اختلااااف في احجاااااااام الشوااااهين

[سلطان 1]

]السلاااااام عليكم ورحمه الله وبركااااته

اصبح علي اعضاء وزوااااار مكشاااااات.

يالربع قد صااااااار نقاااااش في احدئ المواااااضيع علي حجم الشااااهين البحري

وانا وأعوذ من كلمه انا

وعلئ قد معرفتي المتوااااااضعه ومن عرفت العلم وشفت الشوااااهين ما قد شفت ولا سمعت ان فيه شااااهين بحري قياااااااسه 17 أو اكثر
شفنا وسمعناااا ان فيه شااااهين قيااااسه 16 ونص ونااااااادر بعد.

حنا في سنيناا التااااليه غزتناااااا الشوااااهين البحرياااااات التفاااااريخ اللي مااااتفرقهاااا عن الوحش ويمكن هالشي هو السبب اللي خلا بعض الصقاااااقير يقول نعم فيه شوااااهين قيااااسهاااا 17 او ازوووود
لانه شااااف و قااااس شاهين تفريخ وهو مااا ينلاااام انغشو صقااااقير كبااااااار في هالشي.
]
انا ما نزلت هالموووضوع الا للاستفااااده
لان فيه صقاااقير مبتدئين وبتصير عنده معلومه ان الشاااهين يجي 17 او ازود في القيااااس.

اخيراً / يمكن انا اكون غلطان وهم الصح.
لكن هذا حد علمي ومعرفتي المتوااااضعه في الصقااااره.
ابي اسمع ارااااااااء الصقااااقير اللي لهم خبره بالشوااااهين.

أخوكم
سلطان 1

[عواد الشمري2]

كل شي جايز يجي الله والعالم وعلى قولتك نوادر ونشوف راي الربع

[نوووماس]

السلام عليكم ورحمه الله وبركاته
صبحك الله بالخير اخوي صلطان1
الي نعرفه بالعاده البحريه التامه تجي من 15 ونص بالكثير وممكن توصل 16
وانا معك بالراي والوقت الحالي تجي تفاريخ مقصوصه حجولهن وتغالطو فيهن الصقاقير
ولا تدري وش الصحيح والله اعلم
يعطيك العافيه على الموضوع المفيد لي ولاخواني
تقبل مروري

[أبو فااارس]

السلام عليكم ورحمه الله وبركاته
صبحك الله بالخير اخوي صلطان1
الي نعرفه بالعاده البحريه التامه تجي من 15 ونص بالكثير وممكن توصل 16
وانا معك بالراي والوقت الحالي تجي تفاريخ مقصوصه حجولهن وتغالطو فيهن الصقاقير
ولا تدري وش الصحيح والله اعلم
يعطيك العافيه على الموضوع المفيد لي ولاخواني
تقبل مروري
صبحك الله بالخير .. ماآآزود على كلام اخوي سلطان انطرحت شيهانه إذا ماني واهم بالكويت العام وقيل ان عرضها زاد عن ال16شي بسيط وهاذي تعتبر نادره أما 17 وزود مايجي الا تفاريخ

[(هزاع)]

ياهلا بالموضوع وراعيه
اما من جهت شوف العين شفت15,5عرض×15طول
اما مشاهد الصور شاهدة صور جابها ابو رداد لاف المتر حول الفرخ ومصوره عرض 16,5
ونا ماجازلي موضع القوس كنه نازل شوي
وهن قطعة شياهين فروخ
والفرخ اللي على الدس ناهي وسره وركزه وحقوف وضخامه ومشدق وعاتق وكفوف
تبارك الخالق فيما خلق
والله الرجال يقول طرح العراق
والتفريخ يدخل فيه علم ويلعبون في جينات كل شي يطري على بالك
الله المستعان يابوفيحان
الصور والرابط


http://www.mekshat.com/vb/showthread.php?t=168004


http://www.mekshat.com/pix/upload02/images87/mk8675_t1.jpg
,,,
http://www.mekshat.com/pix/upload02/images87/mk8675_t2.jpg
,,,


وهذه ال 16 ونصف عرض
http://www.mekshat.com/pix/upload02/images87/mk8675_t3.jpg
,,,
http://www.mekshat.com/pix/upload02/images87/mk8675_t4.jpg

[ذراع الذيب]

السلام عليكم ورحمة الله وبركاته..
مسيت بالخير يابوفيحان..

الفرخ اللي مقاسه 16 وينه هالايام كم فرخ يطرح بالممكله مقاسه 16..
ان طرح منه طير او طيرين نعمه من رب العالمين واللي مقاسه 16 ونص هذا نااااادر..
ولاطرحته يابوفيحان ابي ارسلك صورة المتر على ال 17 وهو بالاساس مقاسه 16 ونص راهي..
لاكن ادلع المتر شوي هههه يكرمنا ويكرمك يالنشمي وتحياتي لك,,

[عابر الموج]

اخوي عندنا مثل يقول لاتعطي عقلك غيرك وخدمه مع الصقر 32 سنة من فضل الله الشاهين البحري الوافي 16 بالطول والعرض زيادة عن هذا المقاس غير اصيل تقبل تحياتي

[صقار محترف]

اكثر ماشفت شوف العين 16 × 16 وكانت اندر فرخ شياهين اشوفها واكثر من كذا ماشفت
ويمكن المقاس يختلف من شخص لشخص لكن الاكيد اكثر من هالمقاس اما تفريخ واما اللي يقيس الطير ماهوب تكانه

