موضوع بخصوص طير تكسر ريشه في المقيض

[ابرق الحرار]

يوجد طير فرخ وكري عند واحد من الزملاء في مقيض خاص وتم حذف الريش ماعدا المواسي الاخيره ولكن الطير تكسر في ثلاث ريش من تحت الموسيه والريش باقي طري هل يوجد طريقة اخرى غير التوسير اي تسقط الريش وهل سيخرج ريش جديد ام لا افيدونا

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخيرياخوي / ابرق الحرار
.
الريش الجديد تفقع ماتكسر صح ؟
اذا كان كذا خذ مقص وكل ريشه مفقوعه قص ثلاث ارباعها
وباذن الله من عشره الى خمس طعش يوم يرميها ويجي
غيرها
اهم شي ترهي على الطير العلف
ويكون حمام طازه
وخل الطير مطلوق لاتربطه
*
والسلام
AL Khapt Brother of Naif
الحجاز
4-7-1433هـ

[الذيب المتوحش]

افادك اخوي الفيتو جزاك الله خير

[أبو فااارس]

اخوي انت ماوصلت المعلومه بالشكل الصحيح فيه فرق بين الريش المنكسر والريش المنعمي إذا الريش على بداية سوقته وانكسر من النص وطلع الدم هذا يعتبر منعمي ولا ينوسر مايطلع له الا السنه الجايه أتمنى اني أفدتك اخوي...

[ابرق الحرار]

اول شي اشكركم ولكن واضح الموضوع الطير تكسر ريشه مع نصف الريشه اي سقط الريش المكسور ولم يخرج دم والطير تكسر ريشه لأنه كان مطلوق في المقيض وبعد ذلك تم ربطه ونؤجوا الافادة هل يوجد طريقه لاسقاط الريش ام الصبر حتى السنه القادمه

[ابرق الحرار]

ياالربع وين الافادات الي ننتظرها ولانقفل الموضوع

[أبو فااارس]

ريش العام يذبه ماعنده مشكله مثل ماقال ابو صالح زكه من العلف خل الطير ينصنع وماعنده خلاف هاذي ريشه تدف ريشه لياما ترميها مالها دخل بالكسر ياما قرنست طيور موسره وبدلت الريش ... بس شف نفسية الطير إذا هو مبسوط يذب ودمتم.....

[saqr34]

اخوي انا كانت عندي شيهانه وتركتها فوق مركى وكفخت وطاحت منها ريشه من الجديد وهي بدمها

والريشه طاحت بكاملها وحترت فيها لكن مع مرور الوقت تفاجئت انها ساقت الريشه وطلعت ولله الحمد وان

شاء الله ان الطير يسوقها .. تحياتي

[ابرق الحرار]

اشكرك اخوي صقر34 ولاقصرتوا جميع من شاركنا ومن قام بزيارة الموضوع