عندي مشكله في السوبر بنلي بلاك ايقل 2 وابي حلها

[الوهـ قحطان ـاج]

اخواني مشرفين واعضاء هذا المنتدى


اكيد قريتوا الموضوع ومافي مشكله الا ولها حل بأذن الله


عندي البندق تزم لازم احطها تحت الصيده بشبر واكثر بعض الاحيان


طبعن البندق ماهي مرهمه ماصورتها حقت بلدها


واحد قلي من اخوياي انه في وصلات تجي معى البندق وتغير في رميها وهي الي في عقب البندق وبين الجهاز قلتله وش دخل وصلات هذي في رمي الماصوره هذي الوصلات مالها دخل في رمي الماصوره هذي لها دخل في تنزيل وترفيع البندق على حسب الشخص في حجمه قالي لا هذي لها دخل كبير في رمي البندق


وتكفون افتوني في رميها وفي كلام خوي هل هو صحيح ام انه خطأ


تحياتي لكم يالغالين

[الخيمة والذرا]

اخوي الوهاج هذي الوصلات حسب كلام أحد الخبرا في شغل السلاح وممارسة الرمي يقول ان هذي الوصلات لها دور كبير في (زمة )البندق من عدمها جرب ما انت خسران شي

[بو حجل]

نعم صحيح كلام خويك

الاستوكات لها تاثير كبير في رمى البندق سواء فى انزال العلم (الحبة)

عن الصيدة او رفعها وكذلك فى ميلتها يمين او يسار مثل (البريتا) فلا بد من التاكد

اي ستوك يناسبك وترتاح في تحديد العلم على الصيدة :good2:

[lion arar]

يأخي الوهاج حياك الله نعم كلام الرجال صحيح هناك نوعين من الوصلات واحه تكون في مقدمة الاخمس وهي بلاستك واخرى حديد تكون في مؤخرة الاخمس تركب قبل الصاموله التي تشد على الاخمس وهي صاحبة الدور الاعظم بالانحراف لليمين اوالى الشمال والى الاعلى والاسفل واذا كانت ماسورة الوكاله ال(28)الافضل المكتوب عليه (B) هي بالعاده تجي شد الوكاله على البندق و تذكر انك تعامل مع بانلي ام البنادق ولاتوسوس بشيخة الشوازن وهذا النظام لايوجد الابنوعين اكستريما والبانلي بس شفلك واحد مجرب وركب وارم وبدل لين تضبط على كتفك وزنك

[الوهـ قحطان ـاج]

الله يجزاكم بخير يخوان

والماصوره طولها 30

وانا بجرب وشوف على كلامكم

تحياتي لكم يالغالي

[ياحبي للغطاط]

اولا اخوي الوهاج وش البنلي البلاك ايقل اللي تجي ماصورتها 30 ؟من وين جت هالماصوره بنلي لم تنتج سوى نسخة الرافايلو والقرطبه والسوبر سبورت غيرها مافيه الا 28 على العموم اخوي بالنسبه لمشكلتك انا ممن يمتلكون البنلي m2 وفيها زمه من يوم اخذتها ودخلت النت وابحث عن الحل واسمع بالستوكات والكيتات ودورها في تنزيل ورفع الرش المهم طبقنا كل شي تدري وش اكتشفت؟الرش تحكم فيه يمين ويسار نعم صحيح وانا قدرت اسوي هالشي اما تنزيل ورفع الرش لالاالالالالالالالا موصحيح واتحدى اي واحد داخل هالمنتدى الكبير اوخارجه يثبت لي العكس لاوبعطيه جايزه ههههههه الستوكات دورها ينحصر في تنزيل ورفع السلم فقط لاغير يعني الرش واحد اتمنى اني افدتك اخوك ابوعبدالله

[ابوخالد رحال]

ياحبي للغطاط قصدك ان الستوكات تتحكم بالرش يمين ويسار فقط يعني الزمة مالها حل ؟ وهل جربت على اكثر من شوزن ؟ وشكرا

[Auto-5]

بندقك ما فيها شيء هذا الأمرمقصود من الشركة نفسها لأن غالبية بنادق الرش مصنوعة حسب الذوق الأمريكي وهم لا يرمون الأ طيار ولا يرمون الاجسام الثابته ولذلك يكون الرأي تجليس الطير فوق الحبة بحسب بعده وقربه وبالمناسبة هم ترى يرمون وعيونهم كلهم مفتحات وهو الصحيح عشان تقدر تشوف الطريدة الاخرى غير المستهدفة كي تغير التركيب نحوها ..
حبيبي لا تغير شيء والستوكات مصممة للنحراف كما قال أخي يمين وشمال وخاصة للشخص اللي يرمي باليمين واللي يرمي بالشمال ...

