diva
26/05/2012, 12:15 AM
السلإم عليكم جميعا
تحيه طيبه للكل..
نخش في المهم انا سلمكم الله من كل مكروه عندي كامري 2002
وقبل شهرين سافرت عليها عمره ومن ثم لجده وبعدها رجعت لديرتي
بعد مارجعت بيومين او ثلإث لاحظت ان عزم السياره بطئ مره بطئ بطئ وفيه صوت كأنه احتكاك محاله ولا بكره الدينمو بس ماهو منه لانه من تحت
المهم قعدت على هالحاله مستغرب
قلت اصبر لين يتوفر عندي سيوله وادخلها لاقرب ورشه لاني بمنتصف الشهر
المهم كان شكي من سير التيمن (جنزير الصدر ) شيكت عليه طلع سليم <<كنت احسب الصوت منه
طلعت السياره وفجاه ضربت حفريه بسيطه كأي حفريه ممكن الواحد يضربها<من زين شوارعنا طبعا
المهم طفت السياره فجأه شغلتها اشتغلت صرت اول ما اضرب حفريه بسيطه او ارقى مطب تطفي
المهم قعدت من ورشه لورشه ويفكفكون مالقينا شئ
واروح لكهربائي قال ابي اركب افحصها مع خط
قلت اركب ومشينا طبعا ابي اوريه الحاله قعدت ادور اقرب حفريه ومشيت فوقها طبعا هالمره ضربت فيها بقوه وكنت مشغل المكيف
طلع صوت احتكاك يخرع كأنه طالع من القير
قال امش للورشه سالفتك تخرع مو بسيطه
قلت رح الله لايقبل هالوجه
مشيت وبهالصوت لين ماوقفت عند مميكانيكي سعودي قال هذا يا من القير او السلف
قال يارب مايكون من القير
المهم ولله الحمد طلع سلك للسلف مجروح ومحتك يسبب المشكله
المهم قال رح عندنا كهربائي ممتاز خله يفحصها
وديتها عنده وقام يفكفك ويخبز عرفت من وجهه انه دلخ
قلت هاه قال ويبي يصرف الكلبب لازم سلف ب3000 ريال <<طبعا يبيني اروح منه اذا شافني خفت من السعر
المهم قطع السلك اللي يسبب صوت لانه عالي لا واذا بغيت اشغلها لازم اشبك السلك اللي قطعه بشي موصل عشان تشتغل السياره قلت الله يلعن هالوجه المهم زادها بلا
وقعدت اهتر به شوين لين ماقال فيه سوري
هناك وهو فنان سيارات
قلت يالله مشينا
رحت يمه وقال بسيطه بس جب دقمه ب235 ريال
جبت له وحط لي سلك جديد للي يروح السلف
المهم طلعت وانا احسب المشكله راحت مشيت من السوري وكان شغله صح وعارف الشغله
بعدها يبومين طلعت المشكله لا وتطورت الميكف ماكان يشتغل والسياره اذا وقفت عند اشاره ولا هديت تطفي وتطفي عند اي حفريه يعني كنك يابوزيد ماغزيت
المهم قلت اخر الدوا الكي اوديها الوكاله لعل عندهم فنيين صح
دخلتها قالي فاروق موظف الاستقبال اصبر خل تجربها انت والفني
وبمجرد ماطفت عند اقرب حفريه قال وبصوت خشن (فضاوه بالظفيره)
وكان كلام هالداهيه صحيح
المهم طلعت وراحت مشكلة الطفيه بس العزم للحين ردي
رجعت لهم قلت والله يافاروق العزم رايح ملح وش السواة قال انت وسيارتك مالك الا تفحصه كمبيوتر
قلت تم افحص
المهم فحص ودق علي قال تعال
طلع ابن اللذينا يبي يغير كل شي بالسياره بس القير والمكينه ماغيرهم
وطلعن الفلوس 9 الاف الله يكيفينا واياكم الشر
قلت لاااه ماني مصلح ولاني مغير شي ابي اطلعه وابي اعطيك حق الفحص قال اوكي
والحين كل مامريت ورشه قال مانعرف بـ التماتك
انا وش اسوي انا وش اسوي كرهت السياره وودي ابيعه
مع ان من ظواهر مشكله العزم اللي طلعت ان عداد الrpm(الظغط) يلعب لعب
يعني اكون دااز امشي 80<<اخر عداد السياره ههههه
والظغط يكون 2 ونص مثل اخلي البنص ابي اهدي للمطب ينزل بسرعه عداد الظغط لين 1 بعدين يرتفع شخطه ويرجع لواحد
وش سالفته مسكونه وايضا البانزين تشربه شررب
تصدقون اول اذا ركبت خوياني افلله ب20
نروح نفتر وندووج وللحين فل لدرجة ان بعض العيال يقولون الامبير شكله خربان
قلت اتفلو عليها لاتروح وطي السياره
والله وش زينها يوم شريتها والحين كرهتها كرررره
تصدقون القلابي يسبقني وابي اجاكره يطرحن
تكفون يالنشامى الحل الحل
تحيه طيبه للكل..