[مخلف الهقوات]

ابو فيحان حياك الله طرح الشبك مقاساته معروفه و ال 16 نادرة اما التفريخ كل شي يجي منه

[الشلاعي]

ابو فيحان الله اعلم مافيه اكبر من ال16

وياليت كملت جميلك وطلبت رأي اخويانا بمقاسات الشياهين الجبليات طرح السعوديه

[سيف الهواء]

ماسمعت ولاشفت بحريه اكبر من 16

كلامك صح ميه ميه

[ابو محمد1111]

و الجبليات وش وضعهن

[ابرق الحرار]

بالنسبة لاحجام الشياهين لايوجد اكبر 16.5 عرض طبعا اما بالنسبة للطول فلايتجاوز 15.5 على حسب فهمي المتواضع ونشكر الجميع على الافادات

[راشد الهاجري999]

عفواً إخواني كلامكم سليم بالنسبة للشاهين المهاجر نادر فيه ١٦،٥ لأكن يوصلها عني شفت شاهين ١٧ ولاكن ماهو من المهاجر بل البيلز الروسي والشاهين فصائل كثيره منها الأوربي بأنواعه والروسي الخطير والهندي والاسترالي وكل منها ينقسم انواع هذا مالدي واتمنى أني أفدتكم

[جير دبي]

هلاوالله وغلا بابوفيحان
موضوع طيب
يتكلم عن حجم الشاهين البحري
مثل ماهو معروف
فصايل الشاهين كثيره
منتشره على معظم مساحات العالم
بحجام مختلفه والوان مختلفه ولانستغرب
وبنسبه لتفريخ الشاهين( لبيورالخالص)
مافيه تدخل من البشر في الجينات الاصليه
لشاهين لاضافه حجم.
تحياتي وتقديري

[راشد الهاجري999]

http://http://farm3.static.flickr.com/2621/3879736927_39e420fa4d.jpg

[راعي غضبان]

هلابك ابوفيحان كلام صقار وكلامك عين الصواب انا اكبر ماشفت 16 وهذه الشاهين الوحش العابرة علينا وانا اقول الله يعطيك العافيه علئ هذا الموضوع الرائع الي في محله وصدقت كثر ذا الايام الي يقولون 16 ونص الا 17 وهذا مامر علي والله يرزقك بالوافيه يارب طرح الشبك الي عرضها 16 اللهم امين. والا تبي 17 اظن مانت لاقي الا من كوزمنت هههههههههه. وتقبل مرووررررررررري ولك من احس التحايا

[خيال سهيل]

عفواً إخواني كلامكم سليم بالنسبة للشاهين المهاجر نادر فيه ١٦،٥ لأكن يوصلها عني شفت شاهين ١٧ ولاكن ماهو من المهاجر بل البيلز الروسي والشاهين فصائل كثيره منها الأوربي بأنواعه والروسي الخطير والهندي والاسترالي وكل منها ينقسم انواع هذا مالدي واتمنى أني أفدتكم

كلامك سليم واحب اضيف اني قريت في مواقع اجنبيه واخرى عربيه ان فيه نوع من الشياهين وليس مهاجر اكرر كلامي ليس مهاجر يقاله البليز على ما اعتقد الروكي في امريكا الشماليه يصل مقاساته 18 او يزيد عن ذالك

ولاكن هذا الشاهين مستوطن لا يهاجر ولاكن هل قياسهم مثل قياسنا ولا يقيس من الراس اى الذنيبه

وهذا موضوع اخونا مقداد يشرح عن هذا النوع من الشياهين

http://www.mekshat.com/vb/showthread.php?t=79914

والله اعلم

[فارس 74]

هلا يابو فيحان

صدقت هذي مقاسات الشواهين اللي حنا نعرف 16 وادون
الا كان الشاهين الروسي يذكرونه وانا والله مابعد مر علي ولا شفته.

[جير دبي]

صباح الخير اخوي سلطان
نسيت اذكرك قبل ثلاث سنين واحد من الشباب احضر طيورسيبيريات
وفيهن شاهين حجم ولون وعظمه كان عرضه 16ونص
طير صلد عاري من الريش مطروح في سيبيريا وخذه واحد من الشخصيات
وفعل فعل العجب في باكستان
تحياتي لك

[سلطان 1]

بيض الله وجيه المتااابعين واللي ردو وابدو اراااائهم وخبرتهم.

وهذااا هو الشي اللي ابي ااااصله
ان الشوااااااهين ناااااااادره اللي يجي مقاااااسهاااا 16 ونص
هذاااا السبب الرئيسي اللي خلااااني انزل المووووضوع.
اخوي راااشد لا هنت لكن حناااا نبي الشاااهين المهااااجر.

[المان العرب]

يامرحبا يابوفيحان وشلونك طال عمرك عساك بخير .....
ندخل بالموضوع انت خابر اني رجال احب شياهين وخص لمنها جاتك فرخ الي مرت علي العرض 16والطول 15ونص وغيره مامرت اسمع ناس يقولون 17 ولاقد شفتها واشك اذا جات 17 انها تفريخ ميه بالميه
وتراك ابخص مني :good2:

وتقبل مروري

[جير دبي]

بيض الله وجيه المتااابعين واللي ردو وابدو اراااائهم وخبرتهم.