[ياحبي للغطاط]

ياحبي للغطاط قصدك ان الستوكات تتحكم بالرش يمين ويسار فقط يعني الزمة مالها حل ؟ وهل جربت على اكثر من شوزن ؟ وشكرا

نعم اخوي خالد اللي يتحكم في اتجاه الرش يمين او يسار هي الكيتات(الحديده اللي داخل العقب)اما الستوكات اللي هي (a b c z)دورها تنزيل ورفع سلم الماصوره لكي يتناسب مع جسم الرامي فقط ونعم جربنا على سلاحين m2 وبلاك ايقل ونفس النتيجه اما الزمه وانا اخوك بالنسبه لي تعودت عليها وبالعكس صارت افضل من القرار:good2:

[راعي البيكال.]

انا معي بيكال ام خمس
مركب تشوك 960
الرميه اخليها تحت الصيده
اشووف شيء طبيعي بالنسبه للبيكال
والفشق له دور بعد

[ابوخالد رحال]

ياحبي للغطاط كلامك واضح اخوي واللي منتشر عند الناس انها اذا تزم تغير الستوك عشان .... لكن انت جربت والتجربة خير برهان وللمعلومية ماهو كل البنيلي تزم السوبر سبورت ماتزم وعندك البيكال والماكسس تزم وبنظري ماهو عيب هي مسألة تعود ... شكرا لك

[مشاري الجوف]

نعم اخوي خالد اللي يتحكم في اتجاه الرش يمين او يسار هي الكيتات(الحديده اللي داخل العقب)اما الستوكات اللي هي (a b c z)دورها تنزيل ورفع سلم الماصوره لكي يتناسب مع جسم الرامي فقط ونعم جربنا على سلاحين m2 وبلاك ايقل ونفس النتيجه اما الزمه وانا اخوك بالنسبه لي تعودت عليها وبالعكس صارت افضل من القرار:good2:
وضح الله يجزاك خير كيف الكيتات الي داخل العقب موفاهم وضضح الله يجزاك خير انا اللي فاهمه ان التشوكات هي اللي تتحكم بزمة البندق وششكرااا لك

[jh2887]

للرفع
نرجو من أهل الخبرة موافاتنا بالحل حيث أن المشكلة قائمة

[أولمبي]

طيب وش المشكله اذا حطيتها تحت الصيده كل الشوزان الجديده تزم
انا معي سوبر فنشي تزم يوم بحثت واستفسرت لقيت كل الشوزان الحديثه تزم وتبي الصدق والله ان هالسالفه زينه
وهالشوازن الحديثه هذه مخصصه لرمي الطيار على فكره لان الامريكان مايرمون الا طيار فنانين بالرمي
وانت عاد لا تسوي فيها شيء لا تغير ستوك ولا غير حط تشوك رقم 2 وراح يعجبك في الطيار
ومن خلال تجربتي الشوزن اللي تزم رشها افضل من الشوزن اللي بالهدف مباشره او اللي تهفي
فنصيحتي لك لا ترهم ولا تسوي في شوزنك شيء خلها على مثل ماهي عليه بس انت خلك على هالشتوك اللي قلت لك وجرب
انا اول ماشتريت السوبر فنشي احسب فيها مشكله لكن بعد ماجربت البرتا والونشستر لقيتها كلها نفس الرمي
تزم
واذا تبي الشوزن اللي ماتزم بس توجهه خشم البندق للصيد وترميه بعها وخذ لك تركيه ام بطه بس الله يعينك على كثر مشاكلها
وسلامتك

[ابومحمد 2013]

يعني الستوكات مالها دخل في الرفع والتنزيل

[الخزيمkzeem]

اخي الكريم اظن طريقة رميك خطا