الاخ اصيل حجازي محتاج مساعدتك

[anantaleb]

الاخ اصيل حجازي بارك الله فيك
ماشاء الله انا قرات مواضيعك و باين انك فاهم و استاذ في السيارات الله ينور عليك

ادخل في موضوعي بسرعة

انا عندي سيارة كرسيدا موديل 95 و عزمها طايح خصوصا في الطريق الطلوع مثل الهدا
و فيها حرارة السيارة
ابغى اقولك و ش غيرت فيها عشان تتضح الصورة و نوصل للمشكلة لاني تعبت من ابو هنود الفاشلين
غيرت راس المكينة وموية السيارة ولله الحمد ثابتة ما تنقص
غيرت طبات الموية اللي حول المكينة
غيرت رديتر المونيوم عريض
غيرت كربوريتر جديد
غيرت طرمبة الموية
غيرت صحن و دسك

المشكلة اني احس ان السيارة لما تسرع فيها مخنوقة و المكينة ما هي ماخذة راحتها بالخط و تحس ان المكينة تبغى تنفجر من كثر صوتها

ابغى منك طلبين الله لا يهينك
الاول طريقة توصيلات خراطيم الكربوريتر الصحيحة لاني شاكك فيها
و صورة توضحلي فيها طريقة وزن الهواء و البنزين

و الثانية ابغى اوزن الديلكو بنفسي لكن على اي درجة اوزنه يعني من 0-4 و لا من 4-8 ولاكيف

البواجي ايش اللي يناسب سيارتي لاني انا بصراحة اخذ بواجي ولا اعرف انه في بواجي تناسب سيارات و سيارات لا
واي نصلئح اخرى تفيدني فيها الله يوفقك لاني والله العظيم قرفت حالي مع الميكانيكية
واسف على الاطالة

[anantaleb]

يا اخوان اريد اهل الخبرة بالمنتدى يساعدوني لاني حاولت اوزن الديلكو و ما تعدل شي في عزم السيارة و لا تاثرت الحرارة بشىء

وكما الكربوريتر حاولت اوزن الهواء و البنزين بس ما عرفت

ساعدوني ارجوكم

[الحارثى محمد]

السلام عليكم
انا ماعندى خبرة فى وزن الديلوك رغم انى اتذكر بان اللى فى سيارتك اكترونى
عموما
تأكد من مروحه التبريد بأنها أصليه وما تكون تجارى
تأكد بأنك غيرت الديسك والكلشت لان صوت السيارة اذا كان اعلا من آدائها فهذا ديسك وكلشت

[anantaleb]

وين الشباب الطيبة تكفون نبي فزعتكم يا اخوان انتظر ردودكم وين الاخ اصيل حجازي

[anantaleb]

وين الشباب الطيبة تكفون نبي فزعتكم يا اخوان انتظر ردودكم وين الاخ اصيل حجازي

[أصيل حجآ زي]

أخي الكريم :
أعذُرني ما أرجع البيت الا وسط الليل مشغول جدآ .


الشيء الأخر يبدو لي أن موزع الشرآرة { الديلكو } ما هو موزون صح 100% .
أو ما هو رآكب صح { عمودهُ اللي يسقــُط دآخل المُحرك من فوق } .


هذي عدة دروس لي أن شــــاء الله تفيدك وتشفي غليلك وتجد بها دليلك
خآصة أول درس وتجد به روآبط أشرطة مُفيدة
الوزن ليس بالضرورة على 4 أو 8 أو 10 هو والسيآرة جديدة يكون بين 0 و 4
ومع الزمن وتدهوّر { عمر } حآلة المُتحرك يتجه صعودآ الى 8 وعشرة وهكذا دوآليك :
تـعـلـم كـيـف تـوزن توقيت الشرآرة بمُحركك (وزن موزع الأشـعـل/الديلكو) Adjust Ignition (http://www.mekshat.com/vb/showthread.php?t=225333) http://www.the-transmission-center.com/look.gif (http://www.transmissioncenter.net/highperflist.htm)




نـظـآ م الأشـتـعـآ ل لـمُحركآت الأشتعآ ل ا لدآخليIngnition System (http://www.mekshat.com/vb/showthread.php?t=216629)





ســُرعـة ا لـخـمـول ا لـعـآ لـيـة و ا لـو آ طية (حـقـآئق مُهمة) Fast & Low Idle Speed (http://www.mekshat.com/vb/showthread.php?t=225235)





كـيـف نــُعـدل ســُـرعة الخمول في مـحـركآت البخآخـآتInjector Idle Adjustment ؟؟؟؟؟؟؟ (http://www.mekshat.com/vb/showthread.php?t=388275)





كيف تصيد الخلل وكيف تصون وكيف توزن نظآم الأشعآل ؟؟؟ بالصور وأهم شيء الأشرطة للجميع . (http://www.mekshat.com/vb/showthread.php?t=405266)




لمــُغـذي الوقود { الــمــُكـربن / الكربريتر carburetor } تدلل :
كيف توزن / تعدل / تصلح / توضب / تصون مـُغدي الوقود { الكربريتر carburetor } ؟؟؟؟؟؟؟ (http://www.mekshat.com/vb/showthread.php?t=433423)



كيف تفحص ضغط الوقود لسيآرتك لتتخلص من التفتفة خآصة بالسُرعآت العآلية 77 كلم +؟؟؟؟؟؟؟ (http://www.mekshat.com/vb/showthread.php?t=436855)

[anantaleb]

انا كنت داري انك ما رح تقصر يا اخ اصيل والله انك اصيل بشوف الاشرطة و الدروس اللي انت حاططها و اذا في شي انا متاكد انك ما رح تقصر

[أصيل حجآ زي]

انا كنت داري انك ما رح تقصر يا اخ اصيل والله انك اصيل بشوف الاشرطة و الدروس اللي انت حاططها و اذا في شي انا متاكد انك ما رح تقصر


حـــــآضرين يــــآعــــم .


بس المعذرة لو تــأخرت عليك .
شـــُف الوقت السآعة 3:13 الفجر .

ما أرجع البيت الا مـُنتصف الليل .
وكثير من الليآلي ما أقدر أدخــُل الخيمة .

[anantaleb]

شكرا لك اخ ااصيل

بس ما قدرت استفيد من الاشرطة الخاصة بالكربوريتر الا قليل جدا لاني محتاج لكربوريتر الكرسيدا فيه مسامير تضبط الهواء و البنزين ممكن توريني اياها لو سمحت

الشي الثاني انا وزنت بداية الشرارة ما بين 0-5 و حاولت اوزن الديلكو بس ما افرقت معاي بشء في العزم هل تنصحني بشي اخر

هل تنصحني اركب مروحتين كهرباء بدل المروحة الميكانيكية في الكرسيدا و هل لها فايدة كبيرة على الحرارة

على كل حال انا بنزل صور للكربوريتر و توصيلاته اذا تقدر تساعدني

واسف لاني ازعجتك

[مركز حراره]

متى ترتفع الحراره

[anantaleb]

ترتفع لما اكون واقف بالزحمة او على اشارة و خصوصا لما اكون مشغل المكيف ترتفع للنص واذا طولت بالزحمة ترتفع اكثر من النص
ولما تمشي السيارة تنزل الحرارة للثلث بالمكيف او بدون في النهار اما في الليل فتنزل الى حد شرطتين او ثلاث

انا متردد اركب مراوح كهرباء بدل اللي في المكينة ولا اغيرها
لاني لاحظت ان المروحة كان شفراتها مقصوصة او صغار شوي

الرديتر نظيف و المونيون خط واحد عريض اردني, جبت ابو ثلاثة خط نحاس و على الفاضي ما نفعني بشي

انا اول ما شريتها قبل ثلاث سنوات كانت اذا عزمها شديد تلقى الحرارة طايحة مررة و اذا عزمها طاح ارتفعت الحرارة , غيرت راس مكينة و غيرت رديتر و غيرت صحن ودسك و غيرت اخر شي الكربريتر و مافي فايدة عزمها طايح
ما ادري وش اسوي

[الحارثى محمد]

ترتفع لما اكون واقف بالزحمة او على اشارة و خصوصا لما اكون مشغل المكيف ترتفع للنص واذا طولت بالزحمة ترتفع اكثر من النص
ولما تمشي السيارة تنزل الحرارة للثلث بالمكيف او بدون في النهار اما في الليل فتنزل الى حد شرطتين او ثلاث

انا متردد اركب مراوح كهرباء بدل اللي في المكينة ولا اغيرها
لاني لاحظت ان المروحة كان شفراتها مقصوصة او صغار شوي

الرديتر نظيف و المونيون خط واحد عريض اردني, جبت ابو ثلاثة خط نحاس و على الفاضي ما نفعني بشي

انا اول ما شريتها قبل ثلاث سنوات كانت اذا عزمها شديد تلقى الحرارة طايحة مررة و اذا عزمها طاح ارتفعت الحرارة , غيرت راس مكينة و غيرت رديتر و غيرت صحن ودسك و غيرت اخر شي الكربريتر و مافي فايدة عزمها طايح
ما ادري وش اسوي
هل شيكت على المروحه
هل هى اصليه او تجاريه
وكذلك شيك على كلشت المروحه او اتوماتيك المروحه
؟؟
فبعضها تحتاج الى كبس بحيث تصبح سرعتها مرتبطه بسرعة المحرك تعمل معه وتتوقف معه

المروحه اللى اقصدها مروحة التبريد اللى امام الرديتر