عاااجل الله يرحم واللديكم المساعده ولكم مني الدعااء

[قل ماشاء الله]

السلام عليكم ..

مسااكم الله بالخيرر .

ياخوان انا جزمت باذن الله ارووح للامارات ابشري سيارة ولكن المشكله في مبلغ السيارة كيف انقله ؟؟

فيه ناس يقولون خذه معك بس سالفة اني اخذه معي اتخوووف .

وفيه واحد قالي فيه بنك ابوظبي الوطني بالرياض افتحلك فيه احساب وحط افلوسك فيه

وسحبها من هناك واشووف ان هااذا افضل حل .

وش راايكم ياخوان ؟

وهل فيه احد جررب هالبنك ووين موقعه ؟

وهل فيه افضل من هالطريقه؟

والله يووفق اللي يررد

[ابو ف]

ودي والله افيدك

لكن سالفة تأخذ فلوسك معك كاش لاتفكر فيها نصيحه بتاتا

[ابوعبدالرحمن.]

أخي الكريم ..

بالنسبة لموقع البنك . شارع العليا العام
اما المبلغ اذا معك سيارة لا تخاف الا من الله والله انا مسافرين ومعنا 120000 وستر الله ولكن مغامره

الافضل لك تتاكد كم المبلغ اللي مسموح لك نظاماً تحمله معك وانت مغادر الحدود انا متأكد فيه مبلغ معين وما زاد له اجراء اخر .(هذا طبع اذا حصل تفتيش ووجد معك المبلغ)

اذا اول مره تشتري من هناك انتبه الى السيارة اللي تشتريها فيه نصب من اخواننا العراقيين والهنود اللي هناك بعض الاحيان تكون السيارة مصدومة والا دركسيون يمين ومعدل يسار والا تكون موصله شاصيه وانتبه فيه شروط للجمارك عند الدخول .
الله يوفقنا وياكم وترجع بالسلامة.

[جلاد الحباري]

اخوي مر البنك اللي لك حساب فيه واطلب شيك مصدق على دولة الامارات خذ هالمعلومه كل دولة لها بنك مراسل وراح يعطونك شيك مصدق بالدرهم الاماراتي تروح للبنك المراسل او اي بنك في الامارات يصرف لك الشيك او اذا النظام يسمح بالتجيير جيره للي شريت منه سياره وهو يصرفه

[قل ماشاء الله]

بيض الله وجهكم ماقصرتم والله يوووفقكم ..

بس موقع البنك بشارع العليا وين بالضبط وانا جاي من خريص ادخل لشارع اروح يمين او يسار ؟؟

وينه عن جرير ؟؟ اللي بالشارع

[بن نويشر]

شيك مقبول الدفع على أي بنك بالإمارت وصلى الله وبارك ...

[ابوعبدالله 00]

ياخي خذ فلوسك كاش وريح راسك والحامي الله ماراح احد يتعرضك ان شاءلله