سرقة سيارة فيصل الشمري نوع جيب لاندكروزر موديل 2008 (الطريقة تهمكم) [الأرشيف]

HAS5SAN

24/05/2012, 04:12 PM

بسم الله الرحمن الرحيم
السلام عليكم ورحمة الله وبركاته :
تعرض المواطن فيصل الشمري لسرقة سيارته من نوع جيب لاندكروزر
موديل 2008 ويقول الشمري قبل صلاة المغربوضعت سيارتي كالمعتاد
لتغيير الزيوت وتشحيمها وغسيلها بمركز ال**** امام مستودع الامارة
بقارا و ذهبت لمنزلى وبعد صلاة العشاء اتيت للمركز وبعد السوال
عن سيارتي افادنى العامل بان ابنك اتى ودفع المبلغ واخذها
وقال الشمري ابنى طفل لم يبلغ السنتين وكيف يتم تسليمها لاي شخص
و تم تبليغ مركز الشرطة بالحادثة ومازال البحث جارى عنها حتى
اعداد هذا الخبر وناشد الشمرى المواطنين بمساعدته وكل من يشاهدها
ان يبلغ فورا اقرب مركز شرطة له علما بان الشمرى وضع
مبلغ 5000 ريال لمن يجدها

وطالب المسؤولين عن الطيران الشراعي مساعدته
والبحث عنها حول المنطقة

http://im30.gulfup.com/2012-05-24/1337865026351.jpg

http://im30.gulfup.com/2012-05-24/1337865026583.jpg
المصدر
http://www.aljouf-news.net/news-action-show-id-14176.htm

:mad:

HAS5SAN

24/05/2012, 04:13 PM

اللهم ياجامع الناس ليوم لا ريب فيه
أجمعه بسيارته عاجلاً غير آجلاً

التعـ King ـديل

24/05/2012, 04:34 PM

اخوي حسان :good2: يعطيك العافيه على النقل والتنبيه

وهذي حركه طاحو فيها كثير صغار السن وتلاقيهم دائما جالسين عند المغاسل المعروفه بالزحمه واذا جيت تسلم سياره تلاقي واحد قريب منك ماله علاقه بك بس زي اللي يسمع الحوار

ويعرف كافه المعلومات وينقلها لشخض غيره وغالبا اللي يجي يستلم السياره تلاقي شخص بشكل غير مشكوك فيه انا رسمي او ملتحي او صغير السن عليه ملامح البرأه ويقولك ابي سياره ابوي

صباح القايله

24/05/2012, 04:43 PM

صارت نفس السالفه بالرياض
وشتكى صاحب المغسله وعطوه حقه
طبعن بعد محاكم وجع راس لكن الله يرد ضالته سالمه

كم كيلو باقي

24/05/2012, 04:49 PM

يالله رد له ضالته يارب ياكريم

ملك الفكتوريا

24/05/2012, 05:02 PM

يا جماعه لا أحد يترك سيارته عند المغاسل والبناشر والورش

لازم تكون فوق راسه وتسأل وتبين انك عارف وفاهم عشان يشتغل بذمه وضمير المغسلة يمكن تنسرق السيارة او شئ ثمين

والبنشر سيفون تجاري وهذا يعني المكينه راحت

والورش ياخذ قطع اصليه من عندك والا يكون الشغلة بسيطه ويدبلك السعر

طريقتي المتبعه للمغسله فوق راسه والمفتاح معي واذا ابي البقالة ازرق بسرعه وارجع

والبنشر فوق راسه وخاصه عند تركيب السيفون اجيبه وكالة واخاف يبدله

والورش فوق راسه اطفشه اخليه يسوي اللي ابيه وأسأله

هذا اذا وديته للورشه لاني اشتغل بيدي اظمن ورياضه

والامور اللي تطول نص يوم او يوم افضي نفسي واذا منشغل مره امره كل ساعه

الله يرد للرجال ضالته وانتبهوا يا مسلمين

0أبومحمد0

24/05/2012, 05:03 PM

الله يرد له سيارته ياكريم
لكن الواحد لزام ياخذ فاتوره من المغسله او راعي الزيت عشان يضمن حقه

ساهر اليل2010

24/05/2012, 05:32 PM

الله يرد له ضالته إن شاء الله
والله ماتسوى عليه هالدقايق اللي راح عن سيارته
وان شاء الله تصير درس لكل من قرا هالقصة او غيره عشان يتعظون

