ماصوره رفايلوا او ماصوره بلجيك ام نجمه

[abo wasmi]

السلام عليكم
اهلاً باخواني المكشاتيه
عندي سوبر بلاك إيقل2 وحاب ارهم لها ماصوره
بس محتار اي ماصوره
وودي ارهم عليها ماصوره ريفايلوا او ماصوره بلجيك ام نجمه
ونتم وش رايكم وأيهما اضوق وأيهما أطيب رمي وأحر
في انتظار أجاباتكم؟×

[بو حجل]

وعليكم السلام ورحمة الله وبركاتة:

تبي الصدق وانا اخوك :( صار لنا سنين وسنين وانا نرمي بالشوازل يمكن تصير فى عمرك حملنا للشوزل من ايام ام حبة والفشق محسوب عليك

اقتنيت ام خمس بلجيكية :good: ماسورة رقم (1) نجمة طولها 32 ولها الآن معى حول
14 سنة

وكل سنة اسوى لها صيانة :mad: ومحدود على رمي نوع واحد من الفشق ومثلك عارف

تعطلت بندقى وانا فى المقناص وكان يومها الطير واجد والحمدلله وعطوني اخوياي

سوبر بانللي 2 ماسورة 28 بس سوى راعيها شي واحد فك التشوك رقم 2

وركب اضوق تشوك :) ولله ثم ولله ثم ولله ثلاث ايمان واتمنى تكفيك

ماتغير على شي فى الرمي ولا المسافة ولا غيرة

اللهم رفعة السلاح عندي اختلفت شوي بحكم الوزن والجسر والعلم حق البانللي

وبعد ماصلحت بندقى نزلت انا ويا راعي البانللي نرمي خضاري للتجربة اللي اصوبة

واكسر جناحة من مسافة 70 متر كثرت او قلت هو مثلي :eek: السالفة التشوكات اقنعتني

انها افضل وافضل وافضل بتحكمك فى توزيع الرش للحلبي

اتمنى انى افدتك وخل عنك الترهيم والله يستر عليك

[ابو محمد سوبر]

اخوي ابو حجل والله مافهمنا شي من سواليفك
لكن ياصاحب الموضوع خذ العلم الاكيد من ناحية الجمع ودقة الرمي ماصورة الريفاليو
ومن ناحيت الرش وسهولت الرمي ماصورة البلجيك
هذا الفرق بينهن والا من ناحية السوق الحقيقه كلهن عليهن سوق طيب
والقرار لك
والله يرزقك الماصوره الطيبه

[خالدالقنص]

ابو وسام

اسمع بقولك اللي عندي على حسب تجاربي الكثيره

بجليك 32 كروم
يبانيه استيل

كنديه كروم
بلجم

ولاتدور غيرهن

[عطيب الظرايب]

بالنسبة لكلام اخوي ابو حجل انا اخالفه الرآي

السوبر بندق ماتلقى فيها عذروب غير ماصورتها والله ماخليت لاتشك ولا غيرهـ الا وجربته والله لاسوق يطرب ولاحرارة رمي يطرب غير خسارة بالفشق

وبعد ماجربة ماصورة يابانية ستيل 32 زانة العلوم حرارة رمي وسوق وفرش وصيدتها ماتقوم رميت بها طيار مسافة ماتخيلونها على جول حمام سوادي قلت ابي اشوف وخويي يقول ياولد ماهي بحولك الا وجايتك وحدهـ من الجول لا رفرفت ولاشي تقول صاروخ محول بالسماء ولو ماصورة البلد عليها صدقني ان يروح الجول سلامات

هذا رأي وتجربتي وانت ياصاحب الموضوع لك الخيار