وهذااا هو الشي اللي ابي ااااصله
ان الشوااااااهين ناااااااادره اللي يجي مقاااااسهاااا 16 ونص
هذاااا السبب الرئيسي اللي خلااااني انزل المووووضوع.


اخوي راااشد لا هنت لكن حناااا نبي الشاااهين المهااااجر.

حياك الله اخوي سلطان بالنسبه لهجرة الجوارح وبلأخص الشياهين ومن ظمنها الجيرات
السيبيريه ,وحتى شاهين الابليس كلها تهاجر في حدود مناطقها
,من مثل لبليس يهاجر من الشمال كندا للجنوب ,وينطبق هذا على السيبيري في نفس محيطها وهي امريكا ,
ومن شمال اوربا الى اطراف اسيا .ويذكر فيما سبق طرح جير قبل 60 سنه انطرح جير سيبيري في الكويت .
ومب شرط كل الفصايل تمر في خط الهجره على الجزيره العربيه ,.واكثري الطيور الي تطرح عندنا ماكرها وااحد
من شرق اوربا وبحر قزوين ..
تحياتي

[ذراع الذيب]

يابوفيحان اللي مقاسها 16 ونص ياعساني اشوفها قد مااطروها الرياجيل ماشفتها الابالصور هههه

[ابوبندر2012]

كلام اخوي عابر الموج عين اصواب

[اقدم صقار]

اخوي عندنا مثل يقول لاتعطي عقلك غيرك وخدمه مع الصقر 32 سنة من فضل الله الشاهين البحري الوافي 16 بالطول والعرض زيادة عن هذا المقاس غير اصيل تقبل تحياتي




:good2::good2::good2::good2::good2::good2::good2: اشكرك على صراحتك
هذا الكلام اللي ما عليه غبار

[فيصل الجربوعي]

الي سمعت من شيبان اهل شواهين
16و شرطتين يعني اقل من النص
ويمكن الي قاس عند الشيبان مايعرف للمقاس زي صقاقير اليوم
يمكنة زود شرطتين
الخلاصة 16 عرض مافية ازود منها وغيرها
ما اتوقع
وهذا رأيي الشخصي
وللمعلومية وغيركم الي يعلم
اخوي عندة فرخ شاهين هالسنة وقيضها وماشاء الله عليها باقي معها 3 ريشات بتصفي مع الحرار بدون كورس
يعني مشكوك الف في المية في امرها

[أبو أمين]

حيالله ابو فيحان


١- انا ملاحظ ان بعض الاعضاء الكرام ما فهموا فكرتك زين وهذا الشي منك انت لازم توضح

انا عارف انك تقصد شواهيننا اللي حنا نعرف من مبطي ومن تالي لكن البعض يحسب انك شملت الشاهين كله

ولا الناس خابره ان شاهين البيلز يجي اكبر من الشيياهين المعروفه ويوصل ال ١٧ ويتعداها

لكن الكلام عن الشاهين البحري المعروف عند اهل الخليج والدول العربيه الاخرى عموما اما بيلز روسي سايبري او غيره

غير مقصووووود .

٢- انا اؤمن بمقوله لكل قاعده شواذها ايمان قوي والا ما يحصل النادر اللي مغلف بكلمه (مستحيل) لكن

الكل يعرف ان طفرت الطيور وطرحها ونوادرها كان في زمن قديم ولى مع الرياح وبقي ما بقي لنا حتى

ان الطير النادر في وقتنا كان عادي في الماضي التليد ، المقصد معقوله الاولين ما طاحوا في شاهين ضخم

او طاحوا فيه والقياس بالانش لم يعرف بعد ؟ وحتي القياس بالانش قديم شوي يعني من يوم ظهر ما وجد شاهين ياصل

ال ١٧ كل هذا الكلام فرضيات لكن (يد الله مع الجماعه) والراي مع الجماعه فلذلك انا مع ان الشاهين لا يتعدى ١٦ ونص

ومع ان المتهم بري حتى تثبت ادانته ، وهذا لا يعني ان اخوان اللي قالوا العكس انهم كذابين لا سمح الله لكن انا اثق فيهم

ولا اثق في طريقه القياس ولا اقول انا اعلم واحد بالقياس لكن الا ما يحصل الخطأ فالنهايه كلنا بشر نخطي .

تحياتي

[سلطان 1]

لا هاااان من ادلاااا بدلوه وبيض الله وجيهكم.
المان العرب العين ماتعلااا علي الحااااجب.

ابو امين / بديت اشك انك قااااضي في محكمه ياخي ردودك كلهااا في متهم وبرئ. :D:

[راعي الونه]

السلام عليكم ورحمة الله وبركاته يا اخوي كلامك سليم ميه بالميه لكن تصير حالات نادره وانا شفت عند واحد بالنمسا عنده مزرعه وما عنده اي شي مهجن كله بيور مستحيل تلاقي طير مخلط الا جير الشاهين وكلنا نعرف
ليه يتم تهجينه وتفريخه لنه اثبت فعله وصار له مكان بين الشقر والبيض لكن يخوي هذا المربي انا شفت عنده شيهانه بيور ماداخل فيها اي عرق طولها 17 وتزيد وعرضها 18 واذا احد يبي ياخذ رقمه ويكلمه ويسئله فانا جاهز وتامروني امر هذي معلومتي واسف على الاطاله

[سلطان 1]

