عاااجل الله يرحم واللديكم المساعده ولكم مني الدعااء

[قل ماشاء الله]

السلام عليكم ..

مسااكم الله بالخيرر .

ياخوان انا جزمت باذن الله ارووح للامارات ابشري سيارة ولكن المشكله في مبلغ السيارة كيف انقله ؟؟

فيه ناس يقولون خذه معك بس سالفة اني اخذه معي اتخوووف .

وفيه واحد قالي فيه بنك ابوظبي الوطني بالرياض افتحلك فيه احساب وحط افلوسك فيه

وسحبها من هناك واشووف ان هااذا افضل حل .

وش راايكم ياخوان ؟

وهل فيه احد جررب هالبنك ووين موقعه ؟

وهل فيه افضل من هالطريقه؟

والله يووفق اللي يررد

[نآآآصر]

افضل شي تحول فلوسك من هنا وتروح تشتريه من هناك
لان لو بتحول من هناك بياخذون عليك عموله

[مكشتاتي]

السلام عليكم اخي العزيز. خذ فلوسك شيكات على مااعتقد كل شيك حوالي ٣٥الف افضل لو رحت للبنك افادوك
وبالتوفيق

[أبو أسامة]

اخوي انا سافرت للامارات قبل شهر كنت ابي اشتري من هناك المهم
الفلوس اما تاخذها معك او انك تفتح حساب في بنك الامارات موقعه على طريق الملك فهد ويبيلك ثلاث ايام قبل ماتشتري السيارة او تاخذ شيك مصدق من بنكك وتوصلله لاي بنك بالامارات وهذه تبي ثلاث ايام مع ان البنوك مثل الراجحي مايعطيك اكثر 35000 ريال شيك مصدق او انك تسافر بوقت ممتاز الصباح مثلا علشان الساعه10 او 11 تكون ببنك الراجحي في منفذ البطحاء وتسحب فلوسك وتدخل الامارات على طول ولعلمك البنك في المنفذ وقت دوامه مثل باقي فروع الراجحي من الساعه 9.30 الى الساعه 5 العصر فقط يعني في الليل مغلق
اخي الكريم نصيحة لا تحول فلوسك لدرهم اماراتي لانك ممكن ماتشتري وتخسر فرق العملة مع العلم بان محلات الحوالة بالامارات يحولون على 97 الى 97.5 لكل 100 ريال سعودي . اخي اذا تبي جيوب رح للعين لكن الله يعينك على الشربطية السعوديين هناك بالهبل واذا سلمت عليهم مايردون السلام او دبي لان فيها نظيف لكن قليل وبسعر اغلى من السعودية و العين بعد غاليه وابو ظبي مالقيت مستعمل الا فيه سمكره او جديد بدون لوحات ومامن فرق عن اسعارنا هنا على شان كذا رجعت وهونت واستثمرت الفلوس بمشروع يعني الزبدة اشتر من هنا ابرك لك مامن فرق هناك عن هنا

[ksa 8888]

سلام عليكم انارحت الامارات وفلوسى فى جيبى وشريت سيارة والفرق الموصفات فى بعض السيارات:l:f

[مرير الشوق]

أنا أشوف افضل حل

انك تفتح حساب في بنك الامارات في الرياض طريق الملك فهد

ومن ثم تودع فلوسك فيه

وتطلع للامارات وتسحب فلوسك من نفس البنك وفروعه هناك كثيره جداً

بس احسب حسابك على فارق العملة قبل لا تودع

مثلاُ محتاج تشتري موتر من هناك بـ 100 آلف درهم << لاحظ درهم

لازم تودع آكثر من كذا بالريال السعودي

والاهم من ذلك حاول تسآل البنك من هنا على طريق الايداع من السعودية والسحب من هناك

واذكر اني سآلتهم من زمان وافادوني بأنه مسموح

ولكن تآكد على الرقم : 012012980 بنك الامارات

وبالتوفيق

[ملتهي]

خذ الدراهم معك وماعليك الا العافيه
وانصحك رح لمعارض ابوظبي انا شريت منهم ارخص من دبي وانظف من جيوب العين
بس تاكد من المقاصه عشان مايجمركونك بالمنفذ

موفق اخوي

[سطاام]

كل الشباب الي يروحون : فلوسهم معاهم : لابنك ولاشيكات ولا اي قروشـه
اخذ فلوسك معآآك وتوكــل على اللـه

[You Like Me]

والله لو المبلغ 20 او 30 الف مافيه مشكله
لكن اني اشيل مئات في جيبي واسافر خط مصيبة والله
مع ان اغلب الشباب ماعندهم مشكله بهالطريقة

والأفضل طال عمرك اذا معك احد تسوي شيكين مصدقه او ثلاثه كل ما قللت مبلغ الشيك يكون افضل
لإن فيه بعض البنوك في الامارات ما تصرف لك كامل المبلغ اللي بالشيك وتطلع بمشكله جديده

تسوي شيكات مصدقه من فرعك بالسعوديه
وتقسم المبلغ بشيكات بإسمك وبإسم اللي معك
او تكون جميع الشيكات بإسمك لكن قسمها بأكثر من شيك انتبه تخلي كامل المبلغ بشيك واحد
واسأل البنك عن الطريقه ولو تتصل على نفس الفرع اللي بتحول او تصرف منه تتأكد
كم الحد المطلوب للشيك المصدق من السعوديه يكون افضل
والله يسهل امرك