تجربة حل لحساس الدبل

[qha]

السلام عليكم

انا عندي جمس سوبربان 2005

وكان يطلعلي في الطبلون بين كل يومين- يجب تصليح الدفع 4 عجلات-

وبعد فترة صارت علطول تطلع والدبل ما يشتغل

وبعد مشاورات وبحوث عرفت انه من حساس الدبل اللي يجي في الدنمو

يجي عليه زيت من قير الدبل ويعمل التماسات والكمبيوتر يقرا انه خربان

وانا طرحت موضوع من قبل هنا في المنتدى. ورد علي واحد من الاخواان- حسين ابوسليم (http://www.mekshat.com/vb/member.php?u=242231) -

http://www.mekshat.com/vb/showthread.php?t=499562

يقول انه ينزل الدنمو. يفكه ويطلع الحساس. ويفتح الحساس وينظف بطنه عن الزيت.

وقلت خلني اجرب

فكيت الدنمو. وطلعت الحساس. فكيته ونظفته ونظفت الفيش اللي يركب في الحساس

ورجعت كل شي مكانه. وعملت رست للكمبيوتر

النتيجة.....

وضع الدبل رجع اوكيه مية مية

واحب اشكر اخوي العضو حسين ابوسليم (http://www.mekshat.com/vb/member.php?u=242231)

بس المشكلة انه بعد فترة رح يرجع الزيت يعبي الحساس

لانه اذا شغلت الدبل او طفيت. يطلع اشوي زيت من قير الدبل مع فرة الترس اللي تشبك في الدنمو. وهذا الزيت يدخل في الدنمو..

معليش طولت عليكم

الزبدة نبي حل نمنع فيه دخول الزيت الى الدنمو

وسلامتكم