السلام عليكم ورحمة الله وبركاته يا اخوي كلامك سليم ميه بالميه لكن تصير حالات نادره وانا شفت عند واحد بالنمسا عنده مزرعه وما عنده اي شي مهجن كله بيور مستحيل تلاقي طير مخلط الا جير الشاهين وكلنا نعرف
ليه يتم تهجينه وتفريخه لنه اثبت فعله وصار له مكان بين الشقر والبيض لكن يخوي هذا المربي انا شفت عنده شيهانه بيور ماداخل فيها اي عرق طولها 17 وتزيد وعرضها 18 واذا احد يبي ياخذ رقمه ويكلمه ويسئله فانا جاهز وتامروني امر هذي معلومتي واسف على الاطاله

ياهلا ومرحباااا اخوي
راعي الونه
وحااااشاااااك من الزلل وكلااااااامك صحيح ميه بالميه.
لكن حناااا نتكلم واناااا خووووك عن الشاااهين المهااااجر
اللي يعبر.

لاهنت وبيض الله وجهك.

[البروالطير]

السلام عليكم
مساك الله بالخير يا اخي سلطان
من 20 سنة مضت وأخوك كل ما ينطرح فرخ شا هين او صقر
في ليبيا بالتحديد مدينة طبرق وضواحيها
نسئل عن مقاس الطير وبكم بيع ومن شراة
أكبر مقاس للشاهين البحري فرخ 16*16
ما سمعت او شفت اكبر من هالمقاس لغاية الساعة
لكن اذا تلاعب الاوربيين بجينات الشواهين وطلقوها
وأجت مهاجرة ؟؟؟ممكن نشوف شي جديد

[سلطان 1]

السلام عليكم
مساك الله بالخير يا اخي سلطان
من 20 سنة مضت وأخوك كل ما ينطرح فرخ شا هين او صقر
في ليبيا بالتحديد مدينة طبرق وضواحيها
نسئل عن مقاس الطير وبكم بيع ومن شراة
أكبر مقاس للشاهين البحري فرخ 16*16
ما سمعت او شفت اكبر من هالمقاس لغاية الساعة
لكن اذا تلاعب الاوربيين بجينات الشواهين وطلقوها
وأجت مهاجرة ؟؟؟ممكن نشوف شي جديد


الله يمسيك بالخير اخوي البروالطير
كلاااامك صحيح
حتي مقاااس 16 في 16 ناااااااااادر نااااادر ما نقول ماتجي لكن ناااادره.
امااا مسأله انهم يلعبون في جينااااااات الشواهين واطلقوهاااااا اتوقع انهاااا هذي هي التفاريخ.
مشكور اخوي علي المشاركة.

[راعي الونه]

وجهك ابيض يالغالي

[راعي مسكت]

بسم الله الرحمن الرحيم


والسلام عليكم ورحمه الله وبركاته



ايه ماني عارف من وين ابدا
ولكن انا معكم في طرح الجزيره مايتعدى ال16
فا الطيور الكبيره في السنين ذي كثرت لسبب مهم وهو
سهوله ووصول التاجر لاماكن هذه الطيور الي ماتوصلنا ولاهي على خط هجرتنا والتي لهجرتها حد معين ماتتعداه الا نادر جدا



مثال : يوجد جبال في افغانستان ووايران يطروحون فيها طيور غريبه على طرح هذه الدول


ومثل الجيره السيبيريه لكل لون له مكان تقريبا ينطرح فيه (الابيض والسلفر والاخضر) وكل واحد صعب يحصلون في مكان الثاني ولكن فيه استثناء وهناك منغوليا ومانقل من طيور ال الاتاي .



ونرجع للشاهين :والشواهين انواع والنوع الي يوصلنا في الخليج وماقاربها من دول هو الكالديس وويوجد نوع يشبهه جدا وهو النورديك (النرويجي) ومقاسات النرويجي تجي صغيره يعني صعب قياسه فوق ال15 ونص .




وبخصوص التفاريخ واهل المزارع (البريدريه) صعب ينتجون الكالديس وفيه كذا بريدر 2 او 3 في العالم قدروا ينتجونه وانا اعرف 2 منهم بالاسم .ولكن قياسات طيورهم تقريبا مثل طيورنا ويقولون الكاليدس اذا انخلط ببيلس او سكوتش يزيد ووزنه ولكن يبان الخلط في الكالديس ويكتشف بسهوله ؛ وبعدين شلون يتواصل الطاروح مع البريدر ووين ايران ولا باكستان تشحن لها طيور من النمسا او البرتغال .


ووبعدين هالصقاقير الي صقرو هالشواهين الكبار (هل تعتقدون انهم مايعرفون او انهم مايميزون التفاريخ ووالوحوش وخاصه انه الطير يشوفه شلون يطير وشلون يعلق وشلون يخمر ووشلون يضرب وشلون يقلب بعد مايصيد ) يعني امور كلها تفضح التفريخ


وبخصوص البيلز شكله واضح جدا جدا انه بيلز الووحش والتفريخ .
والي يعرف طواريح السيبيرات يسئلهم عن روسيا والكاليدس الوحش الي ينطرح عندهم وهو في طريقه للهجره ولا يتعدى جبال افغانستان ووباكستان وجبال ايران والعراق كبير يعني متوسط عرضه هو 16 ونص يقل نص ويرتفع نص .