الله يستر من تاليها ويجيب عواقبها سليمه

You Like Me

24/05/2012, 09:08 PM

إناً لله وإناً إليه راجعون

والله اكبر غلط يا جماعه تترك سيارتك عند مشحمه لتغيير الزيوت او مغسله
وتروح وتخليها .... وفيه ناس ما تخاف الله لا حول ولا قوه إلآ بالله
والله انا دايم انصح الشباب واشوف كثير يرمون السيارة في المغسله ويروح
مادري وش بيخسر لو انتظر 10 إلى 15 دقيقة ولا يصير شي يندم عليه بعدين
انتبهوا والله يا شباب الله يكفينا الشر

الله يرد له ضالته يا كريم

hamido

25/05/2012, 12:15 AM

مامثل شغل البيت مادري الواحد يخاف يتوصخ ولا ماعنده وقت ولا مايقدر يتعلم وترى المساله ماهب دراهم بس ترك الاتكاليه الي مادري وش تبي ... الله يرد له ضالته يارب

أطلال نجد

25/05/2012, 12:56 AM

المال السايب يعلم على السرقة

على كثر القصص اللي نسمع يومياً من تعدد أساليب السرقات والحوادث إلا أنه لايزال يوجد بيننا ناس قمة في الكسل والإهمال

التميز111

25/05/2012, 03:52 AM

اللهم يا راد الضالة رد لأخينا فيصل ضالته
يارب العالمين

TIME LINE

25/05/2012, 05:28 AM

الله يرد له سيارتة سالمـة

المفروض يشتـكـي المحـل فورا ً , لأن الرواية المتداولة لا دليل عليهـا سوى كلامهم

ابن عكاش

25/05/2012, 11:08 AM

الله يعقل موتره عليه عاجلاً غير آجل
صحيح انه اخطأ كونه يعطي العمال السيارة ويروح لكن مايحق لراعي المغسلة انه يسلم السيارة لأي احد حتى لو كان ولده او اخوه إلا إذا هو قال لهم
تسلم ياحسان تقبل مروري

عادل المسمار

25/05/2012, 11:16 AM

اخي مشكور على التنبيه
والله يرد له ضالته وان شاء الحلال مايضيع

هاوي هدد 11

25/05/2012, 11:39 AM

الله يرد ظالتك
ياربع الي مايبا حلاله يتركه عند العماله اهم شيء عنده جمع الماده
فقط
بشوف عيني كان عندنا جيب في الورشه عند واحد مشهور
قي الطائف
فكان يفك من جيب اخر ويركب في متورنا
قلتله ليش قال اركبها له بعدين
شوف قوت النصب
والأدوات الأصلية يبدلها بتجاري
-------
والبناشر على الطرق السريعة بغشك في الزيت اذاكنت عنه لاهي
فلا تكن عندك ثقة عمياء
للعامل
والمثل يقول:المال السائب يعلم السرقة

راعي براوننق

25/05/2012, 01:10 PM

حسبنا الله ونعم الوكيل على الفاعل

سفير نجران

25/05/2012, 01:20 PM

الحلال ما يضيع

منصور الشمري

25/05/2012, 01:57 PM

الله يعقل على الشمري امين

ابو فهد...

25/05/2012, 03:34 PM

اللهم ياجامع الناس ليوم لاريب فيه اجمع على الشمري ضالته

عقاري مع

25/05/2012, 04:10 PM

حسبنا الله ونعم الوكيل على الفاعل

راعي الركيات

25/05/2012, 04:13 PM

لاحول ولا قوة الا بالله

الله يردله حلالة

معاذ الخنيني

25/05/2012, 07:52 PM

يا الله رد عليه ضالته
او ابدله خيرا منها عاجلآ
واحفظنا وجميع المسلمين

عادل بن عميرة

25/05/2012, 11:20 PM

المال السايب يعلم على السرقة

على كثر القصص اللي نسمع يومياً من تعدد أساليب السرقات والحوادث إلا أنه لايزال يوجد بيننا ناس قمة في الكسل والإهمال

(من كان يؤمن بالله واليوم الاخر فليقل خيراً او ليصمت )

يااطلال نجد ياخي ادع للرجال ان الله يرد له جيبه ياخي هون على اخوك مصيبته
وارفع معنويته وواسه بدال ماتقول هالكلام .

