حل المشكله

[العمير]

اسعد الله اوقاتكم
اسئل ياشباب عن حل هالمشكله في سيارتي جيب gxr وهي رجه على سرعة 110 كم وما فوق وقد عملنا ترصيص وتغيير الهوبات الاربعه دون فائده،،،
ارجو من مرت عليه هذه المشكله لا يبخل علينا وجزاكم الله خيرا

[ددسن مسدرك]

هلا بالغالي ..

شوف يا حبيبي يمقن يصير عمود الكردان يبيله ترصيص و يمقن لا

أو إن أحد الكفرات فيها طعجة خفيفة شيك عليها عند البيت..

[مافيه نك]

اذا تحس الرجه في البودي فهي من العامود ( اذا كان قير عادي اول شي فك عامود الدبل وجرب بدونه )

اذا تماتيك افحصه

[ابوراكان تبوك]

اذا الرجه مستمره بعد 110 اول شيء بدل الكفرات اللي ورا حطها قدام وجرب
بعدها افحص العمدان والعكوس
آخر شيء الاذرعه
هاذي الاشياء المعروفة اي خلل فيها يسبب رجه
ونتمنى اذا انتهت المشكلة تبلغنا بالسبب للفائدة

موووووووووووووفق

[يكفيني نظرة]

* اسباب الرجه بالموتر :
1- عدم وجود الترصيص او سقوطه ( بسبب ملئ الكفر بالهواء ومع المطبات والحفر يسقط الترصيص).
2- التحبيل (التنفيخ) وجود منطقه بارزه عن غيرها.
3- وقوف الكفر لمدة طويلة فيصبح مكان الوقوف بالدعسه مستوي وليس مدور ..
4- اتساع فتحة الفلنجه (الدائرة اللي وسط الصواميل)( وحلها توضع قطعه المونيوم داخلها من عند المخرطه).
5- وجود ضربة بالجنط او عفط.
6- الهوبات التالفه.
7- تلف رمان العكس.
8- انحناء عمود الكردان .
9- انحناء عمود الدبل.
10- اذا كانت الرقعه كبيره بالكفر تسبب رجه (عندي واحد من كفرات البريللي حق الوكاله كذا).