المشوره يالربع (ما خاب من استشار)

[ولد الحنو]

السلام عليكم ورحمة الله وبركاته
اريد منكم المشوره ياربع عن سيارة باشتريها جيب ربع موديل 2005 اللون بيج سعودي
ماشي 170 كم مافيه لا سمكرة ولارش بودي شد بلد المكينة والقير والعضلات على الشرط بصراحة السيارة ماشفتها لا كن ذكرها لي واحد عزيز علي ومافيها لاحراره ولا غيره مع العلم اني قناي ودور موتر من سنة سامها علي 82000 منقول باسمي وش رايكم

[خالد الغنامي]

82000

لا حول ولا قوة الا بالله


القيمة هذي تجيب لك 2010 - 2009 بالراحه

نصيحة لا تستعجل

[شمساوي]

سعره معقول وعلى قولك انت مستعمل

اذا الموتر على الشرط من جميع النواحي توكل على الله وخذه

وترا اللي مثله نظيف يوصل 90 الف وهذا الكلام انا واقف عليه بس نظيف مره

[الحناش999]

اذا على كلامك اخوي خذة ولا تشاور هذي قيمة النظيف منهن وبالنسبة للي يقولك هالقيمة تجيب 2009 يمكن انة مايعرف السوق والجيوب لان 2009 النظيف ماتاخذة باقل من 100 الف وحولها استخير اللة وبالتوفيق

[سفير الحيا]

والله وانا خوك الموتر غآلي بالحيل !!
المبلغ هذا يجيب لك 2007 أو 2008 بس يبي لك تركد ولاتستعجل
والله يوفقك ويوفق الجميع

[شمساوي]

والله وانا خوك الموتر غآلي بالحيل !!
المبلغ هذا يجيب لك 2007 أو 2008 بس يبي لك تركد ولاتستعجل
والله يوفقك ويوفق الجميع


جبلي نظيف وكاله على الشرط من كل النواحي وانا شاريه ولك الحلاوه بس بسعر 82

[مافيه]

اخوي سعره في نضري مرتفع شوي

اذا طرح لك منه 5 الاف او حولها بيصير سعره ممتاز بالحيل

اخوك واقف على 2006 خليجي بيج فل بدون ونش ماشي 143 الف وراعيه يشرطه من الصدام للصدام باسمه وكاله وكل اغراض الوكاله معه عليه سوم 82 ويقول افرق و الي كاتبه ربك بيصير ومن نضرتي للموتر مابه عذروب ماشاء الله عليه

ويا الغالي سعر ال2006 في السوق يفرق عن الموديلات الثانيه الي هي 2007 و 2005 لانه مرغوب اكثر

واذا كنت تبي الشور اذا كان معك زود دور لك من الموديلات الجدد 2007 وطالع اوجه لك وقطعه اكثر في التشاليح

[ولد الحنو]

الله يرحم ولديكم جميع على المشاركة والمشوره وارجو من الاخوه المشاركه في الموضوع

[خمسين]

بالله قلي 82 الف على ايش لا منظر ولا فخامه ولا راحه ولا رساوه ومديلها راااااح عليه سبع سنوات انا افضل انك تستخير الله وتتمهل و فيه بدائل كثير عن الجيب الربع عندك الاكستيرا وعندك الربع الباجيرو الفل وفي الاخير القرار لك وهذي مجرد وجهة نظر والله يكتب لنا ولك اللي فيه الخير

[سفير الحيا]

جبلي نظيف وكاله على الشرط من كل النواحي وانا شاريه ولك الحلاوه بس بسعر 82

والله ياخوك انا اقصد مدام وصلت للسعر هذا زوّد 7 أو 8 وأخذ الشكل الجديد
وبتلقى نظيف بس لا تقرب المعآرض لأن الشريطيه اسعآرهم مرتفعه ونار
على فكره فيه 2006 بـ 80 شرط بدي وكآله ولافيه أي شي وخليجي بعد
مكره سحب والخليجي معروفه مواصفآته أفضل
والله يوفقكم جميع:)
للاحاطه:
الموتر في معرض الساطي بالطايف في الحويه

[صياد الجبل]

ياخوي دامه على كلامه ومشروط خذه ولاتسىل


ترا سعره منتاز ب 82


وترا الربع مايتقارن مع اي موتر ثاني

الربع ذراعك اليمين لارحت جبل لارحت بر مايبيض الوجه الا هو

والي يقول باجيرو ولا نيسان

اقول مامثل الربع التويوتا بديل لو يصنع الغرب ماصنع

والي قال لاراحه لافخامه الربع ماصنعوه تكشخ فيه

الربع صنعوه للبر والجبال والمكده

وهالشي معروف

اخوي اول شي انت استخير الله

ثاني شي رح للموتر بنفسك ولا تاخذ على كلام الناس لان كلن له كلام

رح عند الموتر وقلبه ورح افحصه عند اكثر من واحد كلها ماتاخذ منك 500 فحص بدي ومكينه وقير وكهربا

اذا الموتر سليم ومشروط حط القروش وخذه

[عاشق داتسن]

الله يكتبلك بما هو الصالح
والله يوفقك ويرزقك وانا مع الاخوان اللي قالوخذلك 2007 و2008 نفس الاسعار تقريبا

[خالد العطااوي]

سفير الحيا انا والله ماعرف اقيامهن
بس انا بالطايف وابيلي ربع
2007 حول 80 وتقسيط يمكن يتدبل لكن يكون تقسيط
بلقى ولا ماش ؟؟؟ اذا تعرف احد تكفى رد لي خبر ..

[سفير الحيا]

سفير الحيا انا والله ماعرف اقيامهن
بس انا بالطايف وابيلي ربع
2007 حول 80 وتقسيط يمكن يتدبل لكن يكون تقسيط
بلقى ولا ماش ؟؟؟ اذا تعرف احد تكفى رد لي خبر ..


هلا ياولد العم;)
أنا والله ماعرف احد ولاني بشريطي وانا خوك لكن قبل فتره كنت ابحث
عن موتر 2006 وحصلته في معرض السآطي بـ 81 تقريباً والموتر نظيف
بالنسبه لـ 2007 ماظنتي بالمعآرض بتلقى شي !!
حآول تنزل السوق خميس وجمعه ولا تعتمد على معآرض الطآيف
شوف جده يمكن تحصل فيها سيآرات نظيفه وأرخص مو بشرط
وان شاء الله بسأل وان حصلت عطيتك خبر:)

[عذب الضليل]

خد العلم الوكاد الموتر غالي بالحيل سعرة الحقيقي بي 68 الى 72 بالكثير

[الغرابيM]

يالغالي الموتر سعودي .. والمعروف ان السعودي يفرق عن الخليجي والخليجي افضل وارغب بالسوق بحكم مواصفاته ..

الموتر الي ذكرت من وجهة نظري 78 الف اذا تبي تستخدم ولا شفلك خليجي بالهقيمه تبي تحصل

والله يرزقك من واسع فضله