عاجل للاهمية

[طال الانتظار]

السلام عليكم اخواني اعضاء مكشات سلمهم الله
انا عندي بي ام دبليو 2003 745ال السيارة تدخن تقول عج الرياض بس لونه مرة ازرق ومرة ابيض ومرة ما فيها دخان ولا ادري وشفيها جننتني
السؤال هل تتوظب المكينه وهل فيه ورشة فنانه ورخيصة
او تنصحوني من التشاليح وياليت لو تقولون كم الاسعار سواء التوضيب والتغيير
والله يجزاكم كل خير
اخوكم ابو وليد:D

[ابوسند9]

اخوي ابو وليد
انت حكمة على السياره انه تبغى توظيب من ايش؟
انت غير الزيت وشوف بعد فتره هي تنقص او لا؟ اذا كان النقص بسيط فما تحتاج توظيب
الشي الاخر انت مر على كذا ورشه وشوف ممكن تطلع المشكله بسيطه ا واذا كانت زي الياباني ممكن يكون بلف تبخير وبعدين اللي عرفه ان السيارات الالمانيه مكاينها جباره وبعضها وصل حول المليون كيلو وما اتوظبت ولو نقول قير او حساسات او ماشبه نقول ممكن
المهم لا تعتمد على كلام ورشه واحده مر اكثر من ورشه حتى يكون تشخيص المشكله زي بعض وان يتحمل قيمة القطع والاصلاح في حالة عدم اصلاح المشكله
وان شاء الله بقية الاعضاء يفيدوك

[طال الانتظار]

ابو سند 9 الله يحرم وجهك عن النار
المشكله معظم الورش سوريين وفلسطينين وهم اكبر حرامية تصدق يقولون تكلف فوق 10000
والله محتار ما ادري اغير ولا ابيع السيارة ولا اوديها للامارات بس ما اعرف احد هناك

[كاشت وحداني]

عزيزي
تعرف طريق الامام سعود بالرياض
اذا كنت جاي من الشمال ديور مع طريق الملك عبد العزيز
يجيك درايف٧ على يمينك وامش في الخدمه لين تجيك محطه وفيها ورشه اسمها الراجحي
فيها واحد محترم وفاهم واذا ما عرف يقولك ما اعرف
مر عليه لعل تجد عنده حل


Sent from my iPhone using Tapatalk

[طال الانتظار]

هلا اخوي كاشت ممكن توصيف دقيق الله يجازك الجنه

[Magellan]

اخوي طال الانتظار اي سيارة رفاهية مثل البي ام او المرسيدس راح تعطيك بمثل ماتعطيها فلا تستغرب قيمة الصيانة،،
الشيء الآخر العماله من الجنسية اللي ذكرتها صحيح انهم يبالغون بالسعر لكن هم اكثر احترافية من العمالة الآخرى،،
نجي لمشكلتك واللي يبدولي ان الزيت ينقص معك وهذا يكون ضعف شمبر وقد يحتاج توضيب ولهذا انصحك بالتالي:
صناعية الخرج (القديمة) نهاية شارع الجمعية من غرب بالإمكان تشوف كثير من الورش متخصصة بالألماني ولايمنع من زيارتهم فقط،
2-فيه مكاين مستعمله راح تحصلها في الاردن او الامارات ممكن تكون ارخص بكثير ولوحصل تزور الاردن اذا ماديتك ماتسمح بالتوضيب او شراء مستعمل من هنا وتشتريها هناك ، تروح بسيارتك ويغيرونها لك واسعارهم بلاش،،
3-الرجوع للمنتديات المتخصصة للبي ام او حتى المرسيدس فأكيد فيه من يدلك على احسن الورش بإذن الله

[كاشت وحداني]

هلا اخوي كاشت ممكن توصيف دقيق الله يجازك الجنه

ابشر بعطيك وصف من الدايري
ادخل طريق الملك عبد العزيز
وامش كانك تبي المرسلات
اذا نزلت من الكبري ادخل الخدمه
تلاحظ المبنى حق صندوق المئويه على يمينك وخلك في الخدمه لبن الاشاره ويجيك درايف ٧ على يمينك
خذ معه يمين
وابتل بالخدمه لين تجيك محطه وبداخلها ورشه لوحتها زرقاء كبيره اسم الورشه الراجحي
لو ما وضح لك الوصف ارسل جوالك عللخاص وموفق خير


Sent from my iPhone using Tapatalk

[طال الانتظار]

الله يجزاكم خير على تواصلكم معي
وبالنسبة للاردن هل فيه امكانية شحن مكينه للرياض وكم الاسعار
الاخ مكشاتي وضح ان شاء الله الوصف

[مافيه نك]

طال


الدخان متواصل ؟ او بس اول ما تشغل ؟ او اذا كانت واقفه فته شغاله ثم دعست بنزين

اذا كان الدخان بس اول ماتشغل ثم يختفي او اذا خليتها شغاله ربع ساعه تقريبا

ف بإذن الله المشكله اهون من اللي قالوا لك وهي ( جلد بلوف فقط )

اما اذا الدخان 24 ساعه متواصل سواء خفيف او قوي ف هنا الكلام يختلف

[RW7..ALBDAWA]

اخوي نصيحـه لآ قالولك شنبر يبيلهآ اي يعني توظيب نصيحه لاتوضبهآ

لكزس 400 جلست مع ولد عمي 4 سنوآت وهي تدخن وتنقص زيت والى الأن ماشاء الله معه

نصيحه لاقالولك وظبهآ لاتوضبهآ كدهآ