وهذا ماعندي وانا اعتبر مبتدى لما يوجد في هذا المنتدى من خبراء ولكن انا استغرب منهم عدم الادلاء بدلوهم وسامحني على الاطاله انت واخواني الاعضاء .
إن أصبت فمن الله وحده ... ثم كان مما فتحه الله علي، وإن كان صوابا فهو من الله وحده وإن أخطأت فعنه أرجع فذلك من نفسي والشيطان ...

[خلف الفار]

يخلق الله مالا تعلمون
طرح السعوديه اكبر ماشفنا 16
والله هو العالم

[عشقك عيوني]

السلام عليكم
ياربع اسنه هذي طرح فرخ شاهين بحري اول الموسم شهر ١٠ مقاسه ١٦ وطوله ١٥و٥ وطير دخل على الشيخ فزاع ورد عنه استيشنات ثنتين فول ابشن ثمانيه

[عشقك عيوني]

ياااربع اشايب عنده شاهين يصفر خامس اطير مصري ومقاس عرضه١٦و٥ وطوله ١٥ وطير وزنه خيالي اطير وزنه في المقيض ١٢٤٠ وطير وحش اميه بالميهفي طبعه وسنعه وصيده ولقطاب بين في عينه لين هذا اليوم

[عشقك عيوني]

وسمعنا عن طير طرح هذي اسنه في اسعوديه اطرحه اماراتي ومعه واحدن اكويتي ويقولون يلحق ١٧ والله العالم لاكن اطير دخل على فزاع ورد عنه سيارتين وميتين الف ريال

[سلطان 1]

لا هنتو يالربع
علي مشاااااركاااااتم وبيض الله وحيهكم ووجيه من يقراأ.

الخلااااااااااصه : ان أغلبنا متفق ان الشاااهين المهااااجر قياسه من ١٥ الي ١٦.
ويجي نااااااااادر ١٦ ونص غير هذا مستحيل.

[الصقار6]

السلام عليكم ورحمه الله وبركاته
صبحك الله بالخير اخوي سلطان1
الي نعرفه بالعاده البحريه التامه تجي من 15 ونص بالكثير وممكن توصل 16
وانا معك بالراي والوقت الحالي تجي تفاريخ مقصوصه حجولهن وتغالطو فيهن الصقاقير
ولا تدري وش الصحيح والله اعلم
يعطيك العافيه على الموضوع المفيد لي ولاخواني
تقبل مروري

[قرناس شماالي]

السلام عليكم ورحمة الله وبركاته..

مسيت بالخير يابوفيحان..


الفرخ اللي مقاسه 16 وينه هالايام كم فرخ يطرح بالممكله مقاسه 16..
ان طرح منه طير او طيرين نعمه من رب العالمين واللي مقاسه 16 ونص هذا نااااادر..
ولاطرحته يابوفيحان ابي ارسلك صورة المتر على ال 17 وهو بالاساس مقاسه 16 ونص راهي..

لاكن ادلع المتر شوي هههه يكرمنا ويكرمك يالنشمي وتحياتي لك,,


هههههه

ايبالله صادق ان دلعته يكرمك

ولى الصدق بيخفي اعلوم المتر

وكلام سليم ان انطرحن نعمه من الله

:good2:

[كلي فخامه]

بصراحه ماقد شفت شاهين ياصل 17 الا تفاريخ وعلى كثر طواريح المملكه ماقد احد طرح مقاس 17

[صقار العنزي]

انت ماشفت صقور روسيا تقل عقبان
يوصل 19

[الجامح 2011]

بالنسبة لي الشياهين النادر منها اللي يوصل 16 طول وعرض .. وهذا السمع ماعمري شفت بعيني ... وفقكم الله:f:f:f

[البراء آل عثمان]

السلام عليكم ورحمة الله وبركاتة

تحيه تحبه أحبابي وعساكم طيبين وبصحه وبسلامه

يعلم الله إني مقصر لكن الوقت مب معنا ويعلم الله إني متابع لكم شبه يومي إن إستطعت


حاب أتكلم في الموضوع شوي لكن قبل ما أتطرق له

صقارتي صقاره شيبان

يعني إن
الطير يلقح فالسما - والشبط هو الذكر - والطير ما يبيض إلا خمس أولهن النادر -وعط الطير مخ الفريسه عشان ما ينساها وهكذا من معلومات منها ما هو صحيح ومنها ما هو خطيء

كبرنا وتعيلمنا وكل مره نشوف أو نسمع معلومه

ويقول تعالى (وما أوتيتم من العلم إلا قليلا )

قبل سنوات ما كان واحد يقول هذا الطير ذكر أو أنثى

واللحين تطور العلم ولا تجي عند شايب تقوله ذا الطير ذكر ولا أنثى طالع فيك

عموم المقصد من الكلام إن العلم بحر ومب لأحد يعني فيه حضارات تشوف عندها علم ما قد شفناه


فيه عالم روسي يقول لك نوع الطير وعمره وذكر أو أنثى من خلال طيرانه
هذا وش تقول (ساحر ) ماعنده سالفه ؟ ولا علم والله الأعلم

عموم

الشاهين حسب ما قرأت وأطلعت وتعلمت سلالات عديده لكن تحديدآ من السلالات إلي تقدر تقنص بها ١٩ سلاله يصل أطوالها من ١١ إلى ١٧،٥

أكبر سلاله في الشواهين السلاله البطيه - و البيلز

والبيلز يعيش في كندا
سبب عدم معرفته من شيباننا إنه ما يجينا

هذا إسم السلاله peles pregrenus ويصل طولها إلى ١٧ إنش
وتستطيع أن تبحث في قوقل عنها

http://www.traceykidstonphotography.com/Wildlife/Herons-Owls/12869514_KjgTd4/1197333197_bUQCT#!i=1197333197&k=bUQCT&lb=1&s=X2


http://www.traceykidstonphotography.com/Wildlife/Herons-Owls/12869514_KjgTd4/1197333197_bUQCT#!i=1197333197&k=bUQCT&lb=1&s=X2

بالإضافه إلى الشاهين الجبلي السيبيري مثل إجبليتنا لكن مقاسها ١٥،٥ وافيه ؟!!!

