مساعده لاهنتو

[أبومحمد عنيزة]

السلام عليكم ورحمة الله وبركاته:

مساء الخير للجميع وبارك الله فيكم

يالربع أنا عندي شبك طول وعرض 2 متر هل يصلح لقرنسة الطير وهل أخليه طلق ولا على الوكر أحسن؟؟ علما ان الطير وكري ووش تنصحون فيه الله يجزاكم الجنه لأني بربطه عندي بالبيت وجزاكم الله خير والله يوفقنا وياكم لما يحب ويرضى

[لبيه يمنادي]

يفضل الربط طال عمرك لعدة اسباب :

- صغر حجم الشبك .

- خوفا من ان يطلع الطير من الشبك عند فتح الباب بالخطء

بالتوفيق أن شأ الله

[جبار1]

يربط على وكره أحسن

حتى مايتظرر ريشه أهم شي الضل

كذالك للأسباب اللي ذكرها أخوي أعلاه

[(هزاع)]

يصلح ربط ولايصلح طلق
والوكر سنتر بالنص والجرير 70 سنتي من الوكر للساق
ولاتنسى المكيف والماء بقدح وفرع الطير
وبعد عن الحمام الحمام ناقل للمرض

[اسلي نفسي]

افادوك الاخوان

[اقدم صقار]

اخوي توك تربط الحين !!!!!!!!!!
الناس رابطه من شهر ثلاثه واللي متأخر شهر اربعه
الله المستعان وعسى الله يعينك على الربطه ويمكن ما يصفي
على العموم افادوك الاخوان وما قصروا وعسى الله يدلك على مافيه الخير
تقبل مروري

[أبومحمد عنيزة]

الله يجزاكم خير يالجماعة على المرور ومساعدتكم

[أبومحمد عنيزة]

ولكن بالنسبة لعلف الطير اذا كان اخوي هزاع يقول ان الحمام مايصلح هل أنوع له ولا أعلفه سمان(فري) وبس؟؟


وجزاكم الله خير