اسال الله ان يرد لك سيارتك يافيصل عاجل غير اجل

وبالمناسبه اهديكم حل رهيب ضد السرقاات حلووو
نظام التتبع الموجود في محل تتبع الي جنب السنيدي بالرياض
مجرد تنسررق سيارتك يمديك تحدد مكانها وتحركاتها بعد وتقدر تطفيها عليه اذا وقف
ماعاد يقدر يشغلها مرره ثانيه وهذارقم المحل للي بيستفسر منه
الرقم الموحد 9******0
جوال 05******8 ي*******ي
العنوان /**************

مسير عليهم

26/05/2012, 09:45 AM

هذي نهاية الثقة الزايده

ماعمري فكرت اني اخلي سيارتي في مغسلة وارجع بعد مايخلص منها

يعني لهذه الدرجة ساعتين في اليوم مايقدر يتحمل يوقف عندها في المغسلة

عاشق الغضا

26/05/2012, 09:51 AM

خله يحقق مع الورشه الي غيرت الزيت احتمال كبير يصير لهم دخل بالموضوع .لانه صارت مع شخص اخر وشلحوا موتره بمنطقة الرياض

توكار

26/05/2012, 09:51 AM

كــــثر الســرق يأخوان . وش السالفة. حتى كاميرا المراقبة يسرقونها.قبل شهرين سرق عندي عشة حمام هو والحمام كاملة مع سطولها والليات

حر اليدين

27/05/2012, 11:50 AM

السلام عليكم ورحمة الله وبركاته .. الله يرد لك حلالك يا اخ يوسف ... اطلب من الاخ صاحب الموضوع ان يضع رقمه في الموضوع لعل احد الاخوان يجدها بالصدفة خصوصا ان اللوحة سهلة جدا ..

اخواني المكشاتيين علينا ان نتعلم كل اساليب النصب واساليب السرقة و ان نتقيها قدر الامكاان ..

تحيتي لكم

adnanmgh

27/05/2012, 12:38 PM

يالله رد له ضالته يارب ياكريم

كنز المشاعر

27/05/2012, 09:56 PM

يحقق مع عامل المغسلة ويربط بالكفاله الغراميه الحضورية وتحال اوراقه للمحكمة العامة ويحكم عليه بقيمة السيارة بعد الاستفسار عنها من قبل شيخ العارض بقيمتها من واقع موديلها ومواصفاتها وعند السداد يصدر القاضي صك بذلك وعند العثور على السيارة تسليم للمدعى عليه كونه دفع قيمة السيارة ...

سبق ان مرت علي نفس السرقات خصوصا بشرق الرياض ويدان العامل بالاهمال مع اني ارى ان صاحب السيارة يتحمل جزء كبير من الموضوع لانه للاسف اهمل هو كذلك

الله يعوض عليك انقول ان شاء الله انه ما يطمرها لاحدود

هيصم

28/05/2012, 06:05 PM

الله هم رد له ضالته

سفااري

28/05/2012, 08:57 PM

حسبنا ونعم الوكيل على المغاسل الله يردها لك سالمة
حاسب اهل المغسلة بهذلهم يمكن لهم يد بالموضوع
هم لا يعرفونك ولا يعرفون ولدك اشغلهم والله يردها لك
ودورها بالنفود خص ممكن تلقاها هناك

هاري بوتر12

29/05/2012, 09:39 AM

صاحب الموضوع الرجاء ازالة رقم الهوية من صورة رخصة السير من باب الاحتياط لنو عندنا ناس ما تخاف الله يسوو المستحيل عشان يسرقو (:

volcano

29/05/2012, 10:25 AM

الله يرد له سيارته

السارق لحد الان ما ارتكب مخالفة مرورية والحمد لله

(http://www.gulfup.com/show/Xonhqst67l3404)

بدوي جنوبي

29/05/2012, 01:00 PM

ينقل لقسم المسروقات

عاشق الدقسونه

30/05/2012, 01:28 PM

والله ياخوك الحلال مايضيع ان شاء الله بتحصلها

عواد الشمري2

30/05/2012, 02:56 PM

الله يرد سيارت الرجال له ويعطيك العافيه على التنويه
وهذا يغرم به راعي المغسله ويروح يشتكيه ويطلعه من رموش عيونه
وش دراني انا ان هاندي ولا اليمني الي يغسل ولا يغير الزيت ماله يد بالقصه
ويضحك علي يقول انه جى ولدك ولا ولا ولا
طيب لو عندي ولد كبير وقالي ولدك الي اخذه وش يصير بالولد اذبحه

بوراجح2011

01/06/2012, 09:21 PM

المسؤول عن السياره المغسله لابد من تعويضه قيمة السياره كامله والله لو اقعد 20سنه ماخليه
ثانيا حنا علي ابواب الاجازه انتبهو لعيالكم والله الثقه ضاعة حتي في اقرب الناس والله سمعنا قصص يشيب لها الرئس تكفون ترانا مسؤلين امام الله عنهم ؟؟؟؟؟؟؟؟

جنون رفحاوووي

14/06/2012, 10:27 PM

السلام عليكم ورحمت الله وبركاته

انا من رايي ياعيال ان اللي يتحمل المسؤليه هو العامل اللي سلم السياره وشكرآ

جنون رفحاوووي

14/06/2012, 10:27 PM