نخش في المهم انا سلمكم الله من كل مكروه عندي كامري 2002
وقبل شهرين سافرت عليها عمره ومن ثم لجده وبعدها رجعت لديرتي
بعد مارجعت بيومين او ثلإث لاحظت ان عزم السياره بطئ مره بطئ بطئ وفيه صوت كأنه احتكاك محاله ولا بكره الدينمو بس ماهو منه لانه من تحت
المهم قعدت على هالحاله مستغرب
قلت اصبر لين يتوفر عندي سيوله وادخلها لاقرب ورشه لاني بمنتصف الشهر
المهم كان شكي من سير التيمن (جنزير الصدر ) شيكت عليه طلع سليم <<كنت احسب الصوت منه
طلعت السياره وفجاه ضربت حفريه بسيطه كأي حفريه ممكن الواحد يضربها<من زين شوارعنا طبعا
المهم طفت السياره فجأه شغلتها اشتغلت صرت اول ما اضرب حفريه بسيطه او ارقى مطب تطفي
المهم قعدت من ورشه لورشه ويفكفكون مالقينا شئ
واروح لكهربائي قال ابي اركب افحصها مع خط
قلت اركب ومشينا طبعا ابي اوريه الحاله قعدت ادور اقرب حفريه ومشيت فوقها طبعا هالمره ضربت فيها بقوه وكنت مشغل المكيف
طلع صوت احتكاك يخرع كأنه طالع من القير
قال امش للورشه سالفتك تخرع مو بسيطه
قلت رح الله لايقبل هالوجه
مشيت وبهالصوت لين ماوقفت عند مميكانيكي سعودي قال هذا يا من القير او السلف
قال يارب مايكون من القير
المهم ولله الحمد طلع سلك للسلف مجروح ومحتك يسبب المشكله
المهم قال رح عندنا كهربائي ممتاز خله يفحصها
وديتها عنده وقام يفكفك ويخبز عرفت من وجهه انه دلخ
قلت هاه قال ويبي يصرف الكلبب لازم سلف ب3000 ريال <<طبعا يبيني اروح منه اذا شافني خفت من السعر
المهم قطع السلك اللي يسبب صوت لانه عالي لا واذا بغيت اشغلها لازم اشبك السلك اللي قطعه بشي موصل عشان تشتغل السياره قلت الله يلعن هالوجه المهم زادها بلا
وقعدت اهتر به شوين لين ماقال فيه سوري
هناك وهو فنان سيارات
قلت يالله مشينا
رحت يمه وقال بسيطه بس جب دقمه ب235 ريال
جبت له وحط لي سلك جديد للي يروح السلف
المهم طلعت وانا احسب المشكله راحت مشيت من السوري وكان شغله صح وعارف الشغله
بعدها يبومين طلعت المشكله لا وتطورت الميكف ماكان يشتغل والسياره اذا وقفت عند اشاره ولا هديت تطفي وتطفي عند اي حفريه يعني كنك يابوزيد ماغزيت
المهم قلت اخر الدوا الكي اوديها الوكاله لعل عندهم فنيين صح
دخلتها قالي فاروق موظف الاستقبال اصبر خل تجربها انت والفني
وبمجرد ماطفت عند اقرب حفريه قال وبصوت خشن (فضاوه بالظفيره)
وكان كلام هالداهيه صحيح
المهم طلعت وراحت مشكلة الطفيه بس العزم للحين ردي
رجعت لهم قلت والله يافاروق العزم رايح ملح وش السواة قال انت وسيارتك مالك الا تفحصه كمبيوتر
قلت تم افحص
المهم فحص ودق علي قال تعال
طلع ابن اللذينا يبي يغير كل شي بالسياره بس القير والمكينه ماغيرهم
وطلعن الفلوس 9 الاف الله يكيفينا واياكم الشر
قلت لاااه ماني مصلح ولاني مغير شي ابي اطلعه وابي اعطيك حق الفحص قال اوكي
والحين كل مامريت ورشه قال مانعرف بـ التماتك
انا وش اسوي انا وش اسوي كرهت السياره وودي ابيعه
مع ان من ظواهر مشكله العزم اللي طلعت ان عداد الrpm(الظغط) يلعب لعب
يعني اكون دااز امشي 80<<اخر عداد السياره ههههه
والظغط يكون 2 ونص مثل اخلي البنص ابي اهدي للمطب ينزل بسرعه عداد الظغط لين 1 بعدين يرتفع شخطه ويرجع لواحد
وش سالفته مسكونه وايضا البانزين تشربه شررب
تصدقون اول اذا ركبت خوياني افلله ب20
نروح نفتر وندووج وللحين فل لدرجة ان بعض العيال يقولون الامبير شكله خربان
قلت اتفلو عليها لاتروح وطي السياره
والله وش زينها يوم شريتها والحين كرهتها كرررره
تصدقون القلابي يسبقني وابي اجاكره يطرحن
تكفون يالنشامى الحل الحل