بالإضافه إلِى تقسيم شيباننا الشاهين البحري أو الجبلي
شاهين البيلز يعتبر بحري ولا جبلي ؟
هنا تتفاوت المسائل وذلك لإن المعرفه في السابق ليست هي الحاليه والمعرفه التي كانت في السابق كانت تؤدي الغرض منها لكن زادت المعرفه والحقائق ووجب تتطور المعلومات والقناعات عنها

العذر أطلت عليكم لكن مستمتع بالحوار والله يوفقك


العلم بحر ما تقدر تقول إلا سبحان الله وتتأمل في مخلوقاته

[ذراع الذيب]

السلام عليكم ورحمة الله وبركاتة

تحيه تحبه أحبابي وعساكم طيبين وبصحه وبسلامه

يعلم الله إني مقصر لكن الوقت مب معنا ويعلم الله إني متابع لكم شبه يومي إن إستطعت


حاب أتكلم في الموضوع شوي لكن قبل ما أتطرق له

صقارتي صقاره شيبان

يعني إن
الطير يلقح فالسما - والشبط هو الذكر - والطير ما يبيض إلا خمس أولهن النادر -وعط الطير مخ الفريسه عشان ما ينساها وهكذا من معلومات منها ما هو صحيح ومنها ما هو خطيء

كبرنا وتعيلمنا وكل مره نشوف أو نسمع معلومه

ويقول تعالى (وما أوتيتم من العلم إلا قليلا )

قبل سنوات ما كان واحد يقول هذا الطير ذكر أو أنثى

واللحين تطور العلم ولا تجي عند شايب تقوله ذا الطير ذكر ولا أنثى طالع فيك

عموم المقصد من الكلام إن العلم بحر ومب لأحد يعني فيه حضارات تشوف عندها علم ما قد شفناه


فيه عالم روسي يقول لك نوع الطير وعمره وذكر أو أنثى من خلال طيرانه
هذا وش تقول (ساحر ) ماعنده سالفه ؟ ولا علم والله الأعلم

عموم

الشاهين حسب ما قرأت وأطلعت وتعلمت سلالات عديده لكن تحديدآ من السلالات إلي تقدر تقنص بها ١٩ سلاله يصل أطوالها من ١١ إلى ١٧،٥

أكبر سلاله في الشواهين السلاله البطيه - و البيلز

والبيلز يعيش في كندا
سبب عدم معرفته من شيباننا إنه ما يجينا

هذا إسم السلاله peles pregrenus ويصل طولها إلى ١٧ إنش
وتستطيع أن تبحث في قوقل عنها

http://www.traceykidstonphotography.com/Wildlife/Herons-Owls/12869514_KjgTd4/1197333197_bUQCT#!i=1197333197&k=bUQCT&lb=1&s=X2


http://www.traceykidstonphotography.com/Wildlife/Herons-Owls/12869514_KjgTd4/1197333197_bUQCT#!i=1197333197&k=bUQCT&lb=1&s=X2

بالإضافه إلى الشاهين الجبلي السيبيري مثل إجبليتنا لكن مقاسها ١٥،٥ وافيه ؟!!!

بالإضافه إلِى تقسيم شيباننا الشاهين البحري أو الجبلي
شاهين البيلز يعتبر بحري ولا جبلي ؟
هنا تتفاوت المسائل وذلك لإن المعرفه في السابق ليست هي الحاليه والمعرفه التي كانت في السابق كانت تؤدي الغرض منها لكن زادت المعرفه والحقائق ووجب تتطور المعلومات والقناعات عنها

العذر أطلت عليكم لكن مستمتع بالحوار والله يوفقك


العلم بحر ما تقدر تقول إلا سبحان الله وتتأمل في مخلوقاته
هلا بالغالي يالله حيه....

والله يزين امورك ونشوف ردودك ومواضيعك..

حنا معاك ان في العالم شياهين اشكال والوان واحجام تصل الى 17..

لاكن نقاشنا يدور محوره حول الشياهين التي تعبر شبه الجزيره العربيه فقط لاغير ..

هل توجد شياهين من النوع الذي يعبر شبه الجزيره العربيه يصل مقاسه الى 17 او 17 ونص؟؟

فيه ناس قالو فيه شياهين تصل مقاساتها الى 16 ونص وصراحه انا ماشفتها الابالصور..

وعندي تحفظ صراحه من ناحية المتر مايعطون المتر حقه بتاتاً البته!!!

تحياتي لك..

[البراء آل عثمان]

هلا بالغالي يالله حيه....

والله يزين امورك ونشوف ردودك ومواضيعك..

حنا معاك ان في العالم شياهين اشكال والوان واحجام تصل الى 17..

لاكن نقاشنا يدور محوره حول الشياهين التي تعبر شبه الجزيره العربيه فقط لاغير ..

هل توجد شياهين من النوع الذي يعبر شبه الجزيره العربيه يصل مقاسه الى 17 او 17 ونص؟؟

فيه ناس قالو فيه شياهين تصل مقاساتها الى 16 ونص وصراحه انا ماشفتها الابالصور..

وعندي تحفظ صراحه من ناحية المتر مايعطون المتر حقه بتاتاً البته!!!

تحياتي لك..

لم أعلم إن كان هناك طيور تعبر بالمقاس الكبير لكن لا أستغرب إن حصل إنحراف في عمليه الهجره

ما أقدر أجزم بوجودها لكن ما أقدر أنكرها

لكن رأيي من رأي إنها صعب تعبر

تحياتي لك

[عساف @]

من عمري ماسمعت عن شاهين بحري وحش تعدا ١٦ ونص
كل الاي شف وسمعت عنه ١٦ عرض بس

[اقدم صقار]

ذبحتكم التفاريخ وراح فيها صقاقير لهم باع في الصقاره
اللي تجي من روسيا ومن الامارات ومن المانيا وفيه طيور يتعب عليها تجي من سوريا كلن ينتبه لعمره
اشكرهم على تعبهم وعلى التشميس والشغل الصح
تقل اصايل وينغش فيها ناس كثيرين
مع ان التفاريخ ما ننقص من قيمتها ولاكن الواحد يبي يشتري وهو مقتنع انه اصيل او تفريخ
يا الربع لحد يعطي عقله غيره
الشياهين المهاجره اكبرها 16 عرض وتجي نادره (قليله) اما غيرها اشك فيه 100% تفريخ
اتمنى محد يضيق من كلامي ولاكن قلته للتوضيح
ابو منصور

[البراء آل عثمان]

ذبحتكم التفاريخ وراح فيها صقاقير لهم باع في الصقاره
اللي تجي من روسيا ومن الامارات ومن المانيا وفيه طيور يتعب عليها تجي من سوريا كلن ينتبه لعمره
اشكرهم على تعبهم وعلى التشميس والشغل الصح
تقل اصايل وينغش فيها ناس كثيرين
مع ان التفاريخ ما ننقص من قيمتها ولاكن الواحد يبي يشتري وهو مقتنع انه اصيل او تفريخ
يا الربع لحد يعطي عقله غيره
الشياهين المهاجره اكبرها 16 عرض وتجي نادره (قليله) اما غيرها اشك فيه 100% تفريخ
اتمنى محد يضيق من كلامي ولاكن قلته للتوضيح
ابو منصور

يا أخ منصور العلم بحر والله خلك ونوع ولا هو نقص ولا شي لكن تقول غير كذا أشك (بأي شي تشك ) إنت أكتب في قوقل شاهين البيلز ولا أسأل أي أحد عن شواهين كندا وشف وش يقول لك التبوع مقاسها من ١٤ إلى ١٥ والوافيات منها ما يتعدى ال١٧
وش تقول في ها السلاله مهجنه وهي عايشه بالبر

[اقدم صقار]

يا أخ منصور العلم بحر والله خلك ونوع ولا هو نقص ولا شي لكن تقول غير كذا أشك (بأي شي تشك ) إنت أكتب في قوقل شاهين البيلز ولا أسأل أي أحد عن شواهين كندا وشف وش يقول لك التبوع مقاسها من ١٤ إلى ١٥ والوافيات منها ما يتعدى ال١٧
وش تقول في ها السلاله مهجنه وهي عايشه بالبر



هلا بك يا البراء
اول شي انا راعي طير من فطمتني امي وابوي وجدي قبلي ولي باع وخبره واعرف الاصيل من التفريخ ومانيب اطلق الرجال في الصقاره كلن فيه حقه ونظري مكفيني وانا ابخص بروحي
الشي الثاني الطيور (دعلت) وكلن صقر ويا ليت بعد يعرف قدر الطير ومكانته هاينه ولاعنن جده ويقول انا صقار ويغشونه بالتفاريخ عينك عينك ويقول اصيل ويحلف كأنه شابكه من الماكر ، ما درى انه من الحواس وطقته
الشي الثالث البيلز انا قريت عنها وادري انها في امريكا وهي من اشهد الطيور شراسه وصعب صقارتها ومقاساتها 18 ولاكن فيه شي مهم لازم تعرفه او بذكرك فيه انها ما تهاجر لنا في جزيرة العرب
انا نعم اشك انها تفريخ الشواهين البحريات اللي فوق 16 المهاجره لنا في جزيرة العرب وبمعني اصح انا اجزم انها تفاريخ كلها من الامارات ومن المانيا وغيرها وغيرها يفكونها بعد المقناص وتهاجر مع الطيور وتعود معها وتشبك كأنها وحوش وهي مكثرٍ ماها ، عيونها على المزارع ههههههههه
من اللي من الصقاقير المعروفين شبك شاهين اكثر من 16 في الجزيره ، ابي اسم فلان بن فلان وعلى من بيعت ؟
انا ما ابي يقولون فيه ، ابي شي موثق مع من ؟
من خلقني الله وشفت الشواهين اوفاهن 15 ونص واغلبهن 14 ونص في 14 واللي يشبك 15 ذاك الليل ما يرقد من الفرحه
اسف يا الربع على الاطاله
ابو منصور

[البراء آل عثمان]

هلا بك يا البراء
اول شي انا راعي طير من فطمتني امي وابوي وجدي قبلي ولي باع وخبره واعرف الاصيل من التفريخ ومانيب اطلق الرجال في الصقاره كلن فيه حقه ونظري مكفيني وانا ابخص بروحي
الشي الثاني الطيور (دعلت) وكلن صقر ويا ليت بعد يعرف قدر الطير ومكانته هاينه ولاعنن جده ويقول انا صقار ويغشونه بالتفاريخ عينك عينك ويقول اصيل ويحلف كأنه شابكه من الماكر ، ما درى انه من الحواس وطقته
الشي الثالث البيلز انا قريت عنها وادري انها في امريكا وهي من اشهد الطيور شراسه وصعب صقارتها ومقاساتها 18 ولاكن فيه شي مهم لازم تعرفه او بذكرك فيه انها ما تهاجر لنا في جزيرة العرب
انا نعم اشك انها تفريخ الشواهين البحريات اللي فوق 16 المهاجره لنا في جزيرة العرب وبمعني اصح انا اجزم انها تفاريخ كلها من الامارات ومن المانيا وغيرها وغيرها يفكونها بعد المقناص وتهاجر مع الطيور وتعود معها وتشبك كأنها وحوش وهي مكثرٍ ماها ، عيونها على المزارع ههههههههه
من اللي من الصقاقير المعروفين شبك شاهين اكثر من 16 في الجزيره ، ابي اسم فلان بن فلان وعلى من بيعت ؟
انا ما ابي يقولون فيه ، ابي شي موثق مع من ؟
من خلقني الله وشفت الشواهين اوفاهن 15 ونص واغلبهن 14 ونص في 14 واللي يشبك 15 ذاك الليل ما يرقد من الفرحه
اسف يا الربع على الاطاله
ابو منصور

حياك يالأمير وحشا إن واحد ينقص بصقارتك ولا هي مسأله نقص أو تقليل مسأله علميه ولا هوكلام أخذ وعطى وسالفه يقولون كلنا مهب عندنا والحمدلله كلنا خذينها من أجدادنا وشفنا علم غيرنا وتعلمنا منهم


وحد إنك قلت لي عن الشاهين البيلز وأنت عارف بها تكفيني هالمعلومه ويكفيني إنك عارف إنه بوه شواهين بهالحجم

مسأله طير يمر بالجزيره العربيه ما قد سمعت أكثر من مقاس إنش ١٦ شاهين
وهذا أقصى مقاس شفته مطروح بالجزيره العربيه

وللمعلوميه ما يمر الجزيره العربيه إلا سلالتين أو ثلاث من السلالات إلي يقال عنها بحريه وأحجامها ما تصل لل١٦ وتعتبر من النوادر وكلامك صحيح في هذه النقطه

تحياتي لك

[جير دبي]

مرحبا بالربع كلن باسمه ..
موضوع له وزنه من ناحيه اختلاف الاراء .
. وانا من خلال قرآتي المتكرره لنفس هذا الموضوع ,
وخاصه التي تصل الينا كهجره .
فاني افيدكم :الشاهين، ويُعرف أحيانا باسم الصقر الجوّال،
الشيهانه عند أهل الخليج العربي،و يشمل موطن التفريخ عند الشاهين
مناطق شاسعة تمتد من التوندرا القطبيّة وصولا إلى خط الاستواء،
ويمكن العثور على هذا النوع في أي مكان على وجه الكرة الأرضية تقريبا،
عدا أقصى القطبين والجبال الشاهقة ومعظم غابات الأمطار الاستوائية.

http://im18.gulfup.com/2012-06-04/1338808354391.png (http://www.gulfup.com/show/X6r2lq44b7ro2)أصفر: زائر صيفي للتكاثر

أخضر: مقيم متكاثر

أزرق: زائر شتوي

أزرق فاتح: زائر عابر


وكما هو واضح من الناحيه العلميه
يصل طول جسد الشاهين إلى مابين 34 و50 سنتيمتر (13 - 20 إنش)،
ويبلغ باع جناحيه
لما بين حوالي 80 و120 سنتيمتر (31 - 47 إنش) [4].
لكل من الذكر والأنثى علامات وطبقة مماثلة من الريش،
ولكن كما في الكثير من فصائل الجوارح،
فإن الشاهين يُظهر تفاوتا جنسيّا عكسيّا بالنسبة للحجم،
حيث تكون الأنثى أكبر حجما من الذكر بنسبة 30% .
يزن ذكر الشاهين مابين 440 و750 غراما،
بينما تزن الأنثى الأكبر حجما مابين 910 و1500 غرام.

http://im18.gulfup.com/2012-06-04/1338808354923.jpg (http://www.gulfup.com/show/X6r2m51kk80md)

[اقدم صقار]

السلام عليكم

اليوم وانا ابحث في المنتدى لقيت موضوع قديم منزله سرهيد1 عام 2005 م قبل حوالي سبع سنوات

وبصراحه بحث جاهز الله يعطيه العافيه وكل من يقرى

بدون ما اطول عليكم اليكم الرابط للفائده

http://www.mekshat.com/vb/showthread.php?t=35198 (http://www.mekshat.com/vb/showthread.php?t=35198)

اخوكم ابو منصور