارات عندنا وعندهم خير


بس بقولك نصيحه ادخل المواقع الاماراتيه بالنت وخذ فكره عن اسعار السيارات اللي تبي
وخذ ارقام المعارض وكلمهم قبل تروح ولا تحرك من السعوديه الا انت مرتب امورك

[السومر]

أخوي ما تدري لو يكون رزقك في الأمارات . والغش موجود من قديم الزمان هنا وهناك وفي كل مكان موجود

اهم شي اذا ما تعرف شي بالسيارات ( أفحص كمبيوتر ) واهم شي الجيوب

والله يرزقك .

[مالك سلمي]

الله يبيضروجوهكم ماقصرتو علي النصيحه والله يكتب الي فيه الخير والي عنده زياده لايبخل علينا ومشكوريين

[شمساوي]

أخوي ما تدري لو يكون رزقك في الأمارات . والغش موجود من قديم الزمان هنا وهناك وفي كل مكان موجود

اهم شي اذا ما تعرف شي بالسيارات ( أفحص كمبيوتر ) واهم شي الجيوب

والله يرزقك .

عارفين ان رزقه لو يصير بصين بيروح

وعارفين الغش في كل مكان في العالم

بس فرق بين ديرتك وديره ماتعرف في شي

وقبل ساعه كنت اتكلم مع الشباب عن الامارات واحد خبير جيوب يقول شفة بعيني جكس معدل داخليه الى جكس ار يعني مراح تعرف انه جكس لو انت وشو الى انت خبير مره

وانت يراعي الموضوع حنا نصحناك من تجارب وشكلك ملزم

اقول رح اشتري من هناك اذا فلوسك مثل حبات الرز ولا يهمك شي

وكثر الكلام معك مافيه فايده

[مالك سلمي]

وراك معصب ياشمساوي انا ماقلت شي انا اسمع النصائح وانا لو ما ابي النصائح مانشدت احد عالعموم ماقصرتوا وانا عند قرائب بالامارات اكيد ابستشيرهم

[الرررحال]

من خلال تجاربي السابقة (الفاشلة)

اترك عنك المستخم في الامارات إلا اذا كان عندك أحد تعرفه هناك ويصفط لك الموتر الطيب اللي يستاهل

للأسف بعض الاحيان ننخدع في اسعار السيارات عندهم وندور الرخيص والزين ونظن بأننا كسبانين
وفي النهاية التوفيق من الله والله يرزقنا وياك.

[nawaf alh]

اقول رح اخذ من الامارات ارخص وبتحصل النظيف ان شاء الله

[مالك سلمي]

بيض الله وجيهكم والله يكتب الي فيه الخير انا ماشي الاحد بادن الله

[the sad]

نصيحتي لك خذ جديد اما مستعمل والله انتبه به اماراتي يقول الغش عندنا اسهل شي اما ترجيعة العداد عندهم زي السلام عليكم وعسى الله يوفقك

[راعي العمانيه]

نصيحه رح قطر بتعين مواتر بالهبل واسعارهم حليوه وممشاهن قليل و بديهن نضيف
وادخل قطر سيل وبتدعي لي

[ملهاب]

السيارة اللي بالك ياليت تحددها حتى يمكن خدمتك

[شفاء نجد]

اما عن قطر والله اني رحت قبل كم شهر وياليتني مارحت ياخوي

ادخل ورشات اشوف جيوب جديده 2010 رايح قيره و 2011 ؟

والسوق غالي بالذات اذا شافوك سعودي

وباللنسبه للغش في كل مكان يعني نصيحة اخو اشتر من ديارك وافحص على راحتك

والسعــر والله انه نفسه يمكن الفرق تصير تكاليف مشوارك لاغيـر وتعبك

نصيحتي لك اخوك ومحبك

[مالك سلمي]

السياره الله يحفظك جيب لاندكروزر نظيف 2008