الطير بأستمرار يكفخ ولايركد حتى على الوكر

[ابرق الحرار]

طير عيبه انه مايركد على الوكر ماهو الاهم لتلافي ذلك في المستقبل

[نوووماس]

السلام عليكم ورحمه الله وبركاته
مساك الله بالخير اخوي ابرق الحرار
تأكد ممكن الطير فيه ضعف وهاذا يخلي الطير مايركد
لا بالتكيه ولا على الوكر وممكن اسباب ثانيه
الاخوان مايقصرون
تقبل مروري

[صقارعزاااام]

يمكن وحش ولا درب

[صقرالحروب]

الطير ناقصه تدهيل وباقي فيه وحاشه انقله باستمرار لفترات طويله وهذا الكلام طبقه بعد الربطه اللحين وقت ربطه

[فزعة الصياح]

الأسباب كثيرة لكن أنا أشوف حرارة الجو لها دور كبير وتضايق الطير, ويمكن طيرك لاحقه حر دامه يكافخ حتى على وكره

والأخوان فيهم الخير والبركة ويفيدونك أكثر

تقبل مروري

دمت بود وعافيه.

[ابرق الحرار]

الطير له سنة وزيادة لكن الطير اشتريته وهو على الوضعيه هذي هداده طيب وينزل النقل من الحوم ولايجفل لكن هذا عيبه

[جلاد الحباري]

بعضهن طبيعة فيه راكد على اليد والتكاية مسمار وعلى الوكر مروحة وهذا حال الطير اللي عندي الحين

[المسرع]

ما معاك الا تسويله زنزانه هذا هو اخر العلاج

[ابرق الحرار]

صباح الخير ياخوي المسرع اول شى هدي السرعة الله يجزاك خير والثانيه الطير يباله صبر مهما صار وهذا طبع الطير من وقت ماشتريته وهذا من تدريبه من الاساس وشكرا على مرورك السريع جدا

[saqr34]

ابرق الحرار اذا كنت تعيش على الساحل رح يم البحر وركز ماقعة الطير داخل البحر بحيث ان طرف الماقعه يكون خارج المويه ثم بعدين اقرب على الطير وخله يكفخ اذا كفخ بيطب جوا البحر يجلس يسبح ويشرب من البحر ويرجع على ركيزته اقرب منه مره مرتين حتى يطيح الي براسه سوها ثلاث ايام متواصله ان شاء الله تشووف التغيير الطريقه مجربه وناجحه 80 % .. تحياتي

[صقار الفويلق]

الله ولعالم ان الطير حاصله خلعه قويه

وهو وحش من واحد غشيم وبتل الطير عليها

[المسرع]

الزنزانه يا طويل العمر هي انك تربطه في تكايه المجلس ويكون مربطه قصير جداجدا بحيث انه لو كفخ لا يتعدا التكايه يكون فوق التكايه وترش عليه ماء بارد خفيف وخله في وسط البيت بحيث تكون الحركه كثيره وخل اللي في راسه يطلع

[عواد الشمري2]

ابرق الحرار اذا كنت تعيش على الساحل رح يم البحر وركز ماقعة الطير داخل البحر بحيث ان طرف الماقعه يكون خارج المويه ثم بعدين اقرب على الطير وخله يكفخ اذا كفخ بيطب جوا البحر يجلس يسبح ويشرب من البحر ويرجع على ركيزته اقرب منه مره مرتين حتى يطيح الي براسه سوها ثلاث ايام متواصله ان شاء الله تشووف التغيير الطريقه مجربه وناجحه 80 % .. تحياتي

:good